【馮仁昭四圍超】為老婆居北京羅嘉良因女兒住三亞
1 :
GS(14)@2017-02-09 23:44:16■羅嘉良帶妻女搬去三亞避霧霾。微博圖片
無綫重播嘅《創世紀》，由葉榮添為下一代搞「無煙城」，建一個冇污染又乾淨嘅地方。可惜現實生活中，羅嘉良（撈家）束手無策，只能夠選擇遠走他方，避開霧霾。前日撈家喺金鐘接受訪問，講到同內地女星蘇岩婚後，遷居北京，近年為咗4歲囡囡Sela，全家搬去三亞，佢話：「可以話係避霧霾，主要係年底去避一避，個女?家讀幼稚園，請多少少假冇所謂，況且我哋都好鍾意呢個地方。」本身係香港人嘅撈家，大可以帶囡囡返港讀書，佢話：「未決定囡囡係咪返香港讀書，有人提議過，同老婆商量吓，我本身就睇大環境，但係我都好懷念香港，懷念大家，希望再返嚟發展。」雖然錢重要，但唔可成日將錢掛嘴邊，撈家話：「錢夠用，差唔多就得，做人都係咁，差唔多就夠。我有一個非常美滿同幸福嘅家庭，非常感謝上天，麵包當然緊要，但係最緊要係家庭和諧，幸福係用錢買唔到，其實?家已經放慢咗。」
■梁家樹監製嘅網劇《無間道》，搵咗羅嘉良（左）同郭政鴻合作。劇照
■羅嘉良未決定係咪帶囡囡返港讀書。攝影：仇志德
新作下月播
舊年撈家留港拍劇七個月，新作大概喺下月播出，不過佢慨嘆同劇對手都係唔識，佢話：「其實都係見吓啲老朋友，有人出出入入都好正常！」至於獎項，撈家根本唔介意，佢話：「?家都唔會諗呢啲，以前都攞過三屆，又經歷咗咁多年，似乎攞獎金好啲！」撰文：馮仁昭
來源:
http://hk.apple.nextmedia.com/entertainment/art/20170209/19922101
結婚半年被拒行房7旬躁夫開槍射傷老婆
1 :
GS(14)@2017-02-11 18:57:5870多歲伯伯對房事有心有力卻英雄無用武之地，因為老婆不肯圓房！美國佛羅里達州一名七旬男子，不滿結婚半年後妻子仍不肯與自己圓房，一怒下向妻子開槍，射中她的臀部。76歲男子羅伊斯（Donald Royce）去年8月與相識六年的62歲妻子結婚，夫婦二人的寓所還有一名室友同住。室友表示，她聽到兩下槍聲，前往查看時羅伊斯還用槍指向她，她最後說服他讓妻子送院接受治療。羅伊斯承認與妻子就房事爭執，但他向警員表示本來無意傷害妻子，只是想向床褥開槍嚇一嚇她，想不到卻打中妻子，令他感到傷心。羅伊斯被控嚴重毆打罪。羅伊斯的妻子送院治療後回家休養，她形容事件猶如「噩夢」，又指兩人相識六載，沒想過他會做出這樣的事。鄰居也大感驚訝，「一個成年人因為性事而發脾氣十分可笑」，又指不論年齡或婚姻狀況，女性都有權悍衞自己身體。英國《每日鏡報》/美國霍士新聞
來源:
http://hk.apple.nextmedia.com/international/art/20170211/19925143
四口行超市老婆囡囡唔退讓鄭中基一條雪條搞和諧
1 :
GS(14)@2017-03-05 09:34:553.【等找數】■鄭中基?完囡囡開心，就由太太負責排隊結賬。DV圖片
【狗仔隊出更】【跑馬地】鄭中基年三十晚在紅館舉行一連四場跨年個唱，不但獲太太余思敏、五歲囡囡Emma和兩歲囝囝Evan撐場，Emma更在爹哋個唱上開金口唱歌，溫馨指數爆燈。由於之前鄭中基忙於開騷，而沒有太多時間陪伴家人，故個唱完成後，他即抽時間跟太太及一對子女享受家庭樂。日前記者便在跑馬地發現鄭中基一家四口逛超市，認真溫馨。
1.【揀口味】■鄭中基日前在跑馬地超市內向太太打眼色後，讓囡囡揀雪條口味。
2.【問爹哋】■Emma高舉雪條（圓圈示）再問准爹哋鄭中基。
4.【蹦蹦跳】■Emma獲鄭中基買雪條後蹦蹦跳隨父親及工人姐姐離開超市。
帶仔女上車等
當日鄭中基一家四口與工人姐姐一起逛超市，當余思敏在店內揀日用品及食物時，鄭中基就乖乖尾隨，並由工人姐姐抱着細仔。之後囡囡Emma一見擺放雪條雪糕的雪櫃時大感興奮，一個箭步衝上前手指指，想要媽咪買雪條。惟余思敏跟Emma表示家中還有雪條未食，所以不肯買，說罷便轉身前往買麵包及果醬。然而沒多久鄭中基發覺囡囡似乎有點失望和悶悶不樂，於是識做地叫太太買雪條給囡囡，?得Emma開心不已，伏在雪櫃前左揀右揀。之後鄭中基向太太示意先行帶仔女上車等候，余思敏負責結賬。由於成功扭得爹哋買雪條，Emma步出超市門口時，興奮得舉起雙手轉圈，鄭中基見囡囡如此興奮，也不忍住偷笑。採訪、攝影：徐錦池、吳耀輝
來源:
http://hk.apple.nextmedia.com/entertainment/art/20170305/19947755
張衞健老婆睇住出世蘇永康榮升爹哋 鄭紹康：恭喜佢
1 :
GS(14)@2017-03-23 06:27:21■蘇永康早前才與臨盆在即的太太在銅鑼灣行街。資料圖片
現年49歲的蘇永康（阿公）老來得子，前日老婆馮翠珊為他誕下兒子，不過，阿公尚未公佈喜訊，好友雷頌德昨在尖沙嘴出席攝影集分享會卻率先爆響口：「嚟緊都會幫蘇永康影，佢噚日做咗爸爸啦，你哋唔知咩？」
■鄭紹康昨晚避談會否致電蘇永康破冰。
■張衞健透露太太張茜全程陪着蘇永康太太生B。資料圖片
開心BIG FOUR有後
據知，阿公原本想待母子出院後才宣佈喜訊，怎知卻忽然被公佈榮升爸爸，惟有昨提早報喜：「好多謝大家關心，小弟的確係榮升咗老竇級啦！母子平安，BB好可愛。第一次做爹哋，心情當然係非常非常感動同開心！新手上任，有啲手忙腳亂，所以請容許大家畀少少時間我，過兩日等我安定下來，先同大家分享我嘅喜悅！」好友張衞健昨在電話說：「我老婆（張茜）特登喺北京返嚟陪佢老婆生仔，阿康仲自己剪臍帶㖭，見到佢戴住手術帽、着手術衫、揸住把鉸剪，真係《妙手仁心》上身。」問阿公有否感動到喊？健仔笑說：「咁又冇喊，我感動到喊，BIG FOUR終於有後。BB手長腳長樣似老母，我即刻放心晒嘞，似阿媽咁咪靚仔。老婆話入產房前，阿公舉手投足依然係架勢，但生完揸住BB手指即刻溫柔晒，我好戥康媽抱孫開心。」另外，曾因三千元侮辱價被阿公數臭的「天下第一關」鄭紹康，昨晚在中環出席Gucci活動表示：「已經託朋友問候佢太太，做完活動等我send個message恭喜佢啦，生BB係開心事，都值得開心嘅。」會否送禮物？他說：「知有朋友夾緊，夾到點解唔夾呢？」是否還嬲？他說：「冇諗呢啲啦，都新一年向前望。」會否致電阿公恭喜以破冰？他支吾說：「呢啲緣份嚟嘅。」
■徐濠縈昨晚出席Gucci活動時，笑談蘇永康榮升爸爸，BIG FOUR終添丁。
■Wyman戥蘇永康開心，自言感動到想喊。
Wyman改名被拒
同場的黃偉文（Wyman）戥阿公開心，他透露看過BB相，覺得頭大似爸爸，體重約6磅多，晚上9時許出世，更自爆幫BB改英文名Kelab，但被蘇媽媽拒絕了，他眼濕濕說：「冇得改名都會錫BB，知道佢母子平安真係想喊。」徐濠縈則說：「恭喜蘇家BIG FOUR添丁，第一個男『袋』，祝BB健健康康快樂成長。」採訪：盧妹、羅慧敏攝影：仇志德
來源:
http://hk.apple.nextmedia.com/entertainment/art/20170322/19965705
【背後女人】梁家輝陷低潮老婆扶持
1 :
GS(14)@2017-03-23 06:51:13【江嘉年甘願捱苦】
有一種愛情叫劉德華和朱麗倩！成功男人背後總有一個偉大女人，影帝梁家輝在事業低谷時遇到江嘉年，甘願陪他捱苦。
江嘉年甘願捱苦
83年梁家輝憑《垂簾聽政》獲金像影帝，因電影政治意識被連累封殺，曾窮到剩8千元，女友江嘉年不嫌棄，兩人拍拖半年即閃婚，現育有兩女幸福滿瀉。
羅美薇全職湊女
拍電影《開心少女組》成名的羅美薇，與學友拍拖後淡出娛樂圈，96年在英國結婚，羅美薇專心助學友發展事業，早年為他設計歌衫及打理公司，現全職湊兩女。
Lorraine隱形女友
20多年前基仔加入樂壇，跟助手Lorraine日久生情，多年來女方默默做隱形女友，基仔曾為事業密冚戀情，大前年兩人結束20年愛情長跑，Lorraine榮升古太。
郭藹明負責理財
身為港姐冠軍又有碩士銜頭的郭藹明，98年嫁給青雲後逐漸隱退，全職幫老公理財，前年青雲獲金像影帝，在台上發表太空船宣言冧老婆。
來源:
http://hk.apple.nextmedia.com/entertainment/art/20170323/19966845
張繼聰讚初生女叻老婆Kay停工冇時限
1 :
GS(14)@2017-03-24 17:08:00■張繼聰昨在Ig分享再做人父的喜悅，囡囡張靖十分可愛。
現年40歲的謝安琪（Kay）昨午3時許在沙田仁安醫院剖腹誕女，小公主重7磅半，取名張靖，英文名叫Karina，再為人父的張繼聰於傍晚5時在醫院外向傳媒報喜，大派曲奇餅，他開心說：「多謝大家祝福，我都好似經歷新階段，BB喺3點幾出世，7磅半，開刀。」
好亂驚會喊
張繼聰自嘲9年前兒子出世時，自己似飲醉酒講好多次多謝：「今次坐開少少，都差啲撞到儀器，好感動，囡囡好叻，好快出世，好大聲喊，自己有剪臍帶。我同太太都好開心感動，自己keep住硬漢啲，感覺太太好偉大，見到過程好肉赤，兩個夠晒數，除非科學發展到男人可以代生。」他透露太太已餵第一次的母乳，自己抱着囡囡時被捉着手指：「我同太太傾偈，佢望住我喊，其實自己要小心處理，唔會錫晒個女，唔會唔理老婆。太太生完好攰，自己呢刻都係好亂，如果早半個鐘落嚟驚講講吓會喊。」講到囡囡取名張靖，張繼聰說：「我由細到大好鍾意呢個字，太太都係，好恬靜，英文名本來諗咗，點知有晚發夢小妹妹話要同媽咪一樣K字頭叫Karina，嗰時未知仔定女，好似囡囡報夢自己揀。」有報道指Kay今次生完就結紮，但後來又打消計劃想再追，他否認：「從來冇呢個打算，覺得兩個夠晒數。」
■再做人父的張繼聰昨日宣佈囡囡已出世，又向傳媒派曲奇餅。
■謝安琪為9歲的兒子張瞻添了一位小妹妹。資料圖片
?囡囡瞓覺
問到Kay是否停工三年？他說：「冇諗過幾時復工，見佢望囡囡眼神，一兩年走唔甩。」昨晚張繼聰在Instagram貼抱着囡囡的照片，Karina在父親懷中熟睡，非常可愛。麥浚龍對於契女出世，他開心說：「等Kay坐完月先去探佢同BB。」採訪：張俊銘、盧妹攝影：畢紹基、徐錦池
來源:
http://hk.apple.nextmedia.com/entertainment/art/20170324/19967780
Next Page