西環集中營︰CY一兩周內定去向？
1 :
GS(14)@2016-10-17 08:06:38中紀委中央巡視組日前公開對港澳辦的巡視報告，引起政圈關注，焦點都離不開會否影響下屆的特首人選，特別是多個民調皆顯示財政司司長曾俊華的支持度，遠高於特首梁振英，但近日政圈又盛傳，梁或於一、兩星期內明確表達自己角逐連任的意向，但不少政圈中人對此傳聞抱懷疑態度。
傳周四晤李克強
有政界人士笑言，有關傳聞說得「似層層」，指梁振英周四到江西南昌市出席2016年泛珠三角區域合作行政首長聯席會議，但他不是由香港直飛，而是先到深圳，其後再到江西，因為結束訪問澳門的國務院總理李克強之後轉到深圳考察，所以有人傳出梁振英和李克強見面，是尋求中央為他正式公佈入閘，角逐連任開綠燈。雖然梁振英周五返港時，有記者問他有沒有在深圳見過李克強，梁斬釘截鐵說沒有，但如此敏感時刻，縱使梁否認仍難阻一些有心人做文章，之後有人傳出，梁或在一、兩星期內表達角逐連任的意向。不少政界中人對此傳聞抱懷疑態度。有政界中人指，當中傳出消息者更有梁粉中人，但他認為按目前政治大形勢，下屆特首選舉不再單單是港澳政策問題，而是涉及中央高層權力鬥爭，「一日上面未鬥完，怕且下屆特首選舉唔會明朗」。另一政界人士也認為，梁振英可否入閘選特首，只有國家主席習近平才可以開綠燈，從梁振英最大支持者、政協副主席董建華對下屆特首問題絕口不提，可知北京仍然未有決定。該政界人士笑言，最近記者問梁振英何時宣佈角逐連任，他也是說有消息會通知大家，「其實佢自己都可能等緊（北京）消息，問題係佢會唔會唔等埋北京放行，自行宣佈（角逐連任）？」季陶周一、三、五刊出
來源:
http://hk.apple.nextmedia.com/news/art/20161017/19803201
西環集中營：選委戰民主派至少奪300席
1 :
GS(14)@2016-10-19 05:19:04雖然不論特首梁振英還是其他被視為黑馬的特首候選人，仍未就是否參選表態，但民主派選委選舉工程已全力開動，有民主派中人指在目前形勢下，他聽聞北京對今次選委會選舉「唔多樂觀」，初步認為民主派最少可奪300個選委席位，「對北京嚟講，佢哋關心係民主派會喺300個委會之上，仲可以再拎多幾多個位」，還有的是建制選委陣營中，多少落入反梁連任的陣營。
專業界別建制或大敗
有民主派中人指，北京在立法會選戰後分析功能組別選情後認定，今次選委會選舉，民主派可以較上屆取得更多議席，「基本上認咗今次專業界別選委會選舉，建制陣營可能大敗，最差情況係，好多界別建制陣營可能一席都冇」。另一民主派人士更稱，有內地的中間人對他說，北京認為民主派拿到300個選委席位沒有懸念，「呢條數好易計，最少7個專業界別全取30個位，加立法會30個位，社福界60席，已經300席」。他又聽聞有專業議政聯盟成員早前向民主派打招呼，有意聯絡其他界別，統籌民主派選委會選舉，「專業會議入面有人認為，可以將戰線擴展到非民主派控制的界別，所以民主派隨時可以取得300席選委以上。」該民主派人士稱，內地另一關注是今屆建制選委中，多少席落入反梁人士手中？他笑稱雖然不少建制中人認為，只要北京「吹雞」，建制選委就會「歸隊」，但別忘記上屆特首選舉北京在最後關頭全力逼建制派選委挺梁，梁也只有689票，「即係話建制選委入面，唔係個個必然聽話，如果有人投票時玩嘢唔投梁振英，北京就好頭痕」。季陶周一、三、五刊出
來源:
http://hk.apple.nextmedia.com/news/art/20161019/19805414
西環集中營：立會推政策難上加難
1 :
GS(14)@2016-10-21 05:08:20今屆立法會只開了兩次會，民主派與建制派已「開大片」，建制為阻青年新政梁頌恆、游蕙禎宣誓，不惜玩流會。有官場中人直言，從現時局面看，今屆立會建制派較上屆團結，對政府或有好處，但另一方面民主派與建制派矛盾較上屆更嚴峻，加上一班新世代本土派，以及快將進入特首選舉期，他預計政府要在立會推重大項目將更困難，「直到下屆新特首上台，政府冇乜嘢可以喺立法會入面成功推到」。多名官場中人分析，今屆立會少了自由黨田北俊後，自由黨對特首梁振英的態度有改善，從選主席到阻梁游宣誓，自由黨均有跟建制派大隊，可見今屆建制派將較上屆團結，「冇咗田少喺立法會，起碼少咗俾自由黨插政府，亦唔怕自由黨忽然扭計，政府要數建制派嘅票，會比上屆易咗」。不過政府可以箍緊建制派40票，是否代表較易推動有爭議政策？另一官場中人卻認為未必，新一屆只開了兩次會，建制、民主派已「打大交」，兩大陣營根本各不相讓，民主派沒了一班「大佬」，加上新世代本土派加入，民主派立場只會較上屆更強硬，政府要推動有爭議的重大項目只會更困難，「以前或者同民主派仲有得傾吓，而家怕且傾都好難傾，個個唔會肯妥協」。更令該官場中人擔心，現時民主、建制已「紮行馬」各不相讓，未來兩大陣營衝突只會不斷升級，「隨時連冇爭議嘅嘢都因為兩大陣營開火受拖累過唔到」，所以他對未來有多少政策可通過立會並不樂觀，「除非出年特首選舉有突破情況，否則睇唔到有乜出路」。季陶周一、三、五刊出
來源:
http://hk.apple.nextmedia.com/news/art/20161021/19807716
西環集中營︰小學雞宣誓 京強硬路線抬頭
1 :
GS(14)@2016-10-24 06:06:25青年新政梁頌恆、游蕙禎一場「小學雞」宣誓鬧劇，不但為北京開路衝擊三權分立，更加影響到下屆特首選舉形勢。人大常委范徐麗泰日前指出，若港獨越鬧越大，不排除中央找信得過的人做特首、暗示會支持梁振英連任，季陶也聽到政界中人呻，青政這場「小學雞」宣誓，他們或覺得「好好玩」，卻令強硬對港路線派系抬頭，變相為梁振英連任助選，連曾俊華能否入閘也有危機。有政界人士稱，宣誓風波令北京震怒，全因分裂國家、辱華等問題對北京來說寸步不讓。而青政兩議員行為等同挑戰北京底線，從梁振英及左派連日針對兩人行動不斷升級，已到要令兩人無法出任議員，難免令人覺得，梁成功借今次宣誓風波及中央不滿，製造另一場港獨危機，突出其強硬作風的「優勢」，「就好似立法會選舉前打擊學生宣傳港獨情況一樣，就係將問題不斷升級、挑動矛盾，最好拉埋民主派落水，話民主派都支持港獨分子，咁對佢最有利」。
曾俊華入閘有變數
另一政界人士更稱，政圈盛傳今次事件令強硬路線再抬頭，認為要以更強硬手段對付港獨分子，更有傳被視為較溫和的財政司司長曾俊華入閘選特首也現變數，「如果中央決定走更強硬路線，就算唔用梁振英，仲有林鄭月娥、葉劉淑儀」，而葉劉日前接受電視訪問明言未決定是否選特首，未為參選關門。但該政界人士提醒北京，過去幾年北京用強硬對港路線，結果打出一班港獨派，將主流港人打得與中國越走越遠，「如果北京仲以為再強硬啲可以打死港獨，最後只會重蹈覆轍，令港人更同中國疏離、港獨更多人支持，一手毀咗一國兩制」。季陶周一、三、五刊出
來源:
http://hk.apple.nextmedia.com/news/art/20161024/19810498
西環集中營：財爺倘去信 意味獲京開綠燈
1 :
GS(14)@2016-10-28 06:05:13退休法官胡國興去馬選特首，一石激起千重浪，日前即傳出財政司司長曾俊華已去信中央最高層，表達辭職參選意願。
無中央默許如政治自殺
外界對曾俊華去信消息有不同解讀，有指他未獲中央開綠燈，所以才有此行動，但民主黨中人對此卻有不同看法，因為根據民主黨與中央談判的經驗，曾的行動或代表中央已容許他辭職參選。該民主黨中人說，曾俊華如此去信中央最高層表達辭職參選意願，若完全沒有北京示意，做法如同政治自殺，「梁振英係現任特首，冇中央默許，都唔敢貿然宣佈角逐連任，何況曾俊華？」他指通常敢去信中央最高層提出要求，「其實背後係中央有人叫你寫信上去」。他以民主黨之前與北京就政改談判為例，當年民主黨就政改與獲中央最高層授權的前律政司司長梁愛詩商討，當雙方就政改有共識，北京要求與民主黨進行正式見面、確認民主黨立場，梁就要求民主黨寫一封給當時國家主席胡錦濤的信，提出要求與中央就政改會面，當時有民主黨中人奇怪，明明北京想正式會面，為何仍要民主黨寫信，要求與中央代表見面？事後有人向他們解釋，這是北京一貫做法，「就算中央做主動、所有嘢傾好晒，都係要你寫信畀中央，話係你提出要求，咁中央會話經考慮後接受，唔係中央主動要做」，萬一出了甚麼問題，有關人士可置身事外。該民主黨中人說，以此慣例推敲，若曾俊華可以去信中央提出辭職參選，「即係話中央最高層有人開咗綠燈，佢先會寫信畀中央，而唔會冇中央默許之前，自己寫信畀中央」，所以估計曾俊華辭職參選應該沒有懸念。周一、三、五刊出季陶
來源:
http://hk.apple.nextmedia.com/news/art/20161028/19814888
西環集中營︰CY博連任 加辣保「政績」
1 :
GS(14)@2016-11-08 05:48:50特區政府於北京確認就青年新政議員宣誓案釋法當日，宣佈推出加辣招打擊樓價，外界有不少分析指，特首梁振英突然為樓市加辣，無非想轉移外界對釋法視線，但有政、商界人士對此卻有不同看法，認為梁是急於在短期內阻樓價再升，否則他唯一爭取連任的「政績」也會成為泡影，年底述職時，更難爭取國家主席習近平支持他連任。有政、商界人士指，梁振英及挺梁人士近幾個月集中火力宣傳的「政績」，就是梁如何「迎難而上」解決土地及房屋問題，並且不斷強調已「初見成效」，例如梁早前在《紫荊》撰文總結過去4年工作，就不斷吹噓現屆政府如何增加樓宇供應，未來3至4年一手私樓供應量高達93,000個單位，是2012年前政府開始公佈相關數字以來新高，亦比現屆政府上任時的65,000個多。但諷刺的是，梁一邊說針對土地及房屋問題的政策「初見成效」，但所謂「初見成效」的「政績」，卻是樓價不斷上升，「如果梁所謂『初見成效』嘅土地政策，結果就係樓價升完再升，咁『初見成效』即係等於冇成效」。
樓價破頂遭京質疑
有商界中人對季陶笑言，梁振英民望低迷、「仇口」眾多，唯一可以爭取中央支持他連任，只有忠心及他有力解決民生問題，特別是土地及房屋問題，而梁振英也一直向中央硬銷打擊樓價有成績，「佢（梁振英）成日話，冇佢啲政策，樓價唔止升咁少」，但問題是香港樓價不斷破頂，據聞連北京也開始有人質疑，梁振英所謂打擊樓價「初見成效」，「其實只係呃人嘅語言偽術」。所以有政界人士相信，梁為了力爭連任，一定用盡方法阻止樓價再升，「講強硬、忠心，香港大把人，如果中央覺得，原來佢根本搞唔掂土地同房屋問題，即係梁振英根本冇乜優點，咁做乜要支持佢連任？」季陶周一、三、五刊出
來源:
http://hk.apple.nextmedia.com/news/art/20161107/19825291
西環集中營︰人大釋法 CY火上加油
1 :
GS(14)@2016-11-10 07:26:36人大釋法後，律政司司長袁國強仍堅持自己看法，認為香港法律體系足以處理今次宣誓風波，早前也有傳特首梁振英在行會內也自稱，認為政府會贏司法覆核官司，對中央堅持釋法也感無奈。有政界及法律界中人對季陶說，他們信袁國強真的不想釋法，但梁是否真的也不想釋法？他們相當懷疑，更有人聽到一些小道消息稱，梁振英根本要對中央最終釋法，負上很大責任。
堅持加入司法覆核博加分
有政界及法律界中人不約而同稱，政界及法律界一直流傳，梁當日知悉青年新政梁頌恆、游蕙禎宣誓時提及港獨及支那，其實並非感到憂慮，「有傳聞話，當日CY睇到梁、游咁宣誓，覺得可以做嘢，完全唔係嗰種驚辣㷫中央，唔知點收科嘅心態」。另一法律界人士說，圈中盛傳袁除了認為不用釋法解決今次風波，亦曾勸梁不用以個人身份入稟，就梁、游宣誓提司法覆核，「傳聞話袁勸咗梁幾次，司法覆核等政府提就得，唔需要特首再提，但梁振英堅持要咁做」，該法律界中人直言，梁如此做明顯為「領功」，「畀中央睇佢身先士卒打港獨，咁對佢連任又可以加分」。至於中央堅持釋法，雖說主動權在北京強硬派手上，但有政界中人指他收到消息，梁在過程中肯定有推波助瀾，「有法律界人話，之前大律師公會上京，中央官員仲未覺得要釋法，但之後單嘢越搞越大，有傳梁振英都有份火上加油、同中央講形勢有幾嚴峻」。他指梁及西環一直為北京強硬派推動釋法提供柴火，「所以如果梁振英話佢都唔想釋法，根本就係呃人，就算佢冇直接出聲叫中央做，都有從中推波助瀾」。季陶周一、三、五刊出
來源:
http://hk.apple.nextmedia.com/news/art/20161109/19827513
西環集中營：京搬石頭掟自己腳
1 :
GS(14)@2016-11-16 05:06:04北京為剝奪青年新政梁頌恆、游蕙禎立法會議員資格，不惜以人大常委釋法達到目的，有民主派中人指，西環及左派似乎想將打擊面擴大至其他民主派議員，若有更多民主派議員因釋法被剝奪議員資格，「咁就唔係一個補選咁簡單，隨時變成一場反人大釋法嘅公投」。
隨時釀反釋法公投
該民主派中人說，雖然梁、游司法覆核官司未有結果，但內地一些中間人似對兩人失去議員資格「相當有信心」，不斷打探民主派陣營會有哪些人出戰補選，他笑言：「莫講話未正式傾，大家仲係估估吓，就算真係有人選，都唔會同上面講啦！」他猜測北京想評估建制是否可取得該兩席，以及想知一些本土、自決派會否參選，以便提早部署。另一民主派中人說，西環及左派人士將釋法打擊面擴大，早前有被指親西環人士，入稟覆核8名民主派議員的宣誓，這名民主派中人直言，若西環及左派人士真的想藉今次機會，剝奪更多民主派議員議席，只會令港人對人大釋法反彈更大，「而家除咗九龍東，其他4區都有議員俾人入稟司法覆核，如果法庭真係判佢哋宣誓無效要補選，隨時會成為一場反人大釋法嘅變相公投」。他笑言若補選真的變成一場反人大釋法公投，到時北京恐怕相當尷尬，「場補選係因為人大釋法、親建制人士提司法覆核搞出嚟，冇得怪民主派，但民主派又用嚟搞公投反人大釋法，到時北京要問責，係咪應該怪人大同西環？」而且剝奪議員人數越多，國際社會必定越關注，必定更加「唱衰」北京及一國兩制，「直情係自己搬石頭掟自己隻腳，民主派做花生友睇北京點搞」。季陶周一、三、五刊出
來源:
http://hk.apple.nextmedia.com/news/art/20161114/19833208
西環集中營：赴APEC晤習 CY博「抽水」
1 :
GS(14)@2016-11-16 05:38:41特首梁振英周四前赴秘魯出席亞太經合組織（APEC）領導人會議，外界最關注的自然是出席APEC的國家主席習近平會否與梁單獨見面，以及習、梁會面後，會否又引述習挺梁言論、甚至開綠燈讓梁角逐連任。有政界中人笑言，梁今次可說做足準備工夫，但習會否讓他有機會利用兩人見面為自己角逐連任造勢，又是另一回事。該政界中人指，梁今次出席APEC前，接受新華網電視訪問，大談任內成績，又說頂住壓力搞房屋問題，以及對反港獨擺出強硬立場，「成個訪問表面上畀內地人睇，其實係想畀習等領導人睇，佢任內幾有政績、政治立場幾咁緊跟中央，等習喺APEC同佢見面可以加分」，他笑言港人皆知梁政綱中有不少承諾已「走數」，但他卻說大部份已做到，「呃內地人就得，領導人點會咁易被呃到？」
圖再放風造勢
加上法庭剛判梁頌恆及游蕙禎失去議席，梁振英又「成功」打擊港獨，「佢拎住咁多『政績』，如果有機會見習，肯定有咁大講咁大，等習讚佢幾句，之後放畀傳媒，講到習支持佢連任」。另一政界中人指梁的如意算盤是否打得響，仍是未知數，事實上梁「抽水」行為已非首次，梁身邊的人不止一次將領導人閉門見面內容外洩，為梁造勢打擊對手，如之前指張德江訪港時指閉門會面中不滿財爺曾俊華表現；又如上年APEC梁見習後，新華社指習稱「中央充份肯定、全力支持行政長官和特別行政區政府的工作」，但梁卻說成中央「充份肯定我本人和特區政府的工作」，改了數個字，就將習發言變成對他個人支持，據聞梁的「抽水」行為早惹一些人不滿，「所以今次習就算肯單獨見梁，都會好小心，以免又俾人抽水」。季陶周一、三、五刊出
來源:
http://hk.apple.nextmedia.com/news/art/20161116/19835333
西環集中營：京挺梁與否看選委會結果
1 :
GS(14)@2016-11-21 23:53:04特首梁振英出席APEC會議時，再次親自到機場迎接國家主席習近平，並獲習握手及短暫交談，有關畫面在中央台播出，在現時「跑馬仔」敏感時刻，梁粉自然解讀為梁獲中央支持。但有政界中人認為，中央仍未對特首人選有決定，而梁能否順利連任，12月選委會選舉結果某程度上影響中央取態。
「最高層未有決定」
多名政界人士均指，不少人就中央對「跑馬仔」取態各自向北京打探，不約而同發現北京相關人士相當「口密」，完全沒有洩露任何風聲，「可以話佢哋唔講得，但更可能係佢哋都唔知最高層想法，所以根本冇嘢可以講」，所以有政界人士估計，現時政圈流傳某人會出選、梁必定連任，大有可能是北京不同路線人士各自放風，「就係因為最高層未有決定，先可以放風造勢，講乜都得」。另一政界人士相信梁作為現任特首，入閘參選有優勢，「就算北京唔挺梁嘅人，都好難搵一個理由，唔畀現任特首爭連任」，但指這不代表北京為支持梁連任，會出手為他掃除所有障礙。他曾與一些內地人士談挺梁問題，對方直言中央挺梁也要看一些客觀因素，例如12月特首選委會選舉結果。眾所周知梁上屆選戰在北京「強力撳掣」下，於選委會只有689票，而今屆選委選舉，上屆挺梁的醫學界等大有可能不再投梁一票，加上梁的票倉工程界及建築、測量、都市規劃，有很大機會被民主派搶去相當數目議席，梁不單保689票有難度，隨時連獲過半選委票也不易，「北京都要思考，特別係選委入面嘅非民主派，好多都唔肯挺梁，係咪仲要硬挺？」周一、三、五刊出
來源:
http://hk.apple.nextmedia.com/news/art/20161121/19840611
Next Page