青年赴會爆粗問候
1 :
GS(14)@2016-11-27 13:00:27【本報訊】青年高峯會提問環節上，一名年輕人指摘政府打壓示威，他指雨傘運動是好事，卻被政府打壓，被施放催淚彈，又有示威者被控以胸襲警。年輕人最後爆粗說：「我真係忍唔住嘞，對唔住，我X你XX呀！」現場工作人員隨即請該男子離開，該男子自行離去。
梁讚警方表現克制
梁振英回應「粗口男」時稱，本港有很多示威，但需警方鎮壓或控制只佔少數，稱社會不能以偏概全，並讚揚警方表現克制。梁的言論隨即引起不滿，有在場人士高聲質問梁振英：「好冇意思講呢句？」梁離場時被記者問及遭人以粗口辱罵會否感冒犯，他未有回應。論壇期間，有女生指摘梁特fb專頁為何未有開放予公眾留言，要求梁即席重啟留言功能。梁回應稱，如果市民能在fb理性表達意見，即使批評他個人或特區政府也沒問題，但不應以非理性表達意見，如其專頁上載探訪長者的照片，亦遭post了數百至數千個「嬲嬲」，故毫無參考價值。梁振英在會上特別提及自己與年輕人一樣「夜瞓」，建議他們可搭的士到禮賓府，與他進行小規模「禮賓府夜談」，又指年輕人表達意見時，只要是以合法的方式他都可以接受。■記者蔡朗清
來源:
http://hk.apple.nextmedia.com/news/art/20161127/19847061
踩場舊愛周家蔚婚禮林建億被洪天明爆粗鬧爆
1 :
GS(14)@2016-12-11 14:12:47數到林建億其中一單最爆嘅新聞，可以數番4年前，佢舊愛周家蔚同洪天明舉行婚禮當日，林建億不請自來，又飲又食又追女仔喪「抄牌」，最勁嘅係佢喺婚禮上，倒瀉水落新娘子周家蔚身上，整濕女主角套晚裝，激到洪天明紮紮跳，事後更爆粗鬧林建億：「媾女死遠啲。」同「仆街要開名講，不請自來。」，最後林建億同王愛倫分別打畀洪天明道歉，更有傳佢被阿媽放逐去美國作「懲罰」。其實林建億唔止媾過周家蔚一個女星，之前亦有傳「藍莓」劉俐都有拍過拖，雖然女方否認有其事，但當林建億被洪天明鬧爆時，佢又力撐對方。另外，有「E Cup超蓮」之稱嘅鍾采羲都傳搭上過林建億，佢哋兩個喺英國讀書時認識，返港發展後就傳出兩人拍拖嘅消息。
來源:
http://hk.apple.nextmedia.com/entertainment/art/20161211/19861935
不分忠奸教育子女鄭中基容許囡囡爆粗
1 :
GS(14)@2016-12-24 10:42:40「暴龍哥」鄭中基同有線前主播余思敏之間育有一女一子，分別係已經5歲嘅Emma同下年2月就兩歲嘅Evan。據知，鄭中將培育子女嘅重任交畀太太余思敏負責，喺12年，鄭中基接受傳媒訪問時曾透露，自己希望囡囡可以喺3歲先返學，但礙於社會競爭大，所以幫囡囡報讀學前班，而佢同余思敏幫囡囡揀嘅幼稚園，主要係透過遊戲來畀小朋友學習語言、認知同社交能力，加上學校有外籍老師駐校，並以兩文三語教授，所以啲學生畢業後多數都可以入讀國際學校。而鄭中基同余思敏對教育子女嗰一套亦有同樣睇法，鄭中基曾表示佢哋兩公婆唔會分飾忠奸角教育小孩：「囡囡如果同我玩，咁啱曳曳，我會同佢講唔可以咁做，否則媽咪會嬲；相反囡囡同媽咪玩，遇到相同情況，我就要出場，呢招囡囡好肯聽。」喺教育子女方面，鄭中基亦有啲另類，佢包容到囡囡講粗口，事源有一次Emma喺佢講電話時學咗一句粗口，之後某日突然間記得而爆粗，搞到全車人望住爸爸鄭中基，但鄭中基冇嬲不特止，仲覺得囡囡冇講錯：「佢講得啱喎，佢冇用錯呀，我冇教過，其實佢大咗都會識，問題係喺父母面前講唔講，就算講都唔係乜嘢大件事。」鄭中基又話：「如果真係見到媽媽對小朋友講，我就會話：『呢個auntie曳曳嘞，唔應該講啲咁嘅嘢嘅……係都大個啲先啦！』」嚟教番囡囡乜嘢先係正確。為咗一對子女，鄭中基唔單只小心講嘢，戒粗口之餘，更開始戒煙，佢今年9月喺澳門舉行演唱會時透露過：「「有小朋友之後係食少咗煙，因為我去到邊度食，個女都會飆到出嚟問：『乜咁臭呀？』唉！得嘞得嘞，然後整熄支煙。就算我喺屋企樓下車房，佢都會衝落嚟問：『乜咁臭呀？』我就會唔食。」連余思敏都要靠老公個「前世情人」嚟治佢。其實除咗呢啲實際行動，婚前係浪子嘅鄭中基，喺結婚生女後，變成一個顧家男人，佢會要求開早更，希望趕得切夜晚7點半返屋企同仔女食飯，把握兩個鐘嘅黃金相處時間，或者寧願9點半後再出門口做嘢。
來源:
http://hk.apple.nextmedia.com/entertainment/art/20161223/19874387
陳健波處理動議 疑似失言爆粗
1 :
GS(14)@2017-01-07 07:05:38【特稿】今屆立法會加入了不少年輕新議員，過去甚少加入拉布的民主黨新丁議員許智峯亦加入拉布，一度與財委會主席陳健波開火，而另一新丁議員朱凱廸以提交臨時動議方式拉布，其間陳健波處理臨時動議時，更一度疑似失言「爆粗」。
阻許智峯提問被炮轟
許智峯在財委會一開始，多次堅持就15年免費優質教育計劃向教育局副局長楊潤雄提問，遭陳健波警告，指問題與審議的幼稚園津貼無「直接相關」，最終許與陳多次爭拗下才獲准提問，而多名泛民議員不滿陳阻止許發問多次與陳展開罵戰。陳健波在多次議員炮轟後，會議中後段未再阻許提問。許智峯會後解釋，民主黨不輕易拉布，今次加入因為是大是大非問題，又強調民主黨只會就高官加薪議案拉布，幼稚園津貼只會如常議政。除了許智峯，朱凱廸在審議幼稚園津貼時，也提交廿多個臨時動議拖時間，其間陳健波處理朱臨時動議時疑似「爆粗」，將提交的「交」字讀成「鳩」字，說：「朱凱廸，你提鳩咗廿幾個議案」，引來全場議員拍枱大笑，陳即打圓場叫議員「唔好咁心邪」，朱笑着為陳打圓場：「我認為主席冇講粗口。」■記者林俊謙
來源:
http://hk.apple.nextmedia.com/news/art/20170107/19889140
【放蛇實試】劣鳩飯堂踩得有理？海膽麻婆豆腐麵伏到爆粗
1 :
GS(14)@2017-01-09 08:11:54日本婆海膽沾竹炭烏冬麵是伏中之伏，呈「一餅嘢」的狀態，記者只好弄斷麵條，才能一嚐這款獨特的沾麵。
劣鳩飯堂不時都會出post插芝士紫薯海膽及其他奇怪配搭的食物，記者挑戰其中四款，睇吓係咪真係咁騎呢咁伏。一、鮑魚綠豆沙$38/位（兩位起）以海鮮煮糖水，不少人聽到都嚇一跳，但原來用鮑魚煮綠豆沙，是塔門的傳統食法。綠豆沙一上檯，徐徐白煙升起，原來這是熱食的糖水，除了每碗都有一隻鮮鮑魚，它跟一般用又扁又長的海帶煲的海帶綠豆沙亦有不同，因為它用了「茜米棟」入饌。記者最初都擔心綠豆沙有鮑魚會腥，但吃下無腥味之餘，亦夠清甜，跟一般「死甜」的糖水不同，可以一試。樂天漁港大埔汀角路29-35號榮暉花園地舖二、日本婆海膽沾竹炭烏冬麵$268索價$268的沾麵，甫上檯就聞到麻婆豆腐的香辣味，沾湯上有被麻婆豆腐蒸熟的加拿大海膽，毫無鮮味可言，拌後呈「嘔吐物」形狀，絕對是浪費食材之作。而竹炭烏冬就呈「一餅嘢」的狀態，記者只好弄斷麵條，才能一嚐這款獨特的沾麵。蘸好沾湯放入口，記者即面容扭曲，只能夠說這款配搭是浪費──麻婆豆腐的辣味完全將海膽鮮味蓋過，而沾湯的鹹味更是濃得化不開。記者為免浪費食物及近三百大元，最後只好邊吃邊罵，將沾麵吃完，可以非常肯定地跟大家講：「一定無下次」！
S2 Kitchen中環威靈頓街51號地下A舖三、五層流心紫薯芝士竹炭包$35十一個字的名稱夠架勢，但吃下卻不如名字般有層次。麵包以膠袋包裝，感覺不太新鮮，扳開麵包，以為餡料會如瀑布般傾瀉而來，惟流心效果強差人意，室溫下品嚐只能稱之為「軟心」。味道方面，雖然稱不上難食，但紫薯味欠奉，忌廉芝士味亦過濃，多吃會膩，紫薯迷定必失望。麥上日光灣仔軒尼詩道338號北海中心地下C舖記者、攝影：吳業紅、李煒汯
日本婆海膽沾竹炭烏冬麵是攪拌後呈「嘔吐物」形狀，味道強差人意卻要索價$268元，記者認為絕對不值。
沾湯上有被麻婆豆腐蒸熟的加拿大海膽，毫無鮮味可言，絕對是浪費。
鮑魚煮綠豆沙是塔門的傳統食法，每碗都有一隻鮮鮑魚，記者實試後味道不俗。
五層流心紫薯芝士竹炭包吃下卻不如名字般有層次，紫薯味欠奉，忌廉芝士味亦過濃。
來源:
http://hk.apple.nextmedia.com/su ... t/20170109/19890633
【西遊記】狂爆粗是王道！
1 :
GS(14)@2017-01-14 07:55:31【文化籽：西遊記】金球獎請來名嘴Jimmy Fallon當司儀，一開場，一段二次創作《星聲夢裡人》（La La Land）的歌舞片段，先聲奪人。奧斯卡找另一位叫Jimmy的talk show明星迎戰，Jimmy Kimmel的壓力不輕。
看完整個頒獎禮，最受談論是：一，《星聲夢裡人》連奪七獎，超越《飛越瘋人院》（One Flew Over the Cuckoo's Nest）。二，Meryl Streep在不點名情況下，批評Donald Trump言行的一番致謝辭。三，Ryan Reynolds失落影帝後，激咀Andrew Garfield，造就死侍親吻蜘蛛俠的畫面。第一項本是頒獎禮主角，導演Damien Chazelle年僅三十一歲，橫空出世，有才華有膽識，又夠決心去堅持追夢，才成功打破保存四十多年的紀錄，難能可貴。電影藝術很難不涉及政治，Meryl Streep代表整個業界向當權者炮轟，義正辭嚴為弱勢社群出頭，換來掌聲騎劫了其他得獎者，也是精密計算下的意料之內。都不夠壞孩子一個舉動搶眼。也難怪Ryan Reynolds樂此不疲死侍上身，未拍《死侍：不死現身》（Deadpool）之前，空有一副靚仔樣，但事業可謂一籌莫展，固然追不及前妻Scarlett Johansson，就連現任的Blake Lively都有點後來居上。豁出去做個樣衰賤男，反而谷底翻身。換了我是他，也不會珍惜靚樣，不怕及不惜表演壞人表演到盡。比Ryan Reynolds更早明白壞仔比靚仔更有前途的，其實是James Franco。2001年，憑電視劇《James Dean》，廿三歲便當上金球獎視帝，然後接拍電影《蜘蛛俠》（Spider-Man）走紅。一個字：型。不過，這位耶魯大學文學博士生，不滿足做一個靚仔only，甚至有點步Leonardo DiCaprio的後塵，刻意毀壞自己的偶像派形象，盡力拓闊自己。近年，James Franco跟專創作喜劇的Seth Rogen合作無間，走去搞笑，比拍攝《127小時》（127 Hours）或電視劇《11.22.63》等嚴肅作品，次數多得多。終於來到《未來外父插女婿》（Why Him？），扮演滿口粗言穢語但心地善良而專一深情又具備過人能力的壞男孩。咪即係死侍囉。電影不算特別出色，以瘋狂喜劇作包裝，實際上，大談新世代沖散舊傳統，被淘汰的，應該如何自處如何接受如何並存。James Franco飾演一個自小只與電腦為伴的科技公司老闆，童年時缺乏與人相處的機會，搞到長大後完全不懂一般人情世故社交禮儀，過份熱情，無法得到代表上一輩傳統價值觀的未來外父所接納。有必要嗎？靠創作無聊手機遊戲致富的新一代，勝在錢多，打個電話就可以收購未來外父間生意不景的印刷廠。印刷廠盛載沉重歷史又如何？歷史不值錢。不似其他同類喜劇的主角，瘋瘋癲癲無傷大雅，又或者跟群眾同等高度，《未來外父插女婿》這位女婿，一副暴發戶劣根性，自我中心到爆炸，角色設定其實不算討好。在喜劇中，負責搞笑的主角不討好，幾乎等於宣佈死刑。好在電影找到James Franco主演，算救回一命。1978年4月19日出世，都快三十九歲了，正常來說，不似阿伯都變大叔，James Franco居然在保持靚樣之餘，還保留到一絲純真笑容。擁有這種特質，特別容易勾起女性的母性，即係個角色做幾多壞事有幾乞人憎都好，觀眾也無法討厭。像面對自己個親生仔。說句實話，相對於Ryan Reynolds始終有種似為工作需要而刻意扮壞，有種目標為本的虛偽，James Franco的壞孩子特質，來得更不經意。爆粗也爆得好像真實點。人人也快來學習爆粗吧。比起出口成文，包你得到更多美女的垂青。點解？因為以我自懂性以來的了解，美女的爆粗能力，通常最高啊。我真係恭喜你呀！
《星聲夢裡人》男女主角賴恩高思寧、愛瑪史東齊奪獎。
常演壞男孩的James Franco，於《未來外父插女婿》依然討好。
Meryl Streep在金球獎中的致辭時，不開名批評美國候任總統特朗普。
撰文：方俊傑
觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。
來源:
http://hk.apple.nextmedia.com/su ... t/20170113/19894715
鼎爺爆粗鬧為錢變心楊思琦分手一年即誕女
1 :
GS(14)@2017-01-14 12:25:39楊思琦係地地道道嘅屋村妹，不過有幸喺01年贏到港姐冠軍、最上鏡小姐在內嘅6個獎項，一登龍門，成為咗炙手可熱嘅大台花旦。思琦妹人氣唔錯又形象入屋，05年就獲頒「最佳女配角」，不過翌年拍嗰套《人生馬戲團》就失蹤咗兩個鐘頭，傳聞四起，甚至有指思琦係遭到性侵犯。前年思琦妹講番起件事，話係唱完K見到一大班兇神惡煞嘅人衝出嚟，嚇到佢哋要搵地方匿埋，仲話係最接近死亡嘅一次。至於思琦妹嘅感情生活，傳過嘅緋聞唔多，02年佢拍劇邂逅咗「鼎爺」李家鼎嘅公子李泳豪，拍拖9年後，11年6月思琦妹單方面提出分手，有指當時港隊跳水隊成員吳帥介入，成為分手導火線。之後李家上下不滿大數思琦不是，尤其係鼎爺爆粗大鬧思琦為錢變心，只係當個仔係司機咁使喚。同一時間，吳帥好快被起底，絕非有錢之人。分手未夠一年，思琦妹喺12年3月宣佈已經誕下女兒Krystal，冇透露爸爸係邊個，只係講咗BB女會跟母姓楊。思琦妹5年嚟都係獨自湊女，絕對係單親媽媽嘅模範。
來源:
http://hk.apple.nextmedia.com/entertainment/art/20170114/19896424
Metallica襲港爆粗兩觀眾被抬走
1 :
GS(14)@2017-01-23 07:45:18美國神級重金屬樂隊Metallica前晚首次襲港假亞博館開騷，大批樂迷朝聖。Metallica於晚上8時許出場，以《Hardwired》一曲揭開序幕，現場氣氛高漲，有兩位歌迷於Metallica演出第二首歌《Altas, Rise！》時已體力不支，由保安抬離現場。
■有觀眾因不適被保安抬走。
主音James Hetfield用廣東話向港迷講：「你好！」樂隊演出多首經典歌曲，唱至10時半完場，成員在台上依依不捨，鼓手Lars Ulrich爆粗說：「Metallica不該再等多35年才來香港！Metallica好X愛香港，我們會好X快再回來！」前晚吸引不少藝人捧場，包括森美、何超儀及林保怡等。採訪：丁焯敏攝影：仇志德
來源:
http://hk.apple.nextmedia.com/entertainment/art/20170122/19904748
張曦雯直播打機爆粗夠真夠pure挑戰達哥
1 :
GS(14)@2017-03-03 00:54:39最近興直播打機，上個月連華姐冠軍「Porn Tonight」張曦雯都開始做直播，咪以為佢係選美冠軍又係藝人，直播個時就會收下口。相反地最近佢玩開個兩隻《Resident Evil7》同《For Honor》，一隻出名恐怖，一隻就要拎刀同人互片，咁刺激連張曦雯都玩到忍唔住爆粗，網民見到佢真性情，收視即刻直線上升。呢次大台轉數快，將直播打機呢條橋包包入宣傳片，搵張曦雯同貌似達哥嘅蔡思貝扮打機，實情就係宣傳會播出湯告魯斯電影《異空戰士》，罕有地被網民讚有創意。有人仲開post投票，拎張曦雯同達哥嚟比。
來源:
http://hk.apple.nextmedia.com/entertainment/art/20170301/19943567
昔警廉衝突 叫一哥「fxck off」警晒馬爆粗集會 重蹈40年覆轍
1 :
GS(14)@2017-03-04 00:23:52【本報訊】3.3萬警員及支持者「晒馬」撐七警，令不少人想起40年前警廉衝突的歷史畫面。研究1977年警廉衝突的歷史學者李家豪，從過千頁政府密件和舊報道還原歷史，發現當年衝突與40年後的晒馬集會多處相通，猶如平行時空。當年有警員怒罵外籍一哥「fxck off」，今時今日有警員上台演繹受辱時高呼「X你老母」；當年有廉潔警察怯於警隊主流、違心參加集會，如今多個匿名警員網上嘆謂異見不被接納。時代變、環境變，警隊文化又有否隨之改變？記者：周婷當年港督麥理浩成立廉政公署查涉貪警，觸發警隊不滿。1977年10月28日6,000警舉行大型集會要求港督特赦，同晚有警察暴力衝擊廉署總部、向職員動武。李家豪現於英國萊斯特大學歷史、政治與國際關係學院從事博士研究，走訪英國國家檔案館及本港檔案處等，翻閱過千頁政府密件及舊報道，並面訪相關人士及專家。
■當年傳媒以「MOB」（暴徒）形容衝擊廉署的警員（左圖）；右圖為總警司葛柏出獄照。受訪者提供剪報
■警察萬人集會源於七警毆打曾健超被判罪成，惹警隊不滿。
異見警因主流壓力噤聲
李指40年前後兩樁警隊大事有玄妙相通之處，包括訴求、口號、手段。上月集會有警員在台上高呼「X你老母」；40年前，警察口號針對時任警務處處長施禮榮，高呼「Fxck off CP（警務處處長）﹗」，更揚言殺掉廉署人員。李又發現，當年有警員密謀「客氣」執法，包括放生違例泊車，港府擔憂持械警員一旦情緒失控，後果難以想像。當年《南華早報》派員到灣仔酒吧區視察，不見英軍消遣，故有傳英軍隨時準備在警隊失控時接手維持治安；無獨有偶，上月有報道引述警隊高層指有警員打算「按章工作」或「勁抄牌」以示不滿，而警務處處長盧偉聰至今一直未有就七警案公開道歉。英國《衛報》當年訪問一名不具名警員，雖沒貪污也參加示威。李認為這源於警隊主流的無形壓力，該警員說：「Today is us, tomorrow it could be you.（今天是我們，明天可能輪到你）」；如今警隊「異見者」也噤聲、自我隱藏，甚至試圖融入主流。李慨嘆，40年前後，這類警員都是被忽視的少數。李家豪強調應以史為戒，當年警廉衝突期間有外籍警務人員語重心長，「You might have destroyed everything」（你或會破壞一切），當時正值警隊重建正面形象，剛因六七暴動立功而獲封「皇家香港警察」。至於警廉衝突是否把正面形象一筆勾銷，李認為歷史自有公論，但事後麥理浩展開警隊內部檢討，是否值得今日借鏡，社會應反省及深思。【七警案事件簿】
http://bit.ly/7police
來源:
http://hk.apple.nextmedia.com/news/art/20170303/19946125
Next Page