Philip巨鑽放飯煲求婚36歲杏兒 急嫁趕生B
1 :
GS(14)@2015-11-09 00:29:49【性感新娘】■胡杏兒宣佈下月與Philip舉行婚禮，早前二人到比利時拍婚照，杏兒的真空透視婚紗令人眼前一亮。COSMO Bride圖片
前日踏入36歲的胡杏兒嫁杏有期，昨戴上3卡閃爆求婚戒指出席活動，宣佈下月28日與李乘德（Philip）在港舉行婚禮。原來Philip數月前將求婚戒指放在飯煲向杏兒求婚成功，杏兒昨說：「都覺得係適當時候，大家都唔細。」杏兒表示婚後會努力造人，而上月一對準新人到比利時拍攝浪漫婚照，杏兒穿上自家品牌婚紗真空上陣，既惹火又高貴。
胡杏兒離開無綫後不僅事業得意，愛情路亦大豐收。去年11月底杏兒與金融才俊李乘德撻着，二人將於下月28日在港舉行婚禮。踏入昨日凌晨時分，杏兒在微博貼上她與Philip日落下相擁的婚紗照，向未來老公發表愛的宣言：「謝謝你每一天也讓我的臉上充滿笑容，謝謝你在過馬路的時候永遠站在有車的那一邊，謝謝你在我不吹頭髮睡覺的時候你會一路罵我一邊幫我吹乾，謝謝你，讓我知道原來我也可以是一個小女人，也謝謝你邀請我做你的終身伴侶，讓我對未來充滿信心和希望，thank you and I love you。」
■獲Philip承諾照顧一生一世，感動到眼濕濕的杏兒向男友送吻。微博圖片
■派對昨凌晨近3時結束，Philip與杏兒手拖手離開。
■Philip上月送完3卡求婚方形鑽戒，前晚再送4卡藍寶石給杏兒作生日禮物。
沙頭角舉行儀式
上月杏兒與Philip應雜誌及比利時旅遊局邀請，到比利時拍攝婚紗照，杏兒先後換上七至八套自家婚紗店「KEVOLIE」婚紗，其中一套訂做價約兩萬元的白色釘珠透視婚紗，杏兒更真空上陣，並大開中門性感非常。準新娘杏兒昨出席尖沙嘴舉行的「The ONE杯緣子奇幻聖誕派對」，當司儀問她心情如何時，幸福爆燈的杏兒說：「好開心，今日終於可以好open同大家講呢件事，今日嚟The ONE出活動好有意義，因為I find the one。」之後她接受傳媒訪問，承認下月28日與Philip在香港行禮，由於Philip是沙頭角村民，問杏兒是否到沙頭角結婚時，她表示會在該處進行一些儀式，並透露已訂了酒席，雖然杏兒未肯透露地點，但據本報了解，婚禮將在尖沙嘴Ritz Carlton酒店舉行。原來，Philip數個月前出動電飯煲攻勢求婚，杏兒笑說：「佢將戒指放落飯煲度，飯煲有米但未煮。」Philip要求杏兒做其煮飯婆，結果「得米」獲杏兒一口答應，她說：「都覺得係適當時候。大家都唔細，都知大家想要乜嘢，人生觀同價值觀都好相似，大家一齊好開心好適合。」婚後是否全力生B？杏兒說：「都有咁嘅計劃。」杏兒前晚於中環PMQ舉行36歲生日派對，盛傳她順道舉行訂婚儀式，但杏兒否認，揚言只是告訴好友快將結婚喜訊。採訪：譚倩宜、嵐山、朱志聰攝影：陳順禎、徐錦池、潘冠恩
【愛的光芒】COSMO Bride圖片
■下月28日榮升李太的杏兒，昨大爆男友以電飯煲求婚。
來源:
http://hk.apple.nextmedia.com/entertainment/art/20151108/19364130
影婚照做埋旅遊大使杏兒月尾派喜餅密密賺
1 :
GS(14)@2015-11-16 08:25:49■杏兒與Philip由婚照、婚紗到嫁女餅，處處都有贊助。資料圖片
胡杏兒和未婚夫Philip Lee下月28日在沙頭角祠堂拜堂，之後在香港Ritz-Carlton擺酒宴客，今年9月一對準新人秘密飛往比利時影婚紗相。杏兒昨日單拖飛到北京領取由比利時駐華大使館頒發的「比利時法蘭德斯旅遊大使」委任證書，嘉許她到當地拍攝婚紗照宣傳當地旅遊點給中國遊客。杏兒的比利時婚照和影片由《時尚新娘》雜誌負責攝製，而她則準備了7至8套自家婚紗店特別訂製的The blessing collection婚紗系列，穿上自家製婚紗順便為自己婚紗店宣傳。據知杏兒今次到比利時多個景點拍攝婚照，之後她在生日派對當日的凌晨時分，透過《時尚新娘》宣佈婚訊和發佈獨家婚照，事後杏兒可以獲取一份可觀的酬勞。
一穿婚紗即淚崩
另外，早前表示要在天津趕拍劇的杏兒，將會在月尾回港出席一個嫁女餅的活動，相信杏兒又成功爭取餅店的贊助，為豪華婚禮減省不少開支之餘，結婚還可以賺番一筆，認真是精打細算，Philip Lee娶得如此精算的老婆，隨時可以大富大貴。杏兒之前在香港接受訪問時，隻字不提，但昨日她卻在北京大談影婚照時的感觸之情，她憶述當日披上第一襲婚紗拍照時曾一度感觸落淚，她說：「雖然之前拍戲、影雜誌都有着過婚紗，但今次真係為自己嘅婚紗相而影，真係忍唔住喊，但我嘅未來老公睇住我喊，都唔過嚟呵番我，因為佢知道佢行過嚟，我仲喊得犀利，驚我個妝溶晒；同埋我覺得佢都ＯＫ，佢唔係成日影相，但又唔係好緊張，都有啲潛質！」採訪：非非
■杏兒不忘與Philip（右）拍拖整朱古力。
■杏兒下月28日結婚，早前秘密飛往比利時影婚照。
■昨日杏兒在北京接受旅遊大使證書，並首次分享影婚照的心情。
來源:
http://hk.apple.nextmedia.com/entertainment/art/20151114/19372087
【續約換獎】杏兒飲恨輸阿佘
1 :
GS(14)@2015-12-16 09:50:50佘詩曼（左）、胡杏兒
每年台慶頒獎禮，續約換獎等是非不絕於耳，過去多年發生次數，多不勝數。
黎姿、鄧萃雯
04年《金枝慾孽》的「玉瑩」黎姿，傳與無綫簽下經理人約，打敗「如妃」鄧萃雯封視后，大批觀眾投訴賽果不公，黎姿聲淚俱下否認換獎。
郭可盈、黎姿、汪明荃
05年郭可盈與汪明荃成視后大熱，有指可盈當時出口術指阿姐應奪星輝大獎，其後黎姿加入戰陣，指郭可盈「想要獎咪畀佢囉」，引發罵戰。
佘詩曼、胡杏兒
杏兒於06年增肥42磅拍攝《肥田囍事》，成為應屆視后大熱，臨門一腳卻被佘詩曼續約摘下視后和我最喜愛的電視女角色。
林峯、夏雨
08年視帝是親生仔林峯與老戲骨夏雨之爭，當時有傳林峯為獎黐實高層樂易玲，另邊廂李司棋又話不屑有人做小動作，是非滿天飛。
黎耀祥（左）、楊怡
黎耀祥、林峯、楊怡、佘詩曼
12年無綫以全民投票方式、黎耀祥憑11萬票奪得視帝，賽後林峯粉絲要求無綫驗票；楊怡奪視后後，慘遭佘詩曼的粉絲圍攻。
來源:
http://hk.apple.nextmedia.com/entertainment/art/20151215/19411942
黃智雯33歲生日P杏兒率胡說八道鬥閃
1 :
GS(14)@2015-12-21 14:45:54【準新娘】■胡杏兒結婚在即，前晚相約「胡說八道」姊妹相聚。
【中環】胡杏兒結婚在即，跟圈外男友Philip Lee已定於今個月28日喺Ritz Carlton舉行婚宴。杏兒噚日凌晨2點幾，約埋成班「胡說八道」好姊妹，包括胡蓓蔚、胡定欣、李詩韻（現名李施嬅）、黃智雯、姚子羚一齊去中環一間西餐廳歡聚，當然唔少得胡蓓蔚老公「豹哥」單立文啦！
【禮物盒】■姚子羚（左）喺杏兒車上取回兩個大盒。
■胡杏兒、胡蓓蔚、黃智雯、胡定欣、姚子羚同李詩韻感情深厚，前晚喺微博透露「已訂婚」。
婚禮進展：幾好吖
記者首先發現杏兒嘅七人車停泊喺中環太子大廈附近，未幾杏兒最先現身，被問係咪搞婚前派對？佢話﹕「唔係，係黃智雯生日。」問到婚禮進展如何？佢笑笑口答：「幾好吖，多謝，多謝，辛苦晒，thank you。」姚子羚同李詩韻等隨後跟上，各人手上都拎住禮物，之後子羚行到杏兒車上再拿走兩個大盒。而今次嘅約會應該係有特別主題，個個都着得好隆重，聽日33歲生日嘅黃智雯同豹嫂穿上閃令令珠片裙，定欣則穿上一對金色高踭鞋，前晚定欣就喺微博宣佈一個消息，放上一張六位好姊妹齊齊戴上閃石戒指嘅相，留言﹕「We are amazingly engaged！！（已訂婚）。」令姊妹情更昇華一大步！除咗杏兒有專車接送，豹哥豹嫂自己揸車走外，其他姊妹都係各自坐的士離開。杏兒可能係擔心新婚地址曝光，所以召喚咗一架七人車同一架私家車攔截記者，成功避開追訪。採訪、攝影：畢紹基、梁繼光
【壽星女】■聽日係黃智雯33歲生日，一班姊妹提早為佢慶祝。
【嚇一跳】■李詩韻（左）與姚子羚到埗時驚訝現場有咁多記者。
■杏兒日前舉行婚前派對，與姊妹們玩到癲。資料圖片
來源:
http://hk.apple.nextmedia.com/entertainment/art/20151220/19419003
胡杏兒今出嫁做李太
1 :
GS(14)@2015-12-28 14:41:48■今天升呢人妻的胡杏兒，坦言心情既緊張又興奮。
■胡杏兒和李乘德今日舉行婚禮。
今天是胡杏兒和李乘德（Philip）的結婚大日子，連日來為籌備婚事忙個不停的杏兒笑說：「結婚真係一次就夠，好忙好多嘢搞。結婚係人生一件大事，心情緊張又興奮，不過都冇失眠，亦冇減肥，反而要食多啲，我覺得塊面太瘦，想食番脹啲。」對於「李太」這個稱呼，杏兒坦言未習慣，需要時間適應：「以前自由慣，去邊都唔需要同第二個解釋或者交代，而家要學習去適應呢個身份。」杏兒透露希望家庭事業兩兼顧，婚後繼續拍戲，同時亦計劃擴充KEVOLIE婚紗店業務發展到內地，她說：「計劃喺上海或者北京開分店，呢門生意自己越做越有興趣，partner已經開始計劃同物色地方。」撰文：陳以晴
來源:
http://hk.apple.nextmedia.com/entertainment/art/20151228/19428732
重型龍鳳鈪襯3D裙褂杏兒千萬婚禮 喊住嫁
1 :
GS(14)@2015-12-29 08:43:33【杏福滿瀉】■胡杏兒昨穿上3D立體龍鳳刺繡裙褂，戴上閃爆金飾嫁Philip，笑到四萬咁口。
演過無數角色的視后胡杏兒，昨日上演人生最重要的一台戲，與男友李乘德（Philip）拉埋天窗。新郎以勞斯萊斯、法拉利和保時捷等9部名車接新娘，氣派十足，而杏兒穿上逾20萬的3D立體龍鳳刺繡裙褂襯以全身逾40両金飾，閃爆全場。杏兒在婚禮上宣讀誓詞時，一度感動落淚，喊住出嫁。對於婚禮豪花千萬，杏兒未肯透露，只笑謂：「老公話今次結婚係大出血！」
祝李杏福！36歲胡杏兒昨與拍拖一年的金融才俊李乘德（Philip）舉行千萬婚禮，正式升呢李太。昨日婚禮中西合璧，新郎哥於早上7時半先着住中式禮服，前往杏兒大埔道郝德傑山寓所接新娘，隨行23名兄弟團陣容龐大，新郎更出動勞斯萊斯、法拉利、保時捷和寶馬等9部名車接新娘。姊妹團成員胡定欣、姚子羚和李施嬅等，昨日錫住新郎，接新娘儀式時未加以留難，讓Philip輕鬆過關及宣讀愛的宣言後，成功接新娘。
【甜蜜咀嘴】■杏兒與老公Philip應傳媒要求咀嘴。
【拖實行禮】■杏兒跟Philip十指緊扣，二人攜手邁向另一旅程。互聯網圖片
收20多隻金鈪
杏兒昨日穿上逾20萬的3D立體龍鳳刺繡裙褂及一身金飾步出女家，並應傳媒要求跟新郎甜蜜咀嘴，繼而出發往尖沙嘴Ritz Carlton酒店向男家父母斟茶。由於Philip是沙頭角禾坑村原居民，親友眾多，杏兒收金器收到手軟，昨日她離開男家往上水雙魚河鄉村會所註冊時，身上佩戴了10多對龍鳳鈪、大金豬頸鏈、金戒指、金耳環等金器，保守估計全身逾40両金。婚禮於下午1時半於會所露天草地舉行，杏兒換上自家店舖Kevolie的白色婚紗，在父親帶領下進場，一直笑容滿面的她，以英語宣讀誓詞時，終忍不住感動落淚，之後雙方簽紙及交換婚戒，在現場200親友見證下深情一吻，杏兒正式升呢李太。婚禮後，一對新人再往Ritz Carlton酒店準備晚上婚宴，筵開56席。杏兒於傍晚6時許穿婚紗襯以一身閃爆鑽飾接受傳媒訪問，問心情是否緊張時，杏兒笑說：「好開心，冇想像中咁緊張，都OK呀，都好順利。」杏兒自爆之前緊張到連續兩晚失眠，問老公愛的宣言內容，她甜絲絲說：「都係照顧你一生一世呀，愛你呀……好肉麻呀，都係唔好講喇！」杏兒昨日戴上的婚戒由Philip設計，將求婚戒指及結婚戒指合併為一。記者指她所收金器十分重型，杏兒笑謂：「長輩好錫我哋，自己都好意外，有20幾隻金鈪。」
【跪地斟茶】■一對新人恭敬地跪下向杏兒父母斟茶。《新浪娛樂》圖片
【簽紙升呢】■換上婚紗的杏兒跟白馬王子look的Philip簽紙，杏兒從此升呢李太。
■婚宴期間，場內播放杏兒和Philip的甜蜜短片。
冧老公畀滿分
杏兒表示未知會否返圍村擺酒，而問到給老公幾多分時，她冧爆說：「滿分！籌備今次婚禮我哋經歷好多，要作好多安排。」婚禮是否花費千萬？杏兒未肯透露，只說：「我哋真係未計，不過辛苦老公，要努力再搵錢，老公話今次結婚係大出血，好開心。」問到造人計劃，杏兒說：「真係要傾吓，結婚會放兩個半月假，籌備婚禮瘦咗，要養肥自己，想要少少二人世界。」採訪：卓寶花、曹家誠、朱志聰攝影：黃曉程、仇志德
來源:
http://hk.apple.nextmedia.com/entertainment/art/20151229/19430069
胡杏兒人妻之路是如何鍊成的
1 :
GS(14)@2015-12-29 08:45:0736歲嘅胡杏兒自99年參加香港小姐後，成為雙料季軍，即飛上枝頭變鳳凰，其後效力大台16年，今年約滿離巢。於大台期間，拍下唔少經典作品，好似有《流金歲月》、《衝上雲霄》、《律政新人王》、《我的野蠻奶奶》、《肥田囍事》、《怒火街頭》、《萬凰之王》等，更憑《萬》膺視后，將事業推上高峰。入行多年，杏兒嘅緋聞唔算多，只公開承認與黃宗澤拍拖，可惜最後未能開花結果，戀情於2012年告終。今年1月，杏兒終於搵到佢嘅真命天子李乘德（Philip），昨日披上嫁衣，喺「胡說八道會」嘅好姊妹胡蓓蔚、胡定欣、黃智雯、姚子羚、李施嬅的陪同下，嫁作李家婦，成為李太，幸福滿瀉。
來源:
http://hk.apple.nextmedia.com/entertainment/art/20151229/19430041
年初被爆暗撻Philip杏兒唔夠半年決定結婚
1 :
GS(14)@2015-12-29 08:45:31大台前花旦胡杏兒，今年1月被指暗交李施嬅舊愛Philip，兩人經朋友介紹，火速撻着，年初被爆其實已拍拖3個月。而40歲嘅Philip是夜場Play其中一名股東，也是招聘公司董事。有報道指佢冇物業揸手，杏兒身家多過佢等等，但兩人一於少理，講心唔講金，愛得甜蜜又大方。拍拖期間佢哋不時被影到出雙入對，Philip更會出席杏兒嘅家庭聚會，杏兒雙親也非常滿意呢位準女婿。上月杏兒36歲牛一，最後一個單身生日，Philip喺中環PMQ同女友開P慶生，同時舉行訂婚派對，Philip當日給壽星女送上巨鑽、鮮花和蛋糕抱得美人歸，杏兒事後更自爆，數月前已獲Philip將求婚戒指放飯煲求婚。其實拍拖唔夠半年，男方已有結婚打算，不時傳出婚訊。11月5日，佢哋就喺香港入紙排期結婚，Philip係沙頭角禾坑村原居民，所以當時更有傳杏兒會跟Philip到沙頭角拜祠堂。佢哋由相識、拍拖、訂婚、結婚到度蜜月，喺大概一年時間就火速完成，下一步計劃當然係為幸福之家增添新成員啦。
來源:
http://hk.apple.nextmedia.com/entertainment/art/20151229/19430043
彭麗媛事件翻版杏兒現白粉背
1 :
GS(14)@2016-01-04 14:31:42■新婚的杏兒昨晚出席除夕活動，穿露背長裙的她驚現白粉背。
現年36歲胡杏兒剛在周一嫁給李乘德（Philip），正式加入人妻行列，昨晚她首次以李太身份，出席除夕倒數舞會。現場所見，穿上白色露背晚裝的杏兒，前面看明艷照人，可惜望望後面，只見她的背脊明顯有一撻撻白色厚粉，在鎂光燈下，白粉背無所遁形，尷尬情況就如「第一夫人」彭麗媛上次訪英一樣。對於即將要和老公環遊世界度蜜月，杏兒就甜絲絲地說：「都會去兩個幾月，去唔同地方，有熱有凍，會盡情去唞吓。」問到馬拉松蜜月是否造人的好時機？她就說：「暫時仲未plan，唔會好耐，亦唔會好快，想過吓夫妻生活先，如果有小朋友，生活有好多嘢都會唔一樣，工作亦都好重要。」談到婚宴當晚，杏兒表示自己全晚只吃得兩道菜，其餘九成時間都要企，因個個朋友都想影相，所以即使攰仍覺值得。
■彭麗媛早前訪英時，其妝容引起熱議。
■杏兒笑言結婚當日企足全日。資料圖片
林建名讚傲兒勤力
至於林建名剛和一家人到日本旅行，他昨晚和一班仔女現身除夕ball，問到一同去旅行的何傲兒是否一家人？林建名的女兒林煒珊即代父答：「吓，朋友啫！今次有幾個家庭一齊去。」問到傲兒為人如何？有否借錢給對方？林建名說：「佢好勤力做嘢，個人好積極，我冇借錢畀佢，同佢老竇都冇銀紙關係。」採訪：羅慧敏攝影：陳志嵐
■剛於日本旅遊回港的林建名與女兒林煒珊撐何傲兒做人積極。
■沈卓盈封胸現身，艷光大減。
■關禮傑與太太及兩名索爆女兒現身。
來源:
http://hk.apple.nextmedia.com/entertainment/art/20160101/19434617
Next Page