林榮基憂釋法陸續有來
1 :
GS(14)@2016-11-08 05:48:44【本報訊】今次民陣發起的反釋法遊行，民主派各大黨均有參與，當中不乏已退下火線的前立法會議員，而銅鑼灣書店事件主角之一林榮基（圖）有參加遊行，他直言並非只為青年新政梁頌恆、游蕙禎宣誓問題而上街，而是擔心釋法陸續有來，「第日借啲意又釋法，咁香港點搞？」
指釋法無助消除港獨
民主派各大政黨，包括民主黨、公民黨、社民連及工黨等主流政黨昨參加遊行，一班前立法會議員如余若薇、李卓人、何秀蘭等均有參加，當年以絕食抗議《基本法》不民主的前立法局議員馮智活亦有參與，他指人大釋法才是違反《基本法》原意，「人大可以釋法，但前提係當我哋對《基本法》條文有唔清楚嘅地方，我哋自己提」。他又形容現在是人大自己立法，自己釋法，《基本法》可以隨時改、隨意演繹，「好唔掂」，此例一開，令法院要跟內地一套就「好弊」。除了政治人物外，因禁書事件遭內地拘押的銅鑼灣書店店長林榮基，昨亦有出席反釋法遊行，他指參加遊行不是因為青政梁頌恆、游蕙禎宣誓問題，而是反對人大釋法，批評人大常委根本是「借啲意」釋法，釋法定必對港後患無窮，擔心日後類似釋法行動陸續有來，「開咗個頭係非常壞嘅先例，而家係小事釋法，第日借啲意又釋法，咁香港點搞？」有指人大主動釋法是為了完全「消獨」，林認為就算人大釋法也不可能「消獨」，「民心已經出晒嚟，（港人希望）探究香港獨立」，而民主自決可能是日後港人想走的路線，「冇之前你破壞咗法治、或者係冇承諾你嘅一國兩制，港人點會搞到咁？」林榮基又對特首梁振英在今次事件表現十分不滿，直斥梁振英為奴才，「（梁振英）係一個奴才，上面有乜動向應該好清楚」，林又認為梁連任的機會很大，「因為國家主席習近平近年管治中國手法越趨強硬和專政，「佢（習近平）搵人就一定搵最聽話嗰個，梁振英就係最聽話」。■記者李詠希
來源:
http://hk.apple.nextmedia.com/news/art/20161107/19825522
年輕媽媽憂釋法影響下一代
1 :
GS(14)@2016-11-10 07:26:33【本報訊】法律界昨日發起靜默黑衣遊行，有年輕母親帶同嬰兒參與，不滿人大繞過香港法院釋法，嚴重打擊香港司法獨立，擔心會影響下一代生活。亦有法律系學生指，遊行是對人大釋法表達不滿，是嚴重衝擊香港法治。
學生：將來無人信港法律
年輕媽媽樂小姐手抱嬰兒參與黑衣遊行，曾任職法律界的她形容今次釋法對本港司法界有非常嚴重的打擊，因為政府在法院判決前便繞過法院，由中央干預裁定結果，「香港係三權分立同司法獨立，但今次件事係架空法院，視法官為無物」。她指每個設有憲法的文明國家，法院均為獨立機構，是不可受干預。樂小姐續指，自己擔心事件會影響下一代的生活，「啱啱講完釋法，而家吳克儉就講緊《基本法》優化教育等，好擔心第時會唔會傾唔埋、司法覆核唔掂，又繞上去，又搵中央釋法要點做，層層咁壓落嚟，我覺得咁樣會好不安」。港大學生會法律學會主席陳詠儀指，今次出來遊行是表達對人大釋法的反對，稱人大釋法等同為法官決定裁決。法律系學生湯小姐則認為，「今次呢件事對我哋係咁切身，如果咁關我哋自己事都唔走出嚟嘅話，將來發生其他事，我哋做唔到一個榜樣令大家負責任走出嚟」。她又指，香港是一個法治社會，現時在法庭未有判決前，先繞過法官釋法，「你話咗係就係嘅決定」，那麼將來發生大小事，再沒有人相信香港法律制度。已退休的林女士亦特意出來遊行，稱香港向來奉行三權分立，人大釋法是不應該「隨時你話釋就釋，咁仲邊有法？」她又指，香港人政治冷感，但在特首梁振英近年管治下「細嘅老嘅都行出嚟」，並稱梁令香港民不聊生，明言不支持梁振英連任。■記者紀靜雯、張文鈴
來源:
http://hk.apple.nextmedia.com/news/art/20161109/19827772