昔日愛巢家庭照全保留熊黛林準夫婿 前妻未斬纜
1 :
GS(14)@2016-03-17 14:52:50■熊黛林身在內地工作，未有對未婚夫與前妻的千絲萬縷關係回應。資料圖片
熊黛林（Lynn）與郭可盈胞弟郭可頌於前年開始拍拖，拍拖年多已到談婚論嫁階段，上星期Lynn承認已接受男友求婚，又大騷三卡、過百萬求婚鑽戒，而「二姑奶」郭可盈亦在微博留言祝福二人，盡顯郭家相當喜歡Lynn。Lynn對於婚期表示尚未定，要待工作完成才着手搞。不過，昨日有報道指二人已計劃於年底12月舉行婚禮，形式由Lynn話事，而富貴家底的未婚夫郭可頌出手非常闊綽，雖然Lynn未入郭家門，郭可頌已送過千萬嘉亨灣豪宅、保時捷名車及鑽錶給她。
■郭可頌與前妻Ami離婚，但她仍未刪走在facebook的昔日結婚照，似乎未有忘情。
■郭與前妻離婚前持有的南灣愛巢，至今仍然未放盤。
■熊黛林早已融入郭家，之前同男友齊齊出席「二姑奶」郭可盈囡囡的生日會。互聯網圖片
老公名義送蛋糕
郭可頌對Lynn錫到燶，但他與離婚兩年的前妻Ami仍有聯繫，二人共同持有的南灣愛巢，依然未放盤，二人關係依然未能一刀切。在Ami的facebook中，仍保留了不少二人的合照，包括於11年的求婚相、12年的結婚相，甚至是前年1月，郭可頌還以「老公」名義送生日蛋糕照，更攬實Ami慶祝。雖然郭可頌是搞離婚後才與Lynn交往，但前妻依然未有刪走昔日恩愛圖片，似乎還未忘情。本報昨日就此事聯絡過身在內地的Lynn，她透過短訊回覆：「對於我們來說這算不上是負面新聞。再見亦是朋友，那些美好的回憶留下也無妨。既然大家都有了新的生活，就請不要再打擾對方了，畢竟她是圈外人。也請記者們不要再打電話給我未婚夫問他的回應了，他不了解娛樂圈。」
■方媛前晚在微博放食拉麵相，莫非又同城城傳情？
城嫂食幸福拉麵
此外，Lynn的舊愛郭富城的現任女友方媛，前晚在微博放了一幅吃拉麵的消夜相，更留言：「我就發一張照片，不說話。」之後隔幾小時後又留言：「只有經歷最痛苦的堅持，才能配得上擁有最永久的幸福。」莫非是向城城傳情？撰文：唐如
來源:
http://hk.apple.nextmedia.com/entertainment/art/20160317/19532410
男人最痛 前妻出軌忍痛離婚吳奇隆鍾鎮濤覓真愛
1 :
GS(14)@2016-08-16 06:28:03大陸藝人王寶強前日自爆老婆出軌，偷食男仲要係自己經理人，當日網上就傳佢做過親子鑑定。昨日王寶強去咗法院控告妻子，事情發展真係好多劇集都比唔上。不過喺娛圈經歷過男人最痛嘅，唔只王寶強一個嘅，或者佢可以搵其他人訴下苦：八両金：97年金融風暴令八両金嘅投資凍過水，經濟陷入困境。大難當前，八両菜於99年狠心拋夫棄子，留低八両金獨力照顧當年只得4歲嘅八両仔。吳奇隆：06年底喺昆明同拍拖5年嘅大陸女星馬雅舒註冊結婚，直至09年馬雅舒被爆同澳洲男友「爆房」，先揭穿吳奇隆同馬雅舒喺08年底簽咗離婚書。吳奇隆今年3月喺峇里舉行結婚派對，再組幸福家庭。庾澄慶（哈林）：哈林同伊能靜結婚9年，直至08年伊能靜北上拍劇，期間偷會同劇嘅台灣男演員黃維德手拖手斷正，同年哈林發聲明表示離婚，兒子就跟隨哈林生活。上月那英喺大陸節目，口快快爆響口指，哈林即將與台灣民視主播張嘉欣結婚。鍾鎮濤：鍾鎮濤前妻章小蕙搭上同樣已婚嘅製衣商人陳曜旻，直至99年章小蕙先同鍾鎮濤正式離婚，鍾鎮濤喺14年同范姜喺峇里結婚。
來源:
http://hk.apple.nextmedia.com/entertainment/art/20160816/19738240
忽然宣布離婚 張達明送前妻千萬豪宅
1 :
GS(14)@2016-09-08 00:36:102016-08-17 EW
現年五十二歲的張達明與心理醫生何念慈，相識二十七年，結婚十五載。年前，張達明抗癌期間，夫妻更曾攜手共度時艱；不過，在八月二日，他們突然發出聯合聲明宣布婚變，表示兩人已經分居，之後將會各自生活，令不少人大感震驚！
張達明與何念慈育有一子一女，今後將共同教養，做不成夫妻，恩情還在。本刊就發現，原來早在公布分訊前，張達明已安排妥當，豪擲逾千萬購入豪宅給女方作補償，而自己則搬返早年買下的黃竹坑居屋，過寡佬生活。
一條心抗癌
〇一年，棟篤笑匠張達明（達Ming）與臨牀心理醫生何念慈結婚，婚後育有一子一女。四年前，達Ming發現患上鼻咽癌二期，化療導致暴瘦、嚴重脫髮、體內鉑金含量超標六十三倍，以及四肢麻痺等後遺症。當年，兩公婆一條心對抗逆境，為了應付龐大醫藥費，更有傳他們不惜賣樓套現；而何念慈亦一直陪伴達Ming左右，支持他力抗癌魔。
今年三月，達Ming孖住組合農夫開了三場棟篤笑，當時他就透露，身體狀況康復良好，以及體重已回升至一百一十磅。意想不到，曾經被視為圈中恩愛夫妻的達Ming與何念慈，患難時互相扶持，偏偏在男方身體狀況有明顯好轉時，卻驚爆婚變。兩人於八月二日在微博公布分居聲明，表示兩人已分居一段時間，各自生活，但有共識分開後，仍會以友愛態度共同教養孩子。
兩人的聲明亦有提及分開的原因，表示他們對人生的詮釋不同，各有獨特的期盼，所以分開希望給對方更多的空間，去追求人生的所想。
不過，早前達Ming接受訪問時就曾經透露，服藥令到脾氣變差，他坦言：「會突然似爆炸咁爆出嚟， 家少食咗嗰種藥，不過嗰種影響可能仍然存在住。最近，樓下半夜有人食雪茄，煙味衝上我屋企，仔女房都有，好難聞，影響到佢哋瞓唔着；半夜一點幾，我忍唔住就攞住張櫈唔停打落地下，好似黐咗線，好！」達Ming受藥物影響，脾氣突發性暴躁，懷疑可能也是促成婚變的導火線。
一支公逛街
而本刊就發現，達Ming和何念慈分居亦似早有安排。去年九月，他就豪擲一千零六十八萬元購入大圍名城的一個高層單位，業權並全歸何念慈所有，似是給女方分開後的補償。
至於達Ming本人，據悉，近月已搬回婚前買入的黃竹坑南濤閣居屋單位，平時出入多是一支公，令人倍覺他孤單。日前，一連兩天，記者皆見達Ming寡佬出巡，現身中環的ifc。
當日下午，他先在Apple Store購買了一部平板電腦，及後再到護膚品店購買lotion套裝。現場所見，他戴着黑超跟店員有講有笑，精神不錯，購物後到停車場取車，駕駛他近百萬元的波子火速離開。
另一天，下午約五時許，再見達Ming行色匆匆現身ifc，趕忙在超市買了一袋麵包，然後趕忙去廁所，最後急步取車離開，似是好趕時間。
婚變後亦是朋友
娛樂圈中，不乏有夫妻離婚後，再見亦是朋友，繼續維持友好關係，以下三對肯定是當中的表表者！
謝賢與狄波拉
謝賢和狄波拉的婚姻維持十六年後，九五年分開，兩人離婚時竟激動地擁抱，似滿懷感慨。二千年，狄波拉再婚嫁鬍鬚Kong，謝賢大方祝賀。至今，謝賢、狄波拉與鬍鬚Kong更時有見面飲茶，關係好到被媒體稱為「三公婆」。
薛芷倫與馬清偉
社交名媛薛芷倫，於〇一年與大生地產主席馬清偉分開。離婚後，兩人共同擁有兩子一女的撫養權。每逢過時過節，「全家」會見面共聚天倫，不時更會一起旅行。年前，薛芷倫不幸患乳癌，馬清偉對前妻不離不棄，更讓她在馬家大宅休養，方便照應。而薛芷倫跟前夫的現任女友，亦相處融洽。
曾志偉與王美華
曾志偉跟首任太太王美華（寶媽），婚後誕下了寶儀和詠儀兩姊妹，但婚姻僅維持三年。離婚後，雙方沒有講過對方不是，王美華更代為照顧曾志偉長居台灣的父母，打理曾家的大小事務。年前，她更透露，跟曾志偉的現任太太宋麗華關係一樣友好，每次到加拿大都住進她的家。
撰文 錢慧 設計 林文俊
稱遭Selina公司老屈張承中指前妻係「神主牌」挨轟
1 :
GS(14)@2016-09-14 05:52:17台灣女子組合S.H.E成員Selina(任家萱)，今年3月同老公張承中(阿中)離婚嘅消息，震驚各界。阿中由「不離不棄好男人」變成千夫所指。自從離婚後，阿中有一段時間好少出fb po。前日阿中出post，點知就挨轟要急急刪post。佢講咗啲咩？就係話Selina係：「女主角傷癒勇敢的神主牌，我是男人，不怪我要怪誰？」咦？其實阿中嘅fb留言，原先係講佢為一位S.H.E歌迷提供法律意見，之後有感而發咁講媒體對佢嘅指控，為咗炒作「吸睛」，所以要佢食死貓。但係文中一句﹕「女主角是傷癒勇敢的神主牌」，被指是暗插Selina。網民留言話：「麻煩你先google一下神主牌什麼意思再講話好嗎」，「你確定你知道神主牌的意思。」阿中當時就回應話：「『神主牌』沒有惡意，只是打比方，我的意思是受傷、奮起、形象佳，很棒！」不過冇幾耐阿中就刪咗文。到昨日阿中再出po解釋番刪post一事，仲爆出年初宣佈同Selina離婚時，S.H.E所屬公司「華研國際音樂」要佢去死，阿中引述華妍當時係咁樣同佢講：「阿中，我們理解，但這是震撼彈，媒體輿論會瘋掉，你必須死一次！」阿中又話：「兩人和平的決定我哪裡錯了？現在懂了，輿論本來就對女人多一點同情，對男人多一點期待」仲話自己當時係承受咗一啲莫須有嘅指控，之前唔講只係因為唔想多講私事。刪post係為咗保護同佢有聯絡嘅歌迷，而非怕被批評。昨日下晝兩點，阿中再次於fb道歉，指「神主牌」三個字係自己嘅疏忽，並無惡意嘅；佢重申多次刪post係因為唔想歌迷出書會節外生枝。
來源:
http://hk.apple.nextmedia.com/entertainment/art/20160914/19770082
一拖三同前妻去沖繩非復合啟華吹噓拍散拖
1 :
GS(14)@2016-09-29 08:05:38■被指與前妻石洋子翻撻的吳啟華，昨日否認並指現時沒固定女友。互聯網圖片
現年52歲的吳啟華跟31歲前妻石洋子離婚兩年，兩人育有7歲女兒吳熙兒，有報道指啟華難忘嫩妻舊情，不時到澳門賭場散心，於三個月前更的起心肝重新發動追求攻勢，終於成功翻撻嫩妻，早前兩人更孖趙碩之和周美欣到日本沖繩，玩足五日四夜愛火重燃。昨日啟華接受本報電話訪問，否認跟前妻復合：「我同洋子關係其實一直好好，就算分開咁耐，冇反過面，佢始終係我個女嘅媽咪，我一直對佢好好，而家當咗佢係親人，好似我大女咁，佢有唔開心都會嚟搵我傾偈，其實我一直有同佢出去玩，今次又唔係第一次，已經去過好多次，以後都會繼續去，有時會帶埋囡囡，有時會同其他朋友去。」
■一拖三女去日本沖繩旅行的啟華，不怕女友呷醋。互聯網圖片
■啟華直認與前妻關係好，有時更會帶囡囡一起去玩。資料圖片
「唔諗結婚」
啟華似乎見過鬼怕黑，視婚姻如墳墓，他坦言：「復合就應該冇乜可能，因為我唔想囉，實在太享受而家單身嘅身份，我唔想返去俾老婆管住嘅階段，亦唔會諗住再結婚，女朋友可以，但結婚就唔好。」問到現在有否女朋友？啟華坦白說：「冇固定囉，亦唔想要固定，拍吓散拖囉。」轉食散餐的啟華，被問到女友是否圈中人？他笑說：「梗係唔係啦，太麻煩啦圈中人。」一拖三跟前妻、趙碩之和周美欣去沖繩，不怕女友呷醋？啟華抵死說：「唔係固定女友，有乜權呷醋！」採訪：皓騫
來源:
http://hk.apple.nextmedia.com/entertainment/art/20160929/19784714
【爆相爆片】吳啟華陪前妻 蜜遊東京浸溫泉
1 :
GS(14)@2016-10-14 06:52:19【雙語廣播】■吳啟華和前妻石洋子日前遊東京，在服務台以英語詢問tour資料，之後又用普通話與前妻溝通。讀者提供圖片
現年52歲吳啟華和31歲前妻石洋子掟煲唔掟蓋，上月兩人才孖趙碩之、周美欣同遊沖繩，怎知短短一個月後，日前這對離婚夫婦又再蜜遊日本，今次更是二人世界去東京。讀者林先生透過本報「爆相爆片」，分享他捕獲二人的相片，林先生在電話表示：「見到佢哋喺Hilton酒店嘅服務台問資料，打開本旅行書想book tour，仲叫職員一定要confirm畀佢哋。」當時吳啟華用英語跟職員溝通，石洋子不停叫他問職員攞資料，吳啟華忙於用英語、普通話雙語廣播，大約搞了10分鐘左右，職員幫他們搵到一個地方，不過因為沒聯絡電話號碼，吳啟華又叫職員查附近店舖的電話。
【細心查閱】■吳啟華坦言二人世界去東京浸溫泉，但否認與石洋子復合。讀者提供圖片
■吳啟華表示經常一家團聚，前妻始終是女兒的媽咪。資料圖片
「只係家人感覺」
吳啟華對於被踢爆孖前妻蜜遊東京，昨日他在電話不耐煩地說：「有乜嘢出奇箒，去到邊都有中國人，影到咪影到囉，都話會同佢去囉，一直都有去，以後都會去。」問到今次二人世界旅行，玩得開心嗎？他說：「浸吓溫泉囉。」其實大多數人很難與前度再見亦是朋友，問到如果將來復合會否公開？啟華坦言：「不過萬一呀，萬分之一啦，真係復合嘅話，都會話畀你知，不過喺我角度，起碼暫時就一定唔會嘞。」記者祝福他們將來一家團聚，啟華說：「我哋成日都一家團聚，就算唔復合，佢永遠都係我屋企人，佢係我個女嘅媽咪，如果等復合消息，真係有排等，慢慢等吓啦！不過其實同佢單獨旅行唔係第一次，之前冇人影到啫。」離婚後仍二人世界去旅行，不怕前妻誤會想翻撻？他說：「大家冇嗰種感覺，只係一種家人感覺囉，唔係嗰啲男女關係。」採訪：皓騫、唐琛悠
來源:
http://hk.apple.nextmedia.com/entertainment/art/20161014/19799838
稱前妻法拉係「朋友」薛世恆想搵個伴生仔
1 :
GS(14)@2016-11-16 05:47:56陳法拉大前年同Neway太子爺薛世恆離婚，仲離開埋大台，今年喺事業同愛情都有新發展，好似之前佢就同黃子華合演咗舞台劇《前度》，今年8月仲傳佢有新戀情，話佢同法國駐日外交官Emmanuel Straschnov拍拖。法拉發展如意，薛世恆亦唔輸蝕，先後同梁雨恩、廖碧兒同朱璇傳緋聞，而一直唔願回應嘅薛家大少爺，最近接受周刊訪問，講到前妻，佢依然冇正面回應二人嘅關係，只話唔想影響到朋友，佢用朋友來形容陳法拉。薛世恆同陳法拉一直都冇釐清過二人嘅關係，但外界一般都會話佢哋係離婚，專訪中，薛世恆依然冇正面回應，只係一笑置之，仲話唔想提及，因為唔想影響朋友，口中嘅朋友就係法拉。但係薛家大少爺就講到，一段感情去到呢個地步，佢自己都有反省過自己，覺得自己唔識溝通，同埋太自我，當中佢學會揀對象時，係唔好要求人哋點點點，而係要求咗先。但薛世恆就話新戀情，就要隨緣，佢坦言經常一支公出席活動，都希望有個伴陪吓自己，亦都好想有小朋友，仔女都冇所謂。至於緋聞同爭產，薛世恆先後同梁雨恩、廖碧兒同朱璇傳緋聞，薛世恆解釋好多都係朋友，佢舉例，有次報道話佢同六十個女仔一齊過生日，但其實當時仲有六十個男仔，但報道就唔提；有次同女教友傾偈，就話佢媾中女，搞到佢好唔好意思。緋聞冇個真，咁爭產佢又點解畫呢？薛世恆重申自己同細佬薛嘉麟感情好，由細玩到大，仲話老竇係在生，點會爭產。至於失勢，佢自己13歲就移民去咗澳洲，讀完中學返香港，喺香港科技大學修讀電腦系學士及碩士課程，之後再取後特許金融分析師(CFA)資格，03年就開漿到爸爸嘅印刷廠同Neway工作，之後爸爸就話想到澳洲深造，所以就由佢暫幫手睇住間公司，08年，爸爸話有啲時間睇番盤生意，所以佢就發展自己嘅事業，創立咗一間投資公司，專做投資、股票同物業生意。佢仲笑話，唔知細佬做緊乜，咁講又好似真係如報道講，好不和咁，哈哈！
來源:
http://hk.apple.nextmedia.com/entertainment/art/20161116/19834952
疑不滿失兒子監護權狠心男槍殺前妻一家12口
1 :
GS(14)@2017-01-05 08:01:01巴西東南部城市坎皮納斯（Campinas）除夕夜發生滅門屠殺案，一名男子闖入前妻家迎接新年的家庭聚會，開槍殺害至少12名姻親後，飲彈自殺。聖保羅警方表示，行兇槍手不滿前妻而犯案。12名命喪他槍下者除了他的前妻，還包括他們年僅8歲的兒子。總計有13人遭槍殺，另有三人情況危殆。12名受害者都是一家人，聚在一起迎新年。槍手與前妻最近才分手。一位鄰居表示，他在午夜前約一刻鐘聽到爆裂聲，但未立即認出是槍聲，而非新年煙火爆炸聲。直到有一名傷者跑進他們的住宅，身上流著血向他們求救，他們才了解有人中槍。警方表示，他們在半夜12時40分接獲報案趕到現場。美聯社／路透社／美聯社
來源:
http://hk.apple.nextmedia.com/international/art/20170103/19885140
貪官逃美 前妻付逾億換輕判
1 :
GS(14)@2017-01-14 07:54:21中國通緝外逃貪官「紅通」第3號人物原中儲糧官員喬建軍的前妻趙世蘭（圖），日前與美國控方達成協議，承認移民詐騙，同意將數千萬美元（逾1億港元）房產全送美聯邦政府，以尋求輕判或獄外監管的刑罰。喬建軍則依然在逃。據美國移民和海關執法局（ICE）指，53歲的趙世蘭本周簽署認罪協議，同意以25,000美元保釋金支付罰款，並放棄4處房地產，每個都值過千萬美元。美聯邦法院起訴原中儲糧河南周口直屬庫主任喬建軍2008年和前妻趙世蘭以夫妻名義遞交投資移民申請，並在2011年申請永久綠卡，謊稱資金來自喬的兩家麵粉廠，實為貪賄贓款。美國家稅務局刑事調查員表示將採取措施防止海外不義之財透過美國金融系統洗錢。喬建軍貪污7億人民幣，過半轉移美國，全用來買房。趙世蘭前年在西雅圖被捕後出庭還襲擊記者。聯邦法官指宣判聽證定於11月6日，趙面臨最高5年徒刑。美國《西雅圖時報》
來源:
http://hk.apple.nextmedia.com/international/art/20170113/19895223
Next Page