📖 ZKIZ Archives

【古怪周邊】結他Pick藍牙鎖匙扣　Android手機用家更着數

1 : GS(14)@2017-04-08 20:45:37

藍牙遙控器其中一大用途是方便使用手機拍攝團體Selfie相片。

手機用藍牙遙控器本身並唔算太新奇，如這款之前曾在Softbank眾籌平台「+Style」現身的Qmote S，就靠外形同比較全面的功能取悅用家。非常小巧的Qmote S外形有點似加上鎖匙扣的結他Pick，方便扣在銀包或衣物之上無咁易唔見，萬一唔小心唔記得Qmote S藍牙遙控器的下落都唔怕，透過已連接的智能手機就可以令遙控器發出聲響，協助用家尋找。機面雖然只得一個按鈕，但可透過不同按掣數目同長按動作執行多達9種動作，只要事前登錄好指定動作，想要遙控手機播放音樂、調整音量或者進行拍攝都無問題。當然要產品賣得好，iOS同Android平台都要對應，不過睇返Qmote S在兩個平台上所對應的動作，明顯是Android方面較多，如可遙控錄音、擷取手機畫面甚至是開啟相機App影相都得，當然或多或少都跟兩個平台的開放程式有關。講到價錢又唔算貴，剛正式推出市場的Qmote S定價只是3,980日圓（約$278），值得買返個看門口。影片：http://bit.ly/2oPwyyi資料來源：ITmedia文：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170408/19983546

---

一田購物優惠日1折平買貴貨　着數攻略

1 : GS(14)@2017-05-27 08:55:28

【特約報道】一班打工仔，月薪唔升，想慳啲又想Keep住生活質素，可以點？一連五日(26/5-30/5)的一田購物優惠日今天正式開鑼，全店123折起快閃驚喜價，今次優惠日除了同步於六間分店舉行外，更加開九龍灣國際展貿中心(九展)、將軍澳(東港城)以及旺角(MOKO)特別展場，一於平買貴用入手驚喜靚貨，直擊6大慳錢必買位！1）九展1折筍貨專區九展獨享推出1折起破天荒優惠，集合過萬件筍貨以驚喜價登場，包括SONY Sound Bar，全棉床品套裝，TYR泳衣和 WMF迷你鍋等，件件正貨1折有交易，優質生活慳錢有法。2）2折入手廚房神器、消暑恩物日日出街食，不如試試家中下廚樂就最慳！$400名牌廚具套裝煎、燜、煮、炸樣樣齊，性價比極高。抗熱涼夏家電一樣不可少！DYSON座地式無扇葉風扇，手快有手慢無。加埋49折40”4K電視機，平買貴貨，夏天在家就最嘆！場內仲有更多廚具電器2折起發售，想點揀就點揀。3）平掃獨家人氣Character萌物毋須捱炒價！一田集合30大超人氣character萌物，包括大人細路至愛的蠟筆小新、Line Friends，經典角色Pochacco、食鬼的床品／旅行篋，全部限量發售。着埋話題作獨家Sailor Moon、龍珠家居服，屋企大玩cosplay party。要幾萌有幾萌。4）夏日護膚有對策夏日殺埋身，要一take過對抗炎夏，30多款防曬美妝套裝包括Shiseido、SOFINA、Elizabeth Arden等歐美日韓名牌美妝護膚品3折起，1件護膚品價錢就有成套套裝,心動不如行動吧!5）1折水着Outing潮牌勁折夏日大變身暑假將至，又怎少得戶外活動？一田齊集多款「回頭率」極高的精選泳衣∕比堅尼，低至13折起開賣；同場熱推一田獨家超筍沙灘帳幕，隨時隨地坐擁型爆的私人空間。一田同時為你帶來2折起夏日Outing配備，從防曬、吸濕排汗；以至涼感快乾功能的運動服裝，均一應俱全2折起。同時多個潮牌同步勁折，1折Levis牛仔褲、4折Fred perry背囊、半價Adidas，Calvin Klein Jeans、 Lee……等潮牌，件件有折，平買最潮夏日裝備！6）平食貴貨夏日食平啲慳多啲一田超市同樣以超抵價大推北海道帶子、松葉蟹腳等鮮味美食；更力推平食貴價健康食材，熱爆的純椰子水，OL「扮工」水果脆片小食，及風靡素食市場的Beyond Meat植物牛肉碎等32折起同步勁減，讓市民「用好啲」兼「食好啲」。了解更多: www.yata.hk/vip


WMF14cm迷你湯鍋特價：$75(只限25-26/5九展展場，每日限售50件)

HISENSE40”4K SMART LED iDTV(型號：LTDN40K320)特價：$3,298(只限九展展場、大埔店、荃灣店，每店限售30部)

DYSON座地式無扇葉風扇(型號: AM08WH)特價：$2,980(只限九展展場、大埔店、荃灣店，每店限售40部)


Line Friends高針全棉活性印花床品套裝(床笠+枕袋+被袋)(單人至加大)特價：均一價$399(只限九展展場、大埔店、荃灣店、將軍澳東港城展場，每店限售100套)

Pochacco29"四輪拉桿篋(鋁框)特價：$699(只限沙田店、大埔、荃灣、將軍澳東港城展場，每店限售100個)

SOFINA潤白美肌防曬護膚套裝特價：$230(只限九展展場、沙田店、大埔店)


SONY HT-CT1802.1聲道Sound Bar虛擬環迴立體聲營造影院音效特價：$200(只限25-26/5九展展場，每日限售5部)

德國品牌自動速開沙灘帳幕特價：$199(只限30/5九展展場、大埔店、荃灣店發售)



來源: http://hk.apple.nextmedia.com/su ... t/20170527/20035085

---

【App士多】比拼兩大優惠Apps　邊個多着數？

1 : GS(14)@2017-11-13 04:13:21

全新旅遊專頁，即like籽想旅行：https://fb.com/travel.appleseed港人的消費模式漸漸由offline轉到online早已成為不爭事實，當中以零售網購最為明顯，但連出街食飯，拎定位先，用張coupon，叫個外賣，甚至去到相機食先一環，亦一一有相應的apps處理。而近年就有不少外國優惠apps進軍香港，標榜俾少少錢，就有多多優惠，究竟係咪真係咁抵玩，記者近日就實試過其中兩款，The ENTERTAINER和eatigo。
The ENTERTAINER來自杜拜並於4年前進軍香港；而eatigo就來自於泰國並今年打入本港市場。前者以年費形式為會員提供優惠，正價為HK$495，近期就推早鳥價，11月30日前$295；而後者則無需預付費用，一經登記即可使用，單看價錢，免費的eatigo當然比較吸引。不過講明係優惠apps，着數當然最重要，The ENTERTAINER所有優惠都是標榜「買一送一」，即二人同行一人價錢，分開主菜與飲品的優惠劵以供兌換。而eatigo則在不同時段，有不同折扣，當然大多越遠離熱門繁忙時間折扣就越高，另外其折扣亦只適用於食品，不包括飲品。而The ENTERTAINER優惠則任用，雖然要俾錢，但幾時用都得，用得暢快得多。商戶網絡方面，兩者同樣標榜提供過千商戶優惠，不過The ENTERTAINER除飲食外，亦包括有玩樂及旅遊觀光，種類較多，而eatigo開宗明義以飲食行先，如果單計食飯方面亦不遜色。雖然兩者同樣不時加入新商戶，The ENTERTAINER所有網絡商戶將不分時段提供固定優惠，而eatigo則按住商戶情況發放不同折扣，所以沒有固定的商戶與優惠。操作方面，The ENTERTAINER雖然有商戶的電話連結，但沒有訂座功能，兌換優惠劵時，結帳時需要用戶及商戶輸入4位code，用法算是簡單；而eatigo則要在app內進行訂位，只要準時出現就可用優惠，不過遲到15分鐘就作廢。另外，The ENTERTAINER除香港外，澳門和峇里都有優惠；而eatigo在香港、曼谷、芭堤雅、星加坡、吉隆坡、孟買、浦那及馬尼拉七個東南亞城市都可使用，遇上心儀餐廳的話，旅遊時預早訂位亦不錯。總括而言，兩者需同樣提供優惠，但性質用法都有點不同，The ENTERTAINER雖然要俾錢，但優惠隨時用得；eatigo屬於免費，但限時限刻，可說是各有好壞，但兩者對於愛飲飲食食的人來說，都是不錯的選擇，絕對可以一試。


The ENTERTAINER除飲食外，亦包括有玩樂及旅遊觀光，種類較多，而所有優惠都是標榜「買一送一」。

The ENTERTAINER的「買一送一」全時間適用亦包括主菜與飲品，不過app內就未有訂位服務。

The ENTERTAINER亦包括有遊遊優惠，正價為HK$495，近期就推早鳥價，11月30日前$295。


eatigo免費任用，只要於app內訂位即可，並按時段提供不同優惠，當然大多越遠離熱門繁忙時間折扣就越高，另外遲到15分鐘優惠亦會作廢。

雖說大多餐廳會按時段提供不同優惠，不過記者就發現一些餐廳，只提供全時段9折，着數其實唔多。

eatigo在香港、曼谷、芭堤雅、星加坡、吉隆坡、孟買、浦那及馬尼拉七個東南亞城市都可使用，遇上心儀餐廳的話，旅遊時預早訂位亦不錯。



記者：韓繼聰



來源: https://hk.lifestyle.appledaily. ... e/20171110/20210162

---

信用卡交稅有回贈咁著數係邊間

1 : GS(14)@2017-12-05 00:46:08

多年前打工仔以信用卡交稅，可以賺取積分，現時只能賺取定額現金回贈，以中銀香港（2388）信用卡繳稅1.5萬元，即可獲50元回贈，若繳5萬元則可獲100元，20萬元以上則可獲200元，但稅額如此高客戶料相當稀少。渣打銀行優惠較為務實，繳付1萬元稅額即可獲得50元回贈，受惠人數料較為多，但該優惠僅限特選客戶。不過，即使不計是否有回贈，以信用卡交稅亦有好處，原因是可以享受長達兩個月免息還款期，變相可延遲找數，但同時要留意信用卡設有消費限額，若稅額太大需要加大信用額，才可順利繳稅。記者︰周家誠﹑吳美茸攝影︰馮峰﹑卓振輝剪接︰林志森編導：方智傑動畫設計︰熊家傑，黎佩彤美術指導︰Sam Law



來源: https://hk.finance.appledaily.co ... e/20171204/20233858

---