龔嘉欣預告利是加碼
1 :
GS(14)@2017-01-09 08:11:32龔嘉欣昨日一身喜慶紅裙在荃灣參與「夜光龍騰大巡遊」，親自為夜光龍點睛。嘉欣表示拍劇檔期中抽到時間搵真銀非常開心，而今年賀歲檔期工作量比去年多一倍，計劃整蘿蔔糕返廠派給大家吃。她又透露今年派利是的銀碼會加大一倍，另外早前也捐助流浪狗，希望將自己運氣跟大家分享。以往新年，嘉欣都收到爺爺嫲嫲大利是，今年她打算派利是給家中長輩以表敬意，問到爺爺嫲嫲有否催婚？她說：「佢哋上星期先同我講唔好咁快結婚，過咗30歲先，?家做好工作。如果拍拖會先經爺爺嫲嫲過目，不過一家人都唔心急。」採訪、攝影：馬建華
來源:
http://hk.apple.nextmedia.com/entertainment/art/20170109/19890583
【仲買利是封？】環保利是封郵局馬會免費任拎
1 :
GS(14)@2017-01-19 08:09:02每次過年全港利是封使用數目以千萬計，除了浪費紙張唔環保之外，生產過程所使用的顏料、熨金更破壞環境，而且各大商場越來越有「心思」，多用上刺繡、絨布、塑膠製作利是封，大大增加廢紙回收的難度。其實精美的利是封只用一年實在太浪費，回收再用何嘗不是讓祝福薪火相傳？
環保組織綠領行動今年已是第8年舉行「利是封回收重用大行動」，去年一共收集得880萬個舊利是封，經社福機構的工場篩選和處理，令超過400萬個利是封重生，仲即日起在全港共270個派發點供市民免費索取，派發點包括全港郵政局、賽馬會投注站、50個領展旗下商場及4個房委會轄下商場，相當方便。記者實地到郵政局觀察，發現利是封按大小分批紮好，狀態算新淨，重用派發不會失禮，而且利是封背後貼上「利是封重用行動」貼紙識別，派利是之餘更可鼓勵大家將收到的利是封進行回收。不過，但記者於18/1中午到領展旗下將軍澳彩明商場詢問處查詢時，職員表示公司未開始活動，大家留意。
facebook:綠領行動 Greeners Action記者：曾冠輝
今年回收利是封棄用橡筋，改用紙帶紮好，更加環保。
回收利是封背後都有貼紙標示，亦可提醒收利是者可以將利是封再回收。
來源:
http://hk.apple.nextmedia.com/su ... t/20170119/19901250
Rain化身彩虹利是封
1 :
GS(14)@2017-01-21 03:36:51李彩華（Rain）昨日到尖沙嘴出席新年利是封活動，更配合大會的喜慶主題以一襲彩虹裙現身。講到農曆新年，Rain表示會去美國及滑雪，男友何遠恒會否同行？她說：「佢會中間join，其餘就係同我屋企朋友玩。」會否順道在當地註冊結婚？她直言：「唔會啦，我哋有共識計劃吓先，始終要上天安排，timing到先得。」談到利是封，Rain說：「早幾年媽咪整咗好多印咗個名嘅利是封，個設計好娘但又印咗好多，派咗幾年都派唔晒，唔用又好浪費。」可以考慮結婚後繼續使用？她說：「咁又唔得，呢樣要交番畀對方。」採訪：曹家誠攝影：仇志德
來源:
http://hk.apple.nextmedia.com/entertainment/art/20170120/19902539
【扮靚籽】忌利是封上身 襯紅有法
1 :
GS(14)@2017-01-26 18:09:06戴上紅帽子，感覺突然有了活力，Diana說應該和顏色有關。
【扮靚籽：時裝絮語】每到新年，到處都是紅色。利是封、揮春、年糕、當然，還有一件件的紅衣。香港人素來不太愛紅色，有市場調查公司做了研究，指喜歡紅色的香港人比例偏低，但到底大家可以接受多少件紅色衣物？且聽聽一個不愛紅色衣飾打扮的絲打現身說法。
鄧麗兒（Diana）的身份是公關，染了一頭金中帶銀的頭髮，一身黑衣在她身上有型入格，但她說自己和家人的衣櫃都找不到一件紅衣，「紅色給我的感覺很女性化，和我的外形不搭。」她笑道，只有一種人會着一身紅衣，就是「女鬼！」說完，自己又笑得合不攏嘴。「有一次在旺角看到一個男人，由頭到腳都是紅色，還染了一頭紅髮，但我最受不了是他的紅褲，感覺好像女孩子月經漏滿褲子！」新年是她唯一會被迫穿上紅色衣服的日子，「老人家覺得紅色夠喜慶，會買很多件紅色衣服，小時候會穿，但長大了幾乎不會了。穿得紅噹噹，像個利是封，不是嗎？」紅色和她是世仇，偏偏這世上有種人愛挑戰麻煩，如果讓她穿上一件、兩件，甚至三件紅色，她會怎樣想？「要看看紅色的面積吧。如果是冷帽、錶、耳環，我可接受多於一件，但外套的話便不行的，只此一件。」眾多衣物中，她覺得鞋子最易接受，那麼，先來一雙紅鞋子吧。
第一關：紅鞋要襯黑白灰
「我覺得還可以接受，這對鞋不全是鮮紅色，而且人的視線不會常常由上至下，所以紅色鞋我覺得沒甚麼大問題。」穿上紅鞋子的Diana，表情依然輕鬆，更不時紮紮跳。
穿上紅色鞋子，Diana感覺沒甚麼壓力。
Reebok Furylite Slip On Arch波鞋$699（a）
小貼士：紅色鞋子和黑白灰，或者卡其色等基本色系十分相配，而且不會太搶眼，除了新年着，之後也可日常穿着。
Monki畫家帽$150（b）
第二關：冷帽畫家帽易襯啲
加上紅色畫家帽，Diana開始有點不自在，「我覺得自己的頭髮顏色可以配襯紅色，但這個波波太大了。」她指着帽上的紅色毛球說。戴上後，她說覺得可以接受：「覺得自己整個人俏皮了，現在給我一個結他的話，我可以玩rock and roll。」
小貼士：紅色冷帽和畫家帽相比其他帽款更易接受，也容易配襯，如果怕紅色太搶眼或者和髮色不搭，可以選擇暗紅或酒紅色。
第三關：外套最好飛甩彩色
「這是終極大獎嗎？」一拿出一件全紅外套，她馬上驚呼一聲，無他，一件全紅外套，如非新年，應該沒多少人穿，穿上後她明顯不太好受，「真的太紅了。」她重複說。
這件外套對Diana來說太誇張，她表示受不了。
:White Chocoolate紅色連帽外套$999（c）
小貼士：如果穿了一件紅外套，最好不要在身上添加任何色彩了，除非你真的很喜歡紅色，也不怕變身成利是封。要配襯紅外套，黑白灰是最不會出錯的顏色，接近黑色的深藍色也合襯。
（a）Reebok銅鑼灣Fashion Walk加寧街1-3號地下B舖（b）Monki銅鑼灣皇室堡地下（c）Chocoolate銅鑼灣希慎廣場501號舖
記者：胡可欣攝影：徐振國編輯：謝慧珊美術：孔文彬
來源:
http://hk.apple.nextmedia.com/su ... t/20170125/19907315
太古廣場：利是錢做乜好？識揀一定唔會儲！
1 :
GS(14)@2017-01-27 07:40:05加番句家長指引先，家姐唔係教人亂fing錢，只係點樣用得有意義啲啫。老老實實，得嗰千幾至幾千蚊，如果想用嚟滾幾百蚊收益，就參考番《蘋果》財經版啦吓！利是錢，三個字，豐儉由人。如果大家唔係被電子派利是的話，通常到初十五拆都走唔甩千幾銀，返幾層office嘅可以去「洗樓」?利是嘅更加唔使講啦。呢個range儲又唔係多，一次過食晒佢又好似太浪費？醒啲另類投資過你啦。今年農曆年都算近新曆年頭，大家新一年有無話要做多啲運動呀，個人健康啲咁呢？如果你係放工跑兩步就攰嗰種人，有啲嘢醒你：用利是錢畀自己上一年PE堂！話說上年呢啲月費做運動App喺OL界相當之hit，因為實在係好抵！家姐我join咗個K字頭嘅，仲要係500蚊年代就join咗（家陣新會員要700蚊啦，但仍然抵喎，睇埋就知），每個月畀錢，唔使簽約，可以喺個App度揀十樣運動做，計落每一堂都係幾十蚊咋陰功。其實道理就好似運動版Uber咁，都係共享經濟嘅一種。將啲細規模嘅瑜伽、健身、打泰拳嘅中心放晒上去，畀你慢慢揀，每樣嘢一個鐘，好似以前上PE堂咁，今日可以去打一個鐘泰拳，聽日可以做瑜伽，喺手機book完，個人準時show up就得，地方揀番近自己office，放工做完返屋企食飯都得。不過以前個App仲有好多可以蒸吓身、蒸吓腳呢啲嘢玩，家陣都無晒喇，變咗要額外畀錢。個App另外好就係可以望下有咩活動先課金，砌到成個月時間表的話，咪健康吓囉。呢個係其一，如果唔想由做運動着手，想食得健康啲嘅，都有計！仲可以食埋英鎊平條水㖭呀！英國有個blogger，姑且叫佢KOL啦，介紹健康零食介紹到出晒名，家陣自己每個月揀啲健康嘅零食，塞落一個surprise box度，訂購咗嘅用戶可以每個月都收到一盒有零食有飲品嘅sourced box。如果日日坐office都係食熱浪、麥提莎嘅，咁不如試下啲天然海鹽焦糖bar、天然拖肥波波，或者西蘭花脆片啦，咁食法都無咁有罪惡感！不過呢個投資就可能要請教網購達人喇，因為係要先寄去英國，再代運嚟香港嘅。買足一年嘅驚喜健康零食，計番家陣英鎊都係千幾二千蚊咋，呢個價錢每日食熱浪飲檸茶都係食到八十幾日，仲會生痘痘㖭。【家姐教路】無論係用利是錢嚟買乜嘢都好，最抵一定係入晒落銀行，再用信用卡嚟買，用利是錢找信用卡條數。做運動App一定要用信用卡畀啦，呢個無計；至於英國零食，如果可以自己搵到代運服務，就可以碌英鎊自己買，賺到miles又唔使畀代購賺。不過小心代運收費呀，家姐中過伏，買咗三盒零食運番嚟要500蚊！三盒零食都係300幾蚊咋陰功。用代購之前，一定要先用佢個計算機預測吓運費係幾多呀！資料補充：做運動App係Kfit，英國零食係Sourcedbox，本人並無持有以上股票關家姐
http://fb.com/kwangajei本欄逢周五刊出
來源:
http://hk.apple.nextmedia.com/financeestate/art/20170127/19910076
Bob豪派10萬元利是
1 :
GS(14)@2017-01-29 10:31:40■Bob與三個寶貝女兒穿上紅衫應節。
林盛斌（Bob）昨日大年初一與老婆Pearl及三個囡囡出動向太嫲拜年，四代同堂好熱鬧。Bob一家五口都着紅衫應節，變成五個人肉利是封周圍走。去年在逆巿中工作不停的Bob，荷包豬籠入水，又孭飛演出賀歲片《我要發達》，所以今年利是都加碼。他昨說：「成績唔錯，今年就豪派利是，新年前換咗10萬蚊，預計會狂派。」Bob當然特別偏心三個寶貝女，他說：「我會派幾封大利是畀囡囡，希望佢哋身體健康、聽教聽話同學業進步。」採訪：劉敏
來源:
http://hk.apple.nextmedia.com/entertainment/art/20170129/19911886
Next Page