《幕後玩家》 賤男Bosco 搞散黃翠如蕭正楠
1 :
GS(14)@2016-11-29 07:55:28大台劇《幕後玩家》就嚟大結局，開始進入高潮，有角色開始變奸，又會有角色會死，感情關係七國咁亂，要幾複雜有幾複雜。黃翠如嘅角色顧成雙都ready變奸喇！喺劇中同「Sean」蕭正楠離婚；不過有網民就覺得翠如BB始終太靚女，點奸都奸唔嚟，唔多buy翠如BB做奸角喎。話晒翠如一直做「乖乖女」嘅角色，演技要跳出觀眾「框架」都唔係咁易！網民嘅評價係「翠如好用力咁話俾我哋知佢開始變奸」、「我覺得係翠如做唔到奸角，不過翠如呢種性格奸起嚟好恐怖」。跟住就嚟劇透……小心小心!!
o依家劇情暫時講到翠如一直以為Bosco係好人，唔知對方害死間接胞弟陸永，仲想同Bosco聯手，對付家姐陳煒。之後劇情嘅發展又係估唔到，Bosco同老婆(龔嘉欣)同情婦(劉佩玥)分手後，會走去撬老友牆腳，狂追翠如BB；「雙黃」連成一線攞咗間公司嘅控制權。跟住翠如BB會越變越衰，利用完蕭正楠就同對方離婚，轉去同Bosco喺埋一齊。嚟緊仲有兩星期就大結局《幕》劇，啲衰人呼之欲出喇，不過原來除咗Bosco同翠如BB之外，仲有一個「幕後玩家」，到底邊個會係最終Boss呢？
來源:
http://hk.apple.nextmedia.com/entertainment/art/20161129/19849186