TVB新聞部女神蔡雪瑩、高芳婷將離職
1 :
GS(14)@2014-10-18 23:06:17
昨日忽然網傳被高登仔封為「TVB新聞部女神」嘅蔡雪瑩及無綫互動新聞台主播高芳婷離職嘅消息，更盛傳兩女是「被辭職」。前日蔡雪瑩及高芳婷亦有在《一群無綫新聞部記者公開信》聯署聲援，針對新聞部管理層於十月十五日，對有關警方在龍和道清場新聞的處理，一眾同表遺憾，亦對管理層對原來之報道不信任，感極度不安，聯署後，網傳離職嘅消息，難免令網民推測與此事有關。不過，網上消息指，高芳婷9月時已傳不續約，將於11月底離職。據知情人士透露，高芳婷及蔡雪瑩因為不滿被同事搞更表，才提出離職，相信與聯署聲援一事無關。
來源:
http://hk.apple.nextmedia.com/entertainment/art/20141018/18904155
蔡雪瑩唔撐陳珍妮
1 :
GS(14)@2015-07-23 01:43:47無綫前主播蔡雪瑩、唐文龍等，前晚在灣仔書展出席夏雪著作《咖啡杯的絮語》簽書會，蔡雪瑩在夏雪新書中分享生活經驗同主播經歷。對於舊同事陳珍妮在《TVB新聞部血淚史》中大爆料，自稱經常被欺負，又被高層針對髮型服飾等，蔡雪瑩強調沒有相同經歷，亦沒看過該書僅從媒體報道中略知一點內容。問到書中內容是否真實？蔡雪瑩遲疑地說：「點講好呢？我諗佢係寫緊個人感受。離開TVB之後同佢冇見面，但都有喺facebook聯絡。」她強調任職4年半以來，不覺公司偏心。採訪：卓寶花攝影：陳慧安
來源:
http://hk.apple.nextmedia.com/entertainment/art/20150719/19224476
黃雪瑩睹警鳴槍匿後巷避難阿詩關注旺角黑夜轟特首
1 :
GS(14)@2016-02-10 14:18:35■何韻詩十分關注前晚在旺角發生的警民騷亂事件，整晚沒有睡眠。資料圖片
電影《十年》預視香港政府會以更暴力方式，去處理社會矛盾。可是不用等十年，前晚大年初一，旺角便上演一場歷時7小時的騷亂，事緣警方阻止小販新年擺檔，結果引發衝突。旺角黑夜燃燒過後，警方、示威者甚至現場採訪記者均有多人受傷。其中僆模黃雪瑩（Suki）就在facebook留言，講述自己親身在旺角目擊警察向天鳴槍的經過，她昨日接受本報訪問時說：「其實當時冇話好驚，只係因為自己整到腳要撐枴杖，所以遇到呢個情況時就匿咗喺後巷。」全港市民都密切關注事態發展，娛圈中人也對事件紛紛表態。其中整夜未眠的何韻詩就一直在fb留言貼文跟進，特首梁振英昨日發言指摘暴民行為並表示遺憾後，阿詩即狂轟梁振英才是民憤的始作俑者：「噚晚見到騷亂，最開心嗰個一定係你。上場後一直用最無賴強硬卑鄙手段去處理香港人嘅所有不滿，冇商量冇餘地，十問九唔理，逼到大家埋牆角，繼續用政策同各種手段強姦香港市民，仲想大家笑住多謝你？香港人呢兩年都對你相當克制。正所謂官逼民反，一切都係因為你而起。」
■梁振英昨日發言後，何韻詩隨即在fb留言指摘他。
■黃雪瑩表示目擊鳴槍經過，但因腳傷而匿在後巷。
河國榮被網民鬧爆
河國榮在fb最初以「暴動」來形容事件，更指戴口罩掩飾自己的身份，不會是好人。他此言一出，有網民指他是偽香港人，結果他再三編輯fb狀況，最後甚至將這個post刪了。至於前晚4時仍未睡的周柏豪更可謂「躺着中槍」，他在Instagram自拍一張黑白相，寫上「Goodnight」，結果遭網民圍插。一小時後，他在Ig上載了一張全黑照片，並寫上「可怕」兩個字，卻仍然未能平息網民怒火。黃夏蕙則在fb斥責示威者向記者施襲，事後記者致電給她，夏蕙姨強調：「以暴力平息事件，雙方（警察和示威者）都有唔啱！」採訪：王梓嫚、比華利
來源:
http://hk.apple.nextmedia.com/entertainment/art/20160210/19485353
馮仁昭四圍超：收3卡鑽戒訂婚蔡雪瑩做猴年新娘
1 :
GS(14)@2016-02-16 08:11:07■蔡雪瑩喺Ig貼相宣佈結婚，見到佢手上嘅3卡求婚鑽戒好耀眼。互聯網圖片
有高登「至索主播」稱號嘅無綫前新聞小花蔡雪瑩，以及宅男女神黃美棋喺情人節齊齊「封盤」，雪瑩BB同上市公司太子爺朱威霖（William）訂婚，美棋BB就公開承認同有線主持鍾健威（Ray）嘅戀情，對唔少宅男嚟講，呢一個情人節肯定雪上加霜！
■William食住燭光晚餐，以鮮花鑽戒抱得美人歸。
雪瑩BB同William拍拖未夠一年，但William就好心急咁同雪瑩BB求婚，以3卡鑽戒同鮮花攻勢打動女友下嫁。前晚雪瑩BB同男友喺尖沙嘴半島酒店食西餐慶祝，其間佢喺facebook上載戴住3卡巨鑽嘅拖手相，仲有張雪瑩BB攞住鮮花同男友合照相，笑住留言話男友會愛佢一世，冇耐雪瑩BB仲喺Ig貼相宣佈訂婚。馮仁昭噚日打畀雪瑩BB恭喜佢，問到男友求婚過程，佢話：「都係嗰啲行嘢啦！我哋食西餐，食食吓佢話：『其實有啲嘢想同你講……』之後求婚。」咁幾時結婚？佢話：「應該今年會擺酒！」求婚戒指係咪3卡？雪瑩BB就話唔知：「我哋好認定對方，佢問我如果汽水蓋嫁唔嫁？我話我都會嫁嘅！」撰文：馮仁昭
來源:
http://hk.apple.nextmedia.com/entertainment/art/20160216/19492301
4月擺酒喜事成雙蔡雪瑩奉子嫁有米男友
1 :
GS(14)@2016-02-18 00:37:07■被爆陀猴B的蔡雪瑩，三個月前為好友做姊妹時已見肚凸凸。互聯網圖片
踏入猴年喜事連連，繼韓國女神全智賢年初三一索得男，及盛傳名模Mandy Lieu為太陽娛樂文化老闆周焯華（洗米華）懷有四個月猴B後，曾經被高登仔喻為「至索主播」的無綫前新聞小花蔡雪瑩，將於今年結婚之餘原來更盛傳懷有猴B，猴年雙喜臨門！現年28歲的蔡雪瑩，大前日情人節當晚與上市公司太子爺男友朱威霖（William）到尖沙嘴半島酒店享受浪漫二人世界，獲男友送上三卡鑽戒及鮮花求婚，冧得雪瑩BB答應求婚。不過，昨日有讀者報料，指蔡雪瑩因為有BB才結婚，而且還訂了今年4月26日擺酒。
■蔡雪瑩在情人節於fb展示與男友Willam合照及其送贈的三卡求婚戒指（圖）。資料圖片
■William（中）父親朱銘泉（右一）不但是集團主席，更是全國政協，身家顯赫。資料圖片
「希望保持低調」
記者昨日致電向雪瑩BB求證是否有喜，她似乎有點驚訝的反問：「係咩？」再追問是否有喜，她沒承認但亦沒否認，只笑說：「冇回應冇回應。」記者指她今次是雙喜臨門，雪瑩BB仍是同一句：「冇回應冇回應！」至於是否今年4月26日擺酒，雪瑩BB說：「我問一問男朋友先，問吓佢點回應，我都唔可以自己一個人決定點答㗎嘛。」未過門已經事事以「未來老公」為先！不過，之後雪瑩再透過WhatsApp回覆，對於是否懷孕及4月擺酒結婚，她表示：「我哋希望保持低調，冇回應啦，多謝你哋關心。」至昨晚再有讀者報料，指蔡雪瑩結婚日期其實是4月24日。採訪：魯吉
來源:
http://hk.apple.nextmedia.com/entertainment/art/20160217/19493624
待嫁蔡雪瑩 圓潤孕味濃
1 :
GS(14)@2016-03-13 02:40:25■無綫前主播蔡雪瑩昨出席活動，明顯腰肢圓潤。
曾被高登仔喻為「至索主播」的28歲無綫前新聞小花蔡雪瑩，早前被爆下月嫁給上市公司太子爺男友朱威霖，男方在情人節以送上3卡鑽戒及鮮花求婚，冧得蔡雪瑩即時答應。
■上月蔡雪瑩獲太子爺男友以3卡鑽戒求婚。資料圖片
有傳蔡雪瑩奉子成婚，昨日她與劉心悠和張智霖在柴灣拍攝廣告，穿3吋高踭鞋的她獲工作人員扶住出場，蔡雪瑩穿上貼身裙，腰肢明顯有點圓潤，而且腳有些腫，被問是否行得太多？她說：「係啩。」問到是否有喜？她避忌說：「唔好講住。」再追問是否未夠3個月怕BB小器？蔡雪瑩說：「總之有好消息話你哋知啦！」她又解釋之前去旅行食得太多，肥了幾磅，對於有傳她的婚期定於下月24日，蔡雪瑩仍守口如瓶：「係籌備緊婚禮，應該係今年嘅事，但日子未定，book邊間酒店都唔知，因為唔係我搞。」另外，張智霖透露早前愛駒「愛將」因腳傷被退役，卻於返澳洲後奇蹟痊癒，並多次贏出比賽。採訪：王連連攝影：陳俊強
來源:
http://hk.apple.nextmedia.com/entertainment/art/20160312/19526321
蔡雪瑩B仔「大大嚿」
1 :
GS(14)@2016-05-08 02:56:19蔡雪瑩和謝婷婷昨日到中環出席Max Mara限量紀念版手袋宣傳活動，懷有五個半月身孕的蔡雪瑩穿上高踭鞋現身，問到有否為囝囝改名？她說：「未改名呀，但係我幫佢改咗個乳名叫『大大嚿』，檢查嗰陣見到佢腰大、頭大、腳長，出世應該好大嚿。」她又透露現時體重達到高峯59kg並說：「而家好好胃口，小朋友好乖，我又冇乜點嘔，重咗10kg，真係大件事，感覺自己好重，行幾層樓梯都氣喘。」婷婷坦言家中有大量手袋和鞋，每年會將物品捐出作慈善，又或轉贈給加拿大的好友，婷婷突然散發母愛地說：「第日有個女都想留番畀個女，好似媽咪送畀我嘅嘢咁。」採訪：卓寶花攝影：陳慧安
來源:
http://hk.apple.nextmedia.com/entertainment/art/20160507/19601245
主持ViuTV《歐遊全細界》蔡雪瑩跳脫追夢
1 :
GS(14)@2016-05-21 13:13:37■蔡雪瑩離開主播崗位，化身準媽媽及ViuTV節目《歐遊全細界》主持，在鏡頭前回復活潑個性實現夢想。攝影：陳慧安
【ViuTV專訪】繼《跟住矛盾去旅行》後，ViuTV全新旅遊節目《歐遊全細界》找來前年除下新聞主播光環的蔡雪瑩，與陳子豐到訪7個歐洲小國。蔡雪瑩實現了在鏡頭前跳脫表現的夢想，不過她卻大呻後悔，忍不住說：「點解露出真我！」陳子豐大讚拍檔說：「我哋公司都係實況娛樂，其實除咗去廁所之外，所有嘢都畀你睇晒！」撰文：何慧斯蔡雪瑩現懷有5個半月身孕，她和陳子豐主持的ViuTV節目《歐遊全細界》今晚10時半首播，兩人日前在柴灣接受本報訪問，重提拍攝時的旅遊點滴，仍然密密傾密密笑：「我哋今次係20日去7個國家拍攝，但係其實如果計埋我哋留咗腳毛嘅地方，直頭有十幾個，淨係內陸機都坐咗5次，就算坐車都要喺凌晨出發。」今趟過程趕急，不過提到旅遊模式，蔡雪瑩笑說：「我哋去咗7個地方，我就做咗6次有錢人，試過連啲工作人員未玩都認定子豐係輸家，搞到子豐都忍唔住投訴！」子豐續說：「10蚊歐元（約88港元）真係好難用，只係夠用嚟坐晒車，變咗我食飯嗰陣都會黐住佢哋，食佢哋跟餐啲麵包充飢。」接着蔡雪瑩又說：「佢仲試過喺盧森堡一間中國餐廳幫手洗碗先可以有飯食，搞到啲老闆以為啲亞洲女仔成日都糟質啲男人。」可惜他們很少會去到旅遊區，商舖早早關門，大部份金錢都花在食物上。
■陳子豐跟蔡雪瑩合拍，回憶一年前旅遊趣事相當開心。
今晚10時半首播【盧森堡】■蔡雪瑩與陳子豐暢遊歐洲7小國，體驗當地生活。
■蔡雪瑩展露真我，身旁的陳子豐亦受感染。
同住青年旅社
提到行程難忘經歷，原來三男三女拍攝隊曾入住青年旅社睡上下格床，蔡雪瑩笑說：「有朝早起身化妝見到洗手盆全部都係鬚，跟住咪叫佢哋要檢點啲，點知有個攝影師好快自首，不過佢又話試過喺洗手盆見到一條完整嘅假眼睫毛。子豐知道自己鼻鼾聲好大，佢通常會等我哋瞓晒先再上床，真係好有公德心！」子豐搞笑地說：「其實除咗去廁所之外，所有嘢都畀你睇晒！」曾經是新聞主播的蔡雪瑩，參與過不少主持工作，今次是首次主持旅遊節目，她笑說：「嗰陣做啲節目好資料性，好正經又斯文，但係今次唔係，有好多地方都係未開發，唔單止令我體驗自然環境，仲實現咗我喺鏡頭前好跳脫嘅夢想，但係我而家好後悔，點解露出真我！」子豐亦說：「出發前只係見過一次，點知佢一落機就咁樣，佢仲係一個好捱得嘅女仔，搞到我上咗癮同其他主播做節目。」至於會否希望繼續合作？蔡雪瑩笑說：「本來同監製講咗，下次再做記得預埋我，但係我而家又有個囝囝，未必可以行到咁耐。」服裝： Weekend Max Mara（蔡雪瑩）
來源:
http://hk.apple.nextmedia.com/entertainment/art/20160518/19615933
蔡雪瑩重視有車階級
1 :
GS(14)@2016-06-01 11:37:02蔡雪瑩和陳子豐為ViuTV主持旅遊節目《歐遊全細界》，以窮富遊方式遊遍歐洲小國，並透過旅程令觀眾反思快樂的真正含意。他倆每到一個國家，即會以小比賽決定以窮或富遊方式體驗當地生活。於最近一集的摩納哥之旅，子豐終可一嚐富遊滋味，而雪瑩只有一天10歐元（約86港元）的旅費。二人到了摩納哥親王古董車博物館欣賞珍貴名車，雪瑩毫不掩飾對名車的熱愛，更坦言即使男士有大肚腩，但只要擁有跑車亦會加分。而他倆到摩納哥親王宮觀賞衞兵交接儀式時，子豐笑言觀察到有衞兵偷看雪瑩，即取笑「雪瑩娘娘」收兵收到摩納哥。撰文：陳以晴
來源:
http://hk.apple.nextmedia.com/entertainment/art/20160601/19635597
至索前主播報喜 蔡雪瑩誕7.2磅B仔 母子齊喊
1 :
GS(14)@2016-08-19 06:55:48■蔡雪瑩承認想再追囡囡，但會待囝囝長大一點再計劃。
恭喜添丁！現年29歲的前新聞小花蔡雪瑩（Snowy），在無綫新聞部時曾有「至索主播」之稱。今年4月嫁給全國政協朱銘泉兒子、上市公司太子爺朱威霖（William），在灣仔君悅酒店筵開70席，當日Snowy已自爆陀B仔5個月，轉眼間B仔已於昨日出世。從Snowy公開的BB相，可以看出屬鼻大唇厚的得意B，眼仔睩睩十分可愛，Snowy表示全家上下都一早到醫院等見B仔，大家都好開心。
Snowy昨日接受《蘋果》訪問表示：「全部人都到齊呀，嫲嫲、爺爺同婆婆都嚟晒見孫仔。」她又說：「囝囝朝早差唔多八點出世，重3.3kg（約7.2磅），俾醫生之前預計輕咗啲，但係好健康呀！」
■B仔出世重7.2磅，眼仔睩睩十分可愛。
■蔡雪瑩今年嫁上市公司太子爺朱威霖，昨日一索得男生了個男B。資料圖片
餵母乳增免疫力
剛升呢做人母，Snowy透露產前一晚心情好緊張，昨日麻醉藥過後，傷口開始隱隱作痛，但她和老公心情都好興奮，她說：「我今次係開刀生，老公有陪產，我一聽到阿仔喊，已經流晒眼淚，醫生抱BB畀我哋睇，佢就即刻唔喊喇，仲好搞笑喺度玩口水。」笑問她「卸貨」後是否感覺輕鬆了？她笑謂：「我有偷偷地摸吓個肚呀，真係扁咗，好開心呀！」問她覺得囝囝似自己還是老公？Snowy指助產士說BB跟老公如餅印，她自己就未看清楚。此外，Snowy透露她會以母乳餵哺囝囝，希望餵半年，令囝囝免疫力會更好。至於囝囝是否已改名？她表示：「未改，呢啲咁重要嘅嘢等長輩去改，但都有少少概念，希望個名比較氣宇軒昂啲，大佬啲嘅名，因為始終係大哥哥，英文名等改咗中文名先諗吓，有冇啲差唔多音，不過近排興Pokémon GO，老公就成日講笑話叫佢Peka。」採訪：小米
來源:
http://hk.apple.nextmedia.com/entertainment/art/20160819/19741682
Next Page