【創業媽媽】大熱餵奶巾+溫暖牌蛋糕 湊仔湊老公兼顧事業
1 :
GS(14)@2016-09-17 17:53:35Macy曾經因時裝店負債二百萬，轉型後靠嬰兒用品創出一片天。
在家做少奶奶，極可能是大部份女生的夢想，但現實歸現實，不少媽媽產後也要幫補家計。根據「婦女事務委員會」2015年的「香港女性統計數字」，30至50歲已婚女性勞動人口參與率高於60%，即是過半數在港媽媽，婚後也要重返職場。但香港地打工仔時間困身，為求爭取時間與仔女見多幾面，有媽媽大膽創業，更自組「香港地創業媽」群組，集氣發揮港媽創意。
（１）利時潮媽助姊妹們創業
「好多媽咪不知道如何踏出第一步，想湊小朋友同時幫補家計，但無從入手。」擁有兩個小朋友的靚媽練美施（Macy），曾經在利時賣時裝十年，為照顧家人結束所有實體時裝店，正式投入Little Fitting Room網店，主打手工嬰兒頭飾，facebook專頁有超過3萬粉絲支持。上月更與兩位本地媽媽一齊開辦「香港地創業媽」群組，聯繫有心創業的媽咪。首個市集活動，便吸引超個40個媽咪創業單位揮手，「我和另外兩位媽咪即興開page，想在中秋前舉辦市集，所有聯絡、場地、贊助商都安排得非常趕。」可幸一班母親發揮專長，隨機應變，「活動前一天急需準備十幾個襟針，便有媽咪挺身而出即晚趕工。」群組將於10月底舉行萬聖節燒烤，延續媽咪創業心得。
Macy近年的設計點子，也是從全職媽媽生活開始，眼見囡囡三個月大時只有幾條頭毛，可愛不足，坊間又難尋合心水的頭飾，便自己動手做嬰兒頭飾、嬰兒帽、餵奶巾、口水肩、百家被，深受本地媽媽歡迎，「媽咪為免走光，餵母乳時會用餵奶巾遮掩，但餵奶巾的設計唔夠靚，顏色、質地唔夠好，又唔夠大。」從自身餵奶的經驗出發，採購合適布料，設計貼心又實用款式。而百家被的出現，也與仔女有關，「家中有半個衣櫃都是仔女的衫，送給朋友未必合用，而且要遷就碼數，所以參考外國的百家被做法。」將嬰兒衫改造為百家被，工序繁複，Macy便找來擁有三十多年經驗的裁縫處理，只要有30件衫，就可以兩星期起貨。
Macy日捱日捱，做中醫的老公當然心痛，「他曾經也是時裝店老闆，明白創業的壓力及滿足感，一路上好支持我，要多謝他行人生每一步都會諗埋我。」
Macy的網店
facebook：LittleFittingRoom
（２）異國勢力巧手裝飾蛋糕
本地媽媽一針一線起家，異國媽媽一樣靠雙手創業。有份參與「香港地創業媽」頭炮市集活動的The Sweet Tooth Fairies，便是好例子。「小朋友返學要慢慢獨立，唔可以成日同我一齊，作為媽媽也要開始放手。」來自新加坡的黃詩慧（Grace），十年前跟隨瑞士人丈夫來港做生意，從事有返工冇收工的投資銀行工作，與很多媽媽一樣，產子後便棄職全心全意照顧孩子，直至今年5月，3歲的兒子兒子開始上學，便與兩位志同道合的印度夥伴Jessica及Paridhi，在觀塘工廈成立甜品店，主打各類蛋糕、麵包及親子蛋糕製作班，將興趣發展為事業。「自己做老闆容易控制時間，有時間陪家人，有足夠時間休息，才有能量製作好味高質的蛋糕。」兩個孩子的媽Jessica，同樣隨丈夫來港定居，在家當了七年家庭主婦，曾經在中環做過健身教練，但不習慣長時間的工作模式，最終專心育兒。而為生孩子鋪路的Paridhi，曾從事投資銀行，希望改變日忙夜忙的工作模式，待甜品店漸上軌道後便計劃生育。三個女人一個墟，而三個熱愛做蛋糕的女人走埋一齊，則會變出數十款溫暖牌蛋糕及蔬菜麵包，「每一個蛋糕都是獨一無二，因為我們會先了解客人的需要再設計蛋糕。」三人本來各自在家接朋友柯打，因蛋糕相識，繼而一齊攞牌開業，除了代客訂製蛋糕，周末開辦的親子甜品製作班，「製作經驗好重要，大人與小朋友一齊做一件事，從中建立人親子之間的引力。」，三百呎廚房出自三人的構思，中間設長形工作桌，兩旁是爐具及雪櫃，設備齊全，為求讓學生們真正經驗製作蛋糕的樂趣，最多只供8人上堂，「我們賣的不單止是蛋糕，是一個經驗。蛋糕是為某人度身訂製的，兩三年後睇番當日的合照，便是一種回味、一個回憶。」三人現每日約下午3點便放工，而較繁忙的周末，家務則由爸爸代勞。「我先生好支持我創業，因為他本身也是生意人，他會給我意見，但他不會教我應該點做，反而是放手任我發揮。」創業學問與湊仔同樣艱深，最重要還是得到背後的男人支持。三個媽媽的蛋糕店：
facebook：The Sweet Tooth Fairies- Hong Kong記者：王佩兒攝影：鄧鴻欣、周芝瑩
百家被的衣物厚薄宜平均，不會縮水或脫色，亦可以添加頭巾、襪、口水肩等裝飾。$798
餵奶巾立體剪裁，包保媽媽餵奶時不會走光，布款可任意配搭。$278
Jessica、Grace及Paridhi三人互相配合時間，以便分配時間照顧家人。
Grace以糖霜製作的玫瑰花裝飾，是基本蛋糕裝飾技巧。
為了讓小朋友吃得健康，蛋糕以楓糖、蜜糖取代白沙糖。
來源:
http://hk.apple.nextmedia.com/su ... t/20160917/19772978
袁詠儀爆粗鬧老公唔畀囝囝聽
1 :
GS(14)@2016-09-23 08:09:58■靚靚直言會講粗口，不過拉老公張智霖入房先講，怕囝囝聽到。
袁詠儀（靚靚）、謝玲玲、林恬兒、Lisa S.及楊張新悅等昨晚現身中環ifc，出席護膚品牌Clé de Peau Beauté的15周年活動，靚靚笑言老公張智霖同囝囝魔童都愛她以素顏示人。提到今屆港姐冠軍馮盈盈被爆講粗口，靚靚表示：「粗口係香港嘅傳統文化，我唔會話我唔講，我會同老公喺房入面講，每次講佢都話我好似一個廣東人，但作為港姐要履行責任，特別係代表香港嘅時候就唔應該講。」提到梁佩瑚日前爆港姐黑幕，靚靚笑言：「當年保母叫我哋睇多啲雜誌學擺甫士，有個佳麗拎咗大堆雜誌返嚟，大家以為佢好善解人意。點知隔咗一陣就選友誼小姐，保母提我唔好睇表面，最後呢位佳麗冇被揀中，當時翁杏蘭就攞咗友誼小姐。」採訪：林嘉慈攝影：陳順禎
■Lisa S.表示會催好友馮德倫積極造人。
■楊張新悅昨日性感現身。
來源:
http://hk.apple.nextmedia.com/entertainment/art/20160923/19778921
【馮仁昭四圍超】家庭公司公開秘密蘭茜老公小三工作情人
1 :
GS(14)@2016-09-23 08:10:03■蘭茜淡出娛圈前，曾為獎門人節目做主持。資料圖片
前商台DJ蘭茜（簡詠嫻）當年憑一棚哨牙，令人印象深刻，又唔介意演醜角，上獎門人節目「刨西瓜」環節絕對冇得輸。又參加過唔少電影好似《買兇拍人》、《千王之王2000》演出，演嘅都係貴婦角色。現實中嘅蘭茜06年淡出娛圈嫁作人妻兼箍埋牙，靚女咗好多，同富貴老公Johnny住喺港島樂活道。不過前日有報道指蘭茜婚姻亮起紅燈，話佢老公同一位身家富裕嘅中年女子過從甚密，有時仲唔返屋企瞓。報道又話蘭茜唔捨得呢二十年嘅感情，所以默默獨守空房，希望老公回心轉意。
■Johnny圈中人緣甚廣，早前亦有出席慧妍雅集活動。資料圖片
「喺埋十幾年」
噚日本報讀者張先生就爆料，透露嗰個女子D小姐（化名）嘅身份，D小姐年約40多歲，外貌不俗，一直單身。D小姐自從01年同Johnny一齊做事之後，仲合作搞生意，成為親密戰友。張先生話：「當時全公司都知道Johnny女朋友係蘭茜，但佢同D小姐嘅關係亦係公開嘅秘密。」兩人賺到第一桶金，之後又合作搞其他生意，仲贊助好多圈中藝人，圈中人緣甚廣。張先生又話：「佢哋兩個喺埋十幾年，D小姐一直冇結婚，得閒拍吓散拖。聽聞蘭茜一直都知道D小姐呢個人存在，而Johnny同D小姐關係好好，成日都會出席佢屋企嘅活動。」撰文：馮仁昭
來源:
http://hk.apple.nextmedia.com/entertainment/art/20160923/19778841
將老公內臟放行李嚇呆奧地利海關
1 :
GS(14)@2016-09-27 08:02:11奧地利海關日前檢查一名女遊客的行李時，竟發現藏有人類的腸臟，原來不是肢解恐怖案件，而是該名女子表示懷疑丈夫被毒死，於是帶同腸臟到奧地利，進行毒理化驗。據當地傳媒報道，事發在格拉茨（Graz）機場，海關安檢人員檢查一名從摩洛哥女遊客的行李時，赫然發現兩個裝有腸臟的容器。該名女遊客表示，她懷疑丈夫被人毒死，於是帶同他的腸臟組織前往奧地利，希望可以進行毒理化驗找出真相。據悉當局已證實事件，而當地警方則表示暫時未被要求介入事件。中央社
來源:
http://hk.apple.nextmedia.com/international/art/20160927/19783430
黑面對峙Philip火起走人杏兒與老公吵大鑊 輸咗！
1 :
GS(14)@2016-09-29 08:05:36【怒視老婆】■胡杏兒日前與老公Philip睇戲，惟二人鬧交，Philip更怒睥對方。
胡杏兒與才俊老公李乘德（Philip）結婚9個月，長期糖黐豆恩愛非常，度蜜月環遊世界玩足兩個月。近月杏兒開始減產，有意專心造人，日前她與老公去奧海城睇戲，惟二人怒火街頭吵大鑊，Philip嬲爆走人，嚇到杏兒急急追住老公。二人睇完戲後，Philip亦似下了火，不過杏兒繼續黑面。
胡杏兒去年底嫁給才俊老公李乘德（Philip），收服曾與李施嬅和張曦雯拍拖的「港姐殺手」，Philip婚後亦似乎修心養性，二人結婚至今9個月，度蜜月度足兩個月環遊世界，在社交網不停放閃分享幸福夫妻生活，就算工作忙亦會抽時間見對方，可以用甜過蜜糖來形容。
【不忘贒女】■與老婆冷戰中，Philip都把握時間贒女。
1.【結伴買飛】■去到戲院，Philip負責買飛，黑面的杏兒企在一旁。
2.【當眾再吵】■二人在戲院當眾再嘈，杏兒講到攤起手。
杏兒嚇到呆咗
近月，杏兒減產工作，爭取時間與老公見面及專心造人，日前兩公婆便拍拖睇賣座韓片《屍殺列車》。下午約5時多，杏兒到中環安蘭街附近接載老公後直駛奧海城，見杏兒戴cap帽及戴口罩，睇場戲都幾大陣仗。二人落車步行入戲院途中，起初並肩而行，但杏兒似在鬧情緒，Philip皺眉兼斜睥了她一眼，流露不悅之色，估計兩人曾在車廂中吵架，不過Philip依然主動伸手拖老婆，杏兒則黑口黑面，其間Philip看到路過的長髮女子，不禁目及了一眼。雖然杏兒與Philip拖着手，不過零交流。到戲院後Philip先去買飛，杏兒則站在一角玩電話，當時戲院大堂人流不多，Philip買完戲飛後會合老婆，二人傾了一分鐘，突然怒火升溫，杏兒更講到攤起手，公然爭執吵大鑊！一直「處於下風」的Philip忽然發火轉身走人，見老公拂袖而去，杏兒即有點不知所措，由黑面急變呆樣，定神後她即衝落電梯追回老公。
3.【嬲到即走】■傾不夠一分鐘，嬲爆的Philip轉身便走。
4.【追番老公】■被撇低的杏兒，即急步落樓搵老公。
5.【離行離列】■睇完戲後離開時，Philip與杏兒分開行。
■杏兒與Philip結婚9個月，經常在網上晒恩愛。
追番老公睇戲
杏兒在下一層樓「尋回」老公並氹他返回戲院，Philip亦肯妥協，之後二人齊齊去買零食，Philip負責買爆谷及飲品，杏兒繼續在一旁等，雖然怒火微微降溫，不過二人沒有交談，杏兒木無表情將戲飛遞給Philip，自己又繼續玩手機。大概晚上8時，杏兒與老公睇完戲散場，行到離行離列，沒有拖手，見Philip面容稍為從容，似下了火，惟杏兒仍然有點竧樣。兩公婆都是大忙人，難得有時間拍拖睇戲都要耍花槍，真的始料不及，不過二人好快就雨過天晴。日前Philip入馬場自拍在Ig打卡，笑言輸了400元，這個星期要和老婆捱公仔麵，杏兒亦回禮，二人坐在大大個「LOVE」字樣的燈牌笑住合照，真係吵完一場，感情倍增，繼續骨痹。採訪、攝影：畢紹基、吳耀輝
來源:
http://hk.apple.nextmedia.com/entertainment/art/20160929/19784812
陳少霞情深一吻邊聽歌邊依偎老公
1 :
GS(14)@2016-09-29 08:05:39今年40歲嘅陳少霞喺教會姊妹黎曉靈撮合之下，同八億身家嘅中港法拉利之父——李文輝結成夫婦，搵到第二春。一對新人前晚喺馬會補擺喜酒，婚宴筵開十幾圍，兩人身穿中式服裝，今次嘅晚宴只係宴請親友出席，現場一片喜氣洋洋。陳少霞嘅好友黎曉靈喺fb上載婚宴上更搵嚟露雲娜上台獻場，陳少霞同老公喺台下聽得好陶醉，老公一直攬住少霞。陳少霞一邊聽歌，一邊好似變返少女咁依偎住老公，而老公亦都同少霞情深一吻。雖然呢一吻係蜻蜓點水，不過全場賓客都即刻歡呼，之後老公仲好風騷咁向大家飛吻！嘉賓露雲娜喺台上面都高呼：「So Sweet」。
來源:
http://hk.apple.nextmedia.com/entertainment/art/20160929/19785148
杏兒要食爆谷同老公嘈
1 :
GS(14)@2016-09-30 08:09:01■胡杏兒昨日為吵架事件解畫，指老公不准她吃爆谷。
胡杏兒與才俊老公李乘德（Philip）日前拍拖去奧海城看韓片《屍殺列車》，但二人落車後面左左，Philip買完戲飛後會合老婆，二人傾了一分鐘突然吵起來，完全不理途人眼光，後來Philip嬲到發火轉身走，杏兒定神後先識衝落電梯追回老公，最終都氹到老公回戲院看戲，不過沒有再交談。胡杏兒昨日傍晚在中環出席化妝品活動，全盤否認戲院吵架事件：「我知你想問乜，係冇啲咁嘅事，我同老公好開心。」
■胡杏兒日前被影到和老公Philip睇戲鬧交。資料圖片
■陳瀅與何猷亨分手後，昨晚出席化妝品活動時也變得低調。
老公留字大罵
明明見Philip一怒之下轉身走，她衝落電梯追老公，胡杏兒對此說：「追老公，冇啲咁嘅事，你哋都知傳媒支筆好厲害，咁樣寫咗就係真。其實嗰日好小事，我想食爆谷，佢叫我唔好食。」雖然杏兒這樣解畫，但當日他兩夫妻一落車已經面黑黑，好像途中已吵嘴。昨日Philip在Instagram留千言書大罵記者是垃圾，問杏兒是否認同老公看法，會否考慮退出娛樂圈？她說：「佢有佢諗法，每人都有權宣洩不滿，傳媒亦有自己角度寫嘢，但我覺得佢只不過係話狗仔，唔係鬧晒所有記者。做呢一行，你永世都係呢行，我諗好難講到話退出囉！」
■蘇麗珊簽了林建岳公司一段時間，昨日扮到靚靚出席活動。
■林俊賢女兒林鈺洧一直想證明給父親看，自己在娛樂圈會有一番作為。
■性感現身的莊思敏談到前情敵胡定欣的新戀情，非常不屑。
莊思敏講定欣
問杏兒老公是否很火爆，之前其座駕幾乎撞到記者，她為夫辯護說：「大家唔好做得咁過份，能互相尊重就冇嘢。」此外，莊思敏、陳瀅、蘇麗珊和林俊賢女兒林鈺洧等都有出席活動，問莊思敏當年情敵胡定欣被傳與好友陳展鵬相戀，她表示：「有睇新聞，但唔知真定假，下次見到展鵬會問吓佢。」見到定欣會否八卦？她說：「都冇傾過偈，唔會啦！」採訪：羅慧敏攝影：陳俊強
來源:
http://hk.apple.nextmedia.com/entertainment/art/20160930/19785954
Next Page