【馮仁昭四圍超】千嬅發掘潛能 Torres愛扮BIGBANG
1 :
GS(14)@2016-01-05 08:31:26■楊千嬅話發掘到囝囝有跳舞潛能，仲諗住送佢去跟Sunny Wong學跳舞。
楊千嬅噚日以頒獎嘉賓身份去到金鐘添馬公園出席「童跑同樂馬拉松」活動，同場仲有歐陽妙芝帶埋大仔方玉丞、區永權一家、胡諾言同囡囡一齊參加，可惜天公不造美，不過千嬅就主動放低把遮冒雨頒獎。
「《寒冰掌》佢都識唱」
千嬅在場同大家分享親子關係，佢話平時會陪囝囝Torres玩室內活動，戶外活動就交畀爸爸丁子高負責。千嬅因為上年工作太忙，冇乜時間陪囝囝，所以會趁送仔上興趣班途中加深了解：「早排陪佢去體操堂，發現囝囝識打觔斗。」
■楊千嬅爆囝囝鍾意BIGBANG，成日扮佢哋唱《I am Loser》。
千嬅仲話發掘到囝囝有跳舞潛能，諗住等再大啲就送佢去跟Sunny Wong學跳舞，訓練協調性，但唔會催谷。而Torres試過模仿爸爸以前喺VRF唱歌跳舞，模仿力好好，千嬅笑話：「《寒冰掌》佢都識唱，囝囝又鍾意BIGBANG，成日唱《I am Loser》。」同場嘅歐陽妙芝就指自己近排肥咗啲：「肥咗6磅，噚日黃佩霞先送瑜伽衫畀我，嚟緊報咗學鋼管舞。」係咪想畀驚喜老公？佢話：「係畀自己，啲跳舞衫好緊，要提醒自己唔可以有半點肥肉。」撰文：馮仁昭
來源:
http://hk.apple.nextmedia.com/entertainment/art/20160104/19437789
【星．時尚】千嬅撐faux fur
1 :
GS(14)@2016-01-06 14:47:41楊千嬅前日早上出席兒童馬拉松活動，當日朝早下細雨，氣溫清涼，身穿大會tee的千嬅都披上毛毛風褸禦寒。這件驟看似皮草的風褸，其實由長毛絨所製的faux fur，集華麗及運動風於一身，重點是以身作則，拒穿殘害動物的真皮草，認真抵讚！
■徐濠縈有NikeLab X Sacai同款長毛絨風褸。
MSGM拼色羊駝大褸減價後$3,480/Lane Crawford
Faux fur價錢好抵玩，最大力推崇的有英倫女設計師Stella McCartney，她在2015秋冬設計出全白長毛絨外套及毛毛帽，星級環保代表還有徐濠縈，她與千嬅穿同款褸。來到季尾的減價時份，不妨趁低吸納各大品牌的faux fur長青單品。
Shrimps人造皮草褸減價後 $4,119（matchesfashion.com）
Dries Van Noten人造皮草披肩減價後 $2,350
Stella McCartney2015 FW
撰文：StyleGuru
來源:
http://hk.apple.nextmedia.com/entertainment/art/20160105/19438848
乜都肯制：千嬅仆倒老公救駕
1 :
GS(14)@2016-01-15 17:33:03楊千嬅俾牛撞
藝人北上搵真銀，不時參與內地真人騷節目，上山下海，這些錢真是賺來不易。
衛詩雅墮冰河
上月參與內地衛視真人騷節目《怒放霸王花》，到海拔三千多米高的雙橋溝景區進行野外求生比賽，她拍攝時跌落冰河暈一暈。
楊千嬅俾牛撞
去年8月千嬅與老公丁子高參加《極速前進2》，其中一個任務要他們參與西班牙鬥牛，當時一隻牛從背後撞向千嬅，她仆倒地上，丁子高奮不顧身勇救千嬅。
曾寶儀染細菌
去年7月與父親曾志偉同樣參加《極速前進2》時，拍一場水中錄影疑因水池不乾淨，導致骨盆細菌感染，要緊急開刀做手術。
吳鎮宇子眼受傷
前年吳鎮宇與囝囝Feynman參與內地《爸爸去哪兒2》，到新西蘭拍攝外景時，Feynman眼部受傷要縫針。
蔡卓妍險半癱
13年阿Sa參與跳水節目《中國星跳躍》時，跳水失手撻生魚直插落水，傷腰部舊患，經國家跳水隊醫生診治後，聲稱萬一再失手會有腰椎移位風險，下半身隨時癱瘓。
李彩華撻出淚
13年參加跳水節目《星跳水立方》，跳水時也撻生魚撻落水面，雖沒有嚴重受傷，但就痛得大哭出來。
來源:
http://hk.apple.nextmedia.com/entertainment/art/20160115/19452527
金像獎甘做陪襯千嬅《哪一天》降呢逐女配
1 :
GS(14)@2016-01-18 14:45:29第35屆香港電影金像獎第一輪入圍電影投票已經開始，入圍名單將於今月底的金像獎記者會公佈。值得慶幸的是預視香港未來的電影《十年》剛好符合報名資格，但奇怪的是黃修平導演的電影《哪一天我們會飛》，當中兩位男、女主角林海峰與楊千嬅，竟然「降呢」報名角逐最佳男、女配角獎項，反而戲中兩位年輕演員蘇麗珊與游學修，則獲報名角逐最佳男、女主角獎。
■楊千嬅大豐收，憑另一部感人電影《五個小孩的校長》報名角逐女主角。劇照
■黃修平認為不分主角配角，統一選最佳演員亦很可取。資料圖片
開心票房口碑有回報
目前仍然在放大假的楊千嬅昨日透過經理人林珊珊，以WhatsApp回應有關金像獎報名，她說：「冇問題，好事嚟，其實共識咗千嬅會提名女配角。首先修平寫嘅故事同出發點，係從兩個後生版小朋友，一路去到佢哋成年嘅故事，所以着筆嘅時候實在兩個後生仔先係故事嘅大骨幹，接拍時千嬅都已經知道，而且報名喺電影公司負責。」林珊珊表示成件都是開心事，因為千嬅今年接拍到兩部有意義的電影，更開心是在票房跟口碑都有回報。除了《哪一天我們會飛》之外，千嬅憑另一部主演的電影《五個小孩的校長》報名金像獎最佳女主角獎。導演黃修平亦都在facebook回應，認為提名不應該有主角及配角之分，統一為最佳男、女演員，對所有演員都會較公平及少了爭拗。
■蘇麗珊跟游學修戲假情真，戲外亦成為情侶。劇照
另一方面，在《哪一天我們會飛》中演少女版楊千嬅的蘇麗珊表示，報名那一項提名，主動權在電影公司。對於昨日有報道指她牽涉四角戀，一面拖舊男友，另一方面又跟游學修拍拖，蘇麗珊否認有關報道，並強調：「係完咗一段感情，至開始呢一段感情。」採訪：李森
來源:
http://hk.apple.nextmedia.com/entertainment/art/20160116/19454077
千嬅澄清唔用簡體字貼文
1 :
GS(14)@2016-01-18 19:01:28楊千嬅昨日於Instagram上載一張同老公丁子高的合照，原來她終於可以同老公休息吓，出外旅遊，他們到了韓國享受美食和瘋狂逛街。可是千嬅卻因助手於facebook上載有關她奪得「亞洲傑出女性大獎」的貼文，令她不吐不快。她說：「基本上我從來沒有用這個facebook account，那是公司的account，那段news是我的助手April post的，加上我對簡體字運用不太靈活，避免詞不達意，主要還是用繁體字分享。」千嬅稱為了不想支持者誤會，所以要親說明白：「過去的我和現在的我都是一樣，人是成長了，但性格是不會變的。但還是抱歉，我日後不會那麼容易將這些網上公眾平台戶口給別人處理，我定會親自調整。」有粉絲看到她的留言，亦贊成其做法，還留言叫她玩得開心些。撰文：靜楠
來源:
http://hk.apple.nextmedia.com/entertainment/art/20160118/19456162
千嬅嘆茶揀袋Torres打機解悶
1 :
GS(14)@2016-01-24 17:07:19【笑晒】■楊千嬅前日帶囝囝Torres去置地行街，仲一邊行一邊有講有笑。
【中環】潮媽楊千嬅帶囝囝出動，多數喜歡孭背囊，貪佢夠大乜都放晒入去，又可以騰出雙手自由活動。千嬅前日又帶住約3歲囝囝丁進諾（Torres）去中環置地行街，同行仲有外傭同助手，一行四人入咗Alexander McQueen度血拼，素顏嘅千嬅主攻新款背囊，店員識做奉上熱飲，咁千嬅就慢慢嘆茶同揀袋，河童頭嘅Torres就由外傭陪住坐沙發打機，母子各有各忙。千嬅快靚正揀啱心頭好，立即叫店員埋單，其間佢獲悉有記者拍攝，千嬅馬上將當頭箍嘅太陽鏡戴番，跟住就由助手代攞戰利品離開。千嬅一馬當先開路，外傭就抱住Torres，精靈嘅Torres就手指指記者，認真又老積咁話：「唔好影相。」好鬼醒目。
【氹仔】■千嬅前日帶住河童頭嘅囝囝Torres去置地血拼。
【打機】■媽咪千嬅專心揀包包，囝囝Torres就乖乖坐埋一邊打機等候。
【速閃】■千嬅（右二）前日出動，大有收穫離開，由助手代攞戰利品。
【吹水】■趙曾學韞（右）撞見千嬅，兩人即站喺路邊吹水。
遇趙太吹水
千嬅一行人跟住向雪廠街方向行去，由於外面正落雨，助手為外傭同Torres擔遮，Torres就一直望實記者鏡頭，佢再次指住叫唔好影相。其後佢哋喺街上又撞到着住皮草嘅名媛趙曾學韞，趙太同千嬅企埋一邊吹咗一陣水，千嬅同佢握一握手先離開，跟住佢哋急步行咗去上保母車走人。採訪、攝影：羅德光
來源:
http://hk.apple.nextmedia.com/entertainment/art/20160124/19464514
千嬅祝蔡一傑撞嘢
1 :
GS(14)@2016-02-04 17:24:32楊千嬅、林嘉欣、王菀之、鄭伊健、草蜢和C AllStar日前出席老闆林建岳特別設下祝捷慰勞宴兼與團年，他們還帶了不少獎項齊齊晒冷，同時更為在2月生日的千嬅和蔡一傑提早慶祝生日，見到經理人林珊珊等人準備的生日蛋糕，千嬅笑說：「我估唔到公司咁有心思，真係多謝晒大家，舊年喺大家努力下有好成績，希望今年繼續努力超越。」生日願望，千嬅坦言當然希望大家身體健康，她將會與家人外遊，要放一個悠長假期！蔡一傑亦說：「我送咗一份生日大禮畀自己，我會跟住麥當娜走埠巡演睇騷，生日願望亦都希望身體健康！」聽到他表示正日生日會獨自食飯慶祝，在旁的千嬅笑說：「你撞吓撞吓可能撞到啲嘢嘅。」傑仔即說：「希望撞吓撞吓有啲艷遇，我都希望呀，承你貴言！」撰文：唐琛悠
來源:
http://hk.apple.nextmedia.com/entertainment/art/20160204/19477958
千嬅澳門睇第三次
1 :
GS(14)@2016-02-08 03:24:41今日台北第二場演唱會後，麥當娜會去曼谷、東京，17、18日香港之後，20及21日便會到澳門何猷龍的新濠影滙開騷，昨日新濠的官方微博表示會在場地加座位。而澳門這一站吸引了不少城中名人撲飛，如梁家輝、楊千嬅夫婦、任達華夫婦、鍾麗緹、古巨基及蔡卓妍等。
■鍾麗緹視娜姐為終身偶像，將帶男友張倫碩捧場。
千嬅表示這是第三次看娜姐巡迴：「第一次喺米蘭，之後同丁生喺東京睇，佢係藝人嘅榜樣。」鍾麗緹就會帶男友張倫碩做伴：「我14歲第一次聽佢《Like a Virgin》，就認定佢係終身偶像。」撰文：唐如
來源:
http://hk.apple.nextmedia.com/entertainment/art/20160206/19481847
千嬅怕咗囝囝擺甫
1 :
GS(14)@2016-04-18 12:12:27楊千嬅昨日在科學園擔任「Earth Day Run2016」活動的鳴槍嘉賓，原本她參加三公里馬拉松賽，但因感冒而退賽，而雨僑、曾淑雅（Jumbo）、林奕匡、黃浩琳及羅孝勇則參加十公里賽，他們均安全返回終點。千嬅表示為保持體質照顧兒子Torres，不想勉強去跑。她又爆Torres最近愛上擺甫士影相：「仲要永遠都唔會望鏡頭，只會側側哋望旁邊，已經唔敢畀佢睇雜誌，驚佢學埋媽咪擺女人甫士。」此外，雨僑左大腿貼了運動肌肉貼布，帶傷上陣的她，成藝人參賽者中成績最差，雨僑笑言男友羅力威事前曾叮囑她不要受傷，反正成績相差不遠。採訪：馬建華攝影：陳順禎
來源:
http://hk.apple.nextmedia.com/entertainment/art/20160418/19575267
Next Page