龔嘉欣揀定靚衫望攞獎
1 :
GS(14)@2016-12-03 04:42:50龔嘉欣近日憑劇集《幕後玩家》出色的表現，受不少網民大讚演技進步，早前更獲無綫頒獎禮的女配角和飛躍進步獎兩個提名。昨日龔嘉欣到新城訪問時表示感謝各方網民支持，對於頒獎禮，她說：「我都好有信心，希望可以得到一個肯定。」雖然有兩個獎提名，但嘉欣直言最想得女配角獎，又稱已經在準備當晚服飾，預告到時會大騷長腿：「因為要行紅地毯，騷腳會靚啲。」後日就是嘉欣的27歲生日，到時會如何慶祝？她說：「冇乜嘢特別，同屋企人食餐飯。（冇男仔約咩？）真係冇喎，而且下星期開新劇，要拍到過埋農曆新年，完全冇時間。」採訪、攝影：曹家誠
來源:
http://hk.apple.nextmedia.com/entertainment/art/20161203/19853346
龔嘉欣執二攤獲兩提名
1 :
GS(14)@2016-12-03 05:12:34■龔嘉欣拍《幕後玩家》有指是臨危受命，頂替姚子羚。
無綫2016頒獎禮昨日公佈提名名單，男主角由大熱的《城寨英雄》陳展鵬鬥《致命復活》郭晉安，而郭晉安能否四度稱帝，仍是未知之數。女主角方面，最得意的提名要數《純熟意外》李施嬅，聲稱是客串的她，戲份少過另一女角蔡思貝，竟然入圍。
■吳岱融憑《巨輪II》高天鷲一角，獲提名「最佳男配角」。
而最佳男配角提名有大熱的《巨輪II》吳岱融，《幕後玩家》龔嘉欣同時提名女配角及飛躍進步女藝員。有消息指龔嘉欣演催淚人妻程思汝是臨危受命，頂替好姊妹姚子羚，日前她接受傳媒訪問，提到獲網民支持，她說：「老實講，係好想為呢個角色攞到獎，入行8年，好想有個肯定，當然有咁嘅反應，我已經賺咗好多，是意料之外嘅事。」撰文：非非
來源:
http://hk.apple.nextmedia.com/entertainment/art/20161202/19851862
龔嘉欣拎獎贈爺嫲
1 :
GS(14)@2016-12-07 07:41:16■龔嘉欣昨獲餅店續約三年兼慶祝生日，雙喜臨門。
龔嘉欣昨日在灣仔與餅店簽約，續任三年代言人，適逢昨日是她生日，雙喜臨門。餅店特製頒獎禮獎座蛋糕，預祝她在無綫頒獎禮得獎，令她感動落淚。喊出個未來的她，因劇集《幕後玩家》慘烈痛哭一幕人氣急升，她說：「好多前輩都send生日祝賀訊息畀我，都祝我頒獎禮得最佳女配角獎，好感動。希望有少少成績，如果得獎送畀爺爺嫲嫲，等佢哋唔使擔心我。」現與姚子羚同住的龔嘉欣，生日願望是能置業有自己的家，被笑指買「姑婆屋」，她說：「我只係想有個安樂窩。」她謂現在每天有工作很好，因太忙沒時間想拍拖的事。採訪、攝影：王連連
來源:
http://hk.apple.nextmedia.com/entertainment/art/20161206/19856017
【馮仁昭四圍超】鍾嘉欣囡囡 變身萌爆聖誕B
1 :
GS(14)@2016-12-10 03:45:25■張嘉兒（左）同鍾嘉欣分別抱住囡囡Leora同Kelly，兩個BB都加咗聖誕帽，非常可愛。互聯網圖片
鍾嘉欣最近帶埋囡囡Kelly返港，除咗出活動賺奶粉錢，仲會把握機會見吓一班圈中好友。楊怡大前日喺微博放上同嘉欣嘅素顏合照，而Kelly就用公仔圖案遮樣。噚日又到靚媽張嘉兒貼相，佢就抱埋囡囡Leora同嘉欣抱住Kelly影合照放上Instagram。
Kelly同Leora兩位BB除咗頭上多咗聖誕帽圖案，Kelly仲多咗白色聖誕老人鬍鬚，露出精靈眼仔。嘉兒留言：「同嘉欣一齊拍完《警犬爸打》後，大家都好幸運可以成為媽媽！Kelly大Leora一個月，她們可以一齊玩啊。」之後嘉兒再用英文講，無論係餵人奶、見住BB笑，甚至冇覺好瞓，都令佢同嘉欣好享受。再睇番兩位靚媽，張嘉兒仲未收身，上身依然豐滿，相反鍾嘉欣已經瘦番晒，狀態唔比結婚前差。據悉岑麗香將於今個月17日喺加拿大結婚，相信嘉欣都會帶埋囡囡一齊出席。
■張名雅有老公陪慶祝29歲生日，真係好sweet！互聯網圖片
■葉翠翠老公懷疑患感冒自我隔離，怕感染懷孕嘅翠翠。互聯網圖片
另外，即將成為媽咪嘅張名雅同葉翠翠亦係網上輪流放閃，而前日29歲生日嘅張名雅亦有老公錫，獲送上生日蛋糕。不過，葉翠翠老公就因為懷疑感冒，要自我隔離瞓客房，搞到翠翠好心痛。撰文：馮仁昭
來源:
http://hk.apple.nextmedia.com/entertainment/art/20161209/19859423
疲憊抵港北海道戰利品滿兩車嘉欣囝囝拖鬚根爸歸家
1 :
GS(14)@2016-12-27 12:32:05■李嘉欣滯留札幌新千歲機場四日後，昨凌晨終於返抵香港。
李嘉欣本月16日偕丈夫許晉亨、兒子Jayden及友人，一行七人到北海道滑雪享受假期，原定上周四（22日）返港，未料受當地暴雪影響，札幌新千歲機場一度癱瘓，加上航空公司安排混亂，嘉欣一家三口慘變難民滯留四天，前晚才獲安排航機，並於昨日凌晨3時多返抵香港。
■嘉欣出動兩架車放行李和戰利品。
■一家三口坐車回家，嘉欣開心撩囝囝傾偈。
■李嘉欣囝囝Jayden十分精靈，拖實一臉鬚根的爸爸許晉亨出閘。
受訪聲沙沙
折騰四天、一臉倦容的嘉欣步出禁區即接受傳媒訪問，聲沙沙的她坦言感覺疲累：「第四日喇，真係好攰，但真係好開心，好開心可以返嚟香港！」至於囝囝可有表示辛苦？嘉欣指Jayden沒甚麼，還覺得好好玩。此時，拖着鬚根爸爸行的Jayden回頭豎起手指公示意不辛苦，再向記者揮手說bye bye，十分可愛。而他們的行李和戰利品，要出動兩架車才放到。事實上，嘉欣回程返港的確一波幾折，前晚她上機後約1小時在微博貼文：「飛機故障了，但現在好像OK，還未起飛。」昨日她接受《蘋果》訪問時說：「終於可以上機真係好開心，坐定咗之後，我仲同老公對望一齊笑，點知飛機喺跑道滑行咗一陣，突然全架飛機靜晒，冇晒引擎聲，之後Captain就廣播話壞機，我就再同老公對望，唔知講乜好。」
搶修再起飛
嘉欣慶幸飛機搶修三小時可以再起飛，否則便要繼續滯留。她說：「知道壞飛機後，嗰種心情真係形容唔到，只係喺度諗『唔係啩，四日喇喎！』」她又笑說：「飛機之後再滑行準備起飛，我同老公直頭唔敢再互望，係完全冇眼神接觸，直到飛機飛定咗先放鬆少少，返到屋企好開心，今年屋企棵聖誕樹特別靚。」採訪、攝影：黃曉程、梁繼光
來源:
http://hk.apple.nextmedia.com/entertainment/art/20161227/19877611
嘉欣發燒不忘黎姿
1 :
GS(14)@2017-01-05 08:01:11■李嘉欣元旦日上載新相祝新年快樂，但原來她病了一周仍未康復。微博圖片
李嘉欣上月與老公許晉亨、兒子Jayden及友人到北海道度假，因遇上大風雪而在當地滯留4日，到聖誕節當晚才能上機返港，到港時已是凌晨3時多，嘉欣一臉疲態兼面青青跟記者說：「我冇乜胃口冇食嘢，加上有好多菌，所以我病咗。」原來嘉欣返港後一直身體不適，要病住過新年。前日嘉欣在微博上載自拍照祝大家新年事事順利，但至晚上她上載一張拿着溫度計照片，留言謂：「38.6度對成年人，是發燒嗎？」以成人計算，若口探或耳探溫度超過37.5度便為發燒。雖然嘉欣只是輕微發燒，但深信北海道一役，已令她身心極度疲累。另外，嘉欣跟黎姿份屬好友，二人日前均有在微博互相祝賀新年快樂。撰文：魯吉
■黎姿在微博表示興奮過新年。
來源:
http://hk.apple.nextmedia.com/entertainment/art/20170103/19884445
Next Page