女似老竇特別可愛錢嘉樂同囡囡最有父女相
1 :
GS(14)@2016-09-01 06:12:05有人話囡囡係爸爸嘅「前世情人」足以形容父女關係，不過有咩冧得個同阿女餅印咁樣呀！唔止得劉愷威同囡囡小糯米似樣，圈中仲有唔少父女似樣嘅例子。黃浩徐淑敏同老公黃浩09年結婚，婚後徐淑敏為老公連生三女，大女心瑤6歲、二女心柔4歲、細女沁誼2歲，而三位千金眼大大鼻高高，同爸爸非常似樣。錢嘉樂湯盈盈2013年幫老公生咗大女錢凱晴（Alyssa），已經3歲人仔嘅Alyssa，不時現身媽咪嘅微博，表情多多嘅佢面珠夠晒肉地仲同爸爸十足十一樣。李連杰武打影星李連杰99年同亞姐冠軍利智結婚，仲生咗兩個女，而早前16歲嘅大女Jane Li罕有現身，出席阿里巴巴全球XIN公益大會，仲有唔少網民留言話Jane個樣似足爸爸李連杰。成龍1999年吳綺莉因與成龍外遇未婚產女，誕下「小龍女」吳卓林，轉眼間已經16歲嘅卓林，多年嚟屢次被指似成龍，不過吳綺莉堅稱卓林係似自己。
來源:
http://hk.apple.nextmedia.com/entertainment/art/20160831/19754749
子怡帶囡囡抵多倫多
1 :
GS(14)@2016-09-09 05:37:02第41屆多倫多國際電影節今日揭幕，內地女星范冰冰及章子怡先後抵達當地，子怡今次以「站台單元」評審身份，夥拍《職業特工隊》（Mission：Impossible）導演白賴仁迪龐馬（Brian De Palma）等擔任評審工作。
■章子怡推着ＢＢ車出閘，帶囡囡同行。微博圖片
有「國際范」之稱的范冰冰，此行為馮小剛執導新片《我不是潘金蓮》到影展宣傳，出席電影首映禮。每次出現都有驚喜的冰冰，今趟亦沒有失望，她下機戴着墨鏡、以一身綠色睡衣look令人眼前一亮，獲不少支持者上前索簽名跟合照。章子怡前晚抵達當地，戴着帽跟墨鏡步出閘口的她，推着BB車現身，相信她是為免跟囡囡醒醒分隔兩地太久，所以帶囡囡同行。今趟她除了擔任評審外，還會參加電影人對談。撰文：李森
來源:
http://hk.apple.nextmedia.com/entertainment/art/20160909/19764726
張嘉兒笑囡囡似喝醉
1 :
GS(14)@2016-09-11 05:50:27■張嘉兒昨在Ig貼囡囡食飽舔脷的相。
前港姐冠軍張嘉兒去年與圈外老公Nathan Lau結婚，大前日她誕下6磅重囡囡Leora，即使生第一胎，但她不怕痛選擇自然分娩，獲老公陪入產房打氣，還親手剪臍帶。張嘉兒已開始用人奶餵囡囡，昨日還在Ig貼出囡囡食飽舔脷的相片，笑言囡囡喝奶都醉了。
張嘉兒
張嘉兒指囡囡未改中文名，問覺得囡囡似爹哋或媽咪？她前晚說：「屋企話似我多啲，但有朋友就話似我老公。」並透露前晚已可落床行，但要慢動作。回想生B過程痛了約12小時，她說：「真係痛到嘔咗出嚟，生之前又痛到嘔，生完之後都有嘔，但都好滿足、好開心。」採訪：嵐山
來源:
http://hk.apple.nextmedia.com/entertainment/art/20160911/19766857
甩開媽咪四圍逛梁詠琪囡囡 超市當樂園
1 :
GS(14)@2016-09-13 00:19:17【金鐘 店內亂跑】■Sofia無王管四圍亂跑。DV圖片
梁詠琪（GiGi）去年為西班牙籍老公Sergio誕下愛女Sofia，一眨眼Sofia已經歲半大，GiGi可以放心再投入工作，監製電影又開演唱會，不過忙裏也要偷閒。
GiGi從後睇實
前日下午3時許，GiGi一家三口去金鐘一家超級市場shopping。入到超市，Sergio獨自行開購買日用品，GiGi則抱住Sofia買花，之後人流減少，GiGi便將Sofia放落地自由行。束住兩條孖辮的Sofia，難得有機會四圍走當然開心，對所有事件都覺得好奇，不時行去不同貨架見識，而GiGi一直在身邊貼身保護。當Sergio推住日用品前來會合，Sofia仍不願走，要GiGi邊氹邊抱，才可以順利排隊付錢。一家三口買完所需用品便直接去停車場，Sergio由湊女、摺BB車一腳踢，極有風度讓GiGi先上車休息，真是一位好老公！此外，東亞銀行主席李國寶太太潘金翠前日下午4時多亦於太子大廈行超市，李太穿上一身粉紅色套裝顯得精神奕奕，她推住購物車在超市內先行一圈，之後主攻蔬菜和水果，似乎對牛油果特別感興趣，吃得如此清淡，相信是她的健康之道。
【金鐘 老公湊女】■GiGi老公Sergio右手拎袋，左手抱囡囡，好man。DV圖片
■靚媽梁詠琪昨晚擔任港姐評判，盡顯修長身形。
潘金翠買Chanel
李太不消五分鐘，便到收銀處埋單，店員拿了某牌子的代糖叫李太買，但她研究一會都沒有購買，付款後便由司機拿走食物，而她返回東亞銀行總行。當李太經過Chanel門口時，忍不住入內與店員打招呼，好快又買多一個手袋。採訪、攝影：羅德光、黃曉程、朱志聰
【中環 健康食材】■李國寶太太細心揀選牛油果。DV圖片
【中環 順便買袋】■李國寶太太途經名店，順手買了個手袋。DV圖片
來源:
http://hk.apple.nextmedia.com/entertainment/art/20160912/19767803
羅敏莊囡囡公仔樣
1 :
GS(14)@2016-09-27 08:02:19■羅敏莊的囡囡陳禛與公仔外貌幾可亂真。互聯網圖片
羅敏莊前晚於facebook上載3歲囡囡陳禛照片，見她竟多了一個迷你版陳禛。原來迷你版陳禛只是個洋娃娃，但就跟陳禛有九成九相似，除樣貌外，其一頭鬈髮更與天然鬈髮的陳禛似到十足十。陳禛與洋娃娃坐地下玩耍又一齊睡覺，看背影幾可亂真。
■羅敏莊早前亦以一頭鬈髮示人，與囡囡擺同一甫士。微博圖片
記者昨致電羅敏莊，問洋娃娃是否特別訂做？她說：「梗係唔係啦，我邊咁有錢吖！我哋做《偶然．徐志摩》個戲，佢哋要買道具BB畀我，跟住畀啲相我睇，我話『嘩！呢個咁似我個女嘅，可唔可以幫我喺淘寶整多個呀？』佢哋特登買多個陳禛mini版畀我，90蚊人民幣，查實應該係我個女似呢啲公仔，好好笑！」採訪：魯吉
來源:
http://hk.apple.nextmedia.com/entertainment/art/20160927/19782660
華仔剪床戲：囡囡太太唔放過我
1 :
GS(14)@2016-10-01 13:19:53■劉德華前日出席首映禮時，自言仍未能放下偶像包袱。
劉德華、馮寶寶（BoBo姐）、胡然及盧惠光等前晚在荃灣出席電影《偷天特務》首映禮，大會安排蛋糕補祝劉德華今個星期二55歲生日，台上演員跟現場觀眾大合唱生日歌，同場還播出王祖藍及黃曉明的祝壽片段。
「我有偶像包袱」
戲中演黃曉明母親的BoBo姐，同時跟華仔合作，有兩位靚仔坐鎮令她很開心。劉德華表示已很久沒有演喜劇，他說：「好耐之前做過《黑馬王子》，而家係成熟咗嘅黑馬王子，同黃曉明演喜劇，我技巧會老到啲，同埋有偶像包袱。見到曉明演出我真係唔敢做，佢真係贏我，我偶像包袱重過佢。」
■毛俊傑、徐冬冬、胡然及馮寶寶為劉德華補祝生日。
■胡然（左三）手持氣球讓華仔拮爆笑彈，嚇得身旁的BoBo姐（右一）走開。
劉德華頭上紅腫了一塊，他表示是早前拍馮德倫電影時撞傷，他說：「因為演神偷，好多動作場面，要喺古堡飛來飛去，又要飛車，算係紅運當頭。」他大讚曉明在戲中可以放下身段，他說：「佢雖然係偶像，有啲我都要考慮未必做得到。戲中BoBo姐誤會我係佢老公，床戲就係第一場佢抱我，床戲同咀嘴戲剪咗嘞，囡囡（劉向蕙）同太太都唔會放過我，因為有家庭包袱，以前都唔係咁想拍，除衫我唔識得做戲。」
BoBo姐透露近日因為胃酸倒流，接受訪問時反問記者像不像英女皇，她說：「導演王晶拍之前應承我呢套戲造型好靚，同有兩個靚仔合作。」她笑言跟華仔有親熱戲，不單止咀嘴更有床戲。
■毛俊傑自言可以跟華仔跟黃曉明合作感到很榮幸。
開畫票房22萬
另外，《偷》片前日上映，單日票房只有22萬元，亦是華仔10年來在港開畫票房第二低作品，最低一部是《解救吾先生》，開畫只有15萬元。開畫第三低是《失孤》的23萬元。昨日《偷》片內地凌晨場只有約721萬元人民幣，截至昨日5時許單日票房只有1,100萬人民幣左右。採訪：王連連攝影：仇志德
來源:
http://hk.apple.nextmedia.com/entertainment/art/20161001/19787141
Next Page