再接再勵操肌備戰 小龍：ViuTV舉辦會考慮
1 :
GS(14)@2016-07-12 03:19:31以一身《寵物小精靈》主角小智crossover《蜘蛛俠》（Spiderman）打扮面試今屆港男嘅小龍，前日接受本報專訪，問到佢覺得自己落選嘅原因係乜嘢時，佢話：「可能因為我唔夠運動，睇吓其他對手好大隻，有個有48吋腹肌（腹肌？係咪胸肌呀？）係呀係呀，又夠高大。（即係你唔夠運動？）可能佢哋嗰啲高層唔係太鍾意我呢type太瘦嘅。」今次落選，會唔會下年捲土重來？小龍話：「或者再訓練吓先。（都會想選？）係，第日如果ViuTV搞都應該會考慮吓。」咁小龍喺面試時，見對啲手好大隻先想操肌，定係面試時考官佢哋話你唔夠大隻？小龍話：「入面就無人講，不過落選後自己反思，應該係呢個原因。」為咗幫助小龍練大隻，確保佢下年可以帶住一身肌肉入圍，我哋帶小龍入健身房做gym，不過小龍似乎要再加倍努力，佢話﹕「隻腳有啲攰，我今日因為好早就出嚟。」平時做唔做運動？佢話：「睇人運動多，好鍾意睇足球節目，自己就冇咩做。」
來源:
http://hk.apple.nextmedia.com/entertainment/art/20160711/19690143
ViuTV神Cup宅男女神巨胸翠如絕技玩波
1 :
GS(14)@2016-07-15 05:16:33【澎湃上圍】■「巨胸翠如」Larine擁有35F驕人身材，大前日一身比堅尼胸襲西貢沙灘。
【西貢】由ViuTV舉辦的選美真人騷《美選D.n.A》，入圍的20強率先跑出兩位F Cup逼爆參賽者，除有紋身手臂的石希露外，另一個有「巨胸黃翠如」之稱的鄧月平（Larine）憑着35F澎湃上圍，嚇窒其他佳麗，更被大會以「神Cup宅男女神」形容。
Larine大前日趁着炎炎夏日，去西貢沙灘曬太陽，當時大概下午2時多，她與一名女友人在鑽石山搭巴士出發，在巴士已急不及待吹脹沙灘波，其間聽到她的友人表示：「我好似睇過一個日本節目，話咁吹會青春啲，肺量會好啲！」
【心口頂奶】■為騰出雙手玩沙灘波，Larine用口咬又用胸頂蜜瓜奶。
【狂噴防曬】■Larine十分細心，幫友人噴防曬噴霧。
【研究靚相】■和朋友研究手機，互相影泳照。
吸引泳客喪目及
二人抵達沙灘，率先去士多買零食，Larine更買了一包蜜瓜奶「補身」。行到落沙灘，她脫下吊帶藍白條子裙，穿着黃色比堅尼及藍褲仔，大騷谷爆F奶，又幫女友人噴防曬噴霧，之後就叫友人幫她影相。二人隨即打沙灘波，Larine咬着包蜜瓜奶的飲管，又跳又蹲低倒奶，盡顯反地心吸力及表演巨胸頂蜜瓜奶的神技，吸引了沙灘男泳客及救生員喪目及。其實18歲的Larine年初已成為高登紅人，當時她在銅鑼灣一間餐廳做兼職侍應時，已被偷影公開走光相，她接受雜誌訪問時透露自己沒有整容，母親是四川人，而父親是香港人，驕人身材是家族遺傳，其外婆的身材比她更勁。
■3年前拍過禁毒廣告的Larine，扮吸毒學生妹。資料圖片
3年前唔同樣
另外，有網民極速起底她3年前拍過政府宣傳禁毒廣告短片，片中她飾演學生妹，但樣貌和現在有出入，她以電話回覆：「嗰時唔識化妝又有baby fat，而家我有練高空瑜伽做運動，識得用化妝品，勾番輪廓出嚟，眼耳口鼻其實冇變過！」採訪、攝影：潘冠恩、徐錦池
來源:
http://hk.apple.nextmedia.com/entertainment/art/20160715/19695178
【馮仁昭四圍超】無綫坐冷板 過ViuTV拍劇黃淑儀仔拗攣游學修
1 :
GS(14)@2016-08-09 07:33:07最近被傳同張曦雯拍拖嘅黃淑儀囝囝徐肇平，原來愛情得意之餘，事業亦同樣得意，最近獲ViuTV力邀加盟拍攝新劇《三一如三》，飾演游學修hehe對象。其實舊年徐肇平傳拒簽無綫經理人合約而被雪藏，之後佢續簽藝員約一年，但都唔見有新作。而家徐肇平過檔ViuTV拍劇，當然好過喺無綫坐冷板凳啦！
過檔做同志
記者打畀徐肇平，但未有回覆，而黃淑儀噚日就話：「佢都冇乜點樣同我提過，但我知道佢同TVB contract滿㗎啦。」講到個仔過去一年都冇乜嘢做，黃淑儀就話：「我覺得佢好多嘢做，不過都係外面嘢，就唔係TVB嘅嘢。」似乎暗寸TVB咁噃！而劇集《三一如三》有唔少hehe鏡頭，好似黃奕晨暗戀陳安立，佢兩個做完運動沖涼嗰陣，黃奕晨仲對陳安立有所暗示。《三一如三》編審南方舞廳噚日講到徐肇平個角色時話：「係游學修鍾意佢，會唔會因為咁令佢hehe就唔講住，因為未諗。」
■另一《三一如三》系列中，黃奕晨(右)對沖緊涼嘅陳安立有hehe暗示。
■吳浩康噚日同莫凱謙、吳日言及KellyJackie等出席ViuTV新節目宣傳。
但求有得唱
另外，吳浩康（Deep）、吳日言同小肥噚日出席ViuTV喺九展舉行嘅《ShowTime我主場》記者會，Deep唱出佢當年首《先入為主》，佢話：「自己但求有得唱，想感受返舞台嘅感覺。」撰文：馮仁昭
來源:
http://hk.apple.nextmedia.com/entertainment/art/20160809/19728269
艾粒拍ViuTV介紹TB
1 :
GS(14)@2016-08-16 06:11:27艾粒昨日為首個於ViuTV主持的新節目《對不起標籤你》假旺角舉行記者會，並邀請節目中受訪被社會標籤的路芙、杜小喬及阮民安等現身。路芙在節目中解構原來TB（女同性戀者）也有很多種，如嬌嗲TB、男性化打扮等，令艾粒恍如上了TB深造堂，路芙承認初入娛樂圈時曾聽到不少帶歧視說話，至今去女廁也會被人指指點點。艾粒大讚ViuTV團隊製作認真，十集節目拍了四個月，加上自由度高發揮大，他們說：「每次都五十人出動，成十一部機拍，酬勞又好好。」對於ViuTV首季錄得蝕六千八百萬，少爺占笑指當奴收了千萬酬勞，他們指新電視台投資屬長期兼資金大，所以這個數字屬暫時性，他們已傾談新節目合作。採訪：馬建華攝影：陳順禎
來源:
http://hk.apple.nextmedia.com/entertainment/art/20160815/19736343
ViuTV《童盟》主持拔火罐嚇親
1 :
GS(14)@2016-08-18 06:04:29今屆奧運多位美國隊選手，包括游泳名將費斯的身上都有拔罐印，成為中外熱話。ViuTV《快樂童盟》主持港英混血兒Charlene和俄羅斯裔的Ansheles從未試過拔罐，日前膽粗粗接受大隻仔註冊中醫師徐澤昌的拔火罐治療。兩人見到徐醫師用火燒罐時，Ansheles已經嚇到「O嘴」，兼忍不住扭pat pat說：「I am scared！」雖然兩人都好緊張，但治療後感覺肌肉放鬆，有紓緩作用。採訪：何宛珊攝影：馮峰、卓振輝
Ansheles同Charlene首次挑戰拔罐療法！
俄國仔Ansheles見到Charlene拔緊罐，個樣好驚咁喎？！
真係有咁驚咩？
Charlene明明做完話舒服。
據徐醫師所講，罐有霧氣代表體內濕濁較多，可能同平日經常飲凍嘢及運動不足有關
醫師話罐印較淺色，一方面代表瘀邪唔多，但亦可能代表體虛。
Ansheles話拔罐時唔舒服喎。
(左)Ansheles同(右)Charlene是甚麼表情？
徐醫師提醒大家，拔罐後一至兩個鐘盡量唔好做劇烈運動同碰水。
來源:
http://hk.apple.nextmedia.com/entertainment/art/20160818/19740318
ViuTV《美選》女食自己 搶人氣各自出招
1 :
GS(14)@2016-08-20 11:41:48ViuTV個選美節目《美選D.n.A》，打正旗號話選美會分天使組同魔鬼組，唔限年齡同職業等等，夠膽就可以去挑戰，不過個節目暫時仲係好保密，冇新消息發佈。節目咁神秘，的確係令人好奇佢最後點發展，不過一班入咗圍嘅女仔就好頭痕，不時要自己post嘢上網希望見下光。除咗「巨胸翠如」鄧月平(Larine)，其實其他人都好落力，好似許珮榆（Diva）咁，之前喺動漫節就做過遊戲宣傳Model；而張沛樂（Charlotte Cheung）就經常貼啲練拳健身相上網，吸下睛之餘keep下fit；與Charlotte同一間經理人公司嘅余逸思（Yoshi Yu），就貼生活照打親民牌。「變面謝安琪」趙詠瑤（Kimi）最貼地，喺facebook話要唱洗腦歌——「雞，全部都係雞」搵番人氣。而陳意嵐（Tarah）因為做過杜汶澤化妝師，叫做多啲人認識，所以佢喺唔同傳媒都做過訪問。
來源:
http://hk.apple.nextmedia.com/entertainment/art/20160820/19743785
被ViuTV劇嫌Body差
1 :
GS(14)@2016-09-01 06:12:06陳安立在ViuTV處境劇《三一如三》飾演健身教練，據悉監製陳志發曾嫌Brian不夠大隻，一度考慮換人。Brian承認：「都係嘅，監製話我body差，一定要我谷大隻，如果唔係換人。嗰時好驚，咁難得有機會，一生人難得第一次拍劇，戲份又多，點算呢？」於是Brian向健身教練朋友求救，兩個月狂食蛋白質操肌，結果成功變身肌男，可以繼續留低。
■陳安立感激劇中女友楊淇開工期間給他不少建議。資料圖片
《三》劇播出以來迴響不大，Brian未感失望，希望觀眾給予時間欣賞。對於無綫慣性收視，Brian認為是牢不可破，他說：「我哋冇話要打倒無綫，我覺得最基本係畀多個選擇人。」
來源:
http://hk.apple.nextmedia.com/entertainment/art/20160831/19754653
港男梁裕恆上ViuTV媾女食兩家茶禮
1 :
GS(14)@2016-09-06 04:42:19■梁裕恆早前辭去消防員工作參選無綫港男，似乎是決心加入娛樂圈。資料圖片
為夢想可以去到幾盡？「翻版唐文龍」梁裕恆（Flow Leung）為參加今屆香港先生選舉，決心辭去消防員工作。早前被問到是否很想加入娛樂圈時，他害羞地搖頭，表示不懂回答。但其實Flow鋪路入娛樂圈早已有迹可尋，本報發現ViuTV將於明晚10時播出的實驗愛情節目《脫獨工程》，Flow是其中一名男神約會對象。
爆肌履歷又好
在宣傳片中，Flow坐在梳化一男面對三女對談，之後蒙着眼與另一位靚女約會。Flow在健身房內赤裸上身，大騷爆肌身材，約會後說：「幾enjoy同佢（靚女）觸感，成件事都幾浪漫。」據悉《脫》於今年5月在網上招聘單身男女，Flow表現突出，很快便被監製睇中。《脫》監製黃慧君昨日在電話說：「佢除咗靚仔、大隻、人工高，份履歷表仲好突出，話自己有做義工，鍾意彈結他、睇書，又有講愛情經歷，係鍾意啲好純樸嘅女仔。」問到Flow有否與靚女發展？她說：「唔可以穿結局，嗰個女仔叫KT，係藝術家，本身性格硬繃繃，我哋就係要幫一啲有問題嘅人去結識唔同異性。」
■ViuTV《脫毒工程》宣傳片中，梁裕恆蒙着眼與藝術家KT手拖手行街。互聯網圖片
■梁裕恆自言幾享受與靚女觸感，認為約會很浪漫。互聯網圖片
麥明詩揀6號
而昨日Flow與其他9位候選港男在馬鞍山參加宣傳活動，「小鮮肉」1號鍾君揚（Freeyon）先拔頭籌奪得「現場最佳表現香港先生」，2號麥凱程（Alex）則好識冧女仔，用法文讚穿上大露背裝的麥明詩非常靚女，又指應屆港姐劉穎鏇是他心目中的女神。麥明詩就覺得6號馬俊傑特別合眼緣，自言喜歡青靚白淨，但一提男友林作便煞停，追問她是否分手？她說：「唔講啦，低調啲！」採訪﹕黃曉妍、嵐山
■麥明詩睇好6號馬俊傑（左二），覺得他青靚白淨合眼緣。
■梁裕恆昨日出席港男拉票活動。
來源:
http://hk.apple.nextmedia.com/entertainment/art/20160905/19759923
【馮仁昭四圍超】ViuTV大膽新節目阿旦增性知識氹未來老公
1 :
GS(14)@2016-09-06 22:51:03■阿旦見識呢個價值逾萬元嘅仿真Mary。
鄧洢玲（阿旦）同梁梓禧（Roland，前名梁奕倫）最近為ViuTV開拍新節目《晚吹——啪啪聲，太好聽》，呢個係性talk show，尺度好大膽，節目將於下周日晚上11點半首播。兩位主持專揀率性嘉賓，現年66歲邵音音同袁嘉敏等都暢所欲言，音音姐仲大爆當年登台後，被人灌醉帶上房嘅經歷。32E嘅阿旦谷咪倒奶出鏡，阿旦噚日喺電話度話：「節目每集唔同主題，會講AV、高潮同自慰等。」阿旦仲話學到好多性知識：「原來自己缺乏性知識，以前最多喺性教育時學或體驗，又或男朋友教。」阿旦幾時學以致用？佢笑言：「將來老公有幸福啦。」
■阿旦同Roland一齊拍檔主持ViuTV新節目，內容大膽講性。
■爆乳袁嘉敏（中）講AV主題。
■邵音音（中）大爆當年登台險被灌醉兼出事。
邵音音被三男帶上房
阿旦大讚音音姐講嘢最爆，佢話：「音音姐嗰集主題講鹹濕，佢自爆試過登台後俾人灌酒，跟住三名大漢帶佢上房，幾乎出事。」據知音音姐事後係醒目解圍。袁嘉敏嗰集就講睇AV，阿旦仲話見識過逾萬元仿真Mary：「以前興吹氣Mary，而家做到真人咁，皮膚係矽膠，關節仲郁得。」撰文：馮仁昭
來源:
http://hk.apple.nextmedia.com/entertainment/art/20160906/19761261
Next Page