📖 ZKIZ Archives

粵富商懸百萬 尋長髮女神

1 : GS(14)@2013-07-14 11:24:09

http://hk.apple.nextmedia.com/international/art/20130714/18333663


據受委託的婚戀公司負責人稱，男方是一個地產商人，身家過億，但不肯透露姓名，只稱其為A先生。據稱A先生年輕的時候忙於事業，錯過適婚年齡，父母催促，朋友操心，也嘗試了很多方式相親，但始終沒有一個讓他動心。今年4月6日，他送客戶去機場，由於趕着登機，正在安檢口處考慮是否要插隊時，被前方一個女孩的背影吸引。女孩當時側身看向他這邊，他來不及多想就拿出手機偷拍了一張，很想上前問女孩要個聯繫方式，可是正在猶豫，女孩已經走了。
回家後，他越想越後悔，於是找婚戀公司懸賞找人。對於富豪花百萬尋找偶遇女神，有人說浪漫，但有人說炒作。不過最多人關心的，還是如果真的找到了人，百萬獎金是否真能兌現。為此，廣東顧浩巍律師事務所的律師顧浩巍說，懸賞廣告如果沒有附屬條件就構成邀約和承諾的條件，只要拍下來作為證據，又真的找到人就可以放心找懸賞人收錢了。
廣州《新快報》                                                        

---

女神tea time：一蘭熱與IPO Fifi

1 : GS(14)@2013-07-19 00:43:31

http://hk.apple.nextmedia.com/financeestate/art/20130718/18338552

                  一蘭開張，一時間，報紙、fb，一碗又一碗拉麵「玉照」湧現。到底由幾時開始香港人成為「拉麵精」，竟甘心用睇兩場戲嘅時間去排隊，就為咗一碗麵？
不過最令人詫異係政府新聞處於一蘭開張當日，都特別發新聞稿祝賀。菲菲為此向發稿嘅投資推廣署八卦過，話說一年前，九州經濟產業局轉介一蘭畀佢哋，其間投資推廣署就為一蘭提供資料，幫手搞牌照、搵舖頭咁。所以一蘭成功落戶香港，佢哋都有功勞。
香港人貪新忘舊嘅程度一向驚人，熱潮往往來得快，去得仲快。想當日逼餐懵都要一親A&F男香澤、一索誠品的書卷味，今日你仲會唔會？明明早兩個月先話「I Love一風堂」，今日就變成萬水千山食一蘭。聽講一蘭或會開兩間分店，唔係潑冷水，但真心勸佢唔好對「後市」期望太大。
香港人核心價值係趁墟，往往海外名店到港，有如一隻大熱新股掛牌，幾日內見頂，之後股價係點，就要見真章睇公司表現造化。
之前傳過一風堂會來港發IPO，雖然唔知會唔會成事，但相信到上市日，拉麵潮早已退潮，話唔定會係而家日本好興嘅pancake店頂上。

                  Fifi
本欄逢周二、四刊出                                                        

---

女神tea time：百麗變身做辣妹 Fifi

1 : GS(14)@2013-08-06 23:47:21

http://hk.apple.nextmedia.com/financeestate/art/20130806/18365635

                  百麗（1880）噚日公佈收購Baroque Japan逾三成股權。菲菲即時上網八吓呢間被點燈嘅公司有乜咁巴閉，先發現原來公司旗下品牌包括moussy同sly，當堂嚇一跳。
身旁有男同事問，單刁有乜咁出奇。奇就奇在百麗同上述兩個品牌嘅style，可以話係天與地。moussy同sly係涉谷系嘅代表品牌，wild得來又有女人味，簡單來講即係台灣辣妹style。縱然百麗旗下有12個品牌，但普遍都係行OL路線，着上辣妹身上，似乎怪怪哋。
不過做生意合作，冇話襯唔襯嘅，目標一致就得啦。Baroque喺中港市場，有絕對的野心。
公司曾傳過於香港發IPO，而公司CEO於網頁宣言，要致力做中國人生意。目前Baroque中港日三地，共有348間分店，當中有21間喺內地，9間喺香港。觀乎淘寶網無限件呢兩個牌子嘅老翻，你就知內地女仔幾buy佢哋，所以Baroque嘅內地生意應該唔差。
至於百麗，全年業績雖已比同業好，但與其喺鞋業苦苦掙扎，開拓新業務可能仲有前途。以百麗嘅網絡，加上Baroque Japan嘅名氣，今次百麗應有所作為。

                  Fifi
本欄逢周二、四刊出

---

失婚美乳女神復出　哭訴靠救濟金過活

1 : GS(14)@2014-03-17 23:25:04

http://hk.apple.nextmedia.com/international/art/20140317/18659400
90年代風靡一時，被封為「美乳女神」的細川文惠(又名細川典江)當年迷倒不少男生，最近重出江湖。

07年她跟房地產公司社長陷入婚外情，以小三身份令社長婚變，成為正印，產子後退出演藝圈。可惜兩年後離婚，做單親媽媽。昨日她首度再於娛樂節目亮相，她指過去7年來沒勇氣重回演藝圈，僅靠少許積蓄及政府救濟金過活，訴苦期間忍不住哭。雖然年過40，女神指自己身材沒改變，依然是F cup，很想再演出。

日本新聞網                                                        

---

【add】紅人主場：謝安琪　時勢造女神

1 : GS(14)@2014-09-07 12:20:55

Alice+ Olivia黑色釘石長裙



人在娛樂圈，即使有壞新聞都總好過無新聞，謝安琪近年惹起過的是與非，勿論好與醜，足令她多次登上茶餘飯後的熱話榜首。金曲唱紅過，緋聞鬧過，被冠以高登女神與B餐人妻之名，統統照單全收；在眼下紛亂不安的時勢，她被指憑歌抽水，啃下去，天涯何處無高牆？統籌：林妙萍撰文及造型：趙潔恆攝影：郭賢興化妝：Natalie Soo.Ki of ND& Co.髮型：Eagco Leung



Marc by Marc Jacobs格紋蝴蝶斗篷、黑色長裙Pinko珍珠金屬手鈪

藝人多避談社會議題，事關一談就難免進退失據，尤其在大是大非的此時此刻。謝安琪早前於敏感的七一前夕在網上發佈了歌曲《雞蛋與羔羊》，熱血聽眾立時對號入座，源於電影《被奪走的12年》關於自由與奴隸的歌詞被無限發酵。「創作首歌時擺咗好多意念入去，接收嘅人喺呢隻歌入面會聯想到乜嘢，或者鼓勵咗佢哋去做啲乜嘢，促發佢哋關心啲乜，都係將呢首歌交畀大家之後發生嘅事，至於隻歌敏唔敏感呢，我覺得唔需要框死大家去諗，呢首歌能夠帶畀你係乜就係乜。」


多角度議事

誰知一句「大劫在頭上不堪設想」，謝安琪被指趁機抽水炒作；事實上一出道就以《姿色分子》講瘦身整容，之後的《囍帖街》講城市重建，《十二月二十》講貧富懸殊，她的歌路一直緊貼社會現象，更因此被封草根天后。「好想去表達嘅嘢，我都一定會去講，我覺得冇嘢唔可以創作歌曲。過去幾年香港經歷嘅大小事件，為香港人帶嚟好多反思同反應，大家嘅感受好多時都係負面嘅，又有好多對立聲音。喺咁嘅環境下創作嘅歌，反而令大家更沉重，並唔係我想做嘅事。我想帶出嚟嘅視野廣闊啲，對於你嚟講乜嘢係嗰道高牆呢？可以人人都唔同，希望可以喺呢隻碟建議多一個角度去觀察我哋嘅生活。」



Minkpink印字TeeCarven豹紋高腰裙

Tory Burch印花裙

■一曲《雞蛋與羔羊》被視作為民發聲，同時惹來不少是非。

十年幾番新

抽水危機實屬小菜一碟，入行將近十年，謝安琪見過的風浪也不算少。自謔個性倔強又不擅於交際的她，曾問上帝為甚麼要安排自己入了娛樂圈。「入行遇到嘅辛苦都同某一啲媒體報道嘅手法或者風氣有關嘅，藝人會首當其衝承受壓力。不過我冇太過執着，漸漸明白到其實好多人都面對緊呢種窘境，呢種風氣其實影響緊整個社會點睇我心愛嘅音樂演藝行業，並唔係只係我謝安琪開唔開心。我因為咁而變得更堅強，同埋眼光更闊。」今年自組公司出碟，從十年前的懵懂女生，升格做老闆擔起營運重擔，計數與創作同步進行難不到她。「喺自己能力範圍內任性囉，又不至於不顧一切咁浪漫。除咗市場上我哋認為最流行嘅、最容易賣得出嘅、樂迷喜歡嘅K歌，穩打穩紮之外，我哋願意去做啲冒險啲嘅，唔同類型或風格。可喜係做咗十年都仲生存緊，雖然唔係首首歌都成功，都想繼續落去，想用自己小小嘅能力去豐富一下本地樂壇嘅類別。」



■與張繼聰結婚8年，最欣賞對方的幽默感。

反思B餐論

食得鹹魚真要抵得渴，謝安琪三個字被大眾及媒體用來消費與娛樂，甚至在網絡潮文中被擬物成一個B餐擺上枱。「原來而家會咁公開發表去討論人哋嘅婚姻，甚至去比較兩段婚姻，可能我老套啦；篇文令我了解多咗原來咁多人覺得另一半身家有幾多係咁重要。我係感受到作者對我嘅祝福，呢件事又冇令我好尷尬，反而令我思考咗好多。」套餐論將婚姻同金錢掛鈎，與張繼聰結婚8年的謝安琪眼中的婚姻卻很單純。「結婚時冇問過我另外一半其實你有幾多身家，我哋結婚之後會過乜嘢生活都唔係我最着緊嘅事。我睇婚姻比較單純，我同佢相處好開心，靈魂溝通得到，就係咁簡單。」甚至她決定嫁給張繼聰，都只為笑一世。「佢求婚之後我就諗，其實呢個人真係好好笑，到八、九十歲都會咁好笑。有乜好得過有一個人成日喺身邊令你笑？我就覺得好抵呀，每日都有咁多好笑嘅事，佢真係有咁嘅本事。」



更多精采時尚內容，盡在http://add.appledaily.com。




來源: http://hk.apple.nextmedia.com/entertainment/art/20140904/18854674

---

【add】紅人主場：鍾楚紅　女神愛香港

1 : GS(14)@2014-09-18 13:52:16

agnès b.皮褸及牛仔褲Chloé流蘇手鏈/Net-A-Porter



沒聽多時的移民潮，今年忽然又出現了，離開？留下？大美人鍾楚紅最近花了多個月時間，拍下香港恬靜優美的風光、親切的舊區街坊笑容，展出50張相片，記錄的全是香港的愛，「我想令大家重新搵到香港嘅可愛之處，唔好人人諗住移民！」撰文：林妙萍攝影：郭賢興造型：鄧卓嶽化妝︰Ricky Lau@ ZING the makeup school髮型︰Sev Tsang@ hair culture



「香港喺呢個世界上，實在係最靚嘅地方！好近就去到海邊，行一陣就有山，最美麗嘅景物都喺身邊。新、舊嘅融和，就係佢嘅迷人之處。」鍾楚紅今個月推出第一本慈善攝影集及舉行相展，以「To Hong Kong with Love」為題，希望透過自己的眼睛鏡頭，發放正能量為香港打打氣。



Valentino孖襟斗篷

沒想過移民

「我從冇諗過移民，香港而家好亂，我覺得好sad，如果大家都繼續唔愛香港，或者咁多負能量，就太可惜了！」土生土長，1979年參選過香港小姐，做過影后，拍的《秋天的童話》成就香港文藝片經典，紅姑也在香港找到今生最愛，所以才更心痛這一切的得來不易，「呢個地方，係香港人多年來辛辛苦苦建立，因為香港人嘅勤奮，咁愛家，先有我哋香港今天嘅繁榮，我哋唔能夠放棄香港，要為香港更加努力。」平日只用手機影相，紅姑今次拎住幾十萬的專業級哈蘇相機（Hasselblad)，走遍果洲羣島、塱原、紅樹林，也落區跑到石硤尾工廈、旺角、深水埗舊區，影人影景。



Dior連身褲及皮帶Herve Van der Straeten手鈪/Net-A-Porter

不敢問發哥

直言自己影相隨心、沒構圖、不講究技巧，但勝在「快狠準」，「如果影風景，好天氣基本上唔會大錯；如果影人，要面對人，要同佢溝通，自己就變咗一個導演，傾偈之外，仲要兼顧構圖去捕捉動作。」有冇請教好友周潤發？「我唔想煩佢，佢係發燒友，好高級，我啲相係比較隨意啲。」


沒關係　是愛啊！

54歲的鍾楚紅甜美笑容歷年不變，對被稱為凍齡美女，紅姑大叫：「唔係我講呀！我冇凍齡，其實我都冇去諗要keep住後生或者點樣，都係隨心。」愛行山、愛綠色，keep fit全靠多菜少肉，「鍾意食喺泥土上長出嚟嘅食物。」人生才過了一半，她指現時追求的愛，只要有愛，不是愛情也沒所謂，「愛情係互動，唔係想要就會有，唔，其實都唔使啦，我已經愛好多嘢，我太花心，鍾意動物，鍾意花草樹木，又鍾意去旅行，好博愛㗎喇！」



＜獅子山下＞

＜萬宜水庫＞

「鍾楚紅－To Hong Kong with Love」相展展期：24/9-14/10地點：agnès b.展場(尖沙嘴K11)



更多精采時尚內容，盡在http://add.appledaily.com。




來源: http://hk.apple.nextmedia.com/entertainment/art/20140918/18869533

---

色誘「社運女神」英部長洩淫照辭職

1 : GS(14)@2014-09-29 23:56:06



英國執政保守黨昨天（周日）召開黨代表大會前夕，首相卡梅倫受到雙重打擊，先有保守黨國會議員雷克利斯（Mark Reckless）變節，轉投極右政黨英國獨立黨，後有公民社會部長紐馬克（Brooks Newmark）向一名由男記者假扮的「社運女神」發放露械照，最後辭職收場。


卡梅倫受雙重打擊

現年56歲的紐馬克，已婚，育有五名子女，他被揭和一名男記者假扮的保守黨公關要員「蘇菲」交換淫照，更要求在保守黨黨代表大會期間和對方見面。他被指在網上主動接觸「蘇菲」，並向「她」送上一張露械睡衣照。《星期日郵報》日前知會紐馬克，將在昨天報道他的行為後，他前日宣佈辭職。卡梅倫快刀斬亂麻，委任保守黨國會議員威爾遜（Rob Wilson）接任。而雷克利斯轉投獨立黨（UKIP）後，不點名批評卡梅倫拖慢英國發展步伐，暗批由於卡梅倫政府和民眾脫節，令人民感到被忽視、被過度徵稅及過度規管。雷克利斯表示轉投獨立黨後，會辭任議員，再以獨立黨候選人身份，爭取在補選中勝出。法新社




來源: http://hk.apple.nextmedia.com/international/art/20140929/18883126

---

TVB新聞部女神蔡雪瑩、高芳婷將離職

1 : GS(14)@2014-10-18 23:06:17



昨日忽然網傳被高登仔封為「TVB新聞部女神」嘅蔡雪瑩及無綫互動新聞台主播高芳婷離職嘅消息，更盛傳兩女是「被辭職」。前日蔡雪瑩及高芳婷亦有在《一群無綫新聞部記者公開信》聯署聲援，針對新聞部管理層於十月十五日，對有關警方在龍和道清場新聞的處理，一眾同表遺憾，亦對管理層對原來之報道不信任，感極度不安，聯署後，網傳離職嘅消息，難免令網民推測與此事有關。不過，網上消息指，高芳婷9月時已傳不續約，將於11月底離職。據知情人士透露，高芳婷及蔡雪瑩因為不滿被同事搞更表，才提出離職，相信與聯署聲援一事無關。




來源: http://hk.apple.nextmedia.com/entertainment/art/20141018/18904155

---

上海拍戲毀女神形象全智賢喫生果餓鬼上身

1 : GS(14)@2014-11-04 22:39:27



韓國女神全智賢拍畢熱爆韓劇《來自星星的你》後，即接拍了《盜賊門》導演崔東勳的新作《暗殺》。早前剪掉一頭招牌長髮的全智賢留在上海趕拍新片，既要低調慶祝33歲生日，未知是否連日來拍攝太緊密的關係，令她連好好大擦一頓的時間也沒有，日前她被拍得在片場不顧儀態狼吞虎嚥食柚子，配上她身上的染血戲服，令人以為女神萬聖節餓鬼上身，認真應節。上月30日是全智賢的33歲牛一，不過壽星女因要留在上海趕拍新片《暗殺》，所以未見她有大事慶祝一番，反而連日來全智賢都要在上海車墩影視城開工。日前有內地傳媒就偷拍到全智賢在片場拍攝的情況。


被噎親尷尬

全智賢與崔東勳導演再度合作的《暗殺》，自開拍以來保密工夫做足，除了擔心全智賢的造型曝光外，亦怕影響拍攝進度。在片中飾演暗殺團話事人的全智賢日前在車墩影視城的舊上海南京路景區繼續拍攝，剪掉一頭招牌長髮的她美艷不減，穿上白色喱士長裙，清純得來不失女強人本色，即時成為片場的焦點。未知是否連日來拍攝行程太緊密，只見全智賢未有好好吃午餐，惟有趁休息空檔爭取機會吃柚子，補充一下能量。全智賢懶理眾人眼光，坐在休息椅上時即掏出半個柚子，旋即狼吞虎嚥起來，更用口撕扯柚子，完全不顧女神儀態，其間未知是否柚子太酸還是被噎親，全智賢突然露出尷尬表情。



■在內地人氣高企的全智賢，獲土豪粉絲送廣告牌賀壽。

密密食冇停

之後全智賢轉到古舊電車旁繼續工作，身旁有男助手為她打傘遮太陽，而全智賢又着助手再拿出半個柚，並即企在路上大啖大啖食柚子，由於她身上的白色戲服佈滿了鮮血，即時令人誤以為她化身做美艷餓鬼食柚子，參加萬聖節派對。此外，在內地人氣高企的全智賢，日前獲來自福州的「土豪」粉絲送上生日賀禮，有網友拍下多張相片上載到微博，指有粉絲豪花逾萬人仔在福州的商場外賣廣告，並以福州S教授名義寫道：「親愛的全智賢：生日快樂！今天能與你牽手將我們的關係公告天下！」即時引起網民議論，但有人質疑廣告是P圖，亦有人覺得是炒作廣告。撰文：施洛冰



【三個粉絲去首爾】追星實錄，即上韓劇讀：http://hk.apple.appledaily.com/kstar




來源: http://hk.apple.nextmedia.com/entertainment/art/20141104/18922455

---

上得天橋　湊掂萌B　教出名模四川女神系主任爆紅

1 : GS(14)@2015-01-11 20:21:19





內地互聯網近來瘋傳一輯「四川師範大學最美女神系主任」的照片，女主角是該校服裝學院表演系主任韋伊納。這名已為人母的迷人女神分身有法，不僅上得天橋行Catwalk，同時教出不少名模學生，還帶得了家中B女。韋從16歲出道走上職業模特兒之路，再由天橋轉戰講台，再到如今的時尚辣媽，身兼數職從容不迫。


現年32歲的韋伊納，身高1.8米，五官立體加上身材修長，早年因緣際會參加央視首屆電視模特兒大賽，獲得華東區冠軍，16歲已擔任職業模特兒。不過，她志不在令人羨慕的模特兒生活，此後走出鎂光燈繼續升學，考上蘇州大學藝術學院藝術設計系，畢業後一圓教師夢，應聘到四川師範大學服裝學院任教，目前擔任表演系主任。



■在生活中，韋伊納是一位時尚辣媽。

■韋伊納和她可愛的女兒。



要求嚴格　桃李滿門

韋伊納在八年教師生涯中桃李滿門，培養出不少得意門生，學生包括2008年新絲路中國模特大賽冠軍李超、2008年上海國際模特大賽季軍馮翔、2008年央視「天語手機杯」模特電視大賽最具活力獎李偉、2010年中國小姐華南賽區總決賽冠軍高子均，以及2012年第12屆中國職業模特選拔大賽季軍陶露等，尤其學生紀莉莉，是2010年Prada全球形象片女模。對這些學生來說，韋非常嚴格。有學生說，每次上韋的課時，都要早起穿戴整齊，用最完美的狀態去上課。學生認為，雖然韋要求高，但私底下卻又像朋友般關心學生。四川新聞網





來源: http://hk.apple.nextmedia.com/international/art/20150109/18996492

---