📖 ZKIZ Archives

【馮仁昭四圍超】Yumi啪骨啪尖下巴

1 : GS(14)@2016-06-21 07:39:15

尹蓁晞（Yumi）同綠魔許嘉浩（Karl）噚日到鰂魚涌Y M Health Life接受徒手啪骨瘦面療程，Yumi最想搣甩包包面同雙下巴。
Yumi剛從韓國進修兩個月回港，令佢大開眼界，但始終接受唔到開刀整容。Yumi喺韓國認識咗好多韓男，不過就冇考慮發展，覺得韓男比較大男人，揀老公會揀首先語言溝通到。撰文：馮仁昭





來源: http://hk.apple.nextmedia.com/entertainment/art/20160621/19662521
PermaLink: https://articles.zkiz.com/?id=302402

【馮仁昭四圍超】《琅琊榜》上周收視慘淡

1 : GS(14)@2016-06-21 07:39:15

無綫節目收視屢創新低，由綜藝科製作資源總監余詠珊同助理總經理杜之克兩大高層，拍板買入嘅內地劇集《琅琊榜》，喺內地大收旺場，但係似乎唔太適合香港人口味，收視自播映以來都未如理想，一直都係錄得20點以下嘅收視，《瑯玡榜》上周一至五平均收視錄得18.7，約121萬人次收看，周六嘅收視，更一度錄得14.6，約94.8萬人次收看。撰文：馮仁昭





來源: http://hk.apple.nextmedia.com/entertainment/art/20160621/19662545
PermaLink: https://articles.zkiz.com/?id=302403

【馮仁昭四圍超】鍾健威黃美棋變父女戀

1 : GS(14)@2016-06-21 07:39:15

樂隊sp'ACE噚日去商台宣傳新歌《生活道》，剛榮升為爸爸嘅周吉佩（中），前日過咗首個難忘父親節：「囡囡11個月大，噚日我瞓喺地下度，佢就爬埋嚟主動錫咗我一啖，嗰吓好感動，有眼淚流出嚟。」鍾健威（左二）亦收到第一份父親節禮物，原來女友黃美棋覺得佢照顧得好好，好似爸爸一樣，所以送咗變形金剛做禮物，即被大家笑佢哋變成父女戀。撰文：馮仁昭





來源: http://hk.apple.nextmedia.com/entertainment/art/20160621/19662532
PermaLink: https://articles.zkiz.com/?id=302404

【馮仁昭四圍超】寶珠阿嗲加場孭飛債

1 : GS(14)@2016-06-21 07:39:15

陳寶珠（左）同梅雪詩（阿嗲右）嘅《牡丹亭驚夢》上月做咗20場，8月會喺文化中心加開6場。佢哋同多位名伶前晚出席慶功，而師傅白雪仙（中）亦有現身，兩位愛徒還親吻師傅臉頰，非常溫馨。對於再度公演，寶珠姐話：「戲迷嘅熱情令我好感動，所以想再過戲癮。」阿嗲就笑話：「今次暑假開鑼，我有好多朋友嘅仔女同孫仔可以陪睇粵劇，我又孭咗一身飛債。」撰文：馮仁昭





來源: http://hk.apple.nextmedia.com/entertainment/art/20160621/19662553
PermaLink: https://articles.zkiz.com/?id=302405

【馮仁昭四圍超】李彩華同花姨撞樣

1 : GS(14)@2016-07-06 07:59:01

李彩華（Rain）近年主力搵人仔，都好少喺香港蒲頭，不過佢會keep住喺微博分享近況，等大家知道仲存在緊，不過佢噚日post自拍照就出事喇！


宮雪花


Rain個樣變到唔同晒，睇落有啲似陳浩民夫婦嘅合體樣，兼且同用咗美圖app嘅宮雪花有啲似樣㖭喎！真係陰功豬。不過張相po咗幾個鐘之後就刪咗，唔知係咪連佢自己都越睇越唔滿意呢？撰文：馮仁昭





來源: http://hk.apple.nextmedia.com/entertainment/art/20160705/19681344
PermaLink: https://articles.zkiz.com/?id=302576

【馮仁昭四圍超】溫碧霞　王家衛式拍ViuTV

1 : GS(14)@2016-07-06 07:59:08

處境劇《三一如三》就嚟開拍，ViuTV搵嚟多年冇喺香港拍劇嘅溫碧霞（Irene），帶領一班演藝界生力軍游學修、楊淇、陳安立同李靖筠演出，噚日喺葵涌舉行開鏡儀式。今次係Irene自2001年喺大台演出《封神榜》後再喺香港拍劇，新劇暫定40集，Irene話：「好耐冇拍劇，心情興奮，導演手法似拍電影，飛紙仔又每場改戲，好似王家衛電影，劇中我有男友比我年輕，現任男友個樣又同前度好似樣。」



王家衛資料圖片

■陳安立同楊淇亦有份參演。


■游學修（右）會飾演一個出櫃嘅餐廳老闆。

游學修出櫃

講到喺ViuTV待遇同無綫相比，Irene話：「唔可以用錢嚟衡量，我真係好鍾意演戲，可以同新人合作係緣份。」劇中佢同李靖筠有唔少對手戲：「佢係我前愛人個女，我前男友係歌手，我係經理人。佢同我一齊，大家關係好close，戲裏戲外似姊妹。」游學修做一個會出櫃嘅餐廳老闆，佢話：「做過好多次呢啲角色，啲人話我唔似基仔，我最激牀戲都拍過。」仲話今次齣劇會講社會議題，問佢怕唔怕拍啲敏感話題劇，搞到少咗拍電影嘅機會？佢話：「我做唔做ViuTV都冇乜電影拍。」噚日女友蘇麗珊網上晒纖腰靚相，游學修話：「我都唔知佢po出嚟，係我影嘅，仲出賣埋我半裸照。」撰文：馮仁昭





來源: http://hk.apple.nextmedia.com/entertainment/art/20160705/19681312
PermaLink: https://articles.zkiz.com/?id=302594

【馮仁昭四圍超】龐景峰錄歌發噩夢

1 : GS(14)@2016-07-06 07:59:08

龐景峰噚日到新城宣傳新歌《Pages》，佢話年底出碟，每首歌都有韓文同國語版，韓文唔難學，不過自己最想唱廣東歌，覺得係香港人嘅責任：「細個好鍾意聽兒歌，好似鄭伊健嘅《數碼暴龍》，所以更加希望唱廣東歌，想攞返童年感覺。」佢仲話因每首歌都要唱好多次，搞到發噩夢：「我以為自己喺錄音室錄緊歌，記緊歌詞，突然間嚇醒咗。」撰文：馮仁昭





來源: http://hk.apple.nextmedia.com/entertainment/art/20160705/19681315
PermaLink: https://articles.zkiz.com/?id=302595

【馮仁昭四圍超】坤哥下月唱爆紅館

1 : GS(14)@2016-07-06 07:59:08

吳業坤（坤哥）上年年尾喺頒獎禮攞新人獎喊到眼鏡起霧，人氣爆燈，唱片公司噚日正式宣佈坤哥第一個紅館個唱會喺下月10號舉行，門票今日就會接受信用卡優先訂票。對於有傳話今次開騷嘉賓多達10幾位，坤哥就笑住話：「非常好嘅提議，但都係講笑，嘉賓仲係邀請緊，可能係我一位超級偶像或者不斷鼓勵我嘅前輩，希望到時畀驚喜大家！」撰文：馮仁昭





來源: http://hk.apple.nextmedia.com/entertainment/art/20160705/19681319
PermaLink: https://articles.zkiz.com/?id=302596

【馮仁昭四圍超】李逸朗真刀拍戲驚險

1 : GS(14)@2016-07-06 07:59:09

李逸朗（Don）最近為網絡電影《迷離夜話》拍一場打鬥場面，因劇組事前冇預備道具刀，所以要用真刀拍攝，Don話：「從未試過用真刀拍，雖然只係一把輕巧叠得埋嘅軍刀，但都好鋒利。現場有武指示範同指導，不過同一個動作要反覆做好多次，揮刀時刀尖要喺特約演員面前畫過。我哋糾纏嘅過程其實好驚險，好驚傷到人，自己又受傷。」撰文：馮仁昭





來源: http://hk.apple.nextmedia.com/entertainment/art/20160705/19681324
PermaLink: https://articles.zkiz.com/?id=302597

【馮仁昭四圍超】歐陽娜娜演奏賀生日

1 : GS(14)@2016-07-06 07:59:09

大提琴家歐陽娜娜噚日喺港大舉行首張個人古典音樂專輯《15》發佈會，即場分享錄音心情兼拉奏《塔蘭泰拉舞曲》。環球唱片為佢準備生日蛋糕慶祝16歲生日。娜娜出身自台北演藝世家，爸爸係現任台北市議員歐陽龍，媽咪係演員傅娟，姑媽係歐陽菲菲。娜娜6歲學大提琴，13歲考入世界頂尖音樂學府兼拎埋獎學金，兩年前仲開始進軍影視圈。撰文：馮仁昭





來源: http://hk.apple.nextmedia.com/entertainment/art/20160705/19681330
PermaLink: https://articles.zkiz.com/?id=302598
Next Page
ZKIZ Archives @ 2019