【《蘋果》專訪】霆鋒難忘霉髧墮飯盒：最有家嘅味道
1 :
GS(14)@2017-01-28 12:04:15■謝霆鋒笑言可能在片場長大，所以覺得最好吃是霉髧墮飯盒。
謝霆鋒由影帝到食神，前日他跟韓國樂隊CNBLUE主音鄭容和為主演的電影《決戰食神》在北角接受訪問，電影安排在下月10日上映。在公在私話題離不開食，雖然霆鋒鍾意煮好食好，對食物有要求，但最令他難忘的仍然是片場飯盒，甚有《喜劇之王》中尹天仇的感覺。
■片中霆鋒跟鄭容和都是煮食高手。
■霆鋒和陳奕迅（左）拍節目時曾經掃街。資料圖片
■霆鋒跟鄭容和（右）合演新片《決戰食神》，訪問話題亦離不開飲食。
喺片場長大
霆鋒說：「做咁多美食，最好食係乜嘢？我真係會答喺片場我哋收到嗰盒霉髧墮飯盒。無論係魚香茄子、滑蛋牛飯或者蒸肉餅飯，個發泡膠盒邊仲要熱到溶溶地咁樣，係最有家嘅味道，可能我哋都喺片場長大。」旁邊的鄭容和透過繙譯表示認同，令他非常回味。原來霆鋒對貼地的食物情有獨鍾，喜歡去大牌檔和掃街，蛋撻就喜歡吃酥皮：「覺得最好食都係嗰間啦，擺花街。」想不到他跟末代港督彭定康品味相同，他補充：「呢個又係真係睇邊間㗎咋，大部份嘅酥皮已經開始好油。」
難搵靚鴛鴦
經常光顧茶餐廳的霆鋒，鴛鴦、西多士都是指定必吃，他慨嘆好港式的鴛鴦已經越來越難找，西多士一定要有花生醬：「個餡起碼要有花生醬，咁佢要夠厚，要真係沾蛋漿再去炸，最好係多士側邊嗰啲絲係脆皮，同埋油唔可以太老，唔係嗰塊包會變黑。」至於港人至愛的燒味飯，霆鋒認為精髓在於薑茸，如果整得好已足夠撈一碗飯吃，連燒肉、义燒都不用。他亦認同最好吃的腸粉是深水埗鴨寮街那一檔，反而最難找是一粒完美的咖喱魚蛋。採訪：何永寧、阿仙攝影：林德雄
來源:
http://hk.apple.nextmedia.com/entertainment/art/20170128/19911168
【港人在韓】粗豪導遊整蛋糕 最難忘：頂！港產片講國語
1 :
GS(14)@2017-02-07 05:15:58River因為做導遊而定居韓國二十年，佢話十年前韓國上映《少林足球》，終於有套講廣東話嘅戲令佢好興奮，點知原來講國語，都忍唔住講句：「頂！」
【尋找首爾的香港】「頂！《少林足球》講國語！」住咗喺韓國近二十年嘅River講返十年前喺當地睇《少林足球》非常激動，「十年前，諗住終於有得睇講廣東話嘅戲，點知原來講普通話，臨尾真係想界刂爛凳呀！」說話粗魯、外表粗豪嘅River，前身係一位導遊，誰不知竟然為興趣裸辭，轉行做細心嘅烘焙師，透過網上平台賣自家製蛋糕！River講嘢相當直接，自嘲自己唔係生得靚，又唔係溫柔體貼，「當一個咁粗魯嘅人，畀件咁溫柔嘅蛋糕人哋嗰陣，佢哋就會諗：『嘩！係咪你整o架？堅定流呀？』」
說話粗魯、外表粗豪嘅River，原來係一位細心嘅烘焙師。
呢啲蛋糕全部出自River雙手。
為咗唔好食死啲朋友，所有蛋糕少糖、天然，唔落防腐劑。
採訪當日，記者見證River親手整出鬆軟嘅柚子蛋糕，枱上亦放滿佢一早整好嘅朱古力、紫薯小蛋糕，非常精緻。River話當朋友見佢整蛋糕都會話：「頂！點解你咁闊太嘅整蛋糕！」River就解釋背後其實花咗好多功夫、時間同金錢，「為咗研發無防腐劑嘅柚子蛋糕，我整咗100個先成功！」故事要講返River做導遊嘅日子，當時帶完團可以休息兩三日，咁啱好朋友送咗一箱柚子畀佢，食唔晒，就試下用嚟整蛋糕，結果出奇地夾。身邊嘅朋友開始成為River研究蛋糕嘅白老鼠，「為咗唔想食死啲朋友，我研究到唔落防腐劑，用新鮮食材，但係賣出去要考慮保存問題，於是試真空包裝。」
兩年前，River決定唔做導遊，全職整餅，靠網上平台接訂單。
生意初起步，接單、整餅、包裝、送貨、宣傳等River一手包辦。
當時日日做足21粒鐘，客源又未穩定，難捱嘅日子好彩有朋友同屋企人支持。
當整蛋糕整到十個朋友十個like，River兩年前決心裸辭，咬積蓄，搏一舖！正所謂萬事起頭難，初初得River一個人，接單、整餅、包裝、送貨、宣傳等一手包辦，加上未有足夠客源，喺體力和資金上都非常難捱。River坦言有掙扎過想放棄，「當頂完一陣積蓄之後，就要諗繼唔繼續呢，如果返去帶團，頂！好悶呀！同條鹹魚無分別！」好在得朋友撐住，「佢哋話試吓啦，最多你無飯食，我請你食飯，你無錢睇戲，我請你睇戲，一路捱到唔得嗰日為止！」River講到呢度，都忍唔住喊出嚟。
買工具、材料等，成本100萬港元，做咗九個月返本。
River仲考咗咖啡師牌，沖得一手靚咖啡。
River咬緊牙關四個月，每日做足21個鐘，先開始有錢賺，請到第一個員工。慢慢開始有回頭客，就租餅房，River話因為自己係外國人，喺韓國搵餅房都唔容易，「業主唔知我呢個外國人租地方嚟做啲乜，就算解釋咗都唔信，咁我咪敲兩次門、敲三次門、打多幾個電話，講到人哋怕咗我囉！」River仲話o依家同業主熟咗，有得減吓租添！目前，River嘅蛋糕生意已經上軌道，請咗五個員工，有餐廳、酒店、cafe shop等向佢訂蛋糕，客源亦有唔少香港人，River就將蛋糕空運回港。計下數，呢門蛋糕生意成本約一億五千萬韓圜，約100萬港元，九個月已經回本，未來打算物色店舖開蛋糕店。
River話深信如果當日無去韓國，留喺香港嘅話，今日就唔會有自己嘅生意，「首先唔好計搵錢先，做人要新鮮啲，要喺未死之前做自己開心嘅嘢。」就係韓國呢個地方畀到空間River搵自己嘅興趣，有機會令興趣變成事業，「我覺得定居韓國係無揀錯！」
Mephistopheles Le Pastries
https://www.facebook.com/mephistopheleslepastries/?fref=ts記者：鄒倩婷（阿仙）攝影：陳家文、李錦鏵剪接：Roy_theme_kdrama,_kstar_hkinseoul,_mt_娛樂,_mt_韓流
來源:
http://hk.apple.nextmedia.com/entertainment/art/20170207/19920226
梁漢文難忘帶妻坐蟻竇
1 :
GS(14)@2017-02-11 18:38:02梁漢文（Edmond）昨日在九龍城為情人節舉行的「佛山唱情歌演唱會」綵排，首次在內地舉行音樂會，Edmond說：「好開心，有5、6千人嘅會場，老婆都會一齊去，到時同歌迷一齊過情人節。」他表示自從組成男人幫後，多了很多女粉絲，他還恭喜拍檔任賢齊提名金像獎最佳男主角。Edmond透露有興趣拍喜劇，之前替周渝民主演的電影聲演，感覺好玩。問到Edmond如何冧太太？他笑說：「我有做，不過失敗咗，學人浪漫，二十年前帶佢去沙灘樹下溫馨吓，點知畀蟻咬，原來坐咗喺個蟻竇度，不過佢就跟咗我返屋企沖涼。」採訪：羅慧敏攝影：陳順禎
來源:
http://hk.apple.nextmedia.com/entertainment/art/20170210/19923227
曉治積曼不捨狼人難忘到喊
1 :
GS(14)@2017-03-03 00:54:44【台北直擊】澳洲男星曉治積曼（Hugh Jackman）為超級英雄片《盧根》（Logan）最後一次演「狼人」，他跟宣佈不再演「X教授」的柏德烈史釗活（Patrick Stewart）展開台灣宣傳之旅，昨日二人於台北文華東方舉行記者會。柏德烈先以國語打招呼，指由紐約飛去台北後不舒服而缺席前晚的首映，向大家道歉。
■曉治透露在柏林睇片時，曾感動到喊。
曉治表示首映後去了饒河夜市食臭豆腐，又即場講：「很好吃。」提到最後一次演「狼人」，曉治透露於柏林睇片時好感動，更拖住柏德烈哭了出來，認為這個是最難忘的角色，永遠留在心中。柏德烈說：「我在柏林才決定不再演這角色，因為看到完場時覺得結局太美好太完美。」問到想不想跟華人導演合作，曉治：「要看時間夾不夾，但我們是open and available的。」又指很難揀由誰演下個狼人。之後大會送了X教授畫給柏德烈，另外送了手造的狼人及X教授戲偶給二人。採訪：黃芷蔚攝影：卓振輝
來源:
http://hk.apple.nextmedia.com/entertainment/art/20170301/19943084
【話別黃易】彭志銘：少見強勢作家 李志清：難忘鼓勵之情
1 :
GS(14)@2017-04-08 20:45:31知名玄幻武俠小說作家黃易，於4月5日因中風離世，享年65歲。台灣《壹週刊》圖片
知名玄幻武俠小說作家黃易，4月5日因中風離世，終年65歲。黃易畢業於香港中文大學藝術系，專攻中國傳統繪畫，於香港藝術館任職10年後，開始其寫作生涯。他將當時風靡一時的武俠小說和科幻小說合而為一，開創獨特的玄幻武俠小說。黃易本名黃祖強，以黃易為筆名，因為他喜愛玄學和研究《易經》。黃易不少作品都曾改編成大受歡迎的電視劇，包括由古天樂、江華、林峯、宣萱等人的主演《尋秦記》；林峯、吳卓羲、楊怡及唐寧主演的《大唐雙龍傳》；以及《烏金血劍》、《覆雨翻雲》等。他的作品亦被改編成電腦遊戲，包括《黃易群俠傳Online》、《黃易群俠傳2》等等。黃易雖已年過六十，但他仍未封筆，2015年開始寫《天地明環》，至2017年4月出版至第十八卷，豈料結局未揭盅，就已經離開了廣大讀者。對於他的突然離世，文化界不同人士都感惋惜。次文化堂社長彭志銘接受電話訪問時，坦言較少看黃易的作品，但對黃易離世同感悲痛，認為是香港文化界及出版界的損失，「基本上現在好的作者，或者有實力的作者已經沒多少個，少一個就真的少一個，寫黃易這種小說形式就更加少。」彭志銘認為現今的社會很難再有這種強勢的作家，「以前報紙有小說專欄讓作家寫，可以連載，現在已經沒有這種環境。作家可以網上寫小說，但我們眼見的成績就不如前人，比較出色是《紅VAN》（《那夜凌晨，我坐上了旺角開往大埔的紅VAN》）彈起了，但之後熱潮又退卻。」他強調寫武俠小說要有結構，除了要有想像、創作，還要有中國文化底蘊，「比寫《紅VAN》、《一路向西》更困難，這種作家越來越少，所以黃易離世是十分可惜。」對繪畫有相當認識的黃易，跟漫畫家李志清亦有交情，身在海外的李志清透過WhatsApp向記者表達哀痛：「對黃先生離世深覺沉痛，記得我們有一次同在杭州，談及水墨畫，他是丁公（著名畫家丁衍庸）學生，說丁公眼前有甚麼也在報紙上畫着，這個鍛煉的方法很好，他鼓勵我用，我亦覺得是一個極好的方法，可惜也未有常用，他是近年繼金、古、溫（金庸、古龍、溫瑞安）之後，武俠小說的大家，影響深遠！甚惋惜！」而武俠小說作家喬靖夫亦在facebook撰文悼念：「人生無常。所以寫小說是那麼美好的事。寫下來的東西，它就定在那裡。最終能寫多少，能寫多久，一切是緣。但經過這許多燦爛的戰鬥，應已無憾。黃易前輩，安息。」記者：李煒汯2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
次文化堂社長彭志銘指黃易離世，是香港文化及出版界的損失。資料圖片
香港武俠小說作家喬靖夫現身處美國，仍不忘於網上悼念黃易。
漫畫家李志清。
武俠小說作家喬靖夫。
來源:
http://hk.apple.nextmedia.com/su ... t/20170408/19983447
雷霆：珀麗灣一晚沽2000伙最難忘
1 :
GS(14)@2017-06-16 09:10:05http://www.mpfinance.com/fin/dai ... 4036&issue=20170616
【明報專訊】繼長實（1113）日前公布20年來港累售7萬伙、套現總額達4000億元後，「樓神」新地（0016）副董事總經理雷霆，昨日亦表示，過去20年來個人最難忘賣樓戰役並非2000年開售的跑馬地禮頓山，或2005年開售的九龍站凱旋門等豪宅，而是2002年開售的馬灣珀麗灣，因為當年社會普遍只視馬灣為一個交通隔涉的小島，新地將島上首個大型私人屋苑，即珀麗灣包裝成優閒度假式屋苑，儘管開售時遇上狂風暴雨，但2000餘伙單位仍然極速清袋。
灝景灣97年收逾3萬票創紀錄
雷霆當年曾向傳媒稱：「珀麗灣一Q清袋的成功方程式，是定價貼市、物業質素有保證。」至於新地20年來另一經典之役，不得不提1997年樓市高峰期開售的青衣灝景灣，樓盤開售前勁收逾3萬票，至今仍為香港歷來收票最多的新盤票王，市民入票和賣樓時的旺爆場面，至今仍令人印象難忘。
新地近年除奉行「月月有樓賣」外，有時甚至透過數盤齊發的策略，搶佔市場不同層面買家的購買力。以2007年3月為例，同時推出荔枝角曼克頓山、奧運站君匯港、元朗洋房葡萄園3個新盤；去年3月同期推出將軍澳海天晉、何文田豪宅天鑄2期。
凱旋門建築設計成地標
另一方面，新地擅長將旗下屋苑打造成該區新地標，如九龍站凱旋門和天璽、將軍澳天晉、屯門瓏門等，其單位做價往往是區內私宅物業的最高指標。
陳法拉演川劇嗌難忘
1 :
GS(14)@2017-06-18 22:07:17陳法拉近年留在紐約進修，在名府茱莉亞學院修讀為期四年的戲劇碩士課程，趁假期才會返港接工作。近日她與一班外籍朋友去四川旅遊，她在社交網貼出一個川劇變臉公仔，前日再貼出即時動態，法拉對着鏡頭甜笑，一班人騎單車，體驗當地文化。
■法拉在工作人員幫忙下裝身，為演川劇作準備。互聯網圖片
其實法拉本身在四川成都出世，曾就讀成都市勝利西路小學及鹽道街中學初中部，14歲才隨家人移居美國，因此她是半個當地人，做嚮導帶友人四圍逛。另外，法拉昨日再貼出多張化了川劇妝的相片，當中她關目十足，工作人員幫她準備，她表示此行是演員生活的一部份，更大讚演川劇是一個難忘的體驗。撰文：唐如
來源:
http://hk.apple.nextmedia.com/entertainment/art/20170617/20058559
張智霖難忘肢解家棟
1 :
GS(14)@2017-06-22 08:03:25張智霖（Chilam）到上海出席電影節後，昨日返港，太太袁詠儀（靚靚）一身輕便裝行出閘，孭背囊戴口罩的Chilam就負責推行李，問到會否補祝父親節？Chilam反問：「應該要做啲乜㗎？食飯呢啲我成日做㗎喎！」靚靚也說：「如果係，日日都係父親節。」Chilam即笑說：「應該封番封利是畀我。」此外，Chilam前日和佘詩曼、林雪等在上海宣傳新作《常在你左右》，他指最難忘一幕是要肢解林家棟：「平時劏雞都唔會，今次就要將林家棟條屍體肢解，感覺好特別。」採訪：張俊銘攝影：陳慧安
來源:
http://hk.apple.nextmedia.com/entertainment/art/20170620/20061509
難忘破門見省港旗兵睇世盃
1 :
GS(14)@2017-07-09 03:48:03【本報訊】「紅褲子」出身的周國良表示，在其39年的警隊生涯當中，最難忘的是上世紀八、九十年代，持械劫案肆虐本港。1990年駐守九龍重案組的周國良憶述，當年接獲情報，指有本港匪幫聯同內地省港旗兵合作食「大茶飯」，準備持械打劫。他率領隊員到匪徒藏身地點視察，部署在清晨4時採取突擊行動，怎料，當警方破門入屋，5名匪徒坐於客廳收看世界盃，「大家你眼望我眼，佢哋都呆咗半秒，跟着佢哋立刻衝入房攞槍，我哋及時制服佢哋，發現佢哋有3支半自動手槍，部份槍嘅子彈已經上咗膛，如果唔係及時制服佢哋，就會爆發槍戰」。周國良笑說：「當年我哋太忙，冇留意舉行世界盃，唔知道當日舉行決賽，回想起嚟，如果冇世界盃，佢哋好大可能瞓喺支槍隔鄰，我哋衝上去，佢哋會掹槍，爆發槍戰」。■記者謝明明
來源:
http://hk.apple.nextmedia.com/news/art/20170707/20081791
Next Page