📖 ZKIZ Archives

1161也反高潮

1 : GS(14)@2014-11-17 10:27:37

很不好
2 : pcp7838(1616)@2014-11-17 20:39:17

對還想加入戰團未夠貨的人如我就幾好

註: 但今日有幾百萬股成交 咁多人出貨真的不太好
3 : griffon(33288)@2014-11-17 20:55:18

今日排0.69入唔到...仲想加40K
4 : ng caddy(36072)@2014-11-17 21:41:40

吳系呀..........都平收....0.7,大市吳好,一般都升美容及個人護理既股,都算系尾水
5 : ng caddy(36072)@2015-03-20 18:36:06

greatsoup在1樓提及
很不好


6 : wilson(35011)@2015-03-21 00:45:27

幅圖好吸引
7 : ng caddy(36072)@2015-03-21 10:41:28

wilson在6樓提及
幅圖好吸引


???
8 : ng caddy(36072)@2015-03-26 11:11:07

9 : ng caddy(36072)@2015-03-30 11:35:06

10 : ng caddy(36072)@2015-04-01 10:50:53


成交量/金額少,又系玩人殘殺人遊戲
PermaLink: https://articles.zkiz.com/?id=286475

朱孝天擺酒　F3《流星雨》掀高潮

1 : GS(14)@2016-09-06 04:42:10

■新娘韓雯雯自彈自唱，朱孝天亦有唱情歌冧老婆。



台灣影星、F4組合成員朱孝天前日在峇里，與內地女星太太韓雯雯舉行婚禮，晚上擺婚宴，當中吳建豪早已答允出席，而之前稱因工作撞期的言承旭玩驚喜現身，令四子中有三子合體，獨欠周渝民一子。婚宴以星空為主題，朱孝天與韓雯雯跳華爾茲出場，大跳貼身舞，之後他又在台上大唱情歌給太太，當中包括Frank Sinatra的《I Love You Baby》，韓雯雯亦有彈結他自彈自唱，一對新人為婚禮忙足十八小時仍精力十足。



在敬酒環節時，朱孝天與太太四出多謝賓客，當走到吳建豪與言承旭所坐的枱時，現場奏起F4的經典歌《流星雨》的音樂，朱孝天搭實言承旭膊頭，心情high爆舉高手，三人以「F3」合唱，全場賓客亦跟着大合唱，掀起婚宴高潮，仔仔若能現身會更為完美。撰文：唐如


■一對新人前晚跳華爾茲出場。台灣《蘋果日報》

■（左起）朱孝天、言承旭及吳建豪合體唱《流星雨》，掀起婚宴高潮。





來源: http://hk.apple.nextmedia.com/entertainment/art/20160905/19760017
PermaLink: https://articles.zkiz.com/?id=307642

黎諾懿老婆陀雞仔反高潮：我想生女

1 : GS(14)@2016-11-12 05:55:00

■拿着超聲波照片的黎諾懿，昨日興奮公開一索得男。互聯網圖片



現年36歲的黎諾懿前年11月11日「光棍節」迎娶家族坐擁五億身家、曾參選07年港姐的李潔瑩（Nicole），榮升「五億駙馬」。昨日他趁結婚兩周年，透過社交平台公佈老婆懷孕喜訊，又向鏡頭展示多張超聲波照，興奮自爆一索得男。


報稱「搞咗半年」

日前，「嚴謹」張達倫在婚宴上笑黎諾懿結婚兩年仍然「未有動靜」。事隔兩日，黎諾懿終拍片放社交網公開回應。短片開始，黎諾懿先蹺手扮嬲說：「我要澄清最近一啲不實報道，呢件事係源於張達倫話我搞咗兩年都搞唔出，搞到全香港以為我冇心冇力，其實我係搞咗半年啫！」之後他走到一部播放超聲波片的顯示器前，然後笑笑口表示：「唔好以為佢係潛水艇，佢係我同我老婆李潔瑩嘅愛的結晶，同埋打牌嘅嘢梗係要一索啦！所以佢係有一索㗎，我係一索得男。」



■李潔瑩與黎諾懿在8月時到西環高街食車仔麵，相信當時已造人成功。資料圖片

■黎諾懿趁昨日結婚兩周年紀念，公佈老婆有喜。資料圖片


生三個老婆湊

造人成功，黎諾懿接受傳媒訪問表示：「因為我都係猴年出世，本來諗生猴B，但原來唔係真係想要就有，真係要個天畀你先有。」黎諾懿又透露，他跟太太一直都有透過中醫調理身體，但心急想趕生反而冇，放鬆了反而有喜訊。黎諾懿又透露：「而家老婆17周，等佢陀定啲或者會去吓旅行。」事先張揚一索得男，問他喜歡囡囡還是囝囝？黎諾懿直言恨女：「好想生女，因為女實在太得意！」問他是否會再追？他說：「會呀！多多益善，下次希望生番個女湊成個好字，3個都OK，反正老婆冇乜嘢忙，可以全職生仔。」採訪：李察




來源: http://hk.apple.nextmedia.com/entertainment/art/20161112/19830781
PermaLink: https://articles.zkiz.com/?id=315222

【男女之間】女性身體很誠實　研究：高潮可增加懷孕機會

1 : GS(14)@2016-12-07 07:41:55

「誰人待我好，待我差，太清楚。」女性的身體其實亦都好誠實，能夠令女性真正「開心」的男人，方可成為她們的終身伴侶。根據愛爾蘭University College Cork最新的一份研究顯示，原本女性如果能夠在性行為中達到高潮，就可以令懷孕的機會增加15%。



研究找了6名26至52歲的女性進行實驗，實驗以一種潤滑劑模擬實際的精液，透過她們自我達至性高潮之後，在她們的子宮內注射該潤滑劑，然後量度有多少潤滑劑能夠保留在女性體內。實驗連續進行了兩個月，結果發現，女性在高潮下，能夠保留較多的潤滑劑，故能令受孕機會增加10%至15%。研究人員表示，女性達至高潮的時候，似乎執行了某種機制，保存更多的精子。研究人員亦指，由於該實驗的規模小，希望未來可透過更大型的研究，證實他們的結果。資料來源︰Dailymail記者︰盧逸文




來源: http://hk.apple.nextmedia.com/su ... t/20161206/19856123
PermaLink: https://articles.zkiz.com/?id=318550

祖兒克勤合體掀高潮

1 : GS(14)@2017-01-02 11:51:17

容祖兒、李克勤、蔡依林、陳偉霆和林俊傑等前晚到澳門為江蘇衛視跨年騷演出，蔡依林和林志玲都低胸性感登場，一身閃爆黑衫的祖兒唱完《加大力度》後，跟克勤又唱又跳《隆重登場》和《紅日》掀高潮，祖兒完騷後即趕返港出席昨晚商台主辦的《叱咤樂壇頒獎禮》。而陳偉霆跳唱《Taxi》時請林志玲共舞，氣氛熱爆，昨日是志玲的舊愛言承旭40歲牛一，有網民爆料兩人秘密復合，甚至傳出預備領證結婚，惟志玲透過助手否認，笑說：「有的話我一定會第一個知道。」撰文：皓騫




來源: http://hk.apple.nextmedia.com/entertainment/art/20170102/19883834
PermaLink: https://articles.zkiz.com/?id=321074

現職公關曾選美「有樓有高潮」素人大起底

1 : GS(14)@2017-02-18 00:51:23

■Seasun以「素人」身份亮相真人騷，但節目被質疑造假。電視圖片



無綫下周推出全新實況節目《有樓萬事足》，由於節目編導岑應多次被踢爆於實況節目中造假，故節目未播出已經惹來疑似造假之嫌，全因其中一個「素人」Seasun爆出金句：「有樓有高潮」、「冇樓唔好白撞」，全城圍插她是拜金港女。



■Seasun曾幫趙世曾打工，又參加過他舉辦的《國際旅遊小姐》選舉。資料圖片

現職公關曾選美

網民將Seasun人肉起底，原來她今年22歲叫鄧寶怡，曾改英文名Givanna，現職珠寶公司公關，做過私影模特兒，又曾幫過出名多紅顏知己的趙世曾打工，工作範圍包括出席活動，亦會陪來自北京的客人，甚至參加過趙世曾舉辦的《國際旅遊小姐》選舉。




來源: http://hk.apple.nextmedia.com/entertainment/art/20170217/19931035
PermaLink: https://articles.zkiz.com/?id=326745

「冇樓冇高潮」幕後主腦岑應都冇樓 但有消防男友

1 : GS(14)@2017-02-18 09:51:46

大台將推出真人騷《有樓萬事足》，單係預告片播出拜金港女Seasun，理直氣壯講出「有樓有高潮」同「冇樓唔好白撞」，惹嚟全城鬧爆佢，其實節目幕後主腦岑應，近年製作嘅真人騷《求愛大作戰》、《盛女愛作戰》、《沒女大翻身》、《網絡挑機》、《沒有起跑線？》等都同樣備受爭議，舊年《沒有起跑線？》中，大肚媽咪語出驚人話要個BB「贏在子宮內」同「贏在射精前」。當中受訪者雖係素人，卻爆出啜核金句，所以有被踢爆其實全部做媒，金句係岑應畀佢哋嘅設計對白，佢當然係否認。到底岑應乜嘢料？佢現年40歲，未婚，完全係一個不節不扣嘅盛女嚟，所以佢拍《求愛大作戰》同《盛女愛作戰》呢個有關盛女議題真人騷，特別有feel。根據資料顯示，佢係中文大學新聞系碩士畢業，跟住效力TVB新聞部，曾係《星期二檔案》編輯，2012年被安排籌備《盛女愛作戰》，因為節目內容具爆炸性，相真人騷嘅盛女各有亮點，所以同時岑應都起底，有指佢係夜蒲精，流連老蘭，所以成功搵到夠爆主角現身。岑應本身好貪靚，肯做白老鼠，所以也特別構思《沒女大翻身》，幫有需要女仔微調變身求偶，拍完盛女兩輯節目，岑應竟然擺脫盛女行列，佢覓得靚仔消防員男友，男方仲向佢咗求咗婚。岑應新一輯節目《有樓萬事足》食正時下年青中產頭痕跟唔到通脹買到樓話題，佢籌備咗大半年，有指佢對女傑青黃仰芳大談買樓「成功之道」嗰番言論有feel就始構思呢個節目，其實岑應本身都係上唔到車一族，佢近年都係一直不停搬，係咁畀無良業主加租，岑應有未婚夫，佢正等緊買到安樂窩就組織家庭。




來源: http://hk.apple.nextmedia.com/entertainment/art/20170218/19932408
PermaLink: https://articles.zkiz.com/?id=326883

【有樓有高潮街訪篇】港男不屑：要睇自己呎數囉！

1 : GS(14)@2017-02-18 09:51:47

陳先生：「如果有個女仔話因為我無樓而唔接受我追求，我會一巴打到佢返菲律賓，再將佢擺上高登。」



港女Seasun喺大台實況節目《有樓萬事足》入面講嘅「有樓有高潮」同「冇樓唔好白撞」，成今日網民瘋傳嘅金句。有見及此，「蘋果動搞作」就問咗一眾港男港女對Seasun嘅偉論有咩睇法！記者：倩宜　攝影：馮峰



阿謙話男仔梗係睇自己呎數啦！

伍小姐：「係技術問題，有技術就會好啦！」

葉小姐唔認同無樓就冇高潮。

問：「無樓咪白撞？」
Raymond：「叫佢返屋企瞓啦！俾粒鈕佢算啦！」陳先生：「如果有個女仔話因為我無樓而唔接受我追求，我會一巴打到佢返菲律賓，再將佢擺上高登。」吳先生：「佢都幾膚淺。」林女士：「幾十年前無呢個諗法，有份工就ok。」伍小姐：「無物業仲好，有樓仲煩，又要供又要交管理費。」林小姐：「佢唔駛同條仔結婚，同層樓結婚咪得！」
Step：「幫我問下個女仔駛唔駛睇醫生啦！佢應該有問題！」葉小姐：「佢買咗層樓，但係唔照顧我，都唔代表愛我。」



林女士話唔明依家啲女仔心態。

林小姐建議「無樓咪白撞」的話，不如直接同層樓結婚就算。

Step好好奇點解Seasun會咁在意高潮。

問：「有樓先有高潮？」
Raymond：「(翻白眼)」阿謙：「性高潮？關咩事呀？」林女士：「我就唔會咁樣諗。我唔係好明白時下女仔嘅心態。」陳小姐：「係咪真係有人咁樣講？」
Step：「咩料呀？點解咁在意高潮呀」
Lucky：「咁佢唔好要高潮囉。」陳先生：「如果個女仔咁樣講，真係好極有限。」



問：「二千呎屋入面做先有高潮？」伍小姐：「睇嚟佢好有經驗，我只可以咁講。我覺得細細地反而會好啲，安全感大啲。」陳小姐：「我唔想要咁大，會好驚。一百呎、一廳兩房已經夠。」
Step：「我怕鬼呀！」葉小姐：「我唔認同。」



問：「高潮指數同住屋尺寸成正比？」伍小姐：「關咩事？係技術問題，有技術就會好啦！」陳先生：「唔會囉。」阿謙：「唔成正比，睇自己嘅呎數嘛！」




來源: http://hk.apple.nextmedia.com/entertainment/art/20170218/19932037
PermaLink: https://articles.zkiz.com/?id=326885

做二奶拍三級片肉體換樓都得高潮女恨錢謀包養

1 : GS(14)@2017-02-19 13:59:36

■近日爆出「有樓有高潮」而成熱話的高潮女Seasun，前日接受本報訪問時揚言不介意做二奶和以肉體換樓。攝影：仇志德



無綫實況節目《有樓萬事足》近日播出的預告片中，受訪素人鄧寶怡（Seasun）指「有樓有高潮」及發表「公猴愛洞穴」言論而遭全城圍插，封她為「高潮女」及極品拜金女。Seasun前晚接受本報專訪時，揚言恨拍三級片，又指若有男人送她2,000呎樓，要她做二奶都在所不惜，她說：「有啲乜唔做得？又唔係犯法，殺人放火。」



香港人為上樓可以去到幾盡？曾參加趙世曾贊助的「國際旅遊小姐大賽」的22歲鄧寶怡前晚接受本報專訪時，揚言若有男人送樓，要她做二奶甚至出賣肉體也在所不計。無綫實況節目《有樓萬事足》近日播出預告片，當中素人Seasun受訪時因爆出金句「有樓有高潮」、「冇樓咪白撞」和發表「公猴愛洞穴」等惹來網民熱話，鬧爆她是極品拜金港女。另外，有網民又指該節目是岑應編導，質疑今次岑應跟過往的作品一樣造假，拜金港女金句其實是預設對白。



■Seasun在《有樓萬事足》宣傳片中發表公猴愛洞穴論，惹網民狂插。電視圖片

■揚言愛靠自己能力買樓的貼樓女Inky（左）與高潮女Seasun性格完全相反。


望加入娛樂圈

不過，面對排山倒海負評的高潮女Seasun前晚於荔枝角接受本報專訪時，聲稱沒有後悔講出真心話，亦不怕因此嚇窒追求者，她說：「可能因為咁，先多咗人留意我呢！」會否甘願做人二奶被包養？Seasun說：「咁既然對方係同我拍拖，送層樓畀我梗係好啦，係對呢段關係嘅承諾嘛！」對於出賣肉體換樓，她理直氣壯說：「如果有啲嘢做完唔影響到人嘅話，有啲乜唔做得？又唔係犯法，殺人放火。如果係好靚仔，一定會考慮。」原來Seasun一直希望加入娛樂圈，自認演戲尺度有彈性，就算要她做三級片女主角亦不會介意。
Seasun之前表示要有2,000呎樓的男士才合心意，當問到覺得自己憑甚麼會獲男友送樓時，她說：「我喺個男仔心目中有乜份量，唔係我去諗，係對方點諗。」記者笑問她覺得自己值幾多呎？她又再語出驚人笑說：「你講緊下面呀？講買樓？唔會限制自己囉！」採訪：陳杰場地提供：KOOL Co-creative Studio




來源: http://hk.apple.nextmedia.com/entertainment/art/20170219/19932889
PermaLink: https://articles.zkiz.com/?id=327009

高潮成日有Seasun被指陪酒會所工作

1 : GS(14)@2017-02-19 13:59:36

■Seasun前晚受訪後，單拖在中環行名店。攝影：吳耀輝



原來Seasun至今仍未有樓揸手，對於金句「有樓有高潮」在網上瘋傳，記者問她有否試過真正高潮時，Seasun竟遊花園說：「我唔知你講邊種高潮，我內心嘅高潮就成日有嘅。」有指Seasun曾於有女子陪酒的私人會所工作，Seasun否認其事：「我成日都周圍去玩喎，好多喎，我冇印象啦。」她一再否認節目造假，強調自己未睇過劇本，對於被指拜金，Seasun說：「我絕對拜金，我拜……香港金融市場所賜。」最後她更自認恨錢說：「我恨，錢好重要㗎，我細個媽咪帶我去雜貨舖嗰時，我見到好得意嘅玩具，對每樣嘢都好奇，但自己未必有能力，冇錢，攞唔到就好想攞到。」




來源: http://hk.apple.nextmedia.com/entertainment/art/20170219/19932831
PermaLink: https://articles.zkiz.com/?id=327010
Next Page
ZKIZ Archives @ 2019