| ||||||
香港人愛磚頭，市道好唔好一樣有人買樓，不過對老外僱員嚟講，佢哋似乎對喺香港做業主冇乜興趣。滙豐向全球2155個海外僱員做調查，結果最受歡迎嘅置業地區，頭三甲都喺歐洲，倒數三甲呢？喺晒亞洲，香港雖然不入倒數三甲，但就係梗頸四（見表）！ 呢 份報告由滙控（005）旗下滙豐銀行國際做，係講「海外僱員的體驗」，比較全球14個國家或地區，睇吓外地僱員對工作地嘅睇法，除咗會唔會喺當地置業，仲 有三大範疇：有冇同當地人建立友誼（即係睇吓當地人有幾cool）、有冇加入當地社團（易唔易融入當地社會），同埋會唔會學當地語言。 倒數第四未入「三甲」 中 環人最想知嘅，自然係呢班老外員工理想置業地喺邊，原來首選係浪漫嘅法國，有六成四人已經喺法國置業；香港排第10，唔夠三成人喺香港買樓。雖然排得後， 但未係最差，仲有印度、中國內地及新加坡墊底，可惜報告純粹反映現實，冇解釋原因。華華心水清，留意到置業嘅排名榜上冇咗第11位，但就有兩個第10，邊 個同香港爭做倒數阿四呢？呢個唔係亞洲國家，而係同香港甚有淵源嘅英國！好彩香港喺另一面都有得分，有超過一半老外僱員話有加入當地社團，講嘅當然係合法 社會團體，排名僅次於第一嘅德國（65%），華華諗應該係因為香港夠國際化，多老外社團啩。香港整體排名中規中矩，簡單啲講，即係老外僱員要融入香港呢個 社會唔難，但要佢哋置業嘅話，就咪嘞！李華華[email protected] 海外僱員理想置業地區 --最受歡迎 --第1位法國（64%）第2位加拿大（55%）第3位西班牙（52%）第4位美國（－）---最不受歡迎--第14位印度（6%）第13位中國內地 （12%）第12位新加坡（24%）第10位香港/英國（28%）註：（）當地置業百分比資料來源：滙豐銀行國際 | ||||||
| ||||||
曾 特首上個禮拜先上完京述職，順便搵阿爺支持香港經濟。噚日喺21世紀亞洲金融年會上，大摩嘅大中華區首席經濟學家王慶、巴克萊資本中國研究主管彭文生，同 美林亞洲企業融資業務副總裁張玥都認為，歐美金融體系出現嚴重危機。相反，香港金融體系就保持穩定，自己搞得掂，唔使政府注資或者入股幫忙。當中以張玥對 香港最信心爆棚，大膽預期香港能夠跑贏紐約、倫敦，成為全球國際金融中心一哥！佢話，香港嘅優勢在於港人夠勤力，適應能力強。歐美金融危機，造就大量金融 人才回流香港，當然最重要係背靠祖國，喺歐美經濟衰退下，中國經濟仍能保持平穩增長，帶動對本港金融服務需求。 港深滬融合保地位 不過，內地學者長江商學院教授周春生就有保留，佢話香港首先要跟滬深兩個金融市場有良好融合，否則連保住中國金融中心地位都未必穩，仲講乜嘢做國際金融中心。佢建議香港同上海、深圳交易所股權互控，咁就大家都有利。 | ||||||
| ||||||
主 席K嘅公司嘅核數師係四大會計師行之一，之前呢間大行有人對記者講，話如果實施延長董事禁售期，佢哋可以為上市公司做快啲，縮短業績發佈期。主席K請食飯 之時同我哋講：「我同核數師合夥人好熟啫，我同佢講過有冇辦法縮短我哋集團嘅業績發佈期，佢面有難色，話要小心策劃先至得，你估真係話咁易咩！」對記者講 咪易囉，叫下屬開OT唔好返屋企都幾易啫。 肥仔K有位同學讀完會計系就入咗D行，年幾前辭職不幹，做咗警察幫辦，對肥仔K話：「I want my life back!」香港會計師行目前根本唔夠人，做多啲IPO就要壓榨員工工作時間，如果他日真係實施縮短發佈期，核數師行為咗生意，自然乜都話得，但啲夥計做 到面無人色，睡眠不足，冇時間拍拖，就完全冇人理。有埋季度報告嘅話，會計行業更係健康高危行業，醫療保險費要畀多啲。好多人盲目追求要提高公司透明度與 高效率，殊不知高透明度與高效率嘅背後代價就係會計與核數人員嘅身心健康，呢一點相信坐在電腦前寫稿批評他人嘅David Webb唔會理會嘅。 主 席K指現時上市公司董事買賣股票數量不多，港交所都話總額少於市場總成交之百分之零點七，微不足道，對股價毫無影響。加上董事買賣，申報甚嚴，倘若與股價 敏感消息有關連，一定受質疑，水洗不清，而涉及內幕交易嘅話，更會被刑事檢控，會坐監。用延長董事禁售期嚟阻止董事內幕交易，根本不合邏輯。 為 今之計，主席K認為港交所總裁周文耀提議合理，就係將季度業績報告、禁售期與縮短發佈期三者一同向市場諮詢，等各方面都有下台階，免政府難做。左丁山話， 可惜吖，周總裁對上市委員會毫無影響力，委員會內啲洋人唔聽嘅話，佢都冇符。關於季度業績呢件事，次按風暴發生後左丁山在《金融時報》評論版已睇過唔少英 美專家批評季度業績逼使啲CEO短視，董事會為短期（一季）業績而迴避長期改革。人哋睇出發佈季度業績之不良後果時，香港就話照抄，何其淺見也。 | ||||||
| ||||||
【本 報訊】恒基地產（012）主席李兆基，斥資近2000萬元，入股前稱海域化工的香港資源（2882），由於李兆基媳婦徐子淇的父親徐傳順為香港資源股東及 執行董事，故四叔李兆基今次入股香港資源被指為支持親家之舉，但執行董事許浩明表示，李兆基是看好該公司業務前景。據悉，李兆基與黃英豪家族認識多年，自 從去年10月黃英豪入主香港資源後，不到三個月，香港資源已火速夥拍在內地經營黃金與礦業的民企老闆劉旺枝入主金至尊。今次香港資源便是將配股予李兆基所 得資金，用於支付收購「金至尊」的部份代價。 涉資2000萬持股8% 消息人士稱，李兆基今次入股昋港資源是第一步，不排除李 兆基加碼的可能性。該人士續稱，李兆基不但看好金至尊業務，對香港資源擬大力發展的礦業亦有興趣。香港資源昨日公佈，將向李兆基旗下的兆基財經全資附屬利 富，以每股0.5元發行4000萬股新股，佔擴大後股本8.13%，集資淨額約1970萬元。香港資源主要在港從事買賣金鹽及電鍍化學品業務。該公司表 示，該公司大股東Perfect Ace在交易前持有51.17%權益，徐傳順則持有Perfect Ace 3.89%權益，即相當於持有香港資源約2%權益；交易完成後，Perfect Ace在香港資源的權益將攤薄至47.01%，徐傳順持有的權益亦降至1.8%。此外，金至尊（870）昨公佈，與恒豐珠寶的清盤聆訊延至5月4日進行， 許浩明稱，收購金至尊的計劃進展良好。 | ||||||
| ||||||
福 布斯公佈富豪排名榜，讀者逃不開一個赤裸裸的現實，就是世界富豪有基金經理、有電腦軟件企業家，可說包羅萬有，但香港富豪卻清一色是地產商。地價昂貴又不 只是香港獨有，是本地地產富豪特別了不起嗎？他們走出香港到內地發展地產，又不見得有明顯優勢。主流意見是，香港有今日成就，憑藉的是幾位有能之士帶動經 濟發展，以地產為首，打造有香港特色的自由經濟。他們的財富名列世界前茅，更印證香港機會處處，只要敢博肯捱，人人都可能白手興家。 少數富豪壟斷樓市 專 門研究亞洲經濟的Joe Studwell撰寫《Asian Godfathers》（亞洲教父），拒絕接受主流，提出自己的見解，認為香港經濟起飛，動力源自出口製造業的中小企。他們借助低關稅，帶動香港走向繁榮 進步，至於富豪們的角色，他認為是負面的，即是說，如果沒有了他們，經濟會走得更快更前。著作於07年在英國印製，不見有中文譯本，本地書店也找不到英文 版蹤影，卻引來西方傳媒頗大迴響，分別獲得《金融時報》和《亞洲華爾街日報》好評。香港被譽為全球最自由的經濟體，作者不以為然，認為香港對外經濟活動雖 然自由，但多個本地環節受到富豪家族壟斷，地產、貨櫃碼頭、超市、電力、巴士服務等的經濟利益，都落在少數富豪控制的集團手中，是規管和發牌制度的結果。 作者指富豪的壟斷行為除了令相關行業產品及服務價格過高，也令壟斷者懶得培訓人才、建立品牌和推動科研，因而削弱香港整體的競爭力。 削弱香港競爭能力 另 外，這本書也不乏軟性趣味，講了很多有關富豪的故事，如刻意經營所謂白手興家的傳奇，戴塑膠電子錶顯現出身寒微是其中一招；還有富豪的工作日程，可能不是 外界想像般勤力；及他們與銀行家千絲萬縷的關係等。本地有關富豪的資料多是經過自我審查，在這個環境下，這本更是難得的好書，可惜要靠老外方能細味本土故 事，是我們的悲哀。陸日勤http://penandsky.blogspot.com | ||||||
| ||||||
最近經濟變差，筆者不少朋友正在待業。他們大都是銀行投行中高層管理人員，薪金比一般打工仔高，但大部份有車、有樓，子女讀國際學校，加上金融海嘯，身家大縮水，身邊現金不多。床頭金盡，忐忑徬徨，由富入儉，難免要放下身段，怎樣調整心態？人到中年，是比較困難。 政府無意派消費券 奧 巴馬對引起今次風暴的投行高層，打擊絕不手軟，以美國的公權力，相信美國政府會使用一切「合約」以外的手段，對這群shameful（羞恥）的高層，大肆 打壓，好戲在後頭。說起shameful，是一個對特區政府很中肯的評語。面對失業率進入6%沙士後新高，周邊地方如東莞、台灣、澳門發放消費券，深圳亦 積極研究派發20億元消費券，特區政府無動於衷，依然故我。香港有1.6萬多億美元儲備，特區政府竟然殘民以自肥，弄到國富民窮。 高官拒減薪度時艱 最 shameful的是，在這裁員減薪的時候，要求曾財爺及各級司局長減薪兩成，與市民共度時艱，財爺的答案竟然是，他們的薪金佔政府支出很少部份，高官減 薪沒有很大作用，政府不應在這時候緊縮開支（即減各司局級高官人工）。這些匪夷所思的言論，使人覺得高官們麻木不仁，冷酷無情，這些「廢柴」言論，跟那些 美資大行的高層沒有兩樣。梁錦松說得好「有咁耐風流，有咁耐折墮」，香港盛世百年，現在竟要「折墮」到花數千萬養起一群「鬼卒」，果真是「禍來禍去皆自 招」。Uncle [email protected] | ||||||
| ||||||
| 上 周龔如心芳名驚見於港交所股權變動紀錄，以每股1.20元價格在場外購入1億股香港資源（2882）優先股，有關交易，是透過龔氏名下Chime Corporation進行，董事包括一向負責龔如心投資事務的副手及龔仁心等，在遺產爭奪官司近日白熱化之際，以上交易特別受到注目。香港資源於本月初 獲「四叔」李兆基旗下兆基財經以每股0.50元入股後，股價兩個交易日勁升至1.60元水平。香港資源於2月9日復牌，2月14日即趁機配股，按每股 1.30元向6名人士配售2350萬股，集資3055萬元。 主事人人脈網絡廣 據以上股權紀錄，該批優先股是於2月16日成 交，假如要集資，何以不一次過進行？不過這次配售卻不涉新股集資，而是直接向公司主席黃英豪購入。黃英豪去年8月以白武士身份入主前身為海域化工的香港資 源，重組條款之一，是他以每股0.14元買入10.7億股優先股，今次轉手每股優先股升值1.06元。以上優先股日後可按一對一比例轉換普通股，不過優先 股持有人不可早於香港資源重組復牌日期（即去年10月2日）起計1年內轉換為普通股，因此可假設以上優先股除非作私人轉讓，否則不可在今年10月2日前轉 為普通股在市場出售。四叔入股之後再引入另一著名股東，香港資源都算巴閉，亦反映公司主事人的人脈網絡殊不尋常，而要成功說服以上有頭面之投資者入股，相 信也要有足夠說服力的投資發展計劃才成事，純粹收購金至尊呢個計劃未必足夠，姑且拭目以待。歐陽風 | ||||||