【搵銀初哥】香港人啊！如果你改不了這三件事，就不要創業了
1 :
GS(14)@2016-11-13 11:28:42盧炳棠（Tommie）創辦的Speaking Textbook，以及蔡健瑋（Harry）創立的iStyleup，今年同為Google EYE創業計劃六強之一，早前更前赴東南亞初創重鎮之一新加坡，與當地創業加速器及初創企業進行交流。事實上，今年為Google第三年推出EYE年輕創業家計劃。香港矢志創業人士，一般都滿腔熱血，不過，熱血背後亦有不少通病。
EYE年輕創業家計劃項目總監何兆倫（SL）列出三大點，分別是：死不認錯；講就天下無敵，做產品原型（Prototype）則拖得就拖；演講技巧要大大改善。當然，批評過後，SL亦會提供少少建議，要知道，不能懶，還是去片吧！記者：倪敏慧攝影：陳家文（新加坡、香港部分）、馮鋒（香港部分）編導、剪接：陳家文
來源:
http://hk.apple.nextmedia.com/financeestate/art/20161113/19832291
財女手筆：如果有1,000萬，買唔買香港樓？
1 :
GS(14)@2017-08-02 05:56:10香港地遍地富豪，根據花旗銀行早前公佈的「香港千萬富翁調查報告2016」，香港擁有1,000萬或以上流動資產的千萬富翁有成5.9萬人，真係一個招牌跌落嚟都死幾個。無他，香港樓市近10年升完又升，普普通通一個200呎劏房都可以賣成千萬，你話千萬富翁唔多都冇人信。之不過咁，有人辭官歸故里，亦有人漏夜趕科場；有人賣樓套現，有亦人高價追貨。如果你有1,000萬，仲買唔買香港樓好?依家就幫你好簡單咁計吓數，有1,000萬，假設唔買香港樓走去移民其他國家，你可以做啲咩?用加拿大呢個香港人熱門移民嘅國家做例子，同移咗民成10年嘅親戚打探下，哇！不得了！原來?家喺溫哥華買間2,000呎既House（兩層有車庫果啲啊Baby）只係50萬加紙，折合300萬港紙！！！樓齡係舊少少，離市區遠少少，仲有成20年樓齡，不過裏面裝修都幾新，已經好過好多香港偽豪宅啦。喺加拿大住，用咗300萬買咗間屋，淨番700萬，咁未有工返都要生活㗎，唔緊要，瞌埋眼，現價痾煙5號仔匯豐，每年收息接近35萬港紙，計番都有成3萬蚊一個月，唔大使都夠喺加拿大印印腳唔使做啦。不過，你要首先可以移民加拿大同有1,000萬先有價講。再望番轉頭，用1,000萬係香港買個劏房，你預樓價可以升多倍，double再double嘅當然就咩都唔好諗掃港樓啦。哈哈。
Melody
http://www.facebook.com/whichroad本欄逢周三刊出
來源:
http://hk.apple.nextmedia.com/financeestate/art/20170802/20108823
【動搞作街頭調查】如果有得揀你想女朋友做咩職業
1 :
GS(14)@2017-08-04 06:11:38黃先生指最希望女友的工作不用接觸到異性，因為這樣可以減低自己戴帽的機會。
講親女朋友職業，世人都會覺得，男士們一定係想搵個空姐、護士做女友，但其實男士們又係咪真係咁諗先？不如一齊出去問下啦！
TOM：「理想職業啊？教師啦！因為感覺偏向斯文少少。」
Kelvin：「女朋友職業，獸醫、護士啦，嗰啲職業感覺上溫柔啲！」阿風：「護士，因為俾人白衣天使嘅感覺。」
Lam：「社工啦，因為幫到人嘛！」
Billy：「我想個女朋友嘅職業係我嘅家庭主婦囉！」
Marco：「個職業咪就係我老婆囉！」
Billy：「其實我唔係幾鍾意女朋友做嘢，因為梗係想霸住個女朋友啦，如果女朋友出去做野，就梗會接觸到好多唔同嘅人，所以最好係可以令佢唔駛做嘢。」
Nelson：「護士囉，好似溫柔啲咁。」黎先生：「可能做下藝術，作下曲呀、玩音樂呀、畫下畫呀咁樣，搵啲同自己興趣相近嘅人。」粱先生：「空姐丫，空姐好吸引，因為見親啲空姐都好靚。」黃先生：「女朋友做咩職業？其實做唔緊要，但個職業要少接觸男性嘅，因為咁唔會出軌，最緊要唔好俾自己有帽戴！」郭先生：「同藝術有關，因為自己本身都係玩藝術，所以想第時女朋友性格相近啲。自己都會怕藝術家搵唔到錢，但係有時你鍾意一樣嘢，錢唔係最緊要。」
Billy（左）跟 Marco均表示最希望女朋友做的工作，就是自己的老婆。
同叫Billy的他，亦霸氣表示希望能讓女友不用工作，這便可獨佔對方。
梁先生指最希望有個空姐女友。
最多男士表示希望有個護士女友，因為貪佢夠溫柔。
來源:
http://hk.apple.nextmedia.com/entertainment/art/20170803/20110557
【動搞作街頭調查】如果有得揀你想男朋友做咩職業
1 :
GS(14)@2017-08-04 06:11:51何小姐笑指自己是名拜金女，信奉「錢就是萬能」這理論，故她希望男友是位金融才俊。
問完啲男仔希望女朋友做咩工作之後，就梗係要問埋女仔想個男朋友打咩工啦！須知道一份好嘅職業，追起女仔上嚟，點都有正面嘅幫助嘅（好似係）！馮小姐：「佢想做咩就做咩，最好係大家嘅放工時間都差唔多，咁會有多啲機會見面。搵錢方面最好多過我少少，因為自己能力都唔係好高，所以如果佢高過我嘅話，我哋相處起嚟，財政方面會無咁吃力。總之佢專注做佢鍾意嘅嘢就好吸引！」陳小姐：「最希望佢同我做返同一樣Creative嘅工作，咁樣大家諗嘢會差唔多，因為我唔鍾意太悶嘅人，唔會介意佢搵得多定少，鍾意就得。」
Charis：「時裝設計師，因為佢會有自己嘅諗法，唔會隨波逐流。」
Tracy：「長工囉，醫生嗰啲。」麥小姐：「公務員啦，夠穩定！」陳小姐：「工程師！因為有錢囉！」何小姐：「會計師，因為數口精，佢幫我計埋就仲好！」王小姐：「律師，因為我都想做律師。」梁小姐：「救護丫，因為好有使命感。」何小姐：「梗係金融才俊啦！錢就是萬能！」
Yuki：「我覺得無得話想人哋做咩職業，自己條路係自己揀去行，唔可以由人哋決定你條路。」
Charis希望男友是名時裝設計師，因為她覺得時裝設計師是有自己的想法，不會隨波逐流。
馮小姐指希望男友的放工時間跟自己相近，這樣二人便有多點機會見面。
陳小姐坦言不介意男友的收入是多或少，只要是自己喜歡的男生便可。
來源:
http://hk.apple.nextmedia.com/entertainment/art/20170803/20110559
地產潮文：如果我是地產商
1 :
GS(14)@2017-10-09 03:39:13剛過去的城市論壇，探討共享房屋與貨櫃屋的可行性，尹兆堅一針見血地說：「香港的房屋問題，已經去到一個危機的臨界點……」，講者都認為租金不應超越入息的25%。受制於單位數目太少，縱使陳宇明的質詢再漂亮，似乎亦難以改變這個危機，無助解決問題。最近有地產商研究推出協助大學畢業生的首置計劃，重點將包括：首期低至數十萬、息率貼近市場、攤長供款期、地產商代繳印花稅等，網上反應普遍負面，有聲音質疑這是置業陷阱，即使樓市不逆轉亦要供到退休，認為地產商調低售價更實際。如果我是地產商，會用過去5年除稅後溢利總和的最少10%成立社會企業，透過購入現成單位及撥出部份地皮，建造居住環境合理的共享房屋或低成本房屋，讓居於劏房或正在輪候公屋等有需要人士，以低於市值五分一的租金租住，不濫收額外開支。不少本港年輕人大嘆置業難，首期配對補助金計劃可以協助他們上車。如果我是地產商，會撥出部份適合年輕人居住的物業以供選購。買家每支付一元訂金，地產商則配對一元補助金的等額方式直接繳付樓價，補助金上限為100萬元。此外，有關單位亦會獲得擔保，確保買家能夠向銀行以合理按揭息率，承造最長30年的高成數按揭。如果我是地產商，只要有關成本屬可控範圍，基本上也會回饋市民，皆因口碑會帶來長遠利潤和商譽，你看看某些龍頭發展商就知道。
地產小子
http://www.propertykids.blogspot.hk本欄逢周四刊出
來源:
http://hk.apple.nextmedia.com/financeestate/art/20170928/20166733
【毒果農】如果六月飛霜 灣仔審「戚秦氏案」…
1 :
GS(14)@2017-12-10 23:53:14近日社交平台突然出現不少於電影、動畫情節出現過的奇怪活動。(互聯網截圖)
全新旅遊專頁，即like籽想旅行：
https://fb.com/travel.appleseed近日社交平台突然出現不少於電影、動畫情節出現過的奇怪活動，例如有《賭俠》的「慈善撲克王大賽」、《大時代》的「大奇蹟日」等等，而且其中所設定的時間地點亦見心思，例如在電影《九品芝麻官》情節內「戚秦氏命案」開審後「六月飛霜」，故日期設定於六月，而地點就設於香港區域法院舉行，跟電影情節相近，雖然這些活動大多只是玩笑性質，但這些活動在香港真的可行嗎？如果當真的發生在香港，這些活動又演變成怎樣呢？
而且活動設定的時間地點更跟電影情節相近。(互聯網截圖)
其實在現今充滿問題的香港，這些活動或許只能留於玩笑程度，百忙的香港學生有時間休息已經要感恩，何來抽空仿傚卡通角色用四驅車征服世界；在這大財團壟斷的社區，又何來空間容納懷舊的士多──中國古拳法的基地，不過慶幸的是，在現今香港還可隱約見到「戚秦氏命案」點點的影子吧？（曲）製作：怪奇
來源:
https://hk.lifestyle.appledaily. ... e/20171207/20237088
國策透視：如果阿里回港上市
1 :
GS(14)@2018-01-08 00:28:46港交所（388）上周五建議設立創新板，意圖解決「同股不同權」問題，並允許已在美國上市的新經濟公司香港第二上市，主要是針對曾在香港上市被拒的阿里巴巴回巢。阿里巴巴目前市值相等騰訊（700），再加上京東、百度等重磅股，小米、螞蟻金服等等待上市的「獨角獸」公司，如果能來港上市，港股市值將大為增加，港交所的估值難以估頂。中國目前的新經濟股，幾乎全部在海外上市。其中一個重要原因是，中證監歷任主席都是銀行系統出身，當局的想法只是希望股市作為一塊試驗田，為國企提供融資，如有動盪不要影響金融體系，這種想法一直未變。在中證監保守心態下，新經濟股的一些技術問題，包括VIE、海外註冊、同股不同權、盈利測試等，當局不會去試圖解決。導致這些股份上A股遙遙無期，只能赴美上市。但長期如此，又成何體統？新經濟股執掌未來經濟牛耳，尤其持有影響未來最大的人工智能技術，如果全部在美國上市，中央也面目無光。在此情況下，還算是中國主場的港股，成為一個妥協的選擇。港交所的新搞作，背後有阿爺手影，日後這些新經濟股，也很可能被「勸說」來港上市。黃尹華
http://fb.com/decodepolicy本欄逢周二、四刊出
來源:
https://hk.finance.appledaily.co ... e/20171219/20249434
七級偽術：如果我幫政府做公關
1 :
GS(14)@2018-01-22 05:52:42事件發酵已逾兩周，似乎「雙鄭」此刻淨係諗住扮時運高，睇唔到仍然海量湧出的負面評論，同時爭取時間清理僭建遺痕，博負評早日die down，然後鄭若驊可以漸漸「進入角色」，唔覺唔覺就做番為香港維持法治的律政司司長。有冇咁順利？有冇咁簡單？就算劇情如願發展，揹住件蝕本貨，係咪對政府最好？首先，我會問林鄭當唔當自己係政治家，定係仲把自己定位為能吏。如屬前者，諗都唔使諗，應九秒九糾正之前盲撐鄭女士的重大政治錯誤，下手且要快狠準，出盡八寶，不惜親自下令找出鄭女士事前知情或事後隱瞞的鐵證，使橫手交予傳媒，並以之作為轉軚的下台階，以便盡快合情合理一腳把負資產送走，重拾所謂「開局好」的良好感覺。錯就梗係要認啦，記住，止蝕總好過越踩越泥足深陷。其實真係唔係講笑，邊個話你知反對勢力並不掌握上述黑材料，你唔採取主動，人哋先出你就會變被動。今天人家忍手，可能只是引蛇出洞，可能只係時辰未到，我係敵人都會等到關鍵一刻才出原子彈啦，此時此刻的寧靜，只可視作暴風雨前夕。何況即使目前鐵證並未出現，並不代表不會隨時出現。上手業主任何一個前員工、任何一個有份裝修的工人、屋苑的物管伙計……you name it，總之個個都隨時可正義上身站出來指證你。你的防線有幾穩，會否一朝露底，自己應心知肚明。難搵人補上，我知，但真係難唔過要市民相信這僅是「因公忘私」的無心之失，更加難唔過說服公眾知法犯法（仲要死口唔認）的人適合當律政司司長。個個特首都話要迎難而上，你今次何不身體力行。鄭女士個人仕途最低priority，林鄭作為特首的功過，香港人會否從此對特區管治死心，你不是無動於衷吧？彭瑪莉
來源:
https://hk.finance.appledaily.co ... e/20180118/20277806
笑到最後：如果牛三點算好？
1 :
GS(14)@2018-02-28 07:41:31咪買返囉！有咩點算好？坊間有一種意見覺得，炒股票第一日睇好就要一世睇好，淡友亦要一世睇淡，所以冇持貨就唔應該買，持貨遇跌則唔可以沽。高明第一時間諗，如果上述方法應用喺樓市可能都啱，因為買賣樓宇而搵經紀、搵律師樓、落大訂、去銀行造按揭，近年亦有印花稅考慮。更重要係，每一個單位都並非完全相同嘅貨品，風水屋沽咗就冇，升咗想食糊亦無法局部獲利，一動不如一靜。但買股票唔同，㩒幾個制，好友淡友即日做晒。買賣單位亦係大部份人可承擔水平，毋須大幅槓桿先勉強上車，真正做到可以先買一格階磚，或者賣幾呎局部食糊。舊年同今年市況明顯有唔同，舊年慢牛較值得堅持睇好，今年變數較大，一、信自己不如信市場；二、牛三最終只有一個目的，就係散水。2月大調整最後好彩冇事，好似有張股票喺你耳邊講：「乜你哋咁蠢架，我隨便跌吓你就信係股災。」一激之下嚟多兩次大調整都唔沽，往後次次死揸，可能成為《狼來了》翻版。所以寧願舖舖清，貫徹之前升就買返嘅睇法，即使只係買返少少，亦值得重新入場。2月情況最壞嘅時候，半新股、細價股其實唔弱，即係資金仍然肯博，只係避開會受美股波及嘅指數成份股。近期比較多人留意十年期美債息率，周五回落到2.867厘，同之前坊間預期會抽上3厘相反，呢個波動對長線應該冇啟示，但短線可能當不利因素解除，聯儲局下次議息係3月20日，加埋港股業績期，中間可能會有個安全期炒返轉。一般市況之下，股票係少數人賺大部份人嘅錢，牛三比率會更極端，不過點解仲覺得現階段要入市，就係當買保險，避免日後升至四五萬點，中間冇享受過，更喺高位先衝入場接火捧，不如趁唔算太高買啲先。即使高位受市場氣氛影響加貨，有貨底墊住都冇咁傷。高明
http://fb.com/bigricetea本欄逢周一刊出
來源:
https://hk.finance.appledaily.co ... e/20180226/20315829
Next Page