逾萬毛公仔坐滿球場 背後原因超催淚...
1 :
GS(14)@2016-08-14 14:29:10英國威德尼斯（Widnes）一名14歲少年為了悼念亡友及替基金籌款，收集了逾萬隻毛公仔，填滿當地一個欖球場的座位，場面壯觀，原來遠至中國大陸也有善長幫忙。傑克遜（Aidan Jackson）為悼念病逝的女性好友沃克（Olivia Alice Walker），周四花了六個小時，在球場座位上放置了10,500萬隻毛公仔，成功籌到逾2,600鎊（2.6萬港元）善款給對方名義的基金。他一臉滿足地表示，相信好友在天之露，看到整個球場遍佈毛公仔都會很高興。傑克遜收到來自全球善心人送贈的毛公仔，其中一名女子捐了500隻毛公仔，甚至遠至中國也有善長支持，傑克遜說：「我的姊妹當時身在中國，她將這個活動告訴同學，她的教授還要求每人都買毛公仔支持呢！」傑克遜與身患殘疾的沃克在一個泳會認識，但兩年前，她因併發症過身，年僅15歲。去年沃克的家人成立一個基金，希望幫助其他傷殘兒童，而沃克很喜歡毛公仔，故傑克遜決定用毛公仔籌款。其實今年初傑克遜也曾游水籌款，腿部肌鍵有問題的他，花了三個月時間游了相等於英倫海峽的距離，結果籌到6,500鎊（6.5萬港元）。英國《都市報》／《Liverpool Echo》
來源:
http://hk.apple.nextmedia.com/international/art/20160814/19735779
【100萬毛...都唔夠買樓】賣歌收1毫 夢想由90呎劏房開始
1 :
GS(14)@2017-01-07 00:29:04嘉嘉為追尋音樂理想一個人返香港
喺香港發生嘅事千奇百趣，劏房樓應該係世界之最。之前有報道話：「集全宇宙之力，都阻止唔到地產商規劃劏房！」最近有個終極劏房盤現身，單位實呎只得128呎！128呎嘅樓總有人會買、仲有人住，但要買得起呢啲呎價起碼上萬嘅樓、100萬起錶，要買，好似今次受訪者鄭嘉嘉咁，就要寫1千首歌，每首歌喺網上賣(下載)到1萬次，先有100萬。
當年住90呎嘅劏房一角(圖片由受訪者提供)
嘉嘉話07年住嘅劏房只可以喺廁所煮食(圖片由受訪者提供)
嘉嘉仲鍾意畫畫舒發情緒，呢啲係開心時畫嘅
2010年簽約東亞唱片做歌手嘅鄭嘉嘉係80後，07年由加拿大返嚟香港尋找佢嘅音樂理想，未做歌手，先做幕後，做電影、電視、廣告等後期配樂，佢話佢初初返到嚟冇諗過要住劏房，佢形容佢間劏房似監倉：「因為實在太細喇，我嗰陣時就住90呎劏房，根本上我嘅人工淨係可以afford到住啲劏房，嗰陣時(租金)3200蚊。」呢個錢已經佔咗佢當時收入嘅6成，房入面1張床、3個喼，煮食仲要喺廁所，佢嗰陣時真係瞓覺先喺屋企。唔開心？梗有o架！當年自己一個飛番嚟香港，喺嗰邊同屋企人住嘅2千呎大屋喎，所以佢要搵個捱得過嘅方法：「You are not alone。我嗰間90呎房算大喇，其實前面有6間，咁第一間房係比較細啲o添，嗰間房住咗一對夫婦，啱啱生咗個小BB，你就會覺得自己已經好幸福。有時噴吓啲香薰，黐到道牆藍色、貼滿晒星星，同埋咁細嘅地方好容易清潔啫。」
嘉嘉喺加拿大時家中嘅鋼琴房(圖片由受訪者提供)
嘉嘉同家人喺2千呎家中食飯(圖片由受訪者提供)
以前未有錢租Studio做音樂，惟有喺呢個廳工作
雖然嘉嘉話自己返港嘅目標係音樂，對住屋冇要求，但佢努力搵錢搬大啲嘅屋住，呢9年嚟，由90呎、120呎…到o依家結咗婚同丈夫住喺奶奶提供嘅2百幾3百呎單位，佢話：「真係對我哋係好大嘅幫助。」佢又冇諗過買樓：「唔去旅行、唔睇戲，就算唔出街食一餐好嘅都未必儲到錢買樓，因為實在太貴，因為儲100萬真係好難好難嘅事嚟o架。」100萬真係得來不易：「我相信1千首自己嘅作品，而每1次作品Download嘅要有1萬次，我先可以賺到100萬，因為你喺網上賣，仲要同佢哋嘅平台分，之後公司扣除晒所有嘅expend，我可能一首歌一毫子都未必收得到。」哼着聽慣聽熟、自己寫嘅魚魚餅廣告歌，嘉嘉話：「住嘅環境當然係加拿大好啦，2千幾呎喎。咁香港我覺得係一個實踐夢想、去奮鬥、去做好呢份工嘅地方。」
依家同丈夫住喺約3百呎、奶奶提供嘅單位
唔儲錢買樓，當然會去旅行食好西！
同丈夫一齊租咗個8千蚊租嘅Studio，咁可以努力做音樂
採訪：懷鈺拍攝：馮峰、Kaman剪接：Roy
來源:
http://hk.apple.nextmedia.com/entertainment/art/20170106/19887563