宗堯激咀解扣碧兒
1 :
GS(14)@2016-06-01 11:36:58■王宗堯床戰完廖碧兒，兩人再肉緊咀嘴。劇照
王宗堯在前晚播出的ViuTV劇集《瑪嘉烈與大衛系列綠豆》中激咀廖碧兒，這幕親熱戲意識相當大膽，劇情講述王宗堯在酒店房內等候，廖碧兒一入到房，兩人即肉緊纏綿，王宗堯邊咀邊拉低廖碧兒背後的拉鏈，露出黑色胸圍扣的廖碧兒，更疑似伸手摸向王宗堯褲襠部位，不過鏡頭一轉已經見王宗堯着褲。王宗堯昨日接受本報訪問說：「我都有睇呢場戲，唔知仲會唔會有再激啲，但係劇情嘅關係發展會更加複雜，大家都會有感情線，真係好大鑊，不過現實生活好多人都係咁㗎！」同場加映周家怡和潘燦良在摩天輪的接吻戲，但網民不受落替林保怡不值。撰文：陳以晴
來源:
http://hk.apple.nextmedia.com/entertainment/art/20160601/19635603
【add】紅人主場：王宗堯男神大無畏
1 :
GS(14)@2016-07-14 08:09:55Hugo Boss白色外套灰色西褲CK Jeans印圖T恤Salvatore Ferragamo格紋slip-on
言論自由，是香港的核心價值，但不是每個人都珍惜、捍衞這一塊瑰寶。37歲王宗堯是圈中少數勇於發言的一人，積極參與社運，望港人凡事有得揀，營造好環境予下一代，因而獲封男神。他從不擔憂發聲會招致飯碗不保，覺得每餐一杯奶茶、一碗雲吞麵足以餬口，渴望另一半共享價值觀，「一個限量版鞋或者手袋，唔值5、6位數。一個好作品，無論用幾百萬拍，影響力同價錢唔係用金錢計到。」言談間，隱隱表露早前與女模分手的玄機。統籌：林妙萍 撰文：林嘉慈造型：趙潔恆 攝影：周樂恒攝錄：林德雄、郭賢興化妝：Aster Phang髮型：Zap Tang of Queen's Private i由反國教、劉進圖被襲、港視不獲發牌，王宗堯一路走到雨傘運動，敢走在最前發聲，「對社會嘅危機感、意識，隨年紀增長，慢慢越嚟越覺得自己有個責任。」
Giorgio Armani格紋西裝褸T恤卡其色西褲
Versus Versace黑色皮背心Hugo Boss牛仔褲Giuseppe Zanotti皮靴
■王宗堯（中）是社運中堅分子，不怕敢言影響生計。
不擔心飯碗
焗搭服務欠佳的出租車、不斷加價但故障頻生的鐵路，連電視台選擇也不多，令他慨嘆：「某程度上香港人幾可憐。」生意人爸爸為生活而順從施政制度，王宗堯自認是家中的黑羊，公民意識是在台灣工作時浸淫的，「社會冇唔同聲音係好唔健康、好傾斜，當你見到市場有壟斷，甚至乎當呢個地方嘅市民，無論娛樂，或者佢對房屋、交通，生活、經濟上有壓力，冇得到滿足，久而久之會積壓怨氣，我最想做係行出嚟，支持想打破呢個格局嘅人，令事情多番唔同選擇。」身為製作公司老闆，他卻不怕敢言影響收入，「我嘅飯碗係每日飲到一杯奶茶，同埋食到一碗雲吞麵，我都OK，又唔需要咁貪心。」
■王宗堯與黎紀君拍拖不夠一年，性格不合而分手。
恨有人陪瞓
奈何另一半未必接受這個生活水平，「我好樂意由一杯奶茶、一碗雲吞麵，變成兩杯奶茶、兩碗雲吞麵，但條數複雜好多，每個人嘅要求唔同，所以我暫時冇另一半。」他續說：「一個限量版鞋或手袋，唔值5、6位數。但好作品，無論用50萬拍，或者10幾萬、幾百萬拍，影響力同價錢唔係用金錢計到。」價值觀分野是他與女模黎紀君分手的主因，分手兩個多月，暫無意追回舊愛，「除非入咗時間屋，如果唔係冇可能瞬間成長咁多。」他恨找到思想同步的另一半，表現小男孩一面，「通常可以熟睡，側邊係有個人，呼吸節奏又好，令你個人安心又好，可能係安全感，呢樣係我追求，有時可以令你完全放鬆，偶爾身份調換係好事，唔需要成日做大人角色。」
■王宗堯在探討社會議題的新片《導火新聞線》中飾記者。
捍衞港產片
甩拖後，王宗堯全心照顧愛貓，並瞓身撐港產片，「喺呢個budget拍到有心機嘅作品，係咪只係值8百、1千萬票房？點解大家覺得上網下載就OK、等佢出DVD先，咁嘅心態、數據係反映番喺老闆嘅投資上。」如是者，形成資源短缺，港人不買戲票的循環，刺激他將賺到的投資在有意義、但未必有回報的作品。主演新片《導火新聞線》充滿意義與本土特色，探討新聞空間收窄、紙媒式微等現象，「睇到最大難關係新聞自由，觀眾有幾多唔同空間去睇訊息，真正有幾多新聞係政治正確同資料正確。」如《十年》般預視香港將發生的大事，一同作出見證。
■王宗堯曾演出不少大膽床戲。
貼地男神認睇AV
不論在電影，還是尺度保守的電視劇，王宗堯都曾演裸露與情慾戲，他笑說：「我見到高登有個post，話王宗堯嘅功能性係喺電影電視提供觀感性滿足。」他沒有包袱，只是應拍攝需要而演出，「戲永遠係現實生活嘅反射，梗有呢啲事發生。」明星往往給人脫離現實的感覺，但王宗堯異常貼地，繼馬國明後，又一男星認有睇AV習慣，「點解唔會睇？ThisAV好熱血，喺大是大非嘅時候，佢會轉首頁版面，而且的而且確佢減低咗好多犯罪率。」真性情夠討好，男神當之無愧，他卻唱反調：「傳統男神要好靚仔，除咗靚仔就冇其他喇，我定界別畀自己，係做真正嘅香港人。」
來源:
http://hk.apple.nextmedia.com/entertainment/art/20160714/19693531
【馮仁昭四圍超】讚王宗堯用眼神交戲達哥：令我有感覺
1 :
GS(14)@2016-07-15 05:16:40王宗堯、周家怡、吳孟達（達哥）同楊淇早前喺新蒲崗一間酒店接受訪問，幫主演嘅電影《導火新聞線》宣傳。達哥話差不多有兩年冇拍港產片，對上一套係彭浩翔導演嘅《香港仔》。達哥大派高帽話估唔到呢幾位演員可以演得咁穩：「內地演員同我拍戲，佢哋都好有戒心、好緊張。反而佢哋（宗堯、家怡同楊淇）完全冇呢種心態，熟讀劇本個人信心大好多。」
■達哥已經差唔多有兩年冇拍港產片。
■王宗堯同周家怡周不時都會去片場向前輩偷師。
「張家輝唔敢望我」
達哥又大爆張家輝同張衞健嘅秘密，仲賣口乖讚宗堯：「有場戲喺街拍，有路人、有粗口，佢都拍得好穩，成個成熟嘅劉德華咁。印象特別深刻嘅係佢同我有眼神交流，唔容易做到，而且可以令到我有感覺，張家輝同張衞健都唔敢望我。」達哥話好多人唔敢同佢用眼神交戲，佢話：「真㗎家輝咁講呀，話『達哥你唔好畀呢啲眼神，我頂唔住呀』，佢唔敢要我啲眼神，佢哋會避開㗎。」宗堯話可能成日冇份拍都去現場睇達哥做戲，宗堯話：「可能係咁熟絡咗，冇咁怯場。」楊淇同家怡就話同達哥冇乜嘢對手戲，但係都成日去片場偷師。場地提供：香港九龍貝爾特酒店撰文：馮仁昭
來源:
http://hk.apple.nextmedia.com/entertainment/art/20160715/19695263
分手兩個月即有新女王宗堯攬蔡潔玩航拍
1 :
GS(14)@2016-07-17 16:01:39【新歡】■王宗堯失戀兩個月，前日帶新女蔡潔去數碼港玩航拍機，蔡潔更表現興奮。
【數碼港】現年37歲的王宗堯，去年10月在Instagram洩蜜，自爆戀上今年只有22歲的模特兒黎紀君（Christy）。雖然二人年齡有15年差距，但發展一日千里，經常在網上大晒甜蜜照，可惜快樂時光只維持了8個月，今年5月王宗堯在Ig留疑似分手留言後，Christy隨即亦承認分手。雖然分手後，王宗堯一度堅持二人是處於冷靜期「暫時分開吓」，但分手兩個月，王宗堯似乎已冷靜完，更找到新女伴，對方正是現年27歲、在電影《香港仔》有大膽全裸演出的蔡潔。
■抵達數碼港，王宗堯先砌機，蔡潔幫忙看說明書。
■王宗堯一手搭着蔡潔膊頭，將她甜蜜擁入懷。
■約女斷正，王宗堯指對方不是女友，但不排除會發展。
表現合拍
前日約下午5時，本報記者在數碼港發現王宗堯的座駕，他載着蔡潔先在狗公園附近泊車，然後抽着一個黑色箱與蔡潔行入公園，原來箱內放了一部航拍機，王宗堯負責砌機，蔡潔負責看說明書，相當合拍，途中更見王宗堯從後攬着蔡潔，頗為親密。
【前度】■王宗堯跟黎紀君拍拖8個月便分手。
「認識吓先」
昨日記者再致電王宗堯恭喜他有新歡，他即說：「未恭喜住，你哋真係好犀利，我去放飛機但係放唔到，都俾你哋影到，真係好大鑊。我哋仲未拍拖，只不過係約埋一齊去放飛機，因為我upgrade咗之後都想試吓，呢啲係新穎嘅玩意。」王宗堯又表示：「要大家認識吓先，好多嘢都要睇定先，唔係話唔好，講真我啱啱分手冇幾耐，再加上大家成熟，始終有啲嘢可以睇定啲，得閒咪傾吓偈，好多嘢都可以溝通吓。」其實王宗堯之前已在ViuTV節目公開讚蔡潔，問他可擔心戀情見光死？他說：「唔知喎，暫時唔覺得係要擔心，而家算係發展中，佢又單身、我又單身，唔使特別避忌，隨緣喇。」採訪、攝影：徐錦池、潘冠恩
來源:
http://hk.apple.nextmedia.com/entertainment/art/20160717/19698023
宗堯新歡撞正舊愛
1 :
GS(14)@2016-08-07 01:48:22■前晚首映，王宗堯和新歡蔡潔合照，舊愛Christy亦同場。攝影﹕陳慧安
王宗堯、周家怡及何佩瑜（Jeana）等前晚在銅鑼灣出席電影《導火新聞線》首映，剛與胡定欣分手的陳明道亦有現身。宗堯舊愛黎紀君（Christy）及新歡蔡潔同場成焦點，問到與Christy同場會否尷尬？宗堯說：「大家和平分手，保持到朋友關係。」Jeana日前高調在Ig公開與《踏血尋梅》導演翁子光戀事，前晚她自爆已見家長，並視他為結婚對象。
Christy
■（左起）吳孟達、周家怡及王宗堯都做過C1頭條人物。攝影：仇志德
另外，吳孟達、王宗堯及周家怡早前為宣傳《導火》，接受本報專訪。眼見近年紙媒銷售情況越來越差，三人都回想自己曾經成為娛樂版的C1頭條人物。達哥笑言年代久遠，記不起是甚麼新聞，他說：「應該都唔係好嘢。」達哥慨嘆報紙以前是嘆一盅兩件的恩物：「而家個個都撳電話，連我唔識撳，都會睇吓人哋個電話。我最留意國際版嘅即時新聞，好似IS嗰啲，我最關心。」意想不到的是家怡每日都要看報紙，因為她喜歡有實物在手的感覺。採訪：何永寧、張俊銘場地提供：香港九龍貝爾特酒店
吳孟達話香港新聞好有水準
《導火新聞線》電影版三位演員。
王宗堯被達哥讚有大將之風。
周家怡同王宗堯喺戲入面分別飾演代總編輯同高級記者。
達哥重新演繹經典標題。
佢三個都話經常會睇即時新聞。
家怡每日仍然會買報紙。
達哥係訪問入面狂放笑彈，搞到家怡同宗堯笑唔停。
來源:
http://hk.apple.nextmedia.com/entertainment/art/20160804/19721737
師兄領軍OH！運捧盃Coffee勇猛扯大纜 狼擒宗堯
1 :
GS(14)@2016-08-07 02:03:47■眾星昨日參與《蘋果動新聞》主辦的「明星OH!運會」，結果劉浩龍任隊長的黃組奪冠。
為迎接明日清晨於巴西里約熱內盧揭幕的奧運會，《蘋果動新聞》昨日在灣仔修頓室內場館搶先主辦「明星OH！運會」，邀得王宗堯、劉浩龍（師兄）、周家怡分別擔任藍神大軍團、黃金聖衣隊及紅霸天下會的隊長，其他組員包括羅霖、林芊妤（Coffee）、唐紫睿（Hazel）、何佩瑜（Jeana）、Kevin Boy（KB）及范振鋒等，最終由黃組以480分奪冠。採訪：盧妹、馬建華、比華利、皓騫攝影：陳慧安、陳俊強
戰吧！人肉坦克
每隊派四人進入人肉坦克接力來回球場四次，藍組由頭帶到尾，Coffee在勝出一刻更興奮得跳上王宗堯懷中。
■Coffee勝出後興奮用雙腳箝住隊長王宗堯。
進擊之巨蟲
每隊派四人坐在巨蟲上接力來回四次，紅組的Hazel及阿旦雖然出盡力拉，但仍不敵有KB護駕的黃組，慘成包尾。
你扯吧啦
三組進行拔河，雖然藍組的Coffee投入到擘髀，紅組的陳蕊蕊亦不慎擦傷腳，但最終還是黃組勝出。
泡泡龍門陣
黃隊的崔碧珈及藍隊的Jeana穿上吹氣波波互撞試玩，Jeana被崔碧珈撞到成個人彈開。黃組憑攻擊力甚強的KB，最終入4球大比數勝出。
來源:
http://hk.apple.nextmedia.com/entertainment/art/20160805/19723246
王宗堯：一定要投票
1 :
GS(14)@2016-09-04 18:03:45今日是2016立法會選舉，「男神」王宗堯和盧凱彤前晚在油麻地百老匯電影中心出席「第6屆人權紀錄片電影節」開幕禮時，同聲呼籲港人去投票，王宗堯說：「選舉臨近，希望大家將集中力放喺選舉上，一家大細飲完茶，好好諗清楚，唔好畀老人家留喺老人院，一定要出去投票。」盧凱彤已定居台灣，仍表示會盡公民責任去投票：「已經叫晒屋企人去投票，自己到時會去facebook同Instagram出post，呼籲歌迷去投票，有啲人話藝人、歌手唔應該講政治，反而一定要講，一定要發聲。」會否怕被持相反意見的人鬧？她說：「唔怕，我都係做緊正確嘅事，所以一啲都唔擔心。」採訪、攝影：曹家誠
來源:
http://hk.apple.nextmedia.com/entertainment/art/20160904/19759220
Next Page