【退休男轉行吧】人到中年被退休 老闆變侍仔找到寄託
1 :
GS(14)@2016-11-08 05:54:37上月美孚銀杏館結業，Raymond就到別的餐廳繼續當侍應生，做精神寄託，等待新的銀杏館重開，又回到台上唱歌去。
講最佳退休時候？財務自由時梗係越早越好。
然而，家陣大公司間間瘦身，人到中年四、五十歲爬到管理層；或者一個不幸公司倒閉，失驚無神中年失業提早退休，最令人彷徨。64歲的Raymand來自製衣業世家，八十年代就自立出來開製衣廠，工廠由深圳開到內蒙，客人遍佈美國歐洲。每星期數埋只得五、六天在港，是個工作狂，「你叫我停下來完全不工作，我受不了的。」那時候，他在加拿大有間六千呎大屋，有三個車房，前園可放12台車。代價是緊張失眠了40年。整天都是皺眉黑面樣，連去旅行都不懂笑，額前同眉間深深的皺紋是見證，「瞓覺我都皺眉頭的，一閉上眼就好多事湧出來，你叫我笑我會發脾氣。」
大陸拍檔呃走成間廠「唔開心都冇用」
2008年製衣業式微，他的工廠被大陸合作夥伴騙走，被迫退休。若大家以為經濟不愁，就可以安安靜靜享福，就錯了。心理問題才大件事。
Raymond留在家腦空空時，累積四十年的不愉快事件排住隊湧上心頭，而且成世人在外呼風喚雨指揮若定，回家都一樣，「我哋做慣長輩同老闆家嘛，我落命令你哋就做啦，原來女兒們有另一套思想。你想像以前眼神一厲，說一句孩子就乖乖聽話？沒這支歌唱了啦。」女兒們說，你出去找事做吧，否則你留在家，要不發脾氣要不發霉。機緣巧合他跑到銀杏館唱歌，幫手捧餐。由大老闆，變了要受氣的侍應生，成個身份簡直大對調。谷住道氣，就上台唱他練了四十年的中英法文歌，終於抓住一點寄託。說是快樂第二人生就太簡單，但換了身份，由被服侍變成服侍人，認識更多不同階層的人，他學會把生活當做旅程，就感受不同位置的人生，「諗番轉頭唔開心都係冇用。自問一句，我不是個很差的人，但若沒有平台讓我發揮的話，我就這麼完了。」
五十歲失業高危成立NGO幫人搵工
文瑞祥（Steve）則曾是人力資源管理高層，人工高，公司瘦身率先被裁，「我才50歲，但沒人會要你十年廿年（經驗）的。因為佢畀嘅仍是那個價位的薪金，你有經驗又如何，他們未必需要。」去年6月，他跟兩個同樣做到管理層，卻中年失業的朋友，集資六位數成立NGO。辦講座、就業諮詢及訓練，還免費幫中年失業者搵工，找回自己的價值，他們叫這些再就業的中年人buddies，「他們好怕被標籤失業或退休，覺得俾人幫，件事好唔光采。」雖然，許多公司公司賺他們年紀大，學習能力慢；但也有公司看到這些中年人的優點，Steve：「好多時我們的buddy都是好認真的工作態度，上班有早無遲，反而我們常遇問題是buddy太早了，公司都未開門。他就說哎呀我想早些開工呀。」還有大堆中年朋友跑來幫忙做義工，為buddies開講座、開就業訓練班、諮詢服務等等，他們只向公司收仲介費，雖然有個簡單定額，但還是讓公司按服務滿意度，自行決定畀幾多，那豈不好易白做？還好，無良顧主不算太多，「大家講個信字，互助互信嘛。不合意的最多下回不合作。」不為財，只為幫助同路人轉轉跑道，從另一角度感受人生，「經過這四個月，我想我們透過跟我們有關連的buddies，透過我們的支持或幫助也好，心理上的支持，可能比我們直接介紹份工，給他的更多。」
facebook：Buddytown畢尼地城記者：陳慧敏攝影：陳國邦
工作四十多年，Raymond從來眉頭緊皺，現在做兼職侍應，Work-Life Balance，倒開始會說笑了。
當年在加拿大六千呎大宅，當年有電視台訪問他打高爾夫球的心得呢。
在香港住淺水灣，閒來乘私家遊艇出海，好寸，但依然笑不出。
回看相片，1974年他在外國念書回來，到爸爸的製衣廠幫忙，面對數簿，原來已經唔識笑。
Steve現每天到不同學校上課，開講座，一日走遍香港九龍新界，比做正職時還要忙，感覺卻更充實。
來源:
http://hk.apple.nextmedia.com/su ... t/20161107/19824880
入行19年經歷肥瘦鼻歪韓君婷轉行OL 做美容白老鼠
1 :
GS(14)@2016-11-10 08:02:39■韓君婷毅然離開娛圈，上月轉做醫學美容，她表示新工作令她重生，帶來很多滿足感。攝影：林德雄
現年41歲、97年亞姐冠軍韓君婷，當選後在娛樂圈打滾至今19年，曾因40吋坐圍被取笑做「籮霸」，過去十多年體形又脹又縮。前年她在新加坡仆崩鼻，搞到破相，幸好手術後康復。韓君婷忽然對醫學美容有興趣，上月低調到一間藥廠返工，退出幕前轉行做OL，公司日前更派她主持一個醫美講座，即場示範美容儀器，貪靚的她直認愛做「白老鼠」。
韓君婷於97年當選亞姐冠軍，之後加入娛樂圈，由亞視做到無綫，她曾離港到新加坡協助胞兄打理生意，近日韓君婷回流香港，個多月前受聘Merz德國藥廠做診所發展培訓執行員，主力宣傳醫學美容和相關儀器。韓君婷日前接受本報專訪，被公司安排到尖沙嘴一間皮膚中心主持醫美講座的她，對新工充滿熱誠：「轉工係可以令一個人有重生感覺。」
■韓君婷日前主持講座，又親自向客人講解儀器。
■韓君婷不介意自己的身形成焦點，14年前成功纖體後，即把家中的磅都丟掉。
■去年韓君婷承認仆崩鼻，之後接受鼻骨矯形手術。資料圖片
做演員永冇辭職
講座中，韓君婷細心介紹最新美容儀器和示範，表現淡定。告別幕前轉做OL，她強調並非厭倦當藝人，只是想接受新挑戰：「藝人講際遇，好多外來因素，我唔係嗰種要做明星。做藝人成日要聽唔同聲音，有真有假。我而家搵到啱嘅工作，受公司賞識，嗰份滿足感好大，我對醫學美容好有興趣。」會否因戲癮想復出？韓君婷直言：「演員成日有戲癮，做演員永遠係演員，永冇辭職，到我死嗰日都會寫出嚟，避唔到呢啲新聞。」過去演藝生涯絕對為她留下美好回憶，即使被稱「過氣藝人」都不計較，韓君婷說：「我唔會嬲，反而開心佢哋對我咁深刻印象，證明當年做出成績。」
獨愛大躉尤加利
新工讓韓君婷接觸新事物、新科技，比做藝人時話題更多。她的工作要推銷美容儀器和產品，必須做「白老鼠」，但她強調多年來臉孔從沒添加或微調：「五官純天然。」韓君婷前年不慎在新加坡滑倒令鼻歪變形，去年醫生建議接受第一期鼻骨矯形手術，她表示暫時不會再做手術：「基本上係康復，唞氣運作正常冇問題，個鼻太多注意力，就等同以前太多注意力擺咗喺我嘅盆骨度。」5呎7吋高的韓君婷過去10多年暴肥暴瘦，一時巨咪籮霸，體重高達150磅，一時變火柴人，弱不禁風，多年來成為笑柄，她說：「身形同體重，對我嚟講最冇壓力，我肥又有導演搵我拍嘢，瘦又有人搵我拍嘢，對我工作冇阻礙。我最鍾意當年錢嘉樂叫我做『大躉尤加利』呀，日本妹，卡娃兒！」眼前仍偏瘦的韓君婷到底現在體重多少？她說：「我唔知，我屋企個磅喺減肥後掉咗，你日日望住佢畀你壓力，唔需要咪掉咗，點解要為一個冧把咁唔開心？」韓君婷自評現在狀態有7分，她說：「我唔係生出嚟靚女，要靠打扮加分，懶人享受唔到呢啲，如我有80歲命，仲有3分可以進步。」採訪：陳杰
來源:
http://hk.apple.nextmedia.com/entertainment/art/20161110/19828224
95年《打開天空》出道 月賺百萬轉行陳建穎：喺娛圈失自我
1 :
GS(14)@2016-12-03 05:12:29■90年代歌手陳建穎日前接受本報專訪時，自認高峯期曾月入百萬，但他仍毅然離開娛樂圈。
高峯時期曾月入百萬，更有機會接拍內地中央電視台的劇集，但陳建穎（Ray）仍選擇離開娛樂圈，寧願由低做起轉職保險從業員。很好奇他離開原因？他說：「我覺得唔可以淨係搵錢，我有少少搵唔到自己。」Ray去年底已成家立室，現在每日忙於湊六個月大寶貝女Avery，樂於平淡。
現年43歲的陳建穎（現名陳紀匡），95年憑着與陳慧琳、陳曉東及邱穎欣合唱的歌曲《打開天空》而為人認識。當年甚有人氣的他，曾經試過一日出席五個活動，每個活動的酬金均有五位數字，日前他接受本報專訪時說：「都有試過七位數（一個月），而家就平均啲，以前可能係一個月好好，跟住之後嗰三個月就普普通通，但而家就係平均嘅。」Ray坦言當歌手時，未曾試過為生活費而憂心，他笑言是因自己總會找到賺錢的方法，他說：「仲做緊歌手嗰陣，我試過傾咗個韓國健康食品嘅代理番嚟，仲喺韓國開咗公司，請埋當地人去賣，之後因為成本太高冇繼續做，不過都冇蝕錢。」
■曾有機會打入內地的陳建穎，最後放棄退出娛圈，他自言：「有少少搵唔到自己。」
■去年底與圈外女友ViVi結婚的陳建穎，當晚唱歌冧老婆。
■陳建穎的囡囡Avery剛好半歲大，現時忙於湊B女。
【95年】■陳建穎入行前曾跟戴思聰學唱歌，與陳曉東（左）和陳慧琳同期出道。資料圖片
難頂閒言閒語
Ray選擇離開娛樂圈的原因跟金錢無關，他說：「我覺得娛樂圈好多嘢要等，同埋太過不受自己控制，唔係淨係搵錢，我有少少搵唔到自己。例如當年我好瘦，嗰陣當我操弗啲，就會有人話你肥咗好多，但到我再瘦番，又會有人問你係咪吸毒，我覺得好難去處理人哋嘅期望，同埋我唔俾人話得。」他表示自己加入娛樂圈時年紀尚輕，很多事情不懂處理：「嗰陣個人冇乜歷練，我多倫多畢業之後，唱歌就係我第一份工，所以演戲嗰啲，好多都係一個表情，真係唔適合。」07年於內地拍畢中央電視台劇集《香港姐妹》後，Ray便退出娛樂圈，其後經親戚介紹下，轉行加入保險業，努力了七年，現已成為有三十多名下屬的高級分行經理，但最初仍會遇上困難，他說：「難嘅，我上司都擔心我未必轉到行，頭一張單都係圈內人幫我買……好彩之前嘅少少虛名，其實有幫助嘅，好多人見到我，可能個老闆都未必即刻認得我，但佢個秘書就認得，咁變咗對我嚟講有好多方便。」
明年搞演唱會
Ray去年與圈外女友ViVi拉埋天窗，太太今年誕下女兒Avery，現在他每日忙於照顧六個月大寶貝女。問到假若再給他一次機會，會否依舊選擇加入娛樂圈，還是會選擇現時生活？他說：「都會入演藝界，因為你行完呢條路，個影響力會大啲。其實我做歌手嘅夢想，除咗喺紅館舉行個人演唱會之外，就係搞一個慈善演唱會，其實而家都有人同我傾緊，最快應該出年成事。」是否想復出？他笑說：「復出唔敢講，冇能力，我唱得唔夠好，唔夠好嘅意思係唔夠特別，但聲靚都做到嘅。」問到會否贊成囡囡將來加入娛樂圈？他說：「唔介意，個女鍾意就得，其實佢都有天份㗎，影相會望鏡頭，加上太太彈琴都好叻。」
陳紀匡退出娛樂圈後轉行保險業。
Ray與上司（前排左二）及一眾下屬大合照。
仍然喜歡音樂的Ray，放工後到唱片店聽歌。
Ray表示仍有人找他推出 Hifi碟。
到底Ray搵唔搵到自己隻CD？
去年底跟圈外女友ViVi結婚。
囡囡Avery於今年出世，現在已有六個多月大。
當年一日跑四、五場show的Ray，坦言雖然賺到錢，但就迷失咗自己。
採訪：譚倩宜、嵐山攝影：卓振輝、馮峰、陳順禎場地提供：銅鑼灣HMV
來源:
http://hk.apple.nextmedia.com/entertainment/art/20161202/19852095
柳爺離職即做愛協總監劉晉安轉行變身實習律師
1 :
GS(14)@2016-12-10 13:29:36「新聞王子」呢個term大家都聽慣聽熟，就算呢排被爆偷食嘅李潤庭都係「新聞王子」出身，佢未被爆緋聞之前喺大台做娛樂新聞主播都幾巴閉，間唔中客串拍劇，其實唔只佢，其實「新聞王子」出路都好廣。鄧景輝被視為元祖「新聞王子」嘅鄧景輝，喺美國讀大學，廣播傳理系畢業後喺當地電視台粵語新聞部任職，92年回港加盟亞視擔任記者同主播，於2000年加入無綫。鄧景輝又曾先後擔任合縱連網董事、生物科技公司董事，其後於2011年加入DBC數碼電台，任職新聞部首席主播及監製。鄧景輝於去年底，疑受財務問題困擾，於太古城寓所墮下，享年51歲，其逝世消息震驚傳媒界。柳俊江有「柳爺」之稱、現年35歲嘅柳俊江於2002年至2010年任職無綫新聞部8年，其於08年開始上位做主播。2010年柳爺決定離開大台，又宣佈轉任香港愛護動物協會任中國外展總監，而喺2013年仲辭任愛協職位，轉到九巴做社區事務經理。另外，佢又不時於幕前演出，去年喺電影《雛妓》演蔡卓妍男友一角。伍家謙37歲嘅伍家謙，曾於亞視新聞部實習，畢業後加入《新報》擔任體育記者，03年由伍晃榮帶領加入大台，主力擔任體育主播。2015年同無綫結束12年嘅賓主關係，轉為自由工作者，及後轉投網台拍攝體育節目。今年伍家謙回歸大台，擔任里約奧運2016同其他節目主持。劉晉安喺美國出生嘅劉晉安，曾先後喺now及無綫任職記者，2012年仲兼任做埋主播。佢仲喺2015年為升學而停薪留職，喺翌年1月恢復報道新聞，不過大半年後辭職，轉行做實習律師。姚雋彥33歲嘅姚雋彥喺香港浸會大學應用傳播學系畢業，加入大台做主播，不時兼任體育主播，而佢又經常喺報道中「抽水」，被不少網民稱為「新一代神抽體育記者」，而佢喺今年過檔樂視。
來源:
http://hk.apple.nextmedia.com/entertainment/art/20161210/19861156
【放膽追夢】飛機師棄百萬年薪 轉行賣日式便當
1 :
GS(14)@2017-01-02 11:51:53今年37歲的Rudy，決定轉行時才剛結婚，幸得太太支持。
「這是我唯一一次，亦是我第一次創業，我不想放棄創業夢想，不如放棄我的飛行工作。」森川老闆李有鈞（Rudy）說。今年37歲的他，在加拿大讀飛行學校，畢業後一直擔任副機長的工作。直至三年多前，和從事建築師哥哥一齊創業，開設全港首間賣日式熟食便當的外賣店，由於想全身投入創業，續決定放棄百萬年薪的飛機師工作，大膽追夢去！
「我爸爸媽媽都在日本讀書，小時候經常帶我去日本，帶我坐新幹線食鐵路便當對便當有情結。大學畢業後，在爸爸安排下，我和哥哥在日本鰻魚場工作近一年，他希望我們可以學習日本人文化及做事方式。」剛創業時，本來一直兼任機師工作，但後來哥哥全身而退，公司蝕錢，Rudy不得不作出沉重決定。「機師是我的志願，但創業是我的夢想，今次創業如果失敗，可能是我最後一次，萬一真的做得不好，或者都可以回去做飛行工作，不如放膽試一次。」他說。因為「可能是最後機會」這句話，連妻子Agnes亦辭去原本正職，雙雙全職投入日式便當生意。「當初決定創業時，其實只是剛結婚，這樣犧牲放棄自己正職，去投身創業，而且是未知數，其實是一個風險。不過，見到這個市場有很大的發展空間，丈夫又有很大決心，所以一定會支持他。」Agnes說。得在日本從事飲食業20多年的親戚森川先生引線，投資近200萬元，在港引入日式便當做法，由飯盒、食材甚至做法，偏向精緻。「我們便當有四五個格，差不多有十多種食材，不同於一般飯盒，炒完便放進盒內就賣，所以我們要花多少少時間完成。」我經常在日本雜誌見到各類便當，貌相的確100分，但由於大部份多是冷冰冰的，味道總是失色。「雖然我們目標是跟足日本便當，不過，香港人比較喜歡暖熱的飯，不同於日本人，他們會食凍飯，所以我們會將飯保持室溫或暖的溫度，這點要迎合香港人口味。」因紅磡多日本人，所以首間店開在紅磡，可惜如意算盤打不響，每個月連蝕20萬元，後來由舊區轉戰商廈，改良配方，將近一年才收支平衡。開業三年，現已有五間分店，積極擴張，今年會在香港站及九龍站新開兩間分店，每月賣500至600個飯盒，營業額將近70萬元。除了日常便當外，今年更推出新的御節料理。這是日本傳統的新年菜式。便當分有三層，盒內有二十多種食物，最頂層是最名貴的食材，有海老甘煮、鮑魚、黑豆、尤魚壽司等等。各食材有不同寓意，像魚子有「孩子很多」的雙關之意，為祈禱子孫繁榮，像魚卵一樣能多子多孫，又如紅白魚蛋，在日本紅與白是很吉祥的色彩，紅色代表可以去邪除魔，而白色是代表清浄，有祝福全家平安健康之意。踏入新的一年，不妨規劃今年目標，放膽追夢吧！森川九龍灣宏冠道8號金漢工業大廈大堂記者：何嘉茵攝影：鄧鴻欣
得在日本從事飲食業20多年的親戚森川先生引線，在港引入日式便當做法，由飯盒、食材甚至做法，偏向精緻。（第一排左二）
由於Rudy想全身投入創業，續決定放棄百萬年薪的飛機師工作，大膽追夢去！
御節料理是日本傳統的新年菜式，便當分有三層，其中最頂層是最名貴的食材。$2188
秋之紅葉便當，引入日本食材，和日本便當有七成相似，只是稍為改良飯變溫熱配方。$88
來源:
http://hk.apple.nextmedia.com/su ... t/20170102/19883871
張沅薇退出娛圈做知客顏國樑轉行教太極
1 :
GS(14)@2017-01-18 22:21:22進軍娛樂圈後，等於一輩子也要待在呢個圈子嗎？別傻吧，世事變幻莫測，很多藝人早已淡出幕前，轉行了。曾擔任無綫兒童節目《閃電傳真機》主持的張沅薇，當年與音樂人王雙駿拍拖，誕下兒子後，就淡出娛樂圈。後來兩人分手，她要獨力照顧兒子，現於粵菜館當知客養家。90年代女星鄭艷麗，由無綫清純小花，變做性感三級片女星。兩年前，當年她42歲，被雜誌影到於快餐店打工。資深演員顏國樑，拍完《美麗高解像》後，便淡出娛圈，轉行教太極，他還有一間售賣貓糧和狗糧的小店，當老闆賺錢。
來源:
http://hk.apple.nextmedia.com/entertainment/art/20170118/19900277
梁雨恩轉行掟鏢做一姐
1 :
GS(14)@2017-01-19 08:08:05■梁雨恩現全情投入飛鏢運動，成績不錯。
梁雨恩（Cathy）出道十年，曾跟陳法拉前夫薛世恆傳緋聞。31歲的她現已離開娛圈，全情投入飛鏢運動，曾擊敗美國隊奪得首屆「Soft Darts World Cup2016」冠軍，今年有四站得到champion，女子排名第一，是鏢界一姐。日前Cathy接受本報專訪，她認為比起樂壇，飛鏢令她得到更多：「適當嘅時候放手，有時捉得太緊，反而會睇唔到身邊有更好嘅風光。可能以前都會有好多期望或者想做嘅嘢，?家就覺得唔係淨係單向唱歌。佢嘅規則只係你企喺個throwline後面，然後中個靶，但係樂壇上嘅規則或人事會更加複雜。」採訪：植詠珊攝影：卓振輝、馮峰場地提供：Darts Market
來源:
http://hk.apple.nextmedia.com/entertainment/art/20170119/19901178
3測量師轉行做地產代理
1 :
GS(14)@2017-02-06 07:25:19■Eric（左）、Ray（中）與Alvin三人轉投海外物業銷售，盼賺返「應得的收入」。 黃嘉銘攝
【地產專題】「量地」或許是測量師的專業，不過，三位30歲出頭的工料測量師，嫌「量地」工作沉悶刻板，轉投做海外物業銷售員，望搵快錢一圓成家立室和置業夢。三位出身於老牌建築公司協興的工料測量師，分別名為范俊楊（Alvin）、龍子康（Ray）及劉振衡（Eric），過往擁有一份穩定收入，三人工作時認識，甚至在同一地盤，同一個貨櫃一齊返工，聚頭時的話題離不開金融、經濟及地產。所謂「做果行，厭果行」，年多前三人對測量師的工作覺得沉悶，Alvin說，做QS（工料測量師）就只是計數、睇圖，做report，得好少機會落地盤，以文職工作為主，無乜挑戰性，而且做測量的晉升前景，「幾時搵到幾多錢，全部有數得計」。Ray亦說「做QS一定有Model Answer」，欠缺挑戰性。
「靠打工好難搵首期」
眼見本港樓價持續高企，龍子康直言如果「單靠打工，實在好難搵首期」，想置業，就要在打工以外，找投資同創業的機會。適逢工作上認識一位馬來西亞人，穿針引線下，去年10月成立一間名叫飛騰的公司代理馬來西亞樓盤，每個月差不多用6位數租用尖沙嘴近千呎辦公室。Eric坦承，希望透過賣樓賺返「應得的收入」，對於係咪想賺快錢，笑言「兩睇啦」。他們表示，近5個月來促成超過10宗交易，報稱收入比往打工時翻倍，佣金收入不願透露，惟三人身體力行，合資9萬元買入一個代理的樓盤單位，價值200萬元。
Ray指，促成交易中，兩組香港中年買家原先只有意各買一伙，惟一同出發到當地視察後，兩組客竟然各多買一伙，營業額由500萬港元增至1,000萬元，由原先賣2伙變成賣4伙。目前，三人之中，只有Ray在港擁有物業，未上車的Alvin，未來希望花600萬元在港買300餘至400方呎物業。Eric就覺得港樓仍然太貴，只望賺到錢盡快成家立室。Ray希望可放低搵錢包袱，到世界各地體驗不同文化。
來源:
http://hk.apple.nextmedia.com/financeestate/art/20170206/19919244
【拍劇搶手】落選港姐轉行失敗
1 :
GS(14)@2017-02-06 07:28:0048歲的郭少芸，於92年參加港姐入行（圖），當年只躋身12強止步，與同屆冠軍盧淑儀、李玟兩個家姐李思林及李秋林等奪「最佳合作獎」，落選後即獲邀拍無綫劇，雖不是要角，但3年內已參加過15部劇集演出。多年來，她於《真情》飾演的細孖李多欣及近年的《愛．回家》孻姑姐馬柔最為人所熟悉。其間，郭少芸曾嘗試轉行，到胞姊的製作公司由低做起，亦曾3次投資食肆生意，最後損手離場。與郭少芸同屆的港姐均都未有投身演藝事業，06年盧淑儀嫁給李克勤，季軍的張雪玲轉投美容界，而奪得第四的梁思敏，落選後拍三級片《情不自禁II之霎時衝動》，成為首位港姐出身的三級女星。
來源:
http://hk.apple.nextmedia.com/entertainment/art/20170206/19919015
范萱蔚轉行做化妝師黃倩婷簽諸葛紫岐再做人妻
1 :
GS(14)@2017-02-08 22:31:37梁慧恩（Viann）係加入RoadShow做主持入行，之後拍埋電影同做埋綜合節目司儀。除咗佢之外，仲有邊啲大家久違了嘅女主播？佢哋又做緊咩呢？范萱蔚現年29歲嘅范萱蔚，04年參加舞台劇被經理人公司賞識，入行後佢仲做埋歌手，亦有喺RoadShow擔任主持。不過2010年後，范萱蔚轉行做化妝師，2014年仲同拍拖六年做私人教練兼舞蹈員嘅男友結婚，前年做埋媽媽o添！何恩欣見到呢個名未必知係邊個，不過講起佢英文名Yannes，相信好多朋友都記得當年佢主持嘅《週末爆機王》為觀眾介紹唔少電玩遊戲，而佢近年主要接司儀工作，亦不時出席活動。張紫櫻喺新城做DJ入行嘅車車（張紫櫻），早年加入亞視做配音及主持，2012年被裁後加入RoadShow主持至今。除此之外，佢仲會客串ViuTV節目。黃倩婷2007年參選亞姐入行嘅黃倩婷（Cindy），2009年離開亞視，翌年加入RoadShow做主持，直至去年佢簽約諸葛紫岐旗下嘅星韜。
來源:
http://hk.apple.nextmedia.com/entertainment/art/20170208/19921682
Next Page