魚樂無窮：新高之後點做好
1 :
GS(14)@2018-01-22 05:52:33十年又過去，恒指終於改寫2007年紀錄高位，與32000大關近在咫尺，facebook留言問係咪追港交所（388）呀、平保（2318）呀的戰友越來越多。對於上述問題，我的答案其實非常一致︰升市莫估頂，大市肯定仲有上升空間，但現階段絕非建長倉的最佳時間，錯失低位買貨機會的戰友，我會建議大家搵強股打游擊戰，密食當三番；一早儲齊貨的，繼續坐定定享受大升浪的歡愉吧。正所謂居安思危，牛氣沖天都要睇實有乜隱憂，企業抽水潮係其中一個。新鮮滾熱辣有碧桂園（2007）批股兼發債，合共集資超過200億元，另外還有舜宇光學（2382）、協合新能源（182）、旭暉（884）發債或優先票據等。傳統智慧告訴我們，上市公司輪流批股，往往係見頂先兆，用資金流轉角度睇，如果大市資金不足夠承受集資規模，自然有被抽散的可能性，反之則會越炒越旺。碧桂園昨日由頭到尾均低於配售價17.13元，肯定不是好現象，但港股在美股倒跌、抽水頻仍下照創新高，卻是出乎意料的強，主觀意願認為，碧桂園若能企穩配售價，在如斯市況下，必定可以再創新高。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180118/20278160
魚樂無窮：揀股唔難入市難
1 :
GS(14)@2018-01-22 05:57:44港股昨日曾升逾300點，與2007年即市高位31958點近在咫尺，埋單雖倒跌收場，連勝紀錄告終，但好事多磨，破頂相信只是時間問題。大市氣勢如虹，投資者取態卻越來越兩極，有貨的日日開香檳慶祝，大叫gogogo，冇貨的死牛一邊頸等調整，結果等到花兒也謝了。在不同平台都講過，強勢市況調整通常即日完成，誇張一點說，即市升幅收窄也算是調整的一種！高處未算高，你話揀股係咪越來越難？買強勢股騰訊（700）、平保（2318）、匯控（005）、港交所（388）等依然有肉食，所以揀股其實唔難，踢走心魔撳掣落盤才是最難。見過唔少留言，話升咁多仲叫人買一定係派貨云云，有呢種心態的投資者，想必是中移動（941）或聯想（992）的粉絲。本欄愛股之一嘉利國際（1050）又有新搞作，將餐飲服務及銷售主題禮品業務售予大股東，作價5,100萬元，同時宣佈擬派發特別息2.55仙（相當於套現所得），集團表示，由於相關業務連續兩年虧損，出售有助降低風險。蝕錢業務撇甩之餘，仲要派特別息，對股東來說百利而無一害，有貨的戰友，繼續坐定定等房地產業務收成吧。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180116/20276047
魚樂無窮：慢牛醫療股誕生
1 :
GS(14)@2018-01-28 18:48:55港股越升越有，完全冇諗過回氣，唔少戰友都問係咪要食糊，這個好視乎閣下投資取態。保守投資者先行獲利無可厚非，進取投資者繼續坐貨亦未嘗不可，只能夠話，難得大牛市在眼前，點都要有強勢股傍身，錯過今次大升浪，唔知要等到幾時。半新股希瑪眼科（3309）技驚四座，最多較招股價高出6倍，一石擊起千重浪，不少醫療股份乘勢而起，當中同屬半新股的新世紀醫療（1518），值得留意。新世紀醫療主打內地兒科及婦產科醫療市場，於北京私立兒科及中高端兒科醫療市場收入排首位，絕對是二胎政策及中產崛起的雙重受惠股。新世紀醫療最新通過，以2億元人民幣收購成都新世紀婦女兒童醫院85%股權，務求將醫療網絡由北京擴展至另一經濟金融重心成都。事實上，該項目去年上半年收入大升五成，更成功轉賺580萬元人民幣，反映業務已上軌道，集團此刻入場，timing一流！還有一點要留意，新世紀醫療去年初上市，至今較招股價高出四成，慢牛走勢靚絕，首五大券商持股接近九成，貨源夠晒歸邊，還有國企中國再保險（1508）坐鎮（持股逾6%），只要守住10蚊大位，有力繼續拾級而上。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180123/20283184
魚樂無窮：最緊要坐得舒服
1 :
GS(14)@2018-02-04 23:50:47恒指1月埋單升足一成，為2015年大時代後最強單月升幅，如果1月效應有料到，今年見4萬點其實冇難度。當然，目標遠大一回事，你有冇能耐食晒成個升浪又係另一回事。就以昨日為例，低開再跌然後抽上，埋單升279點，高低波幅更達600點，心理質素稍差，低位肯定已經被震走，然後眼光光睇住個市倒升，欲哭無淚。唔希望上述情況發生在自己身上，最重要係坐貨坐得舒服。何謂坐貨坐得舒服？你問問自己，如果全日唔望報價機，會唔會坐立不安、茶飯不思？做到嘅話咪係舒服囉。簡單來說，就係孖展額不能過量，衍生工具佔倉位不能太大。新股市場與大市同樣火熱，繼希瑪眼科（3309）四日喪升6倍後，新近歐化（1711）單日亦狂飆逾2倍，抽中的認真肥仔。唔知大家有冇留意，兩者均有名人效應，前者有馬化騰認購，後者則是楊受成做大股東。正在招股的芸芸新股，餐飲股佳民集團（8519）有着同樣炒作基因。集團主席黃佩茵乃城中名媛，其丈夫為金山工業（040）主席羅仲榮的公子，股東則有彤叔孫女婿龐建貽，以及中港照相（1123）太子爺孫道弘，且看這隻富二代概念股，股價能否闖出一片天。唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180201/20292132
魚樂無窮：真正考驗在月中
1 :
GS(14)@2018-02-13 03:04:06港股上演一幕北水救地球！恒指低開近900點後，在北水瘋狂shopping下，埋單僅跌356點，收復超過一半失地，北水最終共掃貨102億銀，誇張程度直逼滬港通首日開通。從技術指標出發，恒指20日線32213失而復得，短線走勢是否喘穩，這個水平一定要企穩，否則便要下望50日線30572。剛過去的假期，收到唔少求救訊息，問大跌市應該點算好，我的回覆非常一致︰重倉有孖展嘅、衍生工具比例高嘅，一定要減磅，否則在調整市下，隨時沒頂；正常倉位坐得舒服嘅，由於1月有一定賬面利潤，不妨再坐一會，謀定後動；唔夠貨輕倉嘅，當然係要勇武入場買番一注先，跌市唔買貨等幾時？唔好話我馬後炮呃水吹，因為未來震倉機會有增無減，上述策略可以循環再用。講短線風險，盡在本月13日至21日，由於新春假期關係，這段期間共五個交易日，北水將會暫停，如果外圍有乜冬瓜豆腐，港股冇埋呢粒回魂丹，後果可想而知。個股方面，和電香港（215）逆市創近三年新高，成交亦顯著增加，係咪派特別息好事近？預計本月底公佈全年成績表，有貨嘅戰友，齊齊坐到尾等派彩吧！唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180206/20296967
魚樂無窮：三個字分出勝負
1 :
GS(14)@2018-02-13 03:17:02港股一彈即散，即市高位計唔見逾千點，50天線再度失守，不厭其煩講多次，去年恒指慢牛曾經四次試穿50天線，每次皆能短時間內收復失地兼重拾升軌，若然今次打破常規，下一站支持要睇100天線29559。今次守到50天線機會有幾大？我個人偏向悲觀。正如之前所講，去年挑戰底線全在慢牛情況下發生，但今年1月升勢明顯加快，加上成交增加，反映參與人數越來越多，所以殺落嚟既急且狠，蟹貨更由此而生，昨日一支穿頭破腳的大陰燭已說明一切。另一方面，股王騰訊（700）連續兩天失守50天線，形勢較去年王者榮耀事件及輪證大開殺戒更差，港股少埋呢個主要引擎，瓜多過菜。好多人唔知道，估中走勢唔重要，「執行力」才是勝負關鍵。簡單來說，你要在電光火石之間，決定追揸沽策略，因為下一秒股價可以出現極大變化，贏輸就在那一刻分出。容祖兒都有唱啦，「遲來一秒鐘，遲疑一秒鐘，良緣永遠這樣斷送。」「一開市就過山車，點諗到咁多嘢呀？」所以，我建議大家每日收市後都寫低倉位持股，並諗定明日大升或大跌時點樣做，如果仍抱住煮到埋嚟先食的心態，你會第一個俾人食咗落肚！唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180208/20299087
魚樂無窮：遲來的雞年大禮
1 :
GS(14)@2018-02-21 06:22:03沒有北水的第二個交易日，恒指竟然可收復介乎50日及100日線的下跌裂口，最新與50日線只差百零點，今日半日市要挾番上去話咁易，問你服未？逆向思維諗，下周四A股復市北水重臨，會唔會係真正審判日？高盛一份唱好report，將恒生（011）大腳踢高近8%，驚為天人，港股話語權是否完全在北水手上？抑或外資仍有影響力？經過噚日一役後，似乎又多了討論空間。外資搶阿仔，北水掃阿媽。權益披露顯示，平保再增持匯控（005）股權，最新已達6.17%，與BlackRock最大持股7%距離又拉近。平保係咪要做匯控最大股東？背後有乜政治任務？呢個你唔需要亦冇能力去知，重點在於有強大買盤支持下，匯控防守力幾何級數提升。息魔重臨令港股由高位回落，但對銀行股來說，加息其實利大於弊，起碼淨息差已有擴闊空間，如此一來，匯控又多一個炒作籌碼。下星期二（20日）就係匯控派成績表的日子，意味回購盤會再次重臨，有趣的是，匯控除息日為下周四（22日），即買貨收息與否，只有兩日時間考慮。無論如何，呢一份遲來的雞年大禮，希望你會在狗年緊緊的抱着吧！唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180215/20306324
魚樂無窮：兩件大事要記實
1 :
GS(14)@2018-02-21 06:29:39狗年第一次同大家見面，先祝戰友們新一年股運亨通、贏到開巷！長假期間，美股表現對辦，港股今日可紅盤高開，皆大歡喜。Holiday mood仍未退，不如由我溫提戰友本周兩件大事，等大家慢慢重拾作戰心情。第一件事︰匯恒放榜。匯控（005）近期氣勢如虹，假期前已突破83元大關，主要因為平保（2318）掃貨及息口上升憧憬刺激，這兩個因素並非短癮，相反，絕對有能力係今年的主旋律。只要今日匯控業績生生性性，再配合回購政策增加防守力，長炒長有肯定不是空想。恒生（011）在大行祝福下，假期前齊齊發力，一舉突破190元水平，我最關心的係派息金額。無他，集團第一至三季派息由以往1.1元增至1.2元，即令股價連環破頂，若然末期息再有驚喜，股價見200元我也不會感到意外。第二件事︰北水重臨。A股放多兩日假，初七（本周四）復常，心水清的戰友都知道，滬深港通休市期間，港股反高潮炒到啪啪聲，三扒兩撥重上31000大關，令人大跌眼鏡。兩日後北水重臨，港股究竟係火上加油抑或反彈完成？屆時自有分曉！唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180220/20310057
魚樂無窮：無定向喪心病狂
1 :
GS(14)@2018-02-25 03:12:05每逢農曆新年，賀歲劇「家有囍事」在各電視台無限loop乃指定動作，大家對「無定向喪心病狂間歇性全身機能失調症」呢句經典對白，肯定已瑯瑯上口。咁啱得咁蹺，港股亦出現了呢個病徵。不是嗎？北水停了四個半交易日，期間恒指竟然累升2,000點，相信冇乜邊個會估到。昨日成交更不足千億，似足去年細成交炒上的景況！今日北水重臨，是福是禍唔敢講，但對匯控（005）來說一定利大於弊；冇計，少了回購力量，托價一定要靠北水。唔少人留言問追揸沽策略，我只可以話，買得匯控就預咗睇中長線，計好股息率然後入場慢慢坐，一時三刻股價波動可以不理。近期GO股亦勢凶夾狼，惠陶集團（8238）、建福（464）幾日升幅以倍計。要我揀隻GO股炒，路訊通（888）係不二之選。先睇新近一連串動作︰以總代價2.7億元，收購有證監1、4、9號牌的持牌法團；委任中銀國際證券金融產品部前董事總經理卞方為行政總裁；建議易名為貝森金融。一句總結︰路訊通大變身一觸即發。最新市值不足20億銀，貨源卻依然歸邊（首十大券商持股近九成），一旦升穿1.74元高位，往後走勢難以估計！唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180222/20311890
魚樂無窮：兩份爆趣的通告
1 :
GS(14)@2018-02-28 07:36:21高豐集團（2863）2月15日宣佈，主席兼控股股東翁安華，向另一名主要股東高浚晞出售8,000萬股或14.81%股權，每股作價0.3125元。翁安華持股由54.17%降至39.25%，高浚晞持股則由14.81%增至29.63%。表面平平無奇的股權易手，其實暗藏炒作基因。首先，2月15日正是高豐集團上市半年，大股東持股剛解禁即有動作，值得深思。第二，減持價為0.3125元，較交易前收市價低47%，較招股價0.86元更是折讓64%，賤價沽貨加上時間敏感，予人的感覺是功成身退。另一邊廂，接貨的高浚晞1月底曾以0.72元減持股份至14.81%，不足一個月再度增持，最新持股更剛好未有超過三成的全購觸發點，計好晒數半年後再出手？要由時間驗證。還有一點要留意，高豐2月12日曾發通告，指兩個項目正經歷意外延遲，將對收入及利潤造成重大影響，但消息公佈後，股價只以超細成交下跌，未幾即反手炒上，要為兩個通告打分，我會畀爆趣。公司最新市值4億銀，連殼價都未夠，當中有1.5億更是現金，用0.7元作止蝕位短炒，睇下有冇意外驚喜！唐牛
http://fb.com/tongcow88本欄逢周二、四刊出
來源:
https://hk.finance.appledaily.co ... e/20180227/20316838
Next Page