中環在線：魏應州生日願望咪當真 李華華
2008-07-31 AppleDaily
唔 知大家有冇留意噚日報道過，康師傅（322）董事長魏應州向台灣傳媒話，計劃喺未來兩年，將旗下三塊主要業務分拆上市嘅報道。噚晚康師傅就呢件事出通告， 澄清話分拆計劃，只係魏總嘅生日願望，通告仲要話魏總喺一個社交活動上講，以上報道並不準確咁話。華華即刻去搵番嗰日報道，發現原來魏總嘅生日願望係喺東 京講嘅，推斷場合應該係有關同日本啤酒集團朝日Asahi喺日本開嘅記者會，講朝日將同康師傅合作喺台灣生產啤酒。香港《蘋果》嘅姊妹報台灣《蘋果》亦有 派記者去追訪呢個社交活動。話時話，呢個咁宏大嘅生日願望，真係唔係個個人都可以講得出口，因為首要條件係擁有一家有規模嘅公司，各個業務都要有番咁上下 size，如果唔係講出嚟都無人理啦！魏總，華華祝你生日快樂，心想事成！
中環在線：六福高層人工冠絕同行 李華華
2008-07-31 AppleDaily
美 元貶值，刺激金價狂升，今年3月每盎斯金價曾一度升穿1000蚊美金，最受惠當然係金行啦，公司生意好，高層嘅人工、花紅同佣金都和味啲。以港姐楊寶玲 sell客嘅六福（590）噚日出年報，08年度大賺3億幾銀，比前一年多59%，董事局總薪酬亦有兩成三升幅，達3081萬銀，佔盈利近一成（見表）， 當中單係CEO黃偉常就有2276萬薪酬，人工上升23%，其佔董事局總薪酬約七成，佢嘅薪酬仲係其餘4隻金行股中，得最多人工嘅高層o忝，認真犀利。 不過華華睇番5隻金行股中，論董事局薪酬總開支佔盈利比重最高嘅唔係六福，而係謝瑞麟（417），08年度佢嘅盈利有9924萬銀，較上個年度增長八成， 雖然謝瑞麟董事局薪酬總支出較上年減少約5%，但董事局開支仍佔盈利比重高達18%。喺謝瑞麟中得最高人工嘅唔係CEO黃岳永，而係被判咗罪嘅謝瑞麟囝 囝謝達峰，咗700幾萬銀，佔咗董事總薪酬四成。
周生生董事薪酬支出低
講到最賺錢嘅金行股係周生生（116），盈利有5億 幾銀，增長七成多，雖然公司賺咁多，董事總薪酬佔盈利嘅比重唔夠2%，班董事加埋只係攞977萬銀，較上年增加18%，而攞得最高人工嘅係集團總經理周永 成，咗299萬銀。至於就嚟改名做金至尊嘅恒豐金（870），就賺咗3億幾銀，比前一個年度多咗兩倍六，收最高人工嘅就梗係主席林世榮，佢攞咗829萬 銀，而董事總薪酬佔盈利比重5.4%。
金行股董事局薪酬佔盈利比重
謝瑞麟（417）董事總薪酬(萬港銀)：1743.7佔公 司盈利：17.6%六福（590）董事總薪酬(萬港銀)：3081.2佔公司盈利：9.8%恒豐金（870）董事總薪酬(萬港銀)：1637.1佔公司盈 利：5.4%景福（280）董事總薪酬(萬港銀)：345.3佔公司盈利：2.3%周生生（116）董事總薪酬(萬港銀)：976.7佔公司盈 利：1.9%註：以07至08年度年報計算資料來源：各上市公司年報
中環在線：保薦人收230萬安家費 李華華
2008-08-01 AppleDaily
近 排股市交投大縮，唔少大陸股票行都叫苦連天，有啲仲要透過裁員減薪嚟度過「股市寒冬」，但喺呢個熊市下，唔係個個打工仔都減人工共度時艱，部份打工仔身價 仍然企硬。據新浪財經網報道，喺投資銀行做嘅保薦人，年薪仍然過200萬銀人仔，企得咁硬，事關人才難得嘛！據一個行內人同記者講，一個挖角過檔嘅保薦 人，可以一次過攞到230萬銀「安家費」。大陸所謂嘅安家費，其實即係香港嘅「誠意金」，禮賢下士，最緊要真金白銀至夠誠意。
至於點解叫做安家費，你估同 上市公司質素有冇關係呢呵？除咗安家費，之後年薪200萬銀，計吓數，跳槽嘅保薦人第一年即430萬銀。一個上海投行業務主管透露：「保薦人一般能拿到 150萬元年薪，有些能力較強的保薦人，甚至能拿到800萬元。」
中環在線：究竟鄧聲興有冇分居？
2008-08-01 AppleDaily
華 華噚日打開財經版一睇，真係成個人跌咗落地。股評人鄧聲興上星期被周刊踢爆佢結咗婚仲周圍識女仔，佢當日透過電話同華華講，已經同太太分開咗，家正式同 一位財經女公關拍拖，華華問清楚佢寫唔寫得先至寫落去，諗住幫佢澄清下。
點知事隔一周，佢噚日喺報紙登個聲明啓事，話自己冇同太太分居，並一直與太太同 住。真係今日的我打倒昨日的我，老實講，如果主人翁當時搞唔清楚自己嘅情況，可以選擇封口唔回應，佢講完之後冇耐，又講另一個版本出嚟，真係令到華華感到 相當無奈。無奈嘅唔單止係華華，上星期同日有另一份報紙都係搵咗鄧聲興之後，寫咗同一個版本出嚟，如果唔係，真係口同鼻拗。老實講，一般人嘅家事，華華同 埋讀者都冇興趣理咁多，但名人就唔同，咁究竟鄧聲興有冇同太太分開咗，華華相信時間可以證明一切。 |
中環在線：上海地王淪為停車場 李華華
2008-08-04 AppleDaily
舊 年8月尾以天價44億人仔成交嘅上海地王──南京東路163號，拍賣成交接近1年，但家吓塊地仍然只係做緊停車場，仲未有迹象打樁起樓，唔通投得地王嘅蘇 寧環球錢多唔志在？塊地話晒每平方米樓面嘅地價去到6.69萬人仔，用嚟做車位好嘥啫。據《21世紀經濟報道》報道，原來蘇寧到家吓都仲未收番塊地，搞到 開工無期。記者引述蘇寧環球一名賣地時負責前期財務嘅內部人士話：「去年投下這塊地後，我們的土地出讓金（地價）已經按要求繳清。」但家陣喺交收環節上出 現咗啲問題，「老闆張桂平一直交涉這件事。」記者問過有關部門，但對方話唔知情，究竟當中發生啲乜嘢事，真係耐人尋味囉。咁都不特止，蘇寧仲可能面對另一 問題，塊上海地王屬地鐵上蓋，但地鐵未建成，地王規劃隨時要配合地鐵而改則，加上樓市幾時復蘇冇人知，第日地王出售攞唔攞得番成本，賺番合理回報都係問 題，真係唔知點收科。
中環在線：高盛返大陸養豬
2008-08-04 AppleDaily
外 資大行喺大陸又有新投資目標，今次佢哋唔係睇中入股邊隻內地金融銀行股，而係養豬，做豬農。據《中國經營報》報道，以高盛牽頭嘅私募基金，近排斥資二三億 美金喺湖南同福建一帶，一口氣全資收購10幾間專業養豬場。其實今次唔係高盛第一次入股大陸豬業，早喺雨潤（1068）上市前高盛已入股。
聽消息人士講， 今次高盛收購番嚟嘅豬場唔會自己營運，會外判畀人承包，佢哋只會決定價格，咁又係，唔通叫班基金經理落豬欄餵豬咩。據報道講，因為大陸對外資企業投資金 融、礦產、能源同電訊行業等都會睇得好緊，外資想叉隻腳入去玩都唔係咁易，相反農業就較寬鬆，基本嚟講係冇門檻限制，加上內地同國際市場對農業需求龐大， 投資成本又唔算多，所以咪吸引班外資到大陸投資農業，博第日上市或者等併購賺錢。
軟庫投資10年回報8倍 中環在線：孫正義發達靠畢菲特 李華華
2008-08-04 AppleDaily
前 日本首富，軟庫（SoftBank）創辦人孫正義，前日出席喺杭州舉行嘅第二屆APEC工商諮詢理事會亞太中小企業峯會，佢講到軟庫嘅「創富」過程。軟庫 透過經營手機、寬頻同日本雅虎業務，收取大量現金，孫正義就喺過去10年，用咗其中30億美金，投資全球800幾間科技公司，結果勁賺260億美金，投資 回報高達8倍幾。
每十年定人生目標
有咁驕人嘅成績，佢自爆係向股神畢菲特嘅巴郡偷師。據《中金在線》報道，孫正義話，畢菲特 嘅巴郡擁有保險公司，呢啲保險公司為巴郡提供穩定嘅現金流，畢菲特就係透過呢啲現金流，不斷加碼投資麥當勞、可口可樂同強生等有潛力嘅公司，結果帶嚟豐厚 嘅回報。孫正義就係參照呢個模式，不過，孫正義可以講係青出於藍，因為據佢話，畢菲特過去10年嘅投資回報都係兩倍。孫正義話，自己嘅人生目標從來冇動搖 過，「一生都賭喺微電腦上」，佢嘅目標係「30歲時，賺足夠嘅錢投資；40歲時，落一個大賭注，做一筆大投資，對人生有一個大挑戰；50歲，要實現公司嘅 目標；60歲時，接力交棒畀下一代。」孫正義今年51歲，離交棒仲有9年，佢唔係蹺埋雙手等退休，而係喺嚟緊10年，定下大計──要喺退休前將軟庫打造成 世界第一嘅手機上網公司。據美國財經雜誌《福布斯》08年全球富豪排名榜，孫正義排名第201位，身家高達51億美金，約398億港銀，佢亦係日本第5大 富豪，佢創辦嘅軟庫家陣市值達1527億港銀，公司持有日本雅虎4成股權，市值約685億港銀。電郵：
[email protected]
中環在線：大陸股神唔炒股大覺瞓 李華華
2008-08-05 AppleDaily
對 住呢輪淡靜市，有「大陸股神」之稱嘅內地散戶林園選擇瞓同玩。《京華時報》最近訪問咗呢位內地散戶股神，雖然佢喺跌市中同一眾散戶一樣中招，但仍然「淡定 自若」，林園話：「現在這種大市下，我做得更多的是睡覺和玩。」佢話股市嘅規律就係咁，「牛市吹泡泡，熊市擠泡泡；泡泡遲早會被吹破，泡沫終究也會擠乾 淨，周而復始。」
佢測算過，未來15年中國經濟複合增長率會有4%，所以堅持長揸，最終可以賺錢，所以唔擔心中國股市同揸住嘅股票一跌不起。個訪問約咗林 園喺一間佢相熟嘅股票行進行，林園話已經好少嚟股票行，「懶得跑，沒事就在家睡覺，除非有事才過來。」佢話唔會好似股民咁成日『目及』住股價，家陣幾乎唔 同人講股，費事俾人哋影響投資決定，「我甚至想去一個沒有電話、沒有網絡的地方。」唔通林園想做隱世高人？
中環在線：秋官效應重播失靈 李華華
2008-08-05 AppleDaily
上 個月初，中港兩地三家電視台包括無綫、亞視同東方衞視齊手發功，重播鄭少秋擔正嘅電視劇，催谷「秋官效應」，唔單止推冧中港兩地股市，仲拖累亞洲各區指 數。呢個幾禮拜，三台重播嘅秋官電視劇都先後播完，連最後播完嘅無綫《潮爆大狀》噚日都播埋大結局，唔知係咪秋官諗住煞科，唔捨得班散戶，臨最後一集，都 要推跌恒指300幾點，整多劑「秋官效應」留為紀念。總結三套秋官電視劇重播，「秋官效應」嘅威力有幾大，就要睇番播映期間港股嘅表現。華華發現，今次 「秋官效應」唔係幾靈，唔知係咪重播唔同首播，令威力失效呢。好似喺無綫重播嘅《潮爆大狀》，恒指除咗喺播映頭幾個禮拜下跌外，之後走勢都幾好o架，仲一 度重上23000點樓上，套劇播映期間，恒指累積上升6.1%，而亞視重播《榮歸》期間，恒指就升咗1.2%。不過，最厲害嘅係內地電視台東方衞視播嘅 《非常大狀》（即係香港嘅《潮爆大狀》），播映期間上海A股錄得7.4%升幅。
見底回升兆頭？
其實，回顧秋官過去14套電視 劇，「秋官效應」嘅威力一般都只係維持喺套劇播映期間，之後股市都會造好，升幅仲唔錯o忝，喺播完之後3個月，港股錄得11升3跌，當中以舊年賀回歸播映 嘅《榮歸》升幅最勁，急升27%。唔通秋官嘅劇係恒指見底先兆？家陣恒指回軟，散戶不妨諗吓趁調整入貨，博「秋官效應」後反彈，不過係咪真係見底就好難 講。電郵：
[email protected]秋官效應對兩地股市威力
《恒指》
劇集：大時代播映年月：11/1992
播映完整體變幅：-12.7%之後3個月變幅：+14.8%
劇集：笑看風雲播映年月：10/1994
播映完整體變幅：-13.8%之後3個月變幅：+1.9%
劇集：香帥傳奇播映年月：5/1995
播映完整體變幅：+11.9%之後3個月變幅：+5.6%
劇集：男人四十一頭家播映年月：6/1995
播映完整體變幅：-3.8%之後3個月變幅：+5.6%
劇集：天地男兒播映年月：2/1996
播映完整體變幅：-6.5%之後3個月變幅：+3.1%
劇集：江湖奇俠傳播映年月：12/1997
播映完整體變幅：-1.4%之後3個月變幅：-9.9%
劇集：神劍萬里追播映年月：7/1999
播映完整體變幅：-6.5%之後3個月變幅：+12.7%
劇集：世紀之戰播映年月：9/2000
播映完整體變幅：-8.3%之後3個月變幅：+1.5%
劇集：非常外父播映年月：10/2003
播映完整體變幅：+3.9%之後3個月變幅：+6.6%
劇集：血薦軒轅播映年月：3/2004
播映完整體變幅：-8.8%之後3個月變幅：-0.5%
劇集：楚漢驕雄播映年月：10/2004
播映完整體變幅：+10.9%之後3個月變幅：-3.4%
劇集：御用閒人播映年月：3/2005
播映完整體變幅：-1.7%之後3個月變幅：+2.2%
劇集：潮爆大狀播映年月：4/2006
播映完整體變幅：+3.7%之後3個月變幅：+1.8%
劇集：香港傳奇─榮歸播映年月：7/2007
播映完整體變幅：-4.6%之後3個月變幅：+27.0%
劇集：香港傳奇─榮歸*播映年月：6/2008
播映完整體變幅：+1.2%之後3個月變幅：-1.0%#
劇集：潮爆大狀*播映年月：7/2008
播映完整體變幅：+6.1%之後3個月變幅：-1.5%#
劇集：上海A股
劇集：非常大狀**播映年月：7/2008
播映完整體變幅：+7.4%之後3個月變幅：-5.6%#
註：*重播**即潮爆大狀 #播完至今
資料來源：本報資料室
中環在線：夾錢炒股鬧上法庭 李華華
2008-08-06 AppleDaily
唔 係個個識炒股，就算識都未必有時間成日『目及』實個市。北京就有對父子，出錢搵人幫佢哋手炒股。點知受聘嘅贏咗錢，對父子居然唔認數，幫人炒股嗰個梗唔會 就咁算數，於是鬧上法庭，結果係點？據《新華網》報道，北京有對姓趙嘅父子，前年搵咗位姓呂嘅散戶幫佢哋炒股，雙方仲簽咗合同，趙氏父子存200萬人仔落 自己嘅股票戶口，然後就授權畀姓呂嘅用個戶口嚟炒股，為咗保障自己，趙氏父子要呂生存100萬入個股票戶口度做保證金。一年之後，呂生無論贏輸，只需要畀 222萬人仔趙氏父子，其他贏到嘅全部可以自己袋。呂散戶不負所託，一年之後，股票戶口由300萬變咗688萬，點知趙氏父子過橋抽板，換咗個戶口密碼， 咁你係阿呂生都唔會罷休啦，搞到法庭相見。喺庭上，趙老先生居然話唔識姓呂嘅，之但係白紙黑字有晒合約，結果趙氏父子輸官司，要畀351萬銀人仔兼利息。
Next Page