魚樂無窮：最抵博的券商股
1 :
GS(14)@2017-10-22 16:36:16市傳港交所（388）要求政府削減股票印花稅，消息刺激股價一度搶高近半成。不過揸fit人李小加其後表示，印花稅下調僅屬市場猜測，並無具體計劃及研究，港交所升幅即大為收窄，埋單僅漲2.7%，繼續受制230元大關。話港交所係其中一隻最難炒嘅股票，相信冇人會反對。今次我亦只以小量衍生工具博破位，一來輸幾多有數得計，二來坐正股資金需求大，機會成本太高了。恒指創近10年新高，本地券商股卻在低位徘徊，明顯大落後，只要指數再挾高，資金必定會大炒一番。要數最值博嘅券商股，我會揀泛海金融（952）。泛海金融前身為華富國際，今年初易手予泛海金融，並隨即改名，當時全購價高達1.38元，現價入場較新主平足足兩成。泛海金融數月前再宣佈一供三，每股供股價1.1元，最後只得77%有效接納，大股東持股由69%增至72%，可視為成功溝貨。供股後市值膨脹至68億銀，已達納入深港通股份嘅最低門檻，又多一份憧憬。還有一點要留意，CCASS顯示首五大券商持股達95%，貨源歸邊程度達十粒星，現價與供股價相若，你話係咪好抵博喇？唐牛
http://fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20171017/20185687
魚樂無窮：13厘息的誘惑
1 :
GS(14)@2017-10-22 17:47:14閱文上市由騰訊（700）超瘋狂嘅優先認購引發市場熱烈討論，不少券商更乘勢預留過百億銀彈作孖展用，size更勝早前有三馬撐腰嘅眾安保險（6060），可謂未出發先興奮，今次IPO氣氛只會更勁，戰友們齊齊做好準備出擊吧。講開眾安，近期股價明顯轉差，失守85元短期支持位，正在回補裂口，底部在80.35元。點解弱過藥煲？大戶沽貨套現抽閱文，肯定係其中一個原因，短炒長揸都要睇實80大關，容祖兒都有唱︰聽清楚不容錯失！個股方面不妨留意順誠（531），剛就出售傢俱製造附屬公司予大股東發出通函，代價4.8億人仔，預期交易令集團錄得收益7,000萬美元，即5.5億銀，相當於去年全年盈利10倍有多，盈喜無懸念了。重中之重在於，集團宣佈將所得4.32億元，用特別股息形式派發予股東，以發行股數30.4億股計，每股可收息起碼0.14元，篤一篤計數機，股息率達13厘，聽見都流口水，一切只待11月初交易完成。股價率先大成交破位，好息之徒魚貫入場，守到1元大位，遠大升浪應在後頭吧。唐牛
http://fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20171019/20187779
魚樂無窮：半價有售易手股
1 :
GS(14)@2017-10-30 00:10:27美股日日新高，港股卻喪吹無定向風，唔少戰友都感到不是味兒。冇計，恒指今年累升近三成，大漲小回，走勢極其完美，賬面賺錢嘅人多的是，所以高位有獲利壓力，實在無可厚非。可以預期，未來震盪只會更頻密，有貨在手嘅戰友，要做足心理準備。不厭其煩講多次，贏得多嘅，繼續用一部份利潤去博潛在升幅，走更遠嘅路；贏得少嘅，寧可打守勢波，以免震走僅餘嘅利潤。利邦（891）月初宣佈，與一名獨立第三方展開磋商，認購人擬認購可能發行新股，或會導致控權易手，更已繳付7,200萬元訂金。利邦其後證實，潛在買家為山東如意集團，為內地最大紡織品製造商之一，近年積極於海外併購，如今相中管理眾多名牌嘅利邦，合情合理。利邦2015年業績開始見紅，最新中期蝕2.6億銀，拖累股價谷底徘徊，投資價值卻因此浮現，每股NAV達1.42元，變相半價大平賣。翻查資料，大股東馮氏兄弟兩年前曾以0.85至0.98元增持，用呢個水位去估計賣盤價，絕不為過。賣盤消息公佈後炒了一轉，現正在高位整固，只要守住10日線0.65元，派對隨時再啟動！唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20171026/20195115
魚樂無窮：有隻醜股大翻身
1 :
GS(14)@2017-11-05 17:06:34前愛股富士高（927）發盈喜，雖然人仔升值導致外匯錄得虧損，但戴咪耳機及音響耳機生意有增長，以及銷售產品組合發生變化推高毛利率，加上成本控制得宜，預計截至9月底止中期業績將扭虧為盈，淨利潤介乎2,000萬至2,500萬元。雖然富士高股價昨日大升兩成，但年度化市盈率依然只得12倍，以翻身股份來說，絕對唔貴。還有兩點要留意︰第一，出名派息慷慨，就算近年盈利大跌，但股息依然維持，最新息率超過五厘，還未計潛在增加派送，正！第二，財務狀況一流，最新手頭現金達4.5億銀，佔市值七成有多，第一站睇每股NAV價1.58元，好合理！同場加映漢港控股（1663），盈警後股價依然硬淨，原來由內房股悄悄變身成醫藥股。集團2016年在廣西開展幹細胞業務，包括儲存諮詢及轉介服務，根據專業評估，內地幹細胞市場未來5年收入將達2,340億銀，啖啖肥肉。最新則以2,339萬銀入股江西龍宇醫藥，其上游供應商為漢港藥品檢測業務潛在客戶，下游銷售渠道則為幹細胞業務潛在合作夥伴，協同效應不可小覷，股價守住0.68元的話，可繼續睇好。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20171102/20202142
魚樂無窮：閱文以外的選擇
1 :
GS(14)@2017-11-13 03:59:49熱爆新股閱文（772）上市，一度升見110元，較招股價55元高出足足一倍，埋單守住紅底股地位，報102.4元，仍較招股價高86%，每手賬面賺9,480元，差不多等於一部最高規格嘅iPhone X嘅價錢，以首日賺錢金額計，屬近年罕見。收到唔少戰友查詢，追問究竟有貨幾時食糊，冇貨咩位入場。第一條問題，我嘅答案非常簡單︰覺得賺夠就走。無他，新股上市只炒供求，難以用基本因素計數，有快錢搵到嘅，食糊非常合理。第二條問題，從短炒角度出發，前者用每日平均價作參考炒作，或者用破位追入法博一段升幅；長揸嘛，除非你深信閱文可以複製佢阿媽騰訊（700）股王模式，否則我覺得騰訊仲值搏，起碼有晒track record，冇花冇假。咁騰訊又幾時買好呢？在350元水平磨了一輪後，近幾日炒業績憧憬及分拆概念，噚日更衝至近400大關，不過收市要倒跌。騰訊噚日腳仔軟原因之一，乃相關輪證喪炒，數以十億計成交嘅比比皆是，還記得上次出現同樣情況後，騰訊即橫行超過一個月。假設歷史重演，未來應有撈底機會，不妨耐心等待。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20171109/20209157
魚樂無窮：大市喪跌求生術
1 :
GS(14)@2017-12-10 23:52:05港股沽盤湧現，50天線由鑽石能量底變成豆腐渣，連2015年大時代高位亦一併失守，慘絕人寰。上星期起陸續收到不少求救message，問高位有貨應該點算好。對於不熟悉嘅股票，我嘅答案幾乎一式一樣︰有信心再創新高嘅就繼續坐，冇信心嘅就減磅。冇計，每個人承受風險能力不同，倉位又不一樣，好難用同一把尺量度，我自己揀股票，通常都會有催化劑支持，如果有數得計就仲正，諸如股息率、回購價，上車落車有晒指標，真正做到不求人。指數由高位回落近2,000點，損傷難免，但最傷往往於最恐慌一刻全面清倉，然後個市反彈甚至見底，到時又一定唔敢追，傷荷包更傷心。點樣可以避免呢個情況發生？在此不厭其煩講多次︰每日紀錄低股票倉位，計清楚每日及累積賺蝕幅度，當發現倉位利潤不尋常地連續下跌，幅度又比正常大時就要小心，因這正是市況逆轉的先兆，唯一可以做的，就係不留手地減磅。有追蹤我fb嘅戰友都知道，日前沽出鴻騰（6088），其中一個原因正是倉位盈利跌至警戒線，因此昨日已輕裝上路，損失亦大大減少。每日用幾分鐘時間入數，即可多一個關鍵指標，何樂而不為呢？唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20171207/20237429
魚樂無窮：低調破位有景轟
1 :
GS(14)@2017-12-18 04:28:36上次提過要建倉嘅匯控（005）及領展（823），前者在平保（2318）公佈持倉超過5%後，一直未有再打入北水掃貨榜十大，但股價繼續向十年新高進發，踢穿80蚊指日可待。領展周二創收市新高後，昨日見沽壓，好多人以為係獲利盤出籠，我則認為與回購價有關︰公司周二宣佈回購7.7萬股，數量為近期最少，回購平均價為69.7529元，似乎暗示管理層不願意在70蚊樓上出手，動力憧憬減弱下，基金或因此先行沽貨。執筆之時未知最新回購情況，還要再觀察一下，有最新消息再同大家更新。和電香港（215）10月完成出售固網業務，作價145億銀，以現金交收，篤篤計數機，折合每股高達3.02元，與昨日收市價3.03元相若，超級現金牛也。「又如何？唔派番畀股東都冇用。」翻查新聞，主席霍建寧曾經講過，派息與否將於12月董事會決定，又和電大股東為長和（001，持股66.09%），第二大股東為李嘉誠（持股8.38%），說穿了派特別息又係益自己，何樂而不為？系內電能（006）曾因現金滿瀉派特別息，和電昨日低調地創4個月高，走出個靚圓底，似乎露了玄機。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20171214/20244328
魚樂無窮：A1魔咒的解讀
1 :
GS(14)@2018-01-07 15:49:222018年紅盤狂升近600點，翌日在「蘋果A1魔咒」下，最終微升收場。「你唔係咁迷信呀？仲信有魔咒呢回事？」其實魔咒只是形容詞，須知道《蘋果》鮮有用股市作頭版新聞，落得呢個決定，除因為市況好勁外，更重要係話事人認為內容夠吸引，後者正正是魔鬼細節。無他，作為一份大眾報章，話事人通常都會專注突發或政治新聞，鮮有接觸財經資訊，當股市也能夠吸引佢哋嘅眼球時，反映瘋狂市況已徹底滲入各階層，用四個字去形容，就係「全民皆股」。從呢個角度出發，A1魔咒你話係咪要驚先？大市與2007年高位只差千零點，時刻保持警覺無可厚非，但過於保守隨時會錯失最燦爛嘅時光，所以操作上暫時與去年一樣︰最重注依然係強勢股騰訊（700）、平保（2318），再配以防守力高嘅匯控（005）及領展（823），務求做到進可攻退可守；另又持有一堆績優股及GO股，希望在市況牛皮時闖出一片天。不過，我覺得今年最重要係戒急用忍，始終去年順風順水，今年當然希望贏得更多，結果只會越買越大，悲劇往往由此而生，所以開局寧願不變應萬變，用同一個贏錢模式應戰！唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180104/20264559
魚樂無窮：尋找路訊通翻版
1 :
GS(14)@2018-01-08 00:28:46本欄10月底推介路訊通（888），當時報1.12元，不足兩個月時間炒至昨日最高的1.64元，累積升幅達46%。期間公司完成易手，亦陸續有新人入局，加上貨源歸邊，已進入易升難跌格局，有貨嘅戰友，最佳做法係留一注貨底，另一注炒上落，務求拉低成本兼食盡升浪。傳出賣盤消息多時嘅勤達（1172），上周五終有定案，阿媽莊士機構所持60.82%股份，將售予慶達發展，每股作價0.392元，並同時提出全購。慶達發展分別由Shining Orient（40%）、聯宙（30%）及巨業投資（30%）持有，其中Shining Orient終極股東則為國企廣州產業投資基金管理。翻查資料，該基金於2013年成立，是市委、市政府為推進產業轉型升級、放大財政資金引導效應等而成立嘅平台，在市政府領導下，簽約基金規模超過1,700億元，未來勤達注資概念大得難以想像。還記得恒寶企業（1367）嗎？現價已較全購價炒高5倍，終極買家正是廣州市政府！玩全購股首重成本，越貼近全購價風險越低，潛在回報亦隨即放大，錯過路訊通的朋友，不妨吼實還未炒起嘅勤達吧。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20171219/20249438
魚樂無窮：兩隻藍籌未升夠
1 :
GS(14)@2018-01-15 03:10:28恒指錄得12連升，破盡紀錄，創新高指日可待，美中不足是昨日升幅收窄，與之前低位有承接、跌唔落的走勢相反，予人高位遇阻的感覺，主觀認為升浪今日斷纜機會大。在慢牛的主旋律下，升得快未必係好事，細水長流更加令人回味。當然，斷纜唔代表見頂，事實上，資金輪流炒情況有蔓延之勢，以藍籌為例，在北水加持下，大笨象匯控（005）再創10年高位。值得留意的是，平保（2318）上月宣佈增持匯控至超過5%後便停了腳步，直至本周二才再度出手掃貨，昨日更狂掃23億貨，相當於成交額四成，動力十足，再次進入易升難跌格局。同樣獲加持的還有港交所（388），早前遭馬雲明寸的特首林鄭月娥，與馬雲再次見面時，發揮其好打得的精神，多番邀請阿里巴巴來港上市，馬雲最新接受訪問時表示，考慮將附屬推到本港掛牌。即使十劃只有一撇，也足夠港交所大炒特炒，今次闖新高的動力，明顯較2015年大時代為強大及實在。如果倉位依然未有匯控同港交所，仲應唔應該追？你諗番去年冇騰訊（700）同平保，慘情地跑輸大市有幾陰公，就知道應該點做了。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180111/20271301
Next Page