財經CAREFREE - 順叔 誰來買A股(上) (2012年08月23日)
1 :
GS(14)@2012-08-23 12:16:19http://www.am730.com.hk/article.php?article=118142&d=1827
每逢乾溏，好似呢期咁，最好解決方法，就係開大市，內地A股唔識郁，H股都冇運行，講嚇阿公振極唔起的內地股市，順便講嚇啲A股ABC。
話說早排恆生銀行(011)入咗股的興業銀行，建議用50億元(人民幣，下同)，在上海陸家嘴買物業做辦公室，消息傳出冇耐，有個私募基金經理，叫崔軍，發起小股東「維權」活動，寄咗封公開信俾大小傳媒，通知股東，否決呢單磚頭交易，因為興業銀行市值，已經跌破資產淨值，內地股市術語叫做「破淨」，認為興業銀行用50個億，回購公司股票，更有價值咁話。
呢位崔生，行為叫做比較出位，對上一次維權行動，包括在舊年反對招商銀行(3968)的供股大計，仲建議招行，向啱啱入咗股美國銀行的巴郡主席巴菲特出售新股，佢仲特登將入股招行又平又靚的建議書，掟咗俾股神。
至於包括興業銀行在內的內地商業銀行，早一兩年，先排隊完成一個二個的供股批股等行動，啱啱先所謂「擴股增資」，中國銀監會又話，要收緊資本限制，如果興業銀行轉個頭，以真金白銀回購自己股票，可能又俾人唱佢玩泥沙。
不過，對於崔軍的建議，大家又不妨諗嚇，國控企業，又真係好少聽到有回購股份，其他要動用阿公荷包、在淡市中常見的資本市場活動，包括私有化(講緊大股東買返曬啲街貨)、大股東增持等等，亦都相當少見。
中國證監會主席郭樹清，既然日日高呼A股抵買，但殘市中，最自然的購買力，在國企大股東身上唔係咁見到。
阿公下面班國企大股東唔出手，不過又四圍咁撲水搵新水喉射住A股，增加市場購買力新來源的工作，年頭做到依家都未停過。
近排A股最多人注意的開水喉新搞作，叫做「轉融通」，可以簡單理解為做孖展沽空(內地叫做「融資融券」)的中介融資活動。
阿公舊年搞咗間「中國證券金融公司」，證券行要大做孖展沽空生意，要向「中國證券金融公司」借錢，再借俾客仔，故叫做「轉融通」，其實變相由一個壟斷性的國控中介機構，做獨市生意之餘，又做埋監管機構，睇住孖展沽空呢類高危活動。
以阿公睇場的風格，沽空唔會放得太快，孖展可能放手多啲，聽講「中國證券金融公司」就快發債集資，開展「轉融通」業務，從初步集資額，可以約略估計到有幾多新錢，放數俾證券行做孖展生意，既係一條A股新水喉，又可以幫證券公司開多盤新生意。
至於另外一條水喉，打緊打工仔的主意，中國驚國企老總一手都係公司認股權，變得太資本主義、太追逐短期增長，唔係咁多國企央企的高層引入所謂的「股權激勵計劃」。
中證監最近就諮詢緊市場意見，容許上市公司的員工，選擇收股票，以代替部分薪金，上限係三成，交由託管金融機構，在公開市場，買入自己間公司的股票，作為長期持有。
講到可以為股市，帶嚟過千億銀的新購買力，不過，順叔唔係咁明白，中證監有冇諗過，打工仔真係對自己間公司啲股票咁有信心？
點解唔出咗糧之後，自己去掃貨，雖然都係冇折頭，但係最少冇禁售期限制，有少少頭，可能新例出咗之後，有公司冇錢出糧，可以大條道理以股代薪，焗班伙記收公仔紙。
中國仲有一條大水喉，叫做儲蓄，包括以萬億銀計的各種社會保險資金(唔同由阿公管理，到依家都冇講過未來會點用的「全國社保基金」)，幾年前，上海社保案之後，幾乎全部放曬落銀行做定期存款收息，近排有跡象顯示，阿公會放部分出嚟投資在證券市場。
例如廣東省約有一千億元的社保養老金，已經試點式委託全國社保基金管理，最近國家審計局，就全國各地的社保資金，做咗個大起底，呢劑史無前例的大查數，可能係逐步放行的先兆。
下回再續。
財經CAREFREE - 順叔 誰來買A股(下) (2012年08月24日)
1 :
GS(14)@2012-08-24 10:47:24http://www.am730.com.hk/article.php?article=118565&d=1828
上回講到，阿公今年落柯打要「提振股市信心」，但A股振極振唔起，中國證監會開新水喉包括孖展炒股，氹上市公司打工仔以股代薪，仲有準備放小小各項社會保障資金入證券市場。
另外一樣一路做緊的，包括加大QFII(合資格境外機構投資者)的投資額度及數目，搬外匯買股票，RQFII(人民幣合資格境外機構投資者)亦鬆咗章，放幾條水喉落香港的離岸人仔資金池，接駁入A股市場。
RQFII對香港散戶比較有影響的，包括未來可能會大量出現以人民幣計價的跨境ETF(交易所買賣基金)，依家掛牌得此一間，叫做華夏滬深300(83188)，而下個星期應該會有多兩隻，包括係易方達中證100A股指數(83100)同埋南方富時中國A50 (82822)。
睇呢幾隻ETF個名，幾乎已經知道係乜，發行人多數係容易攞到通行證的中.資機構，而ETF所追蹤的亦係主要A股指數，例如華夏滬深300，就係透過直接買入滬深300指數的成分股A股，達到複製A股指數升跌的效果。
在香港用人仔買賣的證券，始終冇咁方便，其實做多一個手續，都可能令好多散戶冇曬興趣。
例如，華夏滬深300上市成個月，到依家成交仍然算不上活躍，香港散戶熟口熟面，鍾意用港幣交易的安碩A50中國(2823)，同樣係追蹤A股表現的ETF，而成交金額仍然長居十大，不過隨著A股跨境ETF的出現，有幾個必然出現的趨勢，大家可以留意嚇。
首先，例如A股ETF的發行人擁有RQFII的投資額度，可以真心白銀買入A股，而安碩A50唔係股票，散戶買咗，查實坐住一堆結構性衍生產品，先唔講技術細節，唔計作為發行人的歐資金融機構有幾穩健，安碩A50的交易對手風險亦較高，放長少少，安碩A50在以前旺市時高溢價的情景未來好難出現，競爭力亦會逐漸打折扣。
A股同埋H股，同股同權同公司，但唔少仲有好大差價，例如廣州藥業(874)A股股價，計埋匯率因素，等如H股的一倍，以前冇咁多QFII同埋QDII(合資格境內機構投資者)，少數可以在中港股市行走自如，套戥AH股溢價的，只有社保基金同埋匯金呢類阿公基金，仲有就係國企的母公司，不過可能呢個行為嘅「政治唔正確」，一直冇乜人咁做，當大量跨境ETF出現之後，好多發行人及基金公司變相有咗套戥的能力，A及H股之間的價格差距，仲會收窄得更快。
人仔目前的升值潛力已經無幾年前咁吸引，若果純粹比較橙柑橘的話，估值極殘、冇爆煲風險又較A股有大折讓的H股，著數過A股ETF，又方便又唔使被人賺管理費；而冇咁方便的A股指數ETF，又著數過安碩A50。講咗咁多條A股新水喉，可能都係嘥時間，大跌市時候，最自然的購買力好多時來自大股東增持或者公司回購的最好時機，中證監月前都有「鼓勵」有現金有條件的上市公司回購，不過，國企當中唔見有乜動靜。
股市殘到無倫，大股東見到外人見唔到的價值，會索性成間上市公司私有化咗佢， 故此，在2002年底至2003年初幾個月，港股出現上市公司私有化的個案，仲多過新股上市的數目，望返轉頭，就係股市見底的一個重要訊號。
幾年前，中國移動(941)經建議回購一定數量的股票，中國石油(857)的母公司，同埋國企巨銀大股東的匯金，亦有作象徵式的增持行動。
但整體嚟講，國控企業甚少見到呢類動作，國企私有化的個案，更加絕無僅有，例如中國石化(386)下面養住一大抽乜乜石化，講私有化最少十年八年，香港亦有唔少殭屍級的紅籌國控資產，明明喺度獻世，大股東(即係阿公)都冇話做私有化。
國企私有化退市，可能涉及到國進民退的爭議，屬於極罕見動作，不過，公司回購及大股東增持，查實係最自然的市場動作，國企母公司大股東，既最瞭解A股公司的真正價值，理論上亦有雄厚資金增持，一個最自然的市場動作，一直未見出現，有可能本身亦係「政策市」的「政策」之一。
AI道德誰來監管？ 怕落後中國 美政府拒嚴管
1 :
GS(14)@2018-03-19 04:11:16【明報專訊】人工智能（AI）科技日新月異，但面對這種新科技，人類正陷於重大的矛盾，既擔心它會過於聰明而讓人類無法駕馭，終演變出科幻電影般的末日災難。與此同時，人類又憂慮AI不夠聰明，應用於自動駕駛、機械臂手術等情况時或會突然失靈，又或欠缺人類的靈活應變。上月初美股急挫拖累環球跌市，很可能由於程式交易已佔美股成交的多部分。交易機構使用的AI演算法相近，觸及某些條件便會同時大舉沽貨，釀成AI股災。
政府監管機構正有意對這種既聰明，又愚蠢的AI技術加以規範。不過科技企業正爭取在監管機構出手前，塑造AI的發展模式。IBM、英特爾（Intel）及代表業界的組織，正尋求建立行為守則及道德規範。然而，批評者認為，科技行業此舉將妨礙各級政府的外部監管，質疑科技企業應否自訂遊戲規則。
IBM英特爾尋求自設規範
總括來說，AI是指模仿智能行為的電腦，分析了大量數據後，計算出如何避免車禍，以至下次可能發生罪案的地點等。對於企業來說，這些AI演算法用途廣泛，可用於評估客戶的貸款風險、工作申請、中風概率等，進而設計出一些財政、醫療等方案，可說是生金蛋的寶庫。因此當紐約市去年8月要求科技企業發布從政府機關使用的演算法源代碼時，科技公司都有所遲疑，稱要保護專利。紐約市最終在12月通過了一個簡化版規範法，沒要求科技企業交出源代碼。
商業秘密作盾牌 監管機構拒門外
向美國國會提供有關AI建議的華盛頓大學法學教授Ryan Calo向《華爾街日報》稱，科技企業以商業秘密為名，令外界無法得知他們在做什麼。然而，這些AI演算法不一定有清楚的邏輯。倘某些AI程式一直拒絕向某個性別，或某個種族的人士提供貸款，那應否被視作歧視？監管機構是否有權審查這些為人類生活作出各種決定的AI演算法？如果算法不知道如何解釋自己的邏輯，那應怎麼辦？奧巴馬前政府曾試圖解決這些問題，由科學和技術政策辦公室發布了有關AI的道德影響白皮書。至特朗普政府上場後，該辦公室仍沒有領導人，員工數目亦由約130人降至45人左右。
規管過嚴 美政府恐削創新能力
特朗普政府如今希望商業帶領AI發展。科學和技術政策辦公室的官員Michael Kratsios稱，政府擔心全面的規管會限制創新，使美國競爭力下降。Kratsios稱，由於中國也在推進AI技術，卻沒有理會太多道德議題，美國政府不會尋求為AI建立廣泛的高層次指導方針，關鍵是創造一個框架，確保下一代偉大技術在美國誕生。
過去6個月，英特爾、IBM和總部位於首都華盛頓的信息技術行業委員會（成員包括facebook、蘋果和Google）等，發布了有關道德使用AI的原則。 微軟1月亦發布了一本關於AI及其社的作用的書籍。2016年，一些科技巨擘在三藩市成立了一個道德組織，名為人工智能伙伴貢獻人類與社會。其他同類組織還包括Open AI、AI Now研究所等。
歐盟已制AI演算法規定
這些組織建議，AI的規範包括要任何AI演算法能向消費者解釋其決策的邏輯。不過此舉相當複雜，因為公司往往無法解釋其被稱為「深度神經網絡」的AI系統如何得出答案。華盛頓大學去年一份報告稱，一種自行學習如何區分狼和赫斯基狗的演算法，似乎只是分析狼圖片上的地面積雪，對動物並沒有任何洞察力。民主、共和兩黨去年12月引入法案，以建立一個諮詢委員會，研究AI的潛在影響。歐盟已制定AI演算法的規定，並將於5月生效。
明報記者 黃展翹
[企業地球村]
來源:
http://www.mpfinance.com/fin/dai ... 3722&issue=20180318
Next Page