張文慈8千蚊底薪加盟密密拍五劇未播得
1 :
GS(14)@2017-08-06 11:38:54自從亞視熄機，好多藝員各散東西，大台成為呢班藝員嘅落腳點，包括亞姐張文慈。張文慈喺上年9月加盟無綫，當時奇妙電視前景未明朗，鍾意演戲嘅佢惟有以底薪8,000元及騷價1,000元，成為無綫人，仲拎過TVbuddy合照，認真識做。示好就梗係有回報啦，雖然加盟接近一年，好似唔多見張文慈演出？等多陣啦，因為呢一年間佢真係密密開工，拍咗5套劇。喺大台嘅處女作係《老表》系列，新一輯拍住蔡少芬同王祖藍演出。至於重頭新劇《宮心計2．深宮計》都有張文慈份，同劇仲有亞視朋友羅霖，兩個人加埋張慧儀、謝雪心、康華做深宮妃嬪，5個女人加埋超過200歲，演技夠晒深厚。如果想睇多啲亞視舊臉孔，就要等《天命》，呢套劇有陳展鵬同埋「六合彩之子」蔡國威。至於張文慈仲拍緊嘅劇就有《誇世代》同《跳耀生命線》，嚟緊可能幾個時段都見到佢喇。
來源:
http://hk.apple.nextmedia.com/entertainment/art/20170805/20112174