講膠所手記：問心無愧
1 :
GS(14)@2012-06-07 23:05:03http://www.sharpdaily.hk/article/fin/20120607/98736
搞咗3年零8個月，使咗納稅人千幾萬，立法會雷曼小組，終於公佈佢哋嗰份調查報告；結果，對證監會打虎英雄韋奕禮「極度失望」，對管財金嘅兩個問責高官曾俊華同陳家強「失望」，至於前香港金融管理局總裁、有香港金融沙王之稱嘅任志剛，就「予以譴責」，3個指控明顯地有晒Level之分，堅係「人走茶涼」冇面畀。而任總亦唔係省油的燈，即刻還拖話自己問心無愧，仲深信公道自在人心！
有人認為，成單嘢係因為市民貪心先至有咁嘅下場，苦主係唔抵可憐嘅，但試問世俗人有幾多個唔貪心？況且，係監管機構開綠燈畀銀行賣呢啲咁嘅高風險產品，貪心嘅人先有機會用自己嘅錢去賭大啲，已經唔係雞同雞蛋嘅問題，根本就係監管不力！問心無愧呢四個字，咪亂用吖唔該！
YY
講膠所手記：由癲價到市價
1 :
GS(14)@2012-06-09 15:36:14http://www.sharpdaily.hk/article/fin/20120608/99320
叫香港人買地產股唔好買樓嘅「四叔」，呢頭講完嗰頭開盤，將佢嗰個「神奇跳層世紀撻定盤」天匯拎番出嚟賣，不過當年嘅每呎六、七萬「癲價」不復再，要「面對現實」貼市價開兩、三萬蚊呎咁賣。
雖然，你可以話呢次賣嘅係低層單位，邊有可能賣六萬幾銀一呎，但唔好忘記，呢幾年同天匯同區嘅好多豪宅都升晒，有啲仲升成倍，咁天匯如果堅係咁「優質」，幾年後開唔到6萬蚊呎，至少都4萬喇！就算當佢1至5樓，都嗌3萬幾一呎喇！
樓市有冇癲價，由頭到尾都係由發展商主導，呢啲癲價可以開到幾癲？視乎發展商個「良心」同「膽量」有幾大，至於話呢啲癲價係咪堅係有買家落叠，個關鍵就在於社會上有幾多個「豬兜」。
YY
講膠所手記：內房「耐防」？
1 :
GS(14)@2012-06-23 13:08:38http://www.sharpdaily.hk/article/fin/20120622/104467
恒大（3333）噚日半夜無端端俾「檸檬插」Citron砌話嚴重資不抵債、類似龐氏騙局、5年以嚟透過賄賂地方官員嚟維持業務。唔知係咪句句狂插、棍棍皆狠，令主席許家印極速開分析員會議解話，許主席話「檸檬插」呢啲係「搶劫」嘅行為，仲話會南下香港「還拖」，有啲真火喎！
內房股其實幾多擁躉，但其實好多間都疑似有事，幾時爆鑊只係睇佢哋有乜嘢能耐去防止俾人爆。
YY同大家分享噚日開工前收料經歷：
YY：恒大出事喎！
大戶T：乜料？
YY：Citron話佢造假數，家陣洗緊倉。
大戶T：喂，恒大出事呀，你即刻同我打畀阿邊個，XX、XX同埋XX，我要Call Loan呀，XX嗰條要即Call，兩千幾個呀，係呀（PS：上述3個XX，係3隻內房股）。
YY
講膠所手記：Magic 6萬5
1 :
GS(14)@2012-07-03 22:15:18http://www.sharpdaily.hk/article/fin/20120703/107503
七一嗰日，YY同大家一樣，奉獻咗嚟「愛港」，即係上街。今年，行得比較吃力，因為，家中長輩不屑於「驚慌」每年公佈嘅遊行人數數字，同佢現場見到嘅有咁大出入，於是毅然決定博一博由維園出發，實行多一個人頭得一個人頭（PS：年年插隊係因為怕體能支持唔到）。
長輩年年都問YY，究竟，「驚慌」公佈嗰幾萬人遊行嘅數字係點得出嚟㗎？YY唔知，淨係覺得，又唔可以話冇人上街，但又要唔會令到啲老細太難堪，幾萬，Magic得嚟又交到差。
造假數、篤數呢家嘢，見怪不怪，尤其係財金圈，之不過估唔到「驚慌」可以厚顏無恥到咁嘅田地，每年一個「盲都唔信」嘅數字，只會令警民關係更深層次矛盾㗎！醒啲啦，警務署長！
YY
講膠所手記：報錯警……
1 :
GS(14)@2012-07-05 22:09:52http://www.sharpdaily.hk/article/fin/20120705/108508
民企被有心人係咁砌，有幾多間真係身冇屎，未知，但如果夠膽好似恒大（3333）個老闆許家印咁，話明要報仇，仲要搵夥計走去報埋警，即刻令Citron襲擊佢呢件事，變成老屈成份好高。
作為第一間因為「俾人搞」而走去報警嘅民企，去到差館報案會報乜嘢呢？梗唔會「我哋俾人搞」咁膚淺嘅，可能係誹謗、有人藉狙擊佢哋搞個股價搵食。不過，有趣嘅地方係，點解唔去搵證監嘅？難道，許家印係睇咗上星期某日《爽報》嘅財經頭條「證監唔管 惡鯊噬雨潤」？知道證監都幫唔到佢，所以求助於警方？又難道許生火滾得滯，諗住警方會用胡椒噴霧對付Citron，以洩佢被搞之恨？
姑勿論係咪報錯警，但既然許生夠膽搵胡椒警隊幫手，即係恒大清白啦！就憑呢一點，買番啲恒大先！
YY
2 :
GS(14)@2012-07-05 22:22:39del
3 :
GS(14)@2012-07-05 22:23:14del
講膠所手記：阿May唱阿Grace
1 :
GS(14)@2012-07-07 15:59:54http://www.sharpdaily.hk/article/fin/20120706/109003
昨日落筆，題目多到寫唔晒，如揭體操王子墜落之謎、揭許家印報警之終極目的、揭福和（923）俾差佬開File之疑團，絕對唔會因冇題材而充滿問號。但堆填區戰友「寅裘」過嚟，問可唔可以仗義救吓一位行家，梗得喇！
救邊位呢？Well，昨日某報有篇某記者（開埋名㗎）喺新加坡直擊羅慧娟小姐「告別儀式」嘅報道，話「9時儀式開始，播放《A May Sing Grace》，氣氛傷感」。登時facebook、討論區洗板，Funeral之歌《Amazing Grace》幾時變成「阿May唱阿Grace㗎」？全城嘲笑個記者，至傍晚，消息人士話，實情係個記者打番去報料係話《Amazing Grace》，點知收料嗰位極品竟然自創新歌，個記者都好無奈。唔知佢嗰個公信第一嘅老總會點處置收料嗰位極品呢？
YY
講膠所手記：專一＋盲塞＝輸錢
1 :
GS(14)@2012-07-10 23:32:30http://www.sharpdaily.hk/article/fin/20120710/110027
「300萬爽組合」玩到有人叫糊出局，就係輸緊37.49%嘅火兄火燎森。
大概喺個幾、兩個月前，火兄個倉經已着火，《爽報》仝人、各大財經討論區，經已熱切討論佢幾時會出局。
火兄之所以輸得咁甘，都係為咗隻比亞迪（1211），YY曾經問過火兄，點解淨係搞隻比亞迪？連股神都會炒車喎。火兄大概嘅講法係，因為佢專一，當然，先決條件係佢信呢間公司得，咁一有位，就出出入入咁賺……
YY當時聽完，好想同火兄燒黃紙、斬雞頭，因為，喺止蝕離場呢個位上，大家都係咁「盲塞」嘅！舉個例，因堅信台灣人唔會唔要面，所以仲揸緊中芯（981），因有信心確信覃老闆唔衰得，得以續揸星美（198）。專一，代價就係輸錢，希望YY同火兄可改到呢個壞習慣啦！
YY
講膠所手記：鬥命長
1 :
GS(14)@2012-07-17 22:58:18http://www.sharpdaily.hk/article ... 5%E5%91%BD%E9%95%B7
港鐵（066）噚日宣佈，委任梁國權做副行政總裁，再次證明，打工，最緊要鬥命長！梁生個名係咪熟口熟面呢？冇錯，前年八達通賣客戶資料搞出個大頭佛嗰單嘢，咪就係佢出嚟解畫講唔好意思囉！
梁生喺2002年入港鐵做財務總監，後尾升做財務及業務拓展總監，仲兼任埋八達通控股非執董。地底路邊社消息話，佢一直係港鐵悉心培育嘅CEO接班人，等接周松崗棒嘅，點知爆單八達通大大鑊出嚟，被減人工花紅之餘，兼要繼續留低喺八達通執埋啲手尾，更慘係，舊年港鐵全球招聘CEO，佢明明入到最後兩強，點知成個遴選委員會覺得佢唔夠班，投晒票畀韋達誠。
家陣，假假哋都叫地龍No.2，鬥命長，唔會唔啱囉！
YY
講膠所手記：大笨象大鑊了
1 :
GS(14)@2012-07-18 22:29:48http://www.sharpdaily.hk/article ... 7%E9%91%8A%E4%BA%86
大笨象俾花旗國議會將軍，狂數佢點樣幫毒販、恐怖組織洗黑錢，三百幾頁嘅報告，披露大笨象原來喺好多個國家幫花旗國民眼中嘅邪惡軸心阿爾蓋達洗錢，總共有25000單，合共197億美金，真係唔講唔知咁恐怖，亦都非常之令人O嘴！
洗黑錢呢樣嘢，當然係唔合法，但有銀行以來就有呢樣嘢，並唔係咩咁稀奇，亦唔會有停止嘅一日，大笨象有份唔奇，但奇就奇在，好似成隻大笨象尤如無人駕駛、無法無天，似乎係零企業管治喎！
家陣流傳話要俾花旗國罰10億美金兼會有大和解，但仲要睇花旗國「聽丙會」有咩結果，不過，根據嗰三百幾頁指控同大笨象未上庭先兩度認衰呢個動作，有理由相信，大笨象呢鋪好大鑊囉！
YY
Next Page