太古廣場：仲去日本掃平藥妝？直接送到屋企仲好啦！
1 :
GS(14)@2017-01-21 03:35:02想趁yen再上之前平買藥妝？唔使搶平機票去日本入貨嘅傻豬，呢個世界有Amazon㗎嘛，仲有直送香港㖭！價錢分分鐘仲平過喺日本藥妝店呀、驚安之殿堂買㖭呀，跟家姐嚟網上爆買啦！最近毒霧咁嚴重，梗係要大手入口罩啦。有隻日本好出名嘅口罩，一嚟佢產品名叫「超立體」，戴咗真係唔會頂住口鼻；二嚟佢勾住耳仔條繩係紗布料，又舒服又貼面，家姐我次次都俾人託買勁多，搞到要爆買。呢款口罩七片裝喺藥妝店賣380yen已經覺得好平，Amazon竟然仲只係賣268yen，即係每個口罩都係兩個幾港紙咋！可以大手入貨抗毒霧啦！
另外港女最鍾意托返嚟嘅平面膜都有，阿信屋旗下Kawaiiland都有賣嘅日本Pure Smile面膜，香港一塊賣幾蚊，日本藥妝店有8片裝，Amazon只係賣436yen，除返開每塊都係3個幾港紙咋陰功！一大盒有42塊嘅Lululun Mask都有得賣，仲要同藥妝店免稅個價錢一樣，只係1,500yen！同價之餘最重要係唔使托，42片裝喎，買多幾盒都拎唔到返酒店啦！喺屋企就買到日本藥妝係好high，咁但係運費呢？自從日本Amazon上年開始直送香港之後，運費真係平到笑。當我買三磚Lululun面膜（真係成嚿磚咁）、三包口罩，同埋頭先講嘅Pure Smile面膜，仲有啲洗面乳補充裝咁，埋單運費都只係80幾蚊港紙，就有速遞送到門口。會唔會好耐先？我唔直接答你，我用例子答你：家姐我喺日本Amazon買過兩次嘢，星期三落單，星期六就收到速遞電話到咗門口！仲快過喺日本買完去郵政局寄返香港呀！（除非你寄超貴EMS啦吓）
■咁大盒mask都係同日本同價，仲要唔使自己托返嚟。
■有圖有真相，8片裝都係賣400幾yen咋。
■運費100蚊都唔使，仲計埋個rate畀你睇，唔滿意Amazon個rate仲可以揀返用yen找數。
會唔會驚上網賣嘅係假嘢？放心，Amazon唔係強國嘅產物，你會見到產品賣家其實就係官方，例如喺Amazon賣雪肌精嘅會係Kose，由官方供返貨畀Amazon，分分鐘仲信得過你喺啲不知名又好平嘅藥妝店買呀。唔止女人嘢，日本Amazon買DVD甚至blu-ray都係平到笑，兩者仲要多數同價。之前諗住買返隻《Interstellar》嚟儲，隻blu-ray都只係1,080yen，即係70幾蚊港紙咋！當然係無中文字幕嘅，但都仲有英文同日文揀，英文唔好可以考慮番喺香港用幾百蚊買。
最後，都有啲嘢係Amazon買唔到嘅，因為暫時可以寄嚟香港嘅貨好有限，嚟緊會唔會增加就唔知喇。首先大部份藥品類都唔寄得，龍角散呀、咳丸傷風丸一律NO；另外有啲大牌子例如雪肌精同埋Sofina都係唔賣海外的，梗係啦平咁多，你叫香港門巿仲使做嘅？所以要買呢啲，就要飛一轉日本喇。
【家姐教路】係，日本Amazon係用日文嘅，但其實買嘢都係睇嗰幾樣：產品名、價錢、數量㗎啫。喺Google搵返件產品嘅日文名，再copy& paste落Amazon search bar就可以搵到。最最最緊要係search完要搵左手邊一個叫「絞り込み」嘅物體，其實即係narrow search，㩒呢個再揀海外配送（Amazon Global），就會show晒邊啲貨送香港。唔識咪搵個識日文嘅朋友幫手囉，仲易過搵人幫你托貨返香港啦。
提供上面講過嘅產品日本名畀大家search：超立體口罩：ユニ・チャーム超立体マスク
Pure Smile面膜：ピュアスマイルエッセンスマスク
Lululun面膜：フェイスマスクルルルン
關家姐
http://fb.com/kwangajei本欄逢周五刊出
來源:
http://hk.apple.nextmedia.com/financeestate/art/20170120/19902446
浪漫月巴睇90s: 月巴氏 曾經有個高中生， 趕返屋企睇 朱茵～ 2017-01-13
1 :
GS(14)@2017-01-24 03:36:15https://www.am730.com.hk/column/ ... c%b5%ef%bd%9e-11091
請明瞭，我心癡，這是毫無心理準備下突然想寫的一篇。
1.初中年代的我是個熱愛球類運動的小夥子。每個放學後，例牌駐守籃球場，揮灑青春的汗水……
2.上了高中，不再打波——我給波友們的解釋是：要預備會考了，不得不放棄Basketball。狀甚無奈的我從此謝絕波友們邀請。
3.其實我只是為了一放學即搭81K返屋企，然後連校服都唔換，趕住收看《閃電傳真機》——嚴格來說，是為了欣賞朱茵。
4.朱茵有甚麼吸引我？我不知道，只知道1992年某一天睇完《逃學威龍2》，腦海便Keep住浮現她——她在戲中的一舉一動一顰一笑、她的嬌嗔和嬲怒、她對愛情抱持(過分)浪漫幻想的天真，以及佢個靚樣——Yes，吸引我的，就是所有構成她的物質與非物質元素。我明顯將戲中那虛構的「Sandy」跟現實的「朱茵」，混淆了。
5.我不知道自己把那餅經由Laser Disc複製的錄影帶翻炒了多少遍(但其實我不認為《逃學威龍2》好睇，根本只是將首集Copy一次，但又冇晒首集趣味)，只知道自己深深被這個100%的女孩吸引，書又唔溫，波又唔打，不能自拔……
6.1993年，對朱茵來說是極重要的一年。電影，她拍了《超級計劃》(可惜她的角色可有可無，主要用來製造危機)、《的士判官》(可說是女主角，但因成齣戲由始至終的主角只得一個：黃秋生，做吳孟達個女的朱茵其實純屬配角，作用，是為那個暴戾的Universe加添一點可愛和調皮，以及吸引男性觀眾如我入場觀看)、《風塵三俠》(也是配角，但如果冇咗佢，成齣戲要扣五十分)——但最重要的還是兩齣電視劇，《原振俠》&《都市的童話》，而當中又以《都市的童話》更重要。
7.故事的主要設定，應該參考了桂正和《電影少女》——一個虛擬少女錯誤地來到現實世界，不自覺地跟人類男主角日久生情，嚴重地愛到不能自拔，但又無奈地注定不能一起，嗚嗚。配合埋由黎明主唱的主題曲《傻癡癡》，實在為我帶來一種如夢似幻但又有層悲哀墊底的甜絲絲感覺。這種複雜(到要動用多組形容詞來描述的)感覺，在電視史上，只有《都市的童話》帶過給我。你可以話有冇咁誇張吖，但，就係咁誇張。
8.最大功勞是朱茵。且讓我再誇張一點：朱茵絕對是上世紀90年代初最重大的發現——唔知點解地，她就是能夠為一個普通角色Add上難以估計的Value，把普通變得好唔普通；而如果，好彩地，角色本身已經寫得極度精彩，朱茵就更能動用她那得天獨厚的特質，讓該角色成為不能磨滅的經典——例如，紫霞仙子。
9.她就是這麼與別不同，單憑一雙眼已足以訴說塵世間各種不同情緒。只是到了後來，可能為了挑戰自己、或開發自己更多可能，又或……我都唔知點講好了，總之就是走去同馬德鐘拍那齣甚麼誘惑……OK，你可以話我偽君子，但看在眼裡，我是傷心的。
10.好多年後，當我正在為「浪漫月巴睇90s」煩緊寫乜時，「朱茵」這名字突然在腦裡唔知邊忽閃過，然後寫了以上一大段字，我終於明白：朱茵絕對是構成「我的90年代」中不可或缺的重要成份。只是當年那個為了收睇《閃電傳真機》連波都唔打的月巴，就像《都市的童話》的她，化成泡沫，煙消雲散。這一刻有點感觸的我，只想祝福朱茵永遠快樂。
雞年屋企換換裝L.A.風水大師保你平安
1 :
GS(14)@2017-01-27 07:40:33「年廿八，洗邋遢」，仲有幾日就到農曆新年了，大家都忙着整理家居預備過節，到底來年在家居擺設上有甚麼要注意呢？想發財、想利好姻緣要放些甚麼？《蘋果》專訪了美國洛杉磯著名風水大師蒙昭名（Sherman Meng），教你新一年要注意事項，以及如何擺個靚陣迎新年！駐洛杉磯記者：張紫茵蒙師傅表示，雖然周六是年初一，但實際上仍未踏入雞年，要到2月4日立春才是正式踏入雞年。他提醒，雞年第一件事就是不要殺雞，尤其是年初一及立春，「食雞無所謂，但不要劏雞，不過美國都好少劏雞，通常都已經劏好了」。那到底雞年會利好哪一個生肖呢？蒙師傅指，屬龍、蛇及牛的朋友今年有運行了，因為龍和雞是六合，牛、雞、蛇是三合，今年運程不俗。至於運氣比較差的，除了屬雞犯本命年外，屬兔的朋友亦要多加留意了。師傅安慰說，犯太歲的朋友不代表真的倒霉，亦要視乎個人命格，如果屬兔的朋友可以在家中門口位置放合太歲的飾物，例如牛或蛇亦可化解；而屬雞的朋友本命年犯太歲，門口除了放牛或蛇外，亦可放條龍沖太歲。至於家居擺設方面今年亦要留意，每個方位放不同的物品或植物都有助催吉避凶。蒙師傅指，今年的桃花位及貴人位在正中央，可以放無刺的花，例如牡丹、康乃馨等鮮花，最重要是土載，他說：「中央的位置是忌水，如果放個花樽有水的話就會與位置有對抗……雖然桃花可以旺到，但錢財上會有損失，就不夠完美了。」另外亦可放多一些照片，亦有助改善人際關係。想利好事業或學業，蒙師傅指在北面官祿位放置交通工具的圖片或模型，以及在東北文昌位放黑色物件、綠色植物、毛筆亦可。師傅亦教路，想身體健健康康，可以在西北病煞位放置金色飾物，盡量避免紅、黃色的物件就可以減少病痛。至於洛杉磯雞年運勢如何？師傅表示，天機不可洩漏！一命二運三風水，師傅表示環境風水最多只佔整體運氣的三成，「做好風水不會保證你發達，最重要是保平安，健康平安、無意外、家庭和睦、小孩子聽教是最重要，冇壞事發生就是好事開始」。所以新一年《蘋果》祝大家雞年行大運，平平安安，一團和氣，好運自然來！雞年家居擺設全攻略中央：桃花/貴人位宜放鮮花及照片忌水及帶刺鮮花北面：官祿位宜放交通工具圖片或模型東北：文昌位宜放黑色物件、綠色植物、水、毛筆亦可東面：財氣位宜放紅、黃色物件忌黑色物件及水東南：喜氣位宜放喜慶物件，紅、綠色物件或電視機長開忌放黑色物件及水南面：凶煞位宜放金色物件忌放紅、黃色物件西南：無所謂西面：是非位宜放紅色物件忌放黑、綠色、水、人像或動物西北：病煞位宜放金色物件忌紅、黃色物件
來源:
http://hk.apple.nextmedia.com/international/art/20170127/19910816
【慳位又滅聲】屋企練鼓唔怕嘈 空氣鼓眾籌成功
1 :
GS(14)@2017-02-05 10:56:18眾籌片段中見到freedrum甚至感應到大細力調整鼓聲，真唔真就要等到有實物先知啦。
香港住屋地方細又擠逼，想話學媖樂器，喺屋企練媖都怕嘈到人，結他、電子琴呢啲樂器好啲，可以插amp戴headphone都勉強可以屋企練，但鼓就真係冇辦法，佔地多兼嘈到拆天，就算電子鼓都一樣會打出聲，所以冇錢搞隔音冇錢搞band房嘅人可以唔使諗學打鼓。
裝置輕巧，套在鼓棍上亦方便帶出街。
Freedrum原理是透過裝置感應鼓棍與用者所形成的角度，而發出不同的鼓聲。
Freedrum由瑞典設計團隊研發。
有位瑞典音樂人爸爸正正見個仔喺屋企打鼓嘈冤巴閉，於是決心同朋友研究一套可以無聲無息打得到的空氣鼓「Freedrum」，只需在鼓棍和雙腳套上感應裝置，再利用藍牙連接智能電話，透過感應鼓棍移動和鼓棍與用者形成的角度，就可以在電話發出相應的鼓聲，戴上headphone就可以去到邊打到邊，而且裝置輕巧，非常方便。
2015年曾經有利用PS Move技術研發的Aerodrums，網站Amazon上有不俗評價，但需要安裝鏡頭偵測鼓棍動態。
Freedrum仍未有實物，最快都要8月先送到Kickstarter訂戶手上，希望係真啦。
其實早在2015年已有人利用電視遊戲PS Move技術，透過鏡頭偵測用家動作而發出鼓聲，不過Freedrum則更方便，連鏡頭都唔使裝就打得，感應器電池更聲稱可以用到一星期。去年12月，Freedrum已在Kickstarter完成眾籌，仲以目標價4倍籌得$62萬美元，最近更全球公開預訂，價錢$99美元起。不過，目前Freedrum仍未有實物，最快一批預計於8月才付運給kickstarter訂戶，預售訂戶可能要等到11月先有貨。網購新發明始終涉及風險，買唔買自己諗啦。記者：曾冠輝2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170205/19918182
30年內99%會地震熱心人屋企建社區物資站
1 :
GS(14)@2017-03-26 15:38:16災害無情，但及早作預防可大大減低傷亡。眼見鄰里的防災意識不足，美國三藩市一班熱心人自願犧牲工餘時間在家中建起物資站來，要成為社區救急扶危的先鋒。駐三藩市記者：唐芷瑩居於三藩市50多年的居民Dick雖已一頭白髮，但仍熱衷社區事務，如擔任紅十字會（Red Cross）義工等。這天他來到日落區（Sunset District）一個禮堂，領取一個近1.2米高（64加侖）的粉紅色垃圾箱子，內備有大量的災難緊急物資，除了基本的急救包、食水、口罩、電筒等等，還包括讓人地震時可緊急關掉泄漏煤氣的特製工具等。三藩市周五起在日落區（Sunset District）試行「緊急物資供應箱計劃」（Emergency Supply Bin Pilot Program），Dick是自願將首批50個物資箱帶返家安放的人士之一。他們須簽署承諾書，確保在遇上災難時會開放物資箱讓鄰居使用，更要定期更換及補給箱內的物品。「我推動每個鄰居都應去上災難應變的訓練課程，這一步很難，但他們會明白家中放置這些緊急物資是有多重要，真的要做好準備呢！」加州地震局（California Earthquake Authority）預計未來30年內，加州發生6.7級以上地震的機會率達99%。經歷1989年洛馬普列塔（Loma Prieta）大地震的Dick，語重心長提醒：「（預到災難時）我認為所謂的『黃金72小時』後政府就會派人來救你這個預計時間，是太短了，我們的緊急物資需要撐到最少96小時才對！」日落區現時以3萬美元（約23.4萬港元）購入首批100個的物資箱，有興趣居民可向華裔市議員湯凱蒂（Katy Tang）的辦公室申請領取。
來源:
http://hk.apple.nextmedia.com/international/art/20170326/19970490
【動畫】未葬當未死印尼女伴屍12年遺體放屋企
1 :
GS(14)@2017-04-22 10:49:31按照中國人習俗，是希望先人盡快入土為安，不過印尼南蘇拉威西島偏遠地區、一個少數民族托拉查人（Toraja）聚居的村落，反而會將逝世親人的遺體，放在家中同住一段時間直至下葬，並當他們仍然在生般對待，包括準備食物、洗澡等等，有家庭更伴屍長達12年。托拉查人認為只要一天未舉行葬禮，都會視離世親人仍然在生。遺體會進行防腐並放在家中，每天2次為它們準備食物、飲品及香煙等，又會定期為屍體洗澡及更衣。放置遺體的房間晚上會一直亮燈，甚至在房間角落放置一隻碗當作「死者的廁所」。英國廣播公司（BBC）攝製團隊早前採訪麗莎（Mamak Lisa）一家，她將死去的父親遺體放在家中長達12年。當親友到訪時，會帶他們到放置棺材的房間，向父親遺體說：「父親，有訪客來看你，希望不會令你不自在或憤怒。」而當孩子問為何祖父總在睡覺時，她便會答：「安靜……不要騷擾祖父」。托拉查人深信人死後仍可聽到聲音，如果在遺體落葬前未有好好對待，會惹怒亡者的靈魂。麗莎稱雖然他們信奉基督教，但親友們也經常來探望父親，或致電問候。當地人遺體遲遲未落葬的一大原因，是出於金錢問題，因當地習俗要為死者舉行風光大葬，而且死亡盛宴多維持數天，開支幾乎是一般打工仔平均年薪的10倍，故需要時間儲錢。托拉查人通常將遺體安置在洞穴或墓室，而且每隔數年都會將屍體掘出來，清潔遺骸後換上新衣服、修好棺木，再重新好好安葬。英國廣播公司/《蘋果》資料室
來源:
http://hk.apple.nextmedia.com/international/art/20170422/19998110
屋企死人要沖喜竟然搵5歲女嫁9歲仔
1 :
GS(14)@2017-05-06 11:38:33印度泰倫加納邦一名只有5歲女童，被迫下嫁一名9歲男童，為的竟然是替曾經有人過身的屋「沖喜」。幸女童在最後關頭獲兒童福利部門救出，不過一直哭泣似受了驚嚇。一對「新人」本已站在聖壇前準備行禮，兒童福利部的官員突然前來阻停儀式，並將大哭不止的女童帶走。兒童權益份子拉奧（Achyuta Rao）表示，雙方父母之所以安排婚禮，是因為有人最近在家中死去，令住宅沾上惡運，所以要辦一場喜事「沖喜」。拉奧稱：「根據他們習俗，在家庭成員死後無親人會進入他們的家，除非他們進行『吉利的活動』並慶祝一下。」據報警方事後警誡雙方家長。今年2月，泰倫加納邦兩名長老為讓「家族繁盛」，安排分別15及13歲的子女結婚，被警方拘捕。英國《每日鏡報》
來源:
http://hk.apple.nextmedia.com/international/art/20170506/20012751
人妻屋企偷食斷正奶奶捉姦床底摷出姦夫
1 :
GS(14)@2017-06-16 01:47:40哥倫比亞一名有夫之婦紅杏出牆「斷正」，被家婆逮個正着，姦夫躲在床下底亦無所遁形。從網上流傳的捉姦片段所見，梅拉（Mayra）在家中幽會時，被夫家成員,=突擊搜查」。梅拉表現慌張，問：「為何不打電話給我？為何現在上來？」不過「捉姦大隊」一手推開她，四處搜索。家婆逐間房查，問「把他藏在哪裏」，之後走進睡房，把床推開，姦夫現身，尷尬地笑。家婆讓姦夫出來後，開始打他，同時梅拉與姑子也在糾纏。家婆最後把媳婦和姦夫趕出門外，說她與兒子的婚姻已經玩完。用手機拍下的捉姦片段其後瘋傳，成為城中熱話，當地傳媒也廣泛報道。英國《每日郵報》
來源:
http://hk.apple.nextmedia.com/international/art/20170614/20055704
Next Page