ZKIZ Archives


夏雨仔貼咀嘴相放閃

1 : GS(14)@2016-05-19 02:23:07

夏雨的兒子黃奕晨(Dixon)備受ViuTV器重,主持多個節目,他事業得意,愛情生活都甜蜜,前日跟圈外女友Jencci Yeung慶祝拍拖半年,女方前晚在Instagram放閃,貼出兩人十指緊扣兼咀嘴相,大晒sweet,背景還有幸福摩天輪。





問到Dixon與女友如何認識,他昨在電話大方回應:「我哋係經一班朋友識嘅,識咗都一、兩年,不過都冇乜嘢交流,有次萬聖節傾傾吓發覺幾啱傾就一齊。」Dixon表示前晚慶祝大玩煮飯仔,他說:「買餸煮飯,同埋喺屋企整曲奇,今日錄影《一大一路》請啲小主持食。」Jencci是否已轉台睇ViuTV?Dixon說:「日日睇。」他表示待感情穩定點才見家長,但爸爸夏雨不時提醒他要事業為重。採訪:楊定





來源: http://hk.apple.nextmedia.com/entertainment/art/20160516/19613417
PermaLink: https://articles.zkiz.com/?id=300272

【馮仁昭四圍超】夏雨嘆阿仔冇歷練

1 : GS(14)@2016-11-22 00:24:55

夏雨、李家鼎、李泳豪及陶枳樽等噚日喺尖沙嘴出席《網絡大電影發佈會》,羅棋導演介紹即將開拍三部電影。夏雨同羅棋係十幾年朋友,所以專程撐場,佢話:「佢畀咗個講退休江湖大佬嘅劇本我,都可能會合作。」提到兒子黃奕晨,夏雨指阿仔有好多進步空間:「而家啲小生都過四張啦,青黃不接係因為唔夠人生歷練,佢(黃奕晨)都冇拍戲經驗。」撰文:馮仁昭




來源: http://hk.apple.nextmedia.com/entertainment/art/20161121/19840306
PermaLink: https://articles.zkiz.com/?id=316560

《溏心風暴3》李司棋夏雨關菊英 等聚頭有默契 2017/12/21

1 : GS(14)@2017-12-27 07:05:29

https://skypost.ulifestyle.com.h ... 9%E9%BB%98%E5%A5%91
爐火純青,是做戲也是做人。

默契,呈現在鏡頭前,也在台下自然流露。

《溏心風暴3》的「鐵三角」陣容,李司棋、夏雨、關菊英,一個溫婉、一個幽默、一個機靈,但同樣的專業,完完全全告訴你以上道理。

菊=關菊英;夏=夏雨;李=李司棋

當年《溏心風暴》第一、二輯熱播掀話題,連環打破收視率、狂掃獎項、晉身經典劇目,到現正播出第三輯,前後事隔十年,人事翻了再翻,卻能找回原班中堅人馬上陣,實在難得。

菊︰唔駛游說,家豪哥(監製劉家豪)一講,我們就話好,快些傾啦!

夏︰07、08年拍完兩輯後,大家不時見面,常說「唔知仲有無機會再拍」,後來家豪去了另一個電視台,畢竟又隔了這麼久,大家都放低了,你看,我都無減肥!怎料他回巢,號召大家再拍《溏心》,將我們藏在內心的火重新燃點。我蠢到連錢都無傾就去拍!

菊︰我真係唔信呀!

夏︰唔信都無辦法,當時劇本未出,家豪哥先要看大家意願,他才搞這王牌項目,係姣婆遇着脂粉客!

李︰你可唔可以講得好聽點!難得之前兩輯有些成績,應該要有個紀念。唔係義氣,是默契。

夏雨三演情義老好人

《溏心風暴》是司棋姐當年復出之作,最為人津津樂道的,是大契(司棋姐劇中角色)金句句句金,她更成為TVB視后,因此她也承認特別難忘和有感情。

李︰有些金句經常重播,嘩!原來我真係青筋暴現!劇本寫得好,講到家庭的事,我都有共鳴,自然做得肉緊,原來用咗力,係會入咗觀眾個心度。今次的角色秉承之前兩輯,有中國女人傳統美德,但今次變化大些,有好多場口有戲做,我看劇本時也眼前一亮。

菊︰好喜歡司棋姐今次的角色,很多面,在家是正媽、老公大晒,但又有自己事業,在公司是火,有好多兄弟的火姐。

夏︰我的角色由唐唐到鮑鮑到今次正哥,都有共通點,是典型的老好人、講義氣、重情義,我好喜歡「報恩」這個大前提,就是他為了報恩而搞出40集情節!的確會令人懷疑,世上係咪有人咁傻,我自己覺得世界上是有這樣好的人,不過很少。

菊︰我個角色講講下嘢,就會借用歌詞,我估是專登寫畀我。

夏︰我估係為咗慳版權,所以就講出來而不是唱!

菊︰配合我的角色背景呀!

背誦對白Vs即興創作

看着他們你一言我一語,講到開廠捱夜也是樂事,既然如此有默契,拍攝時又有何趣事?有沒有玩爆肚考驗老拍檔的反應?

菊︰我一定唔會改對白,會背好晒,一字不漏是要求嚟!

夏︰講反叛,只有我一個!

李︰他(夏雨)好得意,常要堅持,好鍾意同「老師」頂嘴。

夏︰我比較即興,不可以一字不漏背對白,我好尊重編劇,劇本寫得很好,但也需要演員的創作。演戲有一百種方法,沒有方程式,所以我用自己的方法。每個崗位都要發揮,最值錢的就是創作。

菊︰我演戲經驗不多,加上我的性格,我要跟指示,只要他不改意思,畀到尾句我接到就可以,如果我接不到就會出聲。

李︰我唔驚他,我們由黑白電視拍到現在,太了解他,他不會不顧及別人,一定畀番個尾句你,甚至事先聲明(點做),好公平的。

《溏心》變長青系列?

既然演嘅同睇嘅都念念不忘,將《溏心》系列變成長青劇、4、5、6集……一直拍下去好嗎?

李︰唔敢諗。

夏︰最好啦!

菊︰好難囉!

夏︰唔係一廂情願的事,今次好至有下一次。

李︰就算好,都唔可以輕易開(續集),係好沉重的問題,劇本、角色怎樣?要好多元素才能成就這個緣份。

場地︰ClubONE 時尚康山

撰文︰黃卉彤

編輯︰黃寶恩

美術︰梁政敏

攝影︰林良明
PermaLink: https://articles.zkiz.com/?id=345750

Next Page

ZKIZ Archives @ 2019