4歲孫仔唔知爺爺已離世：唔聽電話係咪嬲我唔飲水？
1 :
GS(14)@2016-09-17 16:15:43馬來西亞一對老夫婦日前在車禍中身亡，他們的4歲孫兒不知他們已死，連日來打電話給爺爺都無人聽，以為是爺爺氣他不肯喝水，令人心酸。亞羅士打72歲的黃源成及69歲妻子戴碹枝，上周五在一宗車禍中喪生，家人周二為他們舉殯。兩人最鍾愛的孫兒駿昇一直未知爺爺嫲嫲已離世，在瞻仰遺容時俯身伏在棺木玻璃上親吻，在場父母看到都不禁落淚。母親安撫駿昇表示，爺爺嫲嫲坐飛機去旅行，而駿昇天真的稱：「要駕飛機載爺爺嫲嫲去玩」。駿昇母親指兒子平日不愛喝水，要爺爺叫他才願意喝，但這幾天爺爺都不接駿昇電話，令他以為爺爺生氣，所以一直乖乖喝水。馬來西亞光華網
來源:
http://hk.apple.nextmedia.com/international/art/20160915/19771598
香蕉仔進修升呢財務策劃師鄧一君拒返娛圈「我唔鍾意應酬」
1 :
GS(14)@2016-10-01 13:19:49■39歲的鄧一君棄影後轉行做保險，現為分行經理及高級財務策劃師。攝影：林德雄
鎂光燈下的世界五光十色，不少人目眩神往，憧憬成為偶像大紅大紫，但卻有人體驗過後甘於平凡，寧願轉行重頭做起。《記得…香蕉成熟時》的香蕉仔鄧一君，如今是個快將40歲的中年，十一年前他為前途轉行，由保險從業員做到今日分行經理及高級財務策劃師。為保專業形象，一君揚言不會再演戲，並指自己不喜演藝圈應酬活動。說到中年發福，他笑謂：「肥咗畀人個感覺仲敦厚咗穩重咗，生意仲好咗！」
本月24日便踏入男人四十一支花之齡的鄧一君，9歲開始做童星做到成年，在娛樂圈打滾足足二十多年，香港電影業的輝煌、港產片的不景氣都見證過。不過，一君日前在觀塘接受專訪時，坦言自己不愛演戲，當年入行拍戲，也是為了方便看明星，一君說：「你哋睇明星好辛苦，又要喺出面等，我直頭喺佢隔籬幾方便呀！」
毅然撇無綫轉行
一君當年憑《記得…香蕉成熟時》「楊醒波」一角提名香港電影金像獎最佳新演員，演藝圈起步看來不錯，他說：「係呀，當時都覺得自己掂，有部戲紅咗，可能因為咁，自己冇咗危機感，當時紅咗有好多機會，但自己冇去好好把握，加上我外形太局限，而且我唔鍾意應酬，又要去卡拉OK、飲嘢，成日唔見我，搵親我又唔出，又掃興，一係早走，可能會蝕底啲。」2005年，正為無綫拍劇的一君考慮到電視台發展及前景不樂觀，甚至缺乏安全感，為了想擁有自己事業，一君經朋友介紹下轉投保險行業，十一年間，他已被擢升為分行經理及高級財務策劃師。當年不愛讀書的一君，為了事業更報讀相關課程裝備好自己，他說：「我發覺我真係開咗竅，我而家做管理，有啲管理嘅技巧唔夠，咁就自己去進修工商管理，讀咗個master，而最厲害係呢個『CFP認可財務策劃師』，全香港得三、四千個人有。」近年一君身形發福少少，對此他笑謂：「因為而家唔使出鏡，所以我就冇keep，同埋而家肥咗，畀人個感覺仲敦厚咗穩重咗，生意仲好咗，如果我瘦番，反而似個死僆仔咁，仲衰呀！」
【9歲入行】■鄧一君9歲便開始為香港電台拍教育電視。電視圖片
【成名電影】■《記得…香蕉成熟時》中飾演的楊醒波，是一君的演藝代表作。
【古仔細佬】■一君在劇集《烈火雄心》演古天樂（右）的智障弟弟，二人因合作而成好友。
■一君熱愛現時工作，揚言不會重返演藝圈拍戲。
「古仔好有義氣」
一直有傳古天樂是他首名顧客，對此一君不便多說，但表示現時仍有跟古仔聯絡：「古仔係我一個好好嘅朋友，轉行前同轉行後佢都好支持我，佢係個好有義氣、好肯幫朋友、關心朋友嘅圈中人。」離開演藝圈多年，一君雖然偶爾戲癮發作，但他從沒想過再走演員路。他解釋說：「拍戲始終時間好長好辛苦，同埋都唔想畀人感覺好唔專注、好唔專業。」一君表示當他戲癮發作時，就會跟幾個志同道合的朋友一同拍攝短片來「頂癮」，如六年前他自編自導了一齣約19分鐘微電影，於其社交平台上播放。採訪：譚倩宜、黃曉妍
【童星出身】曾獲提名最佳新演員
39歲的鄧一君，9歲便入行，最初替港台拍教育電視，一拍就五年，之後有機會轉到大銀幕發展，首部電影是《縱橫四海》演周潤發童年，當時連哥哥張國榮亦看好他。1993年擔正演《記得…香蕉成熟時》「楊醒波」一角，更令他獲提名94年香港電影金像獎最佳新演員，之後就再有機會拍《記得…香蕉成熟時II初戀情人》、《記得…香蕉成熟時III為你鍾情》等。除了電影，鄧一君轉行前曾替無綫拍劇，包括《美味天王》演歐陽震華徒弟、《烈火雄心》演古天樂的智障細佬及《刑事偵緝檔案》系列等。
昔日的香蕉仔鄧一君，現在已是一位財務策劃師。
一君指現時的工作，比以前於娛樂圈更有前景。
他有二十多名下屬。
以前不愛讀書的一君，轉行後再次重回校園，現在已有一個碩士學位。
一君跟盧愛倫現時還有KEEP住見面。
一君透露盧愛倫現時於投資銀行擔任後勤工作。
來源:
http://hk.apple.nextmedia.com/entertainment/art/20161001/19787100
【搵銀初哥】棄高薪做潮流教主建築師：我唔起劏房，我賣裙仔
1 :
GS(14)@2016-11-13 11:28:42手持建築師牌，本身於南豐擔任項目總監，本來不愁搵食。不過38歲的蔡健瑋（Harry）做打工仔十幾年後，終於的起心肝，踏出創業的第一步，去年成立iStyleup，建立世界獨立時網品牌網購平台。「我哋唔同淘寶，我哋係賣獨立設計師時裝。」沒錯，iStyleup基本經營概念與一般網購平台大同小異，賣點主力攻「獨立」品牌，希望擴闊獨立設計師時裝的客源，令產品更易入屋。另外，iStyleup亦不會為設計師存貨，寄送服務由設計師負責。正所謂唔熟唔做，Harry由地產界跳入時裝界，不少人會質疑「憑咩嘢？」憑藉的就是人際網絡。他透露，三年前他擔任南豐紗廠活化項目The Mills總監，發現獨立時裝設計師，面對最大困難如果令產品走出世界，找到知音人。自小以創業為志願的他，就靈機一觸發現商機，決定轉行成立iStyleup，幫獨立時裝設計師找知音！此後他便著手到世界各地時裝騷會場，遊說設計師加入平台。網站成立至今10個月時間，平台累積110名設計師，會員有6000至7000名，每月有約數十單生意，人均消費約1000元。Harry表示，短線目標希望數月後用戶人數過萬。項目在天使投資者支持下，至今投資額超過200萬元，Harry坦言，仲未回本。做時裝生意，對於Fashion，他自有一套解讀，「我哋iStyleup唔係鬥in鬥Yeah，係鬥價值，又可以突出個設計，同時適合我性格。你見到香港好多做時裝好成功既老闆，佢地都係生意人。做一個時裝生意人，最緊要係識做生意，團隊入面有人識時裝就好夠」。年近40歲才創業，Harry坦言，認為自己「創」得太遲，「如果時光倒流，大學一畢業，廿一二歲就應該要去創業。我細個諗法係覺得，要儲經驗、儲錢先可以做生意，但過左呢段時間睇返轉頭，可能唔需要。做生意要資源，其實你係有辦法用其他途徑去搵，唔一定要儲。」記者：倪敏慧攝影：陳家文（新加坡、香港部分）、馮鋒（香港部分）編導、剪接：陳家文
來源:
http://hk.apple.nextmedia.com/financeestate/art/20161113/19832289
【三藩市直擊】掂我唔會有愛滋！HIV帶菌者盼大眾莫歧視
1 :
GS(14)@2016-12-03 04:42:41由在美國國會剛獲選連任少數黨領袖的民權女鬥士佩洛西（Nancy Pelosi）爭取興建的三藩市全國愛滋病紀念園（National AIDS Memorial Grove），周四（1日）歡度廿五周年。適逢世界愛滋病日，過百病者、HIV帶菌者和病逝者的家屬，這天依舊齊集這裏悼念，訴說愛滋的可怕。廿五年過去，有感染者表示看到愛滋的曙光，已可勇敢坦承和分享自己經歷。駐三藩市記者：唐芷瑩當主持人問到全場有哪些人是HIV帶菌者時，觀眾席上竟有約廿人站起來坦承自己的身分，這份得來不易的勇氣搏得全場掌聲，令其他人也相繼加入站立向他們致敬，稱他們為英雄。其中一人是43歲男同性戀者列韋（Erik Leve）。生在新墨西哥州的他，自19歲起、未感染HIV前已有投入美國早期的愛滋平權運動。但到約十年前自己確定染上HIV，才切身感受到當地的歧視目光有多厲害，故決定搬來有較多社區支援的三藩市。「一開始真的很恐懼，來到這裏有多些支持，少些人將我們污名化。HIV並不是一般社交接觸就會傳播的病毒，希望大眾明白。」幸好列韋得到家人和朋友的支持：「這個年代情況好得多！更少人死於愛滋病。雖要經常吃藥，但我已感到我與HIV可以並存生活。」他呼籲高風險者要善用「接觸前預防性投藥PrEP」（Pre-Exposure Prophylaxis）等方法來預防愛滋。列韋表示，在三藩市的好兄弟肯特（Kent）剛於9月因愛滋病離逝。傷心之餘，列韋也趕在今次活動前夕，為他籌得逾千美元，將他的名字刻在園內的「朋友廣場」（Circle of Friends）內的紀念碑。這天，約50名於過去一年因愛滋病喪命的病人家屬也在紀念碑廣場內圍着鮮花和燭光，頌讀逝者的名悼念，場面傷感。
來源:
http://hk.apple.nextmedia.com/international/art/20161203/19853850
兒子期望變責梁游背祖忘宗康仔遭圍插：我唔會道歉
1 :
GS(14)@2016-12-03 05:12:30■蘇永康指生仔希望不要生梁、游，事件引起好大迴響。資料圖片
蘇永康前日開心宣佈老來得子，老婆馮翠珊懷孕5個多月，惟提到對兒子的期望，康仔表示：「我唔想生個梁天恆，我唔想生個游蕙禎」、「絕對唔可以做啲背祖忘宗分裂國家嘅事情。」由於言論引起好大迴響，康仔昨在電話說：「希望香港可以求同存異，你持相反論調我都尊重，但我始終唔支持港獨！」對於講錯「梁天恆」，問到康仔其實想講梁頌恆還是梁天琦？他說：「嗰條四眼仔叫乜名？呢兩個都係嗰啲，所以我mix up咗啫，可能我呢個言論，令到好多幫呢兩位年輕人搖旗吶喊嗰啲唔高興㗎，我唔係又要威又要戴頭盔嘅人，我會照行出街。我覺得我冇錯，今朝我去入油，個阿嫂都話：『你真係講得啱，嗰兩個僆仔真係乜乜物物。』我話唔緊要，年輕人應該畀機會，希望佢哋快啲醒覺，我始終維持嗰句，背祖忘宗分裂國家係唔做得㗎。」
■梁頌恆和游蕙禎當日宣誓時，搞出大風波。資料圖片
■網友重提康仔當年在台灣的吸毒事件，他自覺有錯要認，要承擔責任。資料圖片
做反面教材
對於被網友重提02年吸毒事件反擊，康仔說：「好感激大家記得呢件事，當年呢件事喺台灣發生，台灣同香港冇引渡條例，但我冇選擇逃避刑責，我一樣返去觀察勒戒十日，結果我得到公平裁決，我係冇任何犯罪紀錄。」康仔坦言亦留意到有網友指他不顧梁游父母感受，他說：「咁又確係嘅，人哋父母嘅感受事實上要去諗一諗，但我想問下，當嗰兩位年輕人去孭住塊藍布衝入立法會，高呼：『支那』、『HK is not China』，請問佢兩位又有冇顧及到全中國華人感受呢？當然如果我嘅言論，令呢兩位年輕人父母唔開心，在下非常之遺憾，但我唔會道歉，因為佢兩個真係做錯咗，並且冇道歉。」問到康仔是否選民，今年有否投票？他說：「我投畀王維基，雖然好多人話唔喜歡佢政綱袋住先，但我同佢做過嘢，知道佢係實幹人。」採訪：皓騫
來源:
http://hk.apple.nextmedia.com/entertainment/art/20161202/19851853
秋官誇欣宜叱咤威盡陳柏宇輸畀坤哥 「我唔夠靚仔」
1 :
GS(14)@2017-01-05 08:01:07■陳柏宇大熱倒灶失落我最喜愛的男歌手獎，他直言：「大家會繼續戥我唔抵」。
【叱咤頒獎禮】《2016年度叱咤樂壇流行榜頒獎典禮》前晚假灣仔會議展覽中心舉行，賽前陳柏宇奪我最喜愛的男歌手獎呼聲極高，但最終由吳業坤冧莊贏得，陳柏宇笑着認輸：「我又唔夠高大、又唔夠靚仔。」而鄭欣宜狂擸3個大獎成為焦點，與容祖兒平起平坐，父親鄭少秋也大讚女兒叻！
商台前晚舉行《2016年度叱咤樂壇流行榜頒獎典禮》，全晚共頒發43個獎，由晚上8時15分開始，頒足4個多小時，嚴重超時。一直傳不會參與的陳奕迅（Eason），宣佈歌曲《四季》獲至尊歌曲大獎時忽然現身，令全場起哄尖叫，Eason更直踩慶功宴被集郵。
台下觀眾喝倒采
坤哥除了憑《百姓》奪叱咤十大第五位，還爆冷冧莊得我最喜愛的男歌手獎，台下掌聲夾雜喝倒采聲，他站在台上則不懂反應，他說：「我都冇諗過得獎，根本冇心理準備，望落台下唔知講乜。」而敗給坤哥的陳柏宇事後表示未有失落，還說不攞獎更開心：「咁樣方向諗，唔使驚自己唔值攞呢個獎，同埋大家會繼續戥我唔抵，呢個係『雙贏』，唔會尷尬。」問是否覺得自己未夠資格？陳柏宇謂：「唔係資唔資格問題，我又唔夠高大、又唔夠靚仔。」他謂現在拿男歌手銅獎是恰到好處。採訪：王連連、馬建華、魯吉攝影：陳俊強、仇志德
■坤哥今年只有一首派台歌，卻爆冷奪得我最喜愛的男歌手獎。
■坤哥聽到司儀宣佈他贏獎時，一時反應不來。電視圖片
■游學修（左）成功向Eason及薛凱琪等集郵。互聯網圖片
■Eason（左）於慶功宴上做佈景板，與坤哥等合照。互聯網圖片
來源:
http://hk.apple.nextmedia.com/entertainment/art/20170103/19884400
獲邀落區 慘變競選工具 周永新控訴被利用 「我唔撐林鄭」
1 :
GS(14)@2017-03-24 16:44:07■林鄭月娥昨在競選fb專頁上載與周永新落區短片。林鄭辦公室fb短片截圖
【3.26特首決戰】【本報訊】特首選舉倒數尚餘兩日，特首候選人林鄭月娥昨午在競選facebook專頁林鄭辦公室，上載一段名為「周永新教授和林太與香港人同行」的短片，與多次雙方隔空駁火的港大榮休教授周永新到深水埗探訪長者；惟周永新回覆時強調「被同行」，過程全被動，更非撐林鄭做特首，「若果我話冇（被利用），我就係好蠢同無知嘅人」，表明若有票在手，「我會投白票」。記者：王家文 梁佩珊
港大社會工作及社會行政學系榮休教授於本周一收到退休保障督導工作小組一名前官方成員來電，邀請他前晚到深水埗落區半小時，惟探訪長者只逗留了10至15分鐘，全程拍攝競選宣傳短片，周臨時被要求簽署同意書並同意公開片段，周永新接受《蘋果》訪問時指早已預料會拍攝，惟「拍攝過程全被動」，坦言「若果我話冇（被利用），我就係好蠢同無知嘅人」。他被邀落區探訪長者，早料到林鄭有政治目的，利用自己提升民望，「如果唔係，隔咗成一年零三個月，點解佢都冇同我傾退休保障，到佢要參選，星期日要投票，佢反而搵我，好明顯有個政治目的」，自政府前年底推行退保諮詢文件後，林鄭已沒再跟他會面。林鄭於帖文指，與周永新相識數十年，自己亦曾是社工系的學生，希望香港的福利可以做得更好，冀立法會盡快通過「加強版長者生活津貼」改善長者貧窮問題，更指周永新說「若然我們剛探訪的長者每人能多拿3,500元，他們就毋須執紙皮了，你說多好呢」。
提供意見片段沒播出
周永新澄清，他只是引述受訪長者的說話，「加強版長者生活津貼」是政府的建議，更當場向林鄭表明，若當選必須改善長生津，並要推進全民退保，「我話有具體建議，佢話好好好」，但全都沒播出。短片長約2分26秒，周前後發言共約45秒，內容未有表明支持林鄭。林鄭與十多人的競選團隊在社協安排下，本周三到訪深水埗並與周永新拍攝競選宣傳片段，惟社協早前曾邀請林鄭昨午與基層長者會面，表達退保、醫療及社區照顧等訴求，但林鄭回覆指因事忙未能出席，最終只派競選辦代表戴健文等到深水埗與約20名長者會面。林鄭月娥競選辦回覆，林鄭與周永新聯絡，討論如何做好香港的老人福利，及後邀約周探訪長者並錄影短片，其間二人再就有關課題進行討論，有關探訪及短片均獲周同意。
來源:
http://hk.apple.nextmedia.com/news/art/20170324/19968341
傳秘撻洗米華頭馬逾月唐詩詠甩洪永城 一字一淚：我唔係貪錢
1 :
GS(14)@2017-05-19 05:27:49■唐詩詠昨於西環拍劇，回應分手時越講越激動，哭着澄清自己絕不貪錢！
33歲洪永城和36歲唐詩詠的姊弟戀告終，正當矛頭指向洪永城（Tony）不肯結婚，怎知有傳他才是被飛的受害者。有傳唐詩詠暗交澳門猛人周焯華（洗米華）愛將盧啟邦個多月，洪永城昨現身講分手認傷心，但維護舊愛絕對單身，唐詩詠昨更跟盧啟邦劃清界線，一字一淚抗辯：「我唔係貪錢嘅人！」
盛女唐詩詠與洪永城拍拖兩年半，早前女方在社交網暗示想有個家，有指洪永城不想結婚，更爆出唐詩詠被太陽世紀集團主席周焯華頭號愛將、集團執行董事盧啟邦力追。今年1月兩人在寰宇30周年晚宴碰面，盧啟邦趁機接近女神，之後更在社交網貼相向洪永城挑機：「記不起原來我有跟我多年的女神合照。」有傳兩人已暗撻個多月，上周六盧啟邦在北角遇襲，最後獲司機護主擋刀。
■盧啟邦曾公開表示唐詩詠是他的女神，盧更將合照放在Ig。
■洪永城昨在記者會上，表示自己沒有給唐詩詠足夠的安全感。
「呢段時間係艱難」
前晚唐詩詠和洪永城各自在社交網認分手，唐詩詠昨晚到西環拍劇，她談到盧啟邦時說：「我只係喺生日聚會上見過盧先生，張相係周年晚宴佢搵我合照，嗰個moment我完全唔認識佢，佢只係好普通朋友，佢喺我嘅感情生活上係完全冇關係嘅人。」之後她更激動爆喊：「點解我會變咗貪錢嘅人？點解講到我好似俾人包？我從來唔係一個貪錢嘅人，以前唔係，?家唔係，以後都唔係，喺我嘅世界愛情就係愛情。」唐詩詠更澄清與馬國明只是好朋友：「唔好再喺我嘅感情世界擺唔同人，譬如馬明，佢係好好朋友。」提到跟盧啟邦的關係時，她決絕說：「我唔想講一個同我完全冇關係嘅人，另外我同Tony一直處理我哋感情事，呢段時間對我哋係艱難，我知道食得鹹魚抵得渴，但點解我咁努力，突然好似變另一個人，好貪錢，所以我唔可以唔出聲。」
■盧啟邦是洗米華的愛將，協助管理太陽世紀集團。資料圖片
■洪永城去年帶唐詩詠去西半山睇樓，有指二人當時準備築愛巢。資料圖片
洪永城讚好好女仔
洪永城昨現身將軍澳時坦言年初醞釀分手：「唔關第三者同婚期事，性格上不一致分開，我哋深思熟慮，和平分手係最好方法。」對於傳唐詩詠暗撻盧啟邦，他才是被飛的受害者，洪永城說：「傳聞啫，但唔係，我哋冇話邊個飛邊個。佢都冇同我提過呢個人，以我所知唐詩詠係單身，相信我同佢都未咁快ready新戀情。」問唐詩詠是否一直多人追？他笑着反問：「咁大膽，拍緊拖都追佢？」至於被指不婚即分，洪永城謂曾討論結婚：「有啲可惜！我要畀多啲安全感佢，可能佢唔係好感受到。」傾談其間是否很難受？他坦言：「傷心囉，大家都會傷心。」對於有網友指他不珍惜最佳女朋友，洪永城表示：「唉！佢的確係好好女仔。」之後洪永城用普通話受訪，問到是否沒挽回餘地？他說：「如果傳媒多給點空間，可能機會比較大。」會否擔心唐詩詠馬上又拍拖？他抵死說：「看跟誰囉，最主要她開心。」而盧啟邦則以短訊回覆本報：「不是事實，冇回應。」採訪：鍾國仁、陳杰攝影：孔志豪、吳耀輝
來源:
http://hk.apple.nextmedia.com/entertainment/art/20170518/20024607
「超蓮超雲叫我唔好難過」甩拖猷啟 同前度冇偈傾
1 :
GS(14)@2017-06-10 13:30:44賭王何鴻燊三房兒子何猷啟昨晚在北角新光戲院出席「東華三院慈善粵劇晚會」，猷啟代表患感冒不適的媽咪陳婉珍到場，是晚的《俠盜胭脂》粵劇演出由其母三太首席贊助，同場還有馬清揚、王賢誌（Vinci）及韓君婷等現身。上月和以色列索模Angelika分手的猷啟，回復單身後首度現身公眾場合，他坦言忙得沒時間多想分手的事，現正專注手機遊戲及家人的工作，但仍然有和前度女友聯絡，他說：「再見亦是朋友，不過都冇傾乜嘢。」
■猷啟上月在Ig宣佈與索模女友Angelika分手。資料圖片
■王賢誌昨日爭取時間邀韓君婷到場敍舊。
■猷啟指三太、家姐超雲（左一）及超蓮有出言安慰。資料圖片
爆媽咪話超蓮
至於分手原因，猷啟直言沒時間陪女友，聚少離多也是分手原因之一，他並強調當中不涉第三者。對於被指太傷心而刪掉女友在Instagram的照片，猷啟起初指沒有刪相，後來又承認怕觸景相情：「唔開心一定有，係有少少唔開心。」媽咪和姐姐超蓮及超雲有否安慰？他說：「有，叫我唔好難過。」至於有否機會復合，猷啟自言現在不多想這個問題，只想專心工作：「媽咪都咁叫我，?家搏殺期。」講到超蓮早前到泰國度假大晒比堅尼相，猷啟即笑謂：「佢身材幾好嘅，佢OK嘅，個個女仔游水都着比堅尼㗎啦，媽咪都有話佢呀。」
韓君婷逼港鐵
此外，同場的韓君婷現時任職醫學美容，朝九晚五工作，有時要加班，工作時間較長，她表示現每天放工都會逼港鐵，生活平淡。Vinci表示約了韓君婷飲茶敍舊，平時約兩個月才見一次面，互相支持，由於時間緊逼，所以邀請她一起到場，邊行邊聊。採訪、攝影：羅慧敏
來源:
http://hk.apple.nextmedia.com/entertainment/art/20170609/20049253
Next Page