傳秘撻洗米華頭馬逾月唐詩詠甩洪永城 一字一淚：我唔係貪錢
1 :
GS(14)@2017-05-19 05:27:49■唐詩詠昨於西環拍劇，回應分手時越講越激動，哭着澄清自己絕不貪錢！
33歲洪永城和36歲唐詩詠的姊弟戀告終，正當矛頭指向洪永城（Tony）不肯結婚，怎知有傳他才是被飛的受害者。有傳唐詩詠暗交澳門猛人周焯華（洗米華）愛將盧啟邦個多月，洪永城昨現身講分手認傷心，但維護舊愛絕對單身，唐詩詠昨更跟盧啟邦劃清界線，一字一淚抗辯：「我唔係貪錢嘅人！」
盛女唐詩詠與洪永城拍拖兩年半，早前女方在社交網暗示想有個家，有指洪永城不想結婚，更爆出唐詩詠被太陽世紀集團主席周焯華頭號愛將、集團執行董事盧啟邦力追。今年1月兩人在寰宇30周年晚宴碰面，盧啟邦趁機接近女神，之後更在社交網貼相向洪永城挑機：「記不起原來我有跟我多年的女神合照。」有傳兩人已暗撻個多月，上周六盧啟邦在北角遇襲，最後獲司機護主擋刀。
■盧啟邦曾公開表示唐詩詠是他的女神，盧更將合照放在Ig。
■洪永城昨在記者會上，表示自己沒有給唐詩詠足夠的安全感。
「呢段時間係艱難」
前晚唐詩詠和洪永城各自在社交網認分手，唐詩詠昨晚到西環拍劇，她談到盧啟邦時說：「我只係喺生日聚會上見過盧先生，張相係周年晚宴佢搵我合照，嗰個moment我完全唔認識佢，佢只係好普通朋友，佢喺我嘅感情生活上係完全冇關係嘅人。」之後她更激動爆喊：「點解我會變咗貪錢嘅人？點解講到我好似俾人包？我從來唔係一個貪錢嘅人，以前唔係，?家唔係，以後都唔係，喺我嘅世界愛情就係愛情。」唐詩詠更澄清與馬國明只是好朋友：「唔好再喺我嘅感情世界擺唔同人，譬如馬明，佢係好好朋友。」提到跟盧啟邦的關係時，她決絕說：「我唔想講一個同我完全冇關係嘅人，另外我同Tony一直處理我哋感情事，呢段時間對我哋係艱難，我知道食得鹹魚抵得渴，但點解我咁努力，突然好似變另一個人，好貪錢，所以我唔可以唔出聲。」
■盧啟邦是洗米華的愛將，協助管理太陽世紀集團。資料圖片
■洪永城去年帶唐詩詠去西半山睇樓，有指二人當時準備築愛巢。資料圖片
洪永城讚好好女仔
洪永城昨現身將軍澳時坦言年初醞釀分手：「唔關第三者同婚期事，性格上不一致分開，我哋深思熟慮，和平分手係最好方法。」對於傳唐詩詠暗撻盧啟邦，他才是被飛的受害者，洪永城說：「傳聞啫，但唔係，我哋冇話邊個飛邊個。佢都冇同我提過呢個人，以我所知唐詩詠係單身，相信我同佢都未咁快ready新戀情。」問唐詩詠是否一直多人追？他笑着反問：「咁大膽，拍緊拖都追佢？」至於被指不婚即分，洪永城謂曾討論結婚：「有啲可惜！我要畀多啲安全感佢，可能佢唔係好感受到。」傾談其間是否很難受？他坦言：「傷心囉，大家都會傷心。」對於有網友指他不珍惜最佳女朋友，洪永城表示：「唉！佢的確係好好女仔。」之後洪永城用普通話受訪，問到是否沒挽回餘地？他說：「如果傳媒多給點空間，可能機會比較大。」會否擔心唐詩詠馬上又拍拖？他抵死說：「看跟誰囉，最主要她開心。」而盧啟邦則以短訊回覆本報：「不是事實，冇回應。」採訪：鍾國仁、陳杰攝影：孔志豪、吳耀輝
來源:
http://hk.apple.nextmedia.com/entertainment/art/20170518/20024607
【情人節禮物】JW男友收35萬一支梅！女藝人岑詠辰拉頭馬
1 :
GS(14)@2018-02-21 06:23:33歲晚最旺馬主家族，首推化妝品連鎖店卓悅老闆葉俊亨，佢同老婆及兒子葉韋彤，近期接連有名下馬勝出，包括這晚（14日）於谷戰第三場四班一哩，呂健威馬房、葉韋彤的愛駒「一支梅」，由雷神莫雷拉大熱贏馬，單Win及組合獨贏A1分別派32及19.5元洋名Tarzan的葉韋彤經常同歌手女友JW王灝兒拍拖入場，並且不時一齊拉頭馬，今日情人節亦係呢個情況，兩人非常恩愛在凱旋門企定定俾記者影相。葉韋彤個人今場可分到$351,120元獎金。而原名的岑潔儀的女藝人岑詠辰，亦有到場打氣及拉頭馬。「一支梅」沿途前置守三四位，直路一衝輕勝1.25馬位，大熱打開今季勝門，此駒同時成為莫雷拉近四次夜賽首匹頭馬，人馬初次合作即擦出火花。葉韋彤表示「一支梅」今場換上莫雷拉，都有增強信心，騎者沿內欄而上，發揮不錯，馬兒似乎比較喜歡跑快活谷夜賽。呂健威則指「一支梅」是莫雷拉索騎，由於馬兒比較死口，難以駕馭，雷神要多番辣操此馬，幫手調教馬匹才可取勝。講番葉俊亨家族近排養馬成就，2月4日有葉俊亨夫婦轄下620萬本地拍賣馬「驫驫」贏田草開齋，2月7日輪到葉鍾佩雲名下「放眼量」在谷中取得今季第三捷，這晚再有葉韋彤於谷草情人節兼送歲賽日勝出「一支梅」，一家大細季內已取5Win。第三場二至四名依次是「飛馬再威」、「華美之寶」及「怡德」，四重彩派3,462元。
來源:
https://hk.sports.appledaily.com ... e/20180215/20305852