笑到最後：TSA與香港股神
1 :
GS(14)@2017-02-06 07:25:47過年之前，高明同基金經理溫鋼城兄食飯，溫兄問咗個問題：點解咁多人靠買樓發達，但係咁少人靠買股票發達？直接啲問就係點解香港冇股神？全世界先進嘅金融中心，總有幾個有代表性嘅投資者，美國由畢菲特、索羅斯，數落去多十隻手指都未必數得晒；其他地方亦有「歐洲股神」Anthony Bolton、德國股神André Kostolany，日本以前有邱永漢，現時有B·N·F。但係香港又真係講唔出邊個代表人物。香港的確有好多人靠股票發達，但就唔係透過買賣，而係提供服務，包括印股票、放貸、買賣殼，以上生意同炒股係完全兩回事。答番條問題，高明大概記得，喺餐飯入面答香港樓市已被證實同美國息口關係較敏感，利率下降樓價會升，有類似美股嗰種彈力，反而港股冇咁嘅升值能力，所以即使有人喺港股度賺到錢，都會買兩嚿磚頭保值，個個有錢都搬錢走，股市好難大升，塘水滾塘魚亦都難搵食。不過，以上解釋都仲係好表面。直至高明睇新聞見到教育局局長吳克儉，因為TSA不得民心，所以將評估改名做BCA，繼續要小朋友操練有標準答案嘅練習，本報報道仲話好多家長係fans，就知香港人自細被訓練只可以做睇得到結果嘅嘢，亦都係香港出唔到股神嘅原因。從事投資，就好似以前出海搵新大陸咁，即使你有齊裝備，都未必搵到大陸，但有時又會符碌發現新大陸，冇標準答案話一定有結果。港式考試則相反，先有結果，之後小朋友再操練，呢種方法訓練出嚟嘅思維，就係只做計算到嘅事，股票市場上印股票「車出街」、有抵押放貸等等，全部都計得到回報，所以香港不乏呢方面嘅精英。至於買樓，樓價升跌同樣都不屬計算得到，但起樓賣出去有數得計，散戶買二手樓收租亦有得計，好多香港樓民買樓只計租金回報，樓價升當送，個市逼你發達。炒賣股票並冇一條好明顯嘅回報數字，即使有市盈率之類，隻股唔升都吹佢唔脹。有呢種思維打底，贏錢都會提走，個市永遠唔會旺。接受過港式教育嘅人，都好難做到股神。高明
http://www.fb.com/bigricetea本欄逢周一刊出
來源:
http://hk.apple.nextmedia.com/financeestate/art/20170206/19918887
男友陪玩機動遊戲暈低2次女友笑到癲
1 :
GS(14)@2017-02-19 13:59:32新西蘭羅托魯瓦一對情侶玩「空中鞦韆」（Sky Swing），從60米高空急墮而下，結果男方嚇暈了兩次，他女友看到男友如此不濟，忍不住狂笑。從片段中見到，當他們坐著的「鞦韆」慢慢升上半空，兩人都已開始緊張、害怕，女方嚇得失控地多次大叫，男子則不斷搖頭，恐懼指數看來都相當高。當鞦韆升到最高點，女方大力拉開繫著鞦韆的繩子，鞦韆隨即向地面急墮。男方此時竟被嚇到暈倒，女友看到男友模樣，狂笑不已。男方之後很快蘇醒，但迅即又再度「昏迷」，他女友自然又繼續大笑啦！英國《每日郵報》
來源:
http://hk.apple.nextmedia.com/international/art/20170219/19933383
笑到最後：教你如何撻着牛市
1 :
GS(14)@2017-03-22 00:30:35下個星期日係行政長官選舉，距本欄見報日仲有足足一個星期，任何事情都可以發生。選舉對股市嘅影響，今年可能係史無前例咁大，因為舊年英國脫歐同特朗普當選兩件「黑天鵝」事件，其實並唔係黑天鵝，因為結果二揀一已經寫咗喺選票上面，只係世人傾向以黑天鵝形容事件。如果要夾硬喺兩件事中擠少少黑天鵝出嚟：呢兩件事其實係好事，股市歌舞昇平，而非事前講到天跌落嚟咁壞。先講英國脫歐公投，事前政客已警告脫歐會令經濟有幾大影響，股市又會跌幾多，諸如此類。6月23日結果開出嚟，除咗即日英國股市有少少波動，當日英國富時100指數至今升17%，今年3月16日仲創歷史高位7442點，相比冇公投脫歐嘅法國，同期股市升13%，喺「我討厭政治，只係講經濟」嘅國際趨勢下，脫歐完勝留歐。至於另一個更嚴重嘅就係特朗普對奧巴馬2.0希拉莉，選前政客同華爾街例牌大合唱，講到唔選奧巴馬2.0就會世界末日，奧巴馬2.0當選就會繼續牛市之類，結果一如脫歐，11月8日美國總統投票日出現小爆冷，美股隨後接連創新高，道指期內升14%。弔詭嘅係華爾街嘅市場人士事後解釋，係特朗普減稅同基建政策刺激股市上升，奧巴馬2.0牛市之聲已經消失。金融財俊把口話要2.0，到英國脫歐、特朗當選，最快將資金倒入股市又係同一班金融財俊。高明相信，同樣嘅股市走勢應用喺香港效果會更強，因為外資錢過去冇大舉湧港，係擔心香港會因北京一個政策，突然變成中國其中一個城市，喺呢方面，中國嘅民間資本會更加明白。香港特首再選出2.0，即係股市現況不變，繼續睇住美英大牛市，香港上落市無限輪迴。香港如果選出一個堅持一國兩制嘅人，突顯兩制差異，令到北水知道將錢放喺香港同中國有唔同，股市或有生機。近期千億成交重臨，市場覺得大時代會重臨，但大牛市一定有觸發點，英美已經教曉世人點樣撻着股市，唔講政治，只講股票，想食大茶飯，選委應該知道點做。高明
http://www.fb.com/bigricetea本欄逢周一刊出
來源:
http://hk.apple.nextmedia.com/financeestate/art/20170320/19963505
強國膠劇焦屍有古怪網民發現黑人扮笑到hihi
1 :
GS(14)@2017-03-26 15:38:04內地一名眼尖網民「晨曦中的蘑菇」近日指出，他發現劇集《少年包青天II》的「翻龍劫」單元中，有一幕情節安排出現燒焦屍體。他仔細一看，不得不佩服劇組的安排，因為他們直接找兩名非裔男子來詮釋，而且幾乎沒有透過化妝打造屍體造型。讓網民高呼：「原本是童年陰影，如今卻笑慘」。觀察者網報道，該段畫面最初播出的時間，是在2011年播映的電視劇《少年包青天第二部》第37集的情節裏。這段戲劇安排包拯和公孫策查出連環殺人案的兇手，是一群來自丁家村的四兄弟，他們的村子在10年前慘遭山賊滅村，於是他們以殘忍的手段殺害犯人來報仇，他們把人殺死後燒焦，帶到村子的墳地裏祭奠。這時畫面出現了兩具「焦屍」，仔細一看，是2名非裔男子扮演。有趣的是，劇組並未透過化妝讓這兩名非裔男演屍體，而是直接讓他們包上假血衣之後，躺在棺材裏，鏡頭還給了大特寫，更發現2人眼睛睜開。網民笑言，以前小時候看到屍體的橋段，不敢看，「沒想到重溫經典，竟然發現了這麼神奇的一幕」。還有網民調侃說，這也能算是國際合作的大片吧。不少網民也紛紛加入討論，「為何多年來都沒發現」、「你們道具組真的用心良苦」、「真心給導演跪了」、「我是夜裏看的，本來挺恐怖的，突然看到笑噴了」。觀察者網
來源:
http://hk.apple.nextmedia.com/international/art/20170326/19970473
笑到最後：樓市再加辣屬靠害
1 :
GS(14)@2017-04-04 08:58:30中原城市領先指數連升8周最新報150.89點，實際樓市可能比指數升得更多，因為今次樓市上升源頭嚟自新盤，全部都冇計入指數度，個別荃灣盤一房單位嘜價至過千萬，指數根本反映唔到樓市嘅瘋狂。樓價連升8周，引嚟政府再加辣嘅預期，因為上一次2012年9月至11月樓市亦出現8連升及創新高，隨後政府推出3D三辣招。可惜嘅係，好多未上車市民一廂情願以為辣招「幫佢」，客觀效果有辣招樓市再挾升，只係靠害。本來香港樓市係大藍籌，成交多、球場大，辣招令樓市貨源歸邊，成交有如細價股般疏落，有貨嘅小業主見稅貴一動不如一靜，造就有新盤大貨嘅發展商變成莊家。好多時炒細價股，買賣兩邊互等，希望對方可以就低一格去成交，形成僵持局面，只要有一個唔怕死嘅勇士掃兩版，原先等嘅人覺得等唔到，就會改為直攞，人踩人搶貨造就升幅。但細價股同樓市唔同嘅地方係，好多細價股一見有買盤，就會瘋狂「B貨」直沽出街令升勢打回原形，甚至倒跌；相反，發展商賣樓機制比較成熟，有秩序散貨，唔會一棍打死，再加上政府連年加辣，二手貨源更乾，無競爭下更好挾。倘若政府再加辣，估計都係加稅率、加辣招年期等等，除非現政府推出「真辣招」，持有自住以外物業刑事化，變相否定私有產權制度，否則對現有格局分別不大，更甚係一加辣就有人衝入場，因為以前香港人未了解辣招用途，出政策後都仲會觀望。今時今日大家都知辣招係為咗令樓市挾升，再出辣招恐怕會當壞消息出盡，一加辣又再一窩蜂搶新盤。好多人期望香港出現樓災，期望咗好多年，以現水平計，即使樓價跌一半，都仲有好多人買唔起樓。現屆政府餘下任期加辣嘅唯一好處，就係再挾高樓價，令下屆政府喺更高樓價基數上台，5年任期內，一旦樓價平穩甚至回落，到時就可以聲稱比上一任能幹。高明
http://www.fb.com/bigricetea本欄逢周一刊出
來源:
http://hk.apple.nextmedia.com/financeestate/art/20170403/19978134
深圳洋人帶愛犬去修毛語言不通結果笑到肚痛
1 :
GS(14)@2017-04-30 15:20:46語言不通，往往會鬧出不少笑話。來自英國南威爾斯的27歲男子西蒙斯（Leigh Simmons），與其妻凱特（Kat Simmons），目前在深圳居住。他們收養了一隻流浪狗，給牠取名為「賽倫」。西蒙斯日前帶賽倫去寵物店剪毛，但到了店內才發現不會講普通話，店員又不會英語，他無法講清楚想要如何給「賽倫」剃毛。他表示，他只懂一點中文，實在說不清楚，於是用手比劃着剃毛鏟刀，一邊在嘴裏發出「吧滋滋」的聲音，示意要給狗狗剃毛，稍微修短一點就好。店員非常自信地點頭，表示明白，還讓西蒙斯當日下午4時後來取狗，西蒙斯於是放心地去逛街。怎料他按時回到寵物店接狗時，卻發現賽倫身上原本濃密的毛，幾乎都被剃光了！西蒙斯看着除了頭和尾巴尖，全身都禿了的「賽倫」，笑得趴到地上，半天直不起腰。他說，女店員看到他的反應一臉尷尬，不知道他究竟是滿意還是不滿意，生怕他會不付錢。西蒙斯最後還是支付了寵物造型費80元人民幣。把狗領回家後，凱特也被狗的新造型嚇到，還以為他領錯狗。西蒙斯說：「神奇的是，自從給狗剃了毛之後，周圍的中國人對待賽倫突然變得比以前更友好了。好像這個髮型意味着牠受到了主人的關愛一樣。」微博
來源:
http://hk.apple.nextmedia.com/international/art/20170430/20006747
【佢笑到有腹肌】跳高女神亂問亂答楊文蔚認check男友電話 失戀唱乜歌？
1 :
GS(14)@2017-05-13 05:34:11人又靚﹑身材正﹑性格又好，Cecilia真係「perfect池」！！
「吓？(高八度)真係要問？我驚閃爆全香港人！」跳高女神Cecilia楊文蔚，唔止腹肌線條靚，仲笑到有腹肌。經常大笑。每個問題都係自己答完自己笑。傻得好可愛。「er…我唔係好覺得自己係女神(掩嘴瞇眼笑)，我覺得女神係……應該好少㗎嘛！應該好靚呀，好有仙氣，好『仙』嗰啲，接觸唔到嘅，先係女神呀嘛！」「失戀聽咩歌？(認真思考)好似…嗰陣聽過Twins嘅《丟架》…係，好耐之前喇，我係Twins嘅忠實fans嚟嘅（舉起手有啲怕醜）。」「有剪過（頭髮），之前，咁短啦（手放肩上比劃長度），啲人話好樣衰，之後就留番長。」「其實我都完全出乎意料(咧嘴可愛笑)，都唔知點解自己可以世界排名第9，希望呀？希望可以keep住都幾好㗎喇。可能……(認真思考)……前五啦！好盡喇，前五啦！」「跳高有咩用？」「好多人都係因為跳高認識我，咁我希望因為我而大家認識多啲跳高啦！」本地體壇越嚟越多女神出現，香港首名女子全職跳高運動員Cecilia係其中一位。擁有一頭長髮、甜美笑容，以及目測41吋長腿嘅Cecilia，有實力仲有樣。上個月佢喺台北舉行嘅亞洲田徑大獎賽嘅女子跳高項目，以1米88打破自己保持嘅香港女子跳高紀錄奪得冠軍，今年世界排名更一度升上第九，隨即成為台灣傳媒寵兒，風頭一時無兩。星期日，佢再出擊灣仔運動場。唔少傳媒都報道過Cecilia嘅成長背景以及跳高威水史，但大家又了解佢幾多呢？今次我哋就同呢位跳高美少女嚟個「快問快答」，畀大家可以了解女神最真嘅一面，佢仲自爆唔少秘密！例如佢個英文名「Cecilia」嘅由來、下一個紋身會紋咩以及同拍拖多年嘅男朋友相處趣事都會毫無保留同大家分享。想知「女神的秘密」？即刻去片啦！採訪：植詠珊（Cathy)攝影：Neo﹑峰剪接：Roy
公平咩？！呢個真係完美body嚟！
跳高場上十分兇狠嘅佢，其實私底下係一個成日笑嘅傻大姐。
鏡頭前嘅Cecilia真係好靚！好索！好型呀！
來源:
http://hk.apple.nextmedia.com/entertainment/art/20170513/20019810
笑到最後：小時代咪亂追落後
1 :
GS(14)@2017-05-18 02:13:07港股重上兩萬五，港股大時代之聲再出現。事實上，今年初港股幾次錄得千億成交時，一樣有人高呼港股大時代。但高明懷疑，今次最多只係小時代，唔係大時代。大時代，以2015年光景嚟量度，係成交達兩千億元，兼且股份禾雀亂飛，藍籌唔在講，乜垃圾股都升，仲要越垃圾越升，而且每次港交所（388）都會嘜上一個新高；但今次暫時只係好局部，細價股有疲態，更加可以話，騰訊（700）上300蚊肯定先過港交所，而港交所2月、3月同埋最近5月三度突破都遇到當頭棒喝，實在叫人失望。至於小時代，就同現況一樣，集中炒幾個板塊，藍籌股都唔係隻隻有面畀，大部份有波幅冇升幅。成交則千億都不足，連大時代嘅一半都冇，又點稱為大時代？但個別股份升得太勁，叫做港股小時代都無可厚非。高明親身經歷，今年初騰訊破頂帶動港股，2月嘅時候港交所挾升至198蚊，傳統智慧大牛市必炒港交所，當然衝入場會一會，結果短暫試穿200蚊後急回，第一次博大時代未竟全功。第二次唔心息，3月底見中海油（883）大落後加「島形底」，有機會轉勢，大概8.9蚊梗係博一博，今次情況較好，最多反彈過9.5蚊樓上，如果係大時代，再破10蚊係絕對冇難度。可惜?家唔係，最後又回番落9蚊。兩次博落後，即使遇到反彈，最後都歸於平靜。唔止呢兩隻，其他年初係威係勢嘅資源股、內房股，當日高位冇衝，今日全部特價時段，真正大時代唔係咁。如果有時光機，回到過去追當時已經好貴嘅強勢科技股，未必賺好多，但繼續升唔使煩。兜一大個圈，唔係想陳述事實，而係想話今日環境同幾個月前分別唔大，重覆「落後股繼續落後、強勢股繼續強勢」機會較大，建議唔好立亂追落後。就算出現大時代，強勢股都肯定挾得喪過弱勢股，其他手痕博吓冇所謂，遇上港股小時代，真正火力，應集中幾隻強勢股。
高明
http://www.fb.com/bigricetea本欄逢周一刊出
來源:
http://hk.apple.nextmedia.com/financeestate/art/20170515/20021272
笑到最後：學習龜功決戰大鱷
1 :
GS(14)@2017-06-10 12:21:47港股小時代似乎已經降臨，最明顯嘅特徵係連港交所（388）終於都肯行，部份內銀亦都突破高位，加上指數日日有得升，另一個時代已經嚟到。至於點解話個時代係小？因成交唔配合，現時成交連1,000億元都不足，同2015年比所謂大時代2,000億元差一大截，加上唔升嘅股仲有好多，中移動（941）已經係一例，大牛市理應乜都升，叫大並不符實。更重要因素係技術指標超買嚴重，好多人都見到，但係大市繼續升，無視指標。首先，指標只係參考，好似鄰欄晉佳分析過，金融海嘯後三次近似升市，RSI都係有相似嘅超買情況，都要經歷調整先有新發展，分別在於調整得快定慢。其次，資金市無須要睇技術指標同基本分析，有錢就可以炒上去，一係外資沽美股換港股炒起，一係北水唔炒A股轉炒港股，以港股規模計，的確有條件被外來資金炒起。今年頭半年同以往最大分別係，每次炒都集中炒一個板塊，然後轉過去另一個再炒。大家可能會話，不嬲都係板塊逐個炒，但今次唔同嘅係，炒完嘅板塊唔跌，只係喺高位徘徊，除咗部份被沽空機構狙擊嘅股份之外。最明顯例子係IGG（799）呢類科技股，升上11蚊好多人已經話炒完，但橫行一輪?家股價仲有11.38元。面對呢種升市，死坐爛坐比起追板塊更加着數，今年炒騰訊（700）出出入入，收穫肯定唔及年初買落坐定定，相信下半年都係相若，直至炒爆為止。facebook最近流傳嘅一條片咁，一條鱷魚想食一隻龜，隻龜永遠冇可能打贏條大鱷，但因為個殼夠硬，大鱷咬極都咬唔入，雙方拉布之下，大鱷都冇勝算，反而被隻龜抓損個嘴。同一道理，不論係外資定北水，其實都係一條大鱷，喺升市超買嘅情況，大鱷就會想盡辦法震走你，令你錯失大升市，惟一可以做嘅學隻龜，縮喺個龜殼度任佢咬，死都唔放，焗住隻大鱷要咬埋個龜殼一齊上路。所以話，今浪揸緊啲咩，就要揸到尾，扑暈自己都係咁話。
高明
http://www.fb.com/bigricetea本欄逢周一刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170605/20044408
笑到最後：機會留畀新香港人
1 :
GS(14)@2017-07-05 03:48:14剛過去嘅周末，電視上演一幕幕當眾擦鞋嘅情景。本欄始終係投資版文章，政治評論都係交由政治專家評論，不過，擦鞋擦出面唔單止係經濟問題，同時亦都係投資問題。自古擦鞋就有市場，因為市場風高浪急，投資者都係人，難以預測揼咗落去嘅錢，會唔會有回報。擦鞋變咗一種心靈安慰，有人喺投資者身邊係咁講「真係㗎？點解嘅？你好叻呀」，積極作用係安撫投資者情緒，等佢繼續投資並且經營生意，成班兄弟繼續有飯開，有時就係靠嗰位擦鞋仔一句半句安撫。當然壞處就係公司已經成形，有人想嚟黐餐。呢種擦鞋，相信好多讀者喺辦公室已經見慣，所以唔重覆。不過無論係邊種擦鞋，過去嘅做法，就係盡量將擦鞋嘅行為收埋，因為始終唔係一件光彩嘅事。啱啱過去嘅假期，其中一幕擦鞋將會影響無數辦公室生態，兩位香港上咗年紀嘅人爭住向北面嚟嘅貴人擦呀擦，一個就說盡好話，另一個就陪笑，成個過程係直播，連坊間一啲KOL都冇諗過直播擦鞋，上一代反而諗到用呢種方法呃like，可見上一代KOL，想呃like可以更狠。呢個舉動將會扭轉過去對擦鞋嘅睇法，公開擦鞋將會成為「新常態」，估計以後華資公司會爭相仿傚，邊個公開擦得勁，邊個就升得快，亦都唔會有人藐，因為藐嘅人無法入職。大家可能會以為，日後擦鞋就有出頭天，呢個只係一廂情願嘅諗法，因為只有上咗年紀、上晒岸嘅香港人，先有資格擦，而被引領去面聖嘅就係一位內地出生嘅本地居民，即係內地傳媒所講嘅「新香港人」，隱喻一班已上位嘅香港人，將來亦只會畀機會新香港人，一般香港後生仔連鞋刷都唔會掂到。所以打工最美嘅日子已經過去，97年前移民潮坐低年年升職，97年後未移民嘅已經坐定定唔會走，僅餘嘅機會亦都只會留畀新香港人，上述呢一幕，篤醒咗香港出世嘅後生仔：喺香港打工，係冇前途架！高明
http://www.fb.com/bigricetea本欄逢周一刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170703/20076874
Next Page