當年被封毒瘤明冇得撈劉錫明泯恩仇 影YES！卡
1 :
GS(14)@2016-05-08 02:56:15■劉錫明廿年來首次回港工作，就幫有過仇口的《YES!》影Yes!卡。
曾經有劉德華接班人之稱的劉錫明，在90年代因為公開承認欣賞周慧敏而令其當時男友倪震不滿，最後倪震在自己旗下的《YES！》雜誌，連續三年以「毒瘤明」抹黑唱衰「情敵」，令劉錫明事業插水，最終被迫轉到台灣發展。直至08年，倪震終於對劉錫明表示歉意，劉錫明亦大方表示接受這個「遲來嘅歉意」。
■倪震當年為了周慧敏，利用《YES!》唱衰劉錫明。資料圖片
為囡囡出山
昨日在《YES！》的fb專頁上，上載了一條劉錫明接受訪問的短片，原來今次他應在下月3日舉行「YES！25周年演唱會」的主辦單位邀請回港拍攝，目前雙方正努力度期，希望到時可以參與演出。今年7月便52歲的劉錫明，外貌未見有太大改變，談到今次首次影YES！卡，他說：「我記憶當中應該係冇，今次覺得好開心，其實呢次嘅YES！卡係為咗囡囡，希望佢可以扭吓扭吓，見到爸爸噃。我最想自己嘅相可以印喺支筆上，囡囡返學嘅時候用到，寫寫下就會見到爸爸。」他亦透露如果今次成事，將會是20年後再度在港演出。撰文：唐琛悠
來源:
http://hk.apple.nextmedia.com/entertainment/art/20160507/19601295
【張德江訪港】Banner拆極都有 車隊撞正冇得走
1 :
GS(14)@2016-05-21 13:00:32全國人大委員長張德江昨日上午12時左右抵港，落機後接過小學生所遞花束，逐一與在場握手。張德江在發言後隨行政長官梁振英登上專車離開。昨日早於獅子山掛上「我要真普選」黃幡的社民連，中午趁張德江車隊駛經期間，在東涌小蠔灣一個天橋地盤掛上「結束中共專政」巨幡，由於張德江登車時坐在後座右邊，而巨幡又在車隊的右邊，成功與車隊「撞到應」，但未知張德江有否在車內看到社民連訴求。社民連主席吳文遠於其facebook表示，趁警員未能趕及拆除，在北大嶼山公路掛上了「結束中共專政」巨幡。而數十名警員期後到場，在在起人士截查身份證。另外，社民連亦在青馬大橋往九龍方向的山坡上，掛上「撤回831決定」的大型標語直幡。社民連主席吳文遠、副主席陳德章、副秘書長周嘉發及成員馬雲祺，因在北大嶼山公路展示標語，被警方以道路交通條例拘捕，押到大嶼山北分區警署。副主席黃浩銘、成員施城威及周劍豪，則因在青馬大橋山坡展示標語，被警方以阻差辦公罪名拘捕，押到青衣警署。
來源:
http://hk.apple.nextmedia.com/news/art/20160518/19616999
【黃子華拍廣告】「關公」被濫用 負評冇得避
1 :
GS(14)@2016-05-21 18:47:15又召喚「關公」？昨天出街的大家樂廣告，找來男神黃子華做主角，鬼鬼馬馬「壞心」做好事，希望散播正能量，讓大家重拾快樂。本來最正面的廣告，放上官方facebook專頁，又惹來負評連連，投訴連鎖快餐店服務差、食物質素參差，網民嘆氣說，男神都救唔番，連邵仲衡也轉載，仲話「睇留言得人驚！」難道真的召喚萬千寵愛在一身的facebook專家黎明先救得番？於是找了資深廣告人兼社交網絡專家「路迪涼」Rudi和《廣告狂人》主編Raymond，請教如何拆解「關公災難」。
Rudi聽到消息後笑了一笑，「哪來那麼多『關公災難』？」誠然，自從品牌加入社交媒體之後，關公越來越忙碌，每次有新一輪廣告攻勢，總會惹來負評。即使最近邀請明蝠俠和腦細林日曦拍廣告的雀巢咖啡，出街幾小時就吸引200多萬瀏覽，依然有人翻提品牌在破壞熱帶雨林的新聞，Raymond也道：「大型品牌都背負不少原罪。」那應該如何拆解？Raymond舉出嘉士伯早前就網絡紅人Lulu做代言被插，最終由facebook小編秒回政策，以幽默化解「災難」的例子，表示取決於品牌態度。Rudi則認為，大家樂較為大眾，而且今次惡意批評較多，負評非常主觀；網民亦不是不喜歡代言人黃子華，品牌難以用同一套方法拆解。說到底，Rudi表示，意見當然可以聽，品牌不用太緊張掀起所謂「關公災難」，認為說法已被濫用，避無可避。Raymond都覺得，要有好的形象，最終也是改善服務。香港人輕鬆啲，畀關公唞吓，不要經常OT，得閒搵吓周公囉。記者：馬朗澄
來源:
http://hk.apple.nextmedia.com/su ... t/20160520/19619348
劉德華都要企開！粗口麻雀冇得打「發財」
1 :
GS(14)@2016-07-06 08:06:08(翠如BB慎入)要學識一種語言，首先一定係學識點樣講粗口，尤其是係廣東話嘅粗口。以「門」為部首嘅廣東話粗口，組合同應用稱得上係千變萬化，而且講粗口要睇場合，打麻雀就啱X曬。有個設計專頁就利用呢個特質，整咗副以粗口為主題嘅「嗱喳麻雀」。根據fb專頁Studio Sorry嘅短片所講，呢副咁別出心裁嘅麻雀一共有105隻，其中64隻係顏色粗口字牌，好似「尸口巾」、「門西」(費清拆開曬啲字，但你都應該睇得明）同「老母」等（唔好問點解「老母」係粗口），35隻白色普通字牌，仲有2隻百搭牌。玩法同一般麻雀類似，一開始都係翻轉晒啲牌嚟洗，每人攞13隻。每次出牌都要「言之成理」，運用你粗口知識砌成一句順口合理嘅組口。第一次出牌一定要出5隻，亦可以用台面現成嘅牌拆出嚟砌成新一句，出唔到就要摸牌，最快出晒手頭上所有牌就完場，每完一舖之後就按剩低嘅牌去計分，最低分就係贏家。專頁條片仲寫住「#?爆粗打冷震」（唔明嘅返去惡補潮文）同埋「#撐粵語」，後得到網民力撐，而家已經有接近萬五個Share。費清本來想問吓設計者會唔會真係有得買返副嚟玩，不過暫時就未收到回覆。有啲大人逼學生喺學校用「普教中」，但究竟用廣東話定普通話學中文好？費清唔直接答你，只係想果啲大人問吓自己，鬧人嗰時係用廣東話粗口定普通話先啦。
https://www.facebook.com/studiosorry/費清＃要生計，也要生活＃毋忘初衷
來源:
http://hk.apple.nextmedia.com/news/art/20160706/19683747
【有話兒】杜琪峯欽點游乃海接班「冇得揀呀！」
1 :
GS(14)@2016-07-09 07:02:15■雖然杜琪峯（左）會在片場教訓游乃海，但無阻二人師徒情誼。攝影：仇志德
說到銀河映像，人人只知杜琪峯、韋家輝兩位創作大腦，往往忽視游乃海。游乃海默默跟隨杜、韋20多年，曾經憑《大隻佬》和《黑社會》兩奪香港電影金像獎最佳編劇，更是銀河映像今後的掌舵人。日前，杜Sir和游乃海接受本報專訪，提到欽點游做接班人，杜Sir說：「冇得揀呀！」撰文：羅慧敏
先後跟杜Sir合作過的電影人無數，得到器重的不多，估計游乃海必有過人之處。杜Sir徐徐放下雪茄，說出因由：「冇得揀呀，走晒，得番一個！」這當然是杜Sir開的玩笑，畢竟他見證着游乃海成長，更從他身上看到與別不同的特質，「佢係最有韌力嘅一個，無論你留佢24小時、36小時或48小時，佢都唔會離開。呢樣非常難能可貴，係一條心做一件事。」
捱罵在所難免
游乃海對電影充滿熱誠，全因他追隨的是杜Sir和韋家輝。「杜生同韋生係老師，銀河映像係學校，兩位精神無敵，覺得電影仲有好大發展空間，不斷breakthrough自己，呢啲都係令我不斷學習嘅原因。」在嚴師身邊學習，壓力不少，捱罵亦在所難免，游乃海沒有畏縮：「如果自己唔啱，俾人鬧係應該，如果有脾氣上嘅發洩就另一回事。」但原來杜Sir亦試過被師傅王天林責備，杜Sir說：「拍《鎗火》時佢做演員，叫我行過去，問我你拍乜嘢，成晚搞緊乜？」
■現實中的三人行，除了游乃海、杜琪峯，還有韋家輝。資料圖片
■《三人行》是杜Sir和游乃海共同監製的新戲。《三人行》劇照
時代屬年輕人
即將上映的《三人行》由杜琪峯執導、游乃海編劇，講述主角古天樂、鍾漢良和趙薇分別從對方身上看到自己的錯誤而改變，這「三人行」是否代表着杜琪峯、韋家輝和游乃海？杜Sir笑說：「你可以咁樣解讀，但我唔會，因為韋生好少犯錯，我就經常錯！」時代是屬於年輕人的，杜Sir和韋家輝已決定交棒給游乃海，杜Sir說：「日後銀河映像嘅發展應該由新一輩去想像，希望佢哋對電影嘅未來有新睇法，唔需要跟隨我哋嘅時代。」
由九十年代開始，游乃海一直追隨杜琪峯與韋家輝，不經不覺二十多年
雖然師傅會在片場教訓徒弟，但無阻二人師徒情誼
今年是銀河映像二十年，杜sir公開點名游乃海是接班人
杜sir指日後銀河映像的發展應該是另一個時代，應該由新一輩去想像
游導演認為杜sir與韋家輝是天才，唯有不斷追求，突破自己
雖然二人不認為與對方相似，但兩師徒笑容非常一致
當年徒弟今日師傅，杜sir笑言曾在拍攝《鎗火》被王天林師傅責備：你成晚喺度搞咩呀
杜sir新戲《三人行》，講述三位主角古天樂、鍾漢良和趙薇三人錯同醒覺的故事
而現實中的三人行，除了杜琪峯與游乃海之外，當然還有鬼才編劇韋家輝
杜sir認為與韋家輝的感情比親兄弟還要豐富，合作廿幾年的氣氛都很良好
杜sir最後寄語徒弟「我認為他們不需要跟隨我們的時代，是你的時代就做你自己的事」盡顯大師風範巾
來源:
http://hk.apple.nextmedia.com/entertainment/art/20160709/19687244
TVB獨播里奧 觀眾冇得揀 議員憂無競爭 節目質素降
1 :
GS(14)@2016-08-07 00:57:39【本報訊】四年一度的奧運今屆於巴西里約熱內盧舉行，有報道指TVB以約1.6億元購得今屆奧運獨家轉播權，是多屆以來本港首次只有一間電視台播放奧運。有議員表示，TVB曾有藝人評論賽事時鬧出笑話，表現不專業，擔心在沒有競爭下會不顧節目質素。有科技業人士則稱，以往有兩間免費電視台播放奧運，觀眾叫「有得揀吓」，惟今屆「冇得揀」。記者：張文鈴
巴西奧運於明日揭幕，TVB今次以1.6億元奪得里約奧運電視轉播權，包括所有跨媒體，如免費電視、收費電視、互聯網及流動平台。有報道指，TVB投得今屆奧運轉播權，連同節目製作費，料「埋單」近3億元。TVB派出逾50人任奧運主持和評述，藝人包括陳百祥（阿叻）、朱凱婷、麥明詩、李思雅等，亦邀請香港體操隊前代表黃曉盈、香港足球隊前代表潘文迪等作專業評述。
阿叻傳聖火
藝員做主持
阿叻傳聖火惹爭議
公民黨毛孟靜表示，過去TVB在播放奧運節目時，用藝人做主持評論奧運賽事，結果鬧出笑話，「觀眾唔係professional（專業），但都知你係度亂咁講，希望今次TVB自己同自己把到關」。
TVB早前因合作夥伴身份獲邀派代表傳遞奧運聖火，派出諧星陳百祥做火炬手，結果引起輿論非議。毛孟靜又指，「原本都以為ViuTV可能同佢（TVB）分下（奧運節目）都得，點知都冇，（觀眾）基本冇得揀，令人遺憾」。她稱，香港免費電視市場小，令TVB獨大，「其他嘅（免費電視台）又唔夠財雄勢力、老牌子」。她擔心，TVB在沒有競爭下會「得戚、自把自為」，不顧節目質素。
洗腦主題曲
奧運神獸卡
■亞視於京奧邀李麗珊（中）任主持。
香港資訊科技商會榮譽會長方保僑則表示，港人往年均可從TVB和ATV免費收看奧運，「每間電視台評論員嘅水平都唔同，觀眾都叫有得揀吓」。他說，作為一個觀眾，今屆在沒有選擇之下，要看奧運賽事就惟有看TVB，「變相冇得揀，但有好過冇囉」。方稱撇除收費電視台外，免費電視台ATV於今年正式停播，剩下TVB和ViuTV，「TVB始終有多條頻道，就算用一條頻道播晒，唔想睇奧運嘅觀眾都可以睇其他（節目）」。他又指ViuTV現時只有一條頻道，若調動或暫停節目而改播奧運，部份ViuTV觀眾不看奧運就等於「趕客」。
來源:
http://hk.apple.nextmedia.com/news/art/20160804/19722410
香取冇得做應援
1 :
GS(14)@2016-08-21 08:11:12■木村拓哉透過電台節目為解散一事向粉絲道歉。
日本國民級組合SMAP宣佈解散，成員日後去向受到關注，香取慎吾由2005年開始為朝日電視台任日本足球代表隊應援隊長，昨日電視台方面宣佈他將會停止出任為日本隊的打氣工作。
SMAP成為前經理人飯島三智與事務所權力鬥爭的犧牲品，尤其跟飯島三智感情最好的香取，受到最大打擊，有報道指他情緒大受影響，甚至可能日後會離開藝能界，香取有工作取消的消息傳出，即令外界大為擔心。至於木村拓哉於SMAP公佈解散當日正跟家人到夏威夷，前晚他透過其主持電台節目《木村拓的What's UP SMAP！》親自用聲音向粉絲談及近期風波，不過未有提到「解散」兩個字：「各位晚安，我是木村拓哉，這次因為SMAP的事情給大家增添了痛苦的回憶，真的深感抱歉。」撰文：程芬
來源:
http://hk.apple.nextmedia.com/entertainment/art/20160821/19744035
Next Page