中環在線：魏應州生日願望咪當真 李華華
2008-07-31 AppleDaily
唔 知大家有冇留意噚日報道過，康師傅（322）董事長魏應州向台灣傳媒話，計劃喺未來兩年，將旗下三塊主要業務分拆上市嘅報道。噚晚康師傅就呢件事出通告， 澄清話分拆計劃，只係魏總嘅生日願望，通告仲要話魏總喺一個社交活動上講，以上報道並不準確咁話。華華即刻去搵番嗰日報道，發現原來魏總嘅生日願望係喺東 京講嘅，推斷場合應該係有關同日本啤酒集團朝日Asahi喺日本開嘅記者會，講朝日將同康師傅合作喺台灣生產啤酒。香港《蘋果》嘅姊妹報台灣《蘋果》亦有 派記者去追訪呢個社交活動。話時話，呢個咁宏大嘅生日願望，真係唔係個個人都可以講得出口，因為首要條件係擁有一家有規模嘅公司，各個業務都要有番咁上下 size，如果唔係講出嚟都無人理啦！魏總，華華祝你生日快樂，心想事成！