📖 ZKIZ Archives

筱靖讚趙哲妤囡囡乖

1 : GS(14)@2017-04-22 10:49:49

趙哲妤和筱靖早前應邀到台灣為廟會做表演嘉賓，此行還帶同趙哲妤的三個月大的女兒小魚一起去，契媽筱靖接受本報訪問說：「之前去咗吉林剪綵，離開咗香港5日，之後又要再去台灣5日，大會好好包咗工人姐姐機票，帶埋BB一齊去，順便玩吓囉！」筱靖覺得小魚十分乖巧，她說：「頭兩日做完嘢，之後去咗佛光山，去到好熱有成30度，都驚BB唔適應，今次嚟到正宗佛光山，佢真係好乖，有啲入到大殿係要好安靜，唔可以嘈，我哋都好驚佢入到去會喊，控制唔到，佢見到佛祖好冷靜。」趙哲妤不想離開女兒太長時間，她說：「母乳唔可以隔太多日唔餵，所以先帶埋BB去。」採訪：非非



緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170422/19997485
PermaLink: https://articles.zkiz.com/?id=331336

【馮仁昭四圍超】吳若希囡囡乳名淼淼

1 : GS(14)@2017-04-28 00:54:37

吳若希6磅重囡囡Giselle23號出世，連日嚟，吳若希故作神秘，除咗手腳，係見唔到Giselle嘅廬山真面目，噚日終於可以見到佢嘅大側面。



吳若希

新手爸爸何兆鴻（Alex）喺Ig留言感謝大家祝福：「作為新手嘅爸爸媽媽，呢段時間好忙，好辛苦，但過程是開心的。中文名已經有了決定。大家除咗叫佢英文名Giselle之外，還可以叫她乳名『淼淼』。」撰文：馮仁昭



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170427/20002603
PermaLink: https://articles.zkiz.com/?id=331575

靜香自豪14歲優質囡囡

1 : GS(14)@2017-04-28 00:54:44

再被選為「最討厭尊尼男星」冠軍的木村拓哉，正為新片《無限之住人》瞓身宣傳。木村忙於開工，愛妻工藤靜香就擔起好媽媽職責，日前現身大女心美入讀的名校，帶同14歲細女光希（左）出席開學禮。精通英文及法文的心美下月滿16歲，光希亦長得亭亭玉立，兩姊妹遺傳木村良好基因，當天光希穿連身裙襯高踭鞋及孭手袋，外形早熟，且快高過媽咪，靜香則全程面帶笑容，甚自豪有兩個高質囡囡。



難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170427/20002535
PermaLink: https://articles.zkiz.com/?id=331591

陳豪冧錫賀囡囡生日

1 : GS(14)@2017-04-29 23:41:31

■陳豪跪在地上肉緊錫囡囡，盡顯父愛。微博圖片



幸福人妻陳茵媺（Aimee）和陳豪結婚，組織了一個美滿家庭，一家五口樂融融，Aimee誕下三子女之後，全職湊仔，轉眼細女Camilla都已經一歲。



前晚Aimee上載了多張愛女Camilla的相，原來Aimee和陳豪為一歲生日的Camilla搞生日派對，除了佈置場地，又為愛女悉心打扮，還準備了一個粉紅色蛋糕。其中一張相，見背向鏡頭的陳豪跪在地上冧爆錫囡囡，十分溫馨。之後Aimee又瘋狂貼自拍相，她寫道：「?完小公主同兩個小王子瞓覺，我就喺度玩selfies……我正常嗎？」撰文：非非難得生性暴龍哥創科眾籌夢，遭隱世肥報販秒殺！ https://goo.gl/hnEB7D「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw


■陳茵媺為愛女扮靚慶祝一歲生日。微博圖片

■陳豪本月一日撇低仔女為陳茵媺慶祝生日。微博圖片



來源: http://hk.apple.nextmedia.com/entertainment/art/20170429/20005108
PermaLink: https://articles.zkiz.com/?id=331941

琦琦搵囡囡做生招牌

1 : GS(14)@2017-05-06 11:38:42

任達華的太太琦琦昨日在九龍灣出席購物節活動，她為活動設計攪拌器的花紋，加入自己喜愛的大自然元素，以藍天白雲配以紅花的圖案。她本身喜歡設計，近年研究珠寶設計，籌備一年半多的自家品牌亦將於7月面世。現時琦琦計劃先設網上生意，首批珠寶共100款，為了吸引多層面客戶，她找女兒做模特兒，而且華哥亦給予很多意見，她說：「出動全家幫忙，華哥品味有番咁上下，佢畀好多意見。」而且華哥對她的設計很滿意，她說：「佢有讚呀，佢最近去馬來西亞做嘢都有戴我嘅設計，朋友都好支持，一早已經訂咗好多款。」採訪、攝影：王連連




來源: http://hk.apple.nextmedia.com/entertainment/art/20170506/20012042
PermaLink: https://articles.zkiz.com/?id=332293

立威廉帶囡囡撲蝶

1 : GS(14)@2017-05-06 11:38:45

立威廉剛完成在青島的拍戲工作，即趕回新加坡陪伴家人，近日更帶了兩歲囡囡Harper，參觀科學博物館，他表示自細便喜歡和同學到科學博物館，想不到30多年後，自己帶着囡囡到同一個地方，他說：「地點沒變，只是裏面有翻修，這裏有很多小時候的回憶，非常懷念。Harper第一次那麼近距離看蝴蝶，非常開心，她很好奇和覺得非常有趣。」




來源: http://hk.apple.nextmedia.com/entertainment/art/20170506/20012085
PermaLink: https://articles.zkiz.com/?id=332302

楊思琦珍藏囡囡禮物

1 : GS(14)@2017-05-13 01:56:29

■麥潔文（中）早前喪父，她表示心情已平復。

楊思琦、麥潔文、黃淑儀和胡渭康昨日在黃大仙出席港台活動，跟街坊提早慶祝母親節。單親媽咪楊思琦今年繼續三代同堂，她表示囡囡主動要求學整手工藝做母親節禮物：「以前細個唔識，學校有主題就做，但早排見到有整花活動，佢主動話學要整畀我，收到心情唔知點形容，覺得意義重大，會搵個重要地方放好。」另外，麥潔文父親早前離世，她將於本月25日在世界殯儀館為父親設靈。麥潔文心情已平復，但回家執拾時都忍不住落淚：「4月尾畫展最尾一日，工人打畀我，話爸爸氣喘入院，過兩日後佢就走。」她謂後日是母親節非父親節，未致太觸景傷情。採訪：王連連攝影：仇志德




來源: http://hk.apple.nextmedia.com/entertainment/art/20170512/20018342
PermaLink: https://articles.zkiz.com/?id=332621

趙勁皓：母親係最偉大DaDa感覺囡囡打針好痛

1 : GS(14)@2017-05-13 01:56:31

【母親節系列之新手爸媽】盧頌之（DaDa）和趙勁皓（King）今年誕下愛女安嵐，乳名踢踢，談到踢踢的出處，是因為在肚中經常起腳踢摸她的King而來。兩人已計劃在囡囡百日宴當日註冊結婚，令到今個母親節更具意義。



■King替囡囡踢踢換尿片時有板有眼。

■有了囡囡後，King要更努力打理饅頭店賺奶粉錢。資料圖片


以女兒為先


初為人母的DaDa講到湊BB的趣事，即顯得眉飛色舞，但估不到的是在產後曾患上抑鬱，她說：「我諗個個新手媽咪都有呢個情況，對住一個新生命束手無策，身體未復原，心情未ready，頭一星期每餐飯都喊，好想照顧好BB，但又無能為力，心情好複雜，好需要老公陪住。」她自言生B後放下任性，一切以囡囡為先，男朋友King對此體會最深，他說：「?家去街會推住BB車兼拎住一袋二袋BB用品，甚至以前我都大使，但係?家冇乜購物慾，所有嘢都盡可能畀BB。」
DaDa續說：「陀B嗰陣冇乜特別，到出咗世，由細細粒變到有重量，嗰種感覺好神奇。有一朝早BB認得我望住我笑，嗰吓佢畀到我感覺係佢好需要我，我好感動。」自踢踢出世後，DaDa笑言手袋亦同時淪陷，只有放電話及銀包的位置，其餘地方都給女兒的日用品佔用：「我仲記得第一次帶BB去打針，第一次感受到切膚之痛，打針時我哋兩個互相抱住，BB勁喊，覺得好陰功、好痛。」



■女兒出世後，DaDa自言將過往的任性放下。

湊B現分歧


King試過與DaDa在湊BB時現分歧，他說：「正如要搬出嚟買樓住，但又唔畀你返工。我知道做母親生仔係最偉大，我尊重對方，盡可能唔會去鬧交。」採訪：卓寶花攝影：沈健程場地提供：Unique Cafe& Kitchen（觀塘）




來源: http://hk.apple.nextmedia.com/entertainment/art/20170512/20018323
PermaLink: https://articles.zkiz.com/?id=332628

單親媽媽感安慰阿Yu聽囡囡示愛

1 : GS(14)@2017-05-13 05:34:11

■阿Yu日前與細女愛希享受田園樂，並大爆細女是小吃貨。攝影：陳俊強場地提供：俊君有機農場



【母親節系列之母愛偉大】單親媽咪趙頌茹（阿Yu）和楊思琦活得精采，尤其兩位媽咪的囡囡十分乖巧，令二人大感安慰。阿Yu日前帶同4歲細女愛希到大埔有機農場享受田園樂，順道提早慶祝母親節。阿Yu大讚兩個女乖巧，又大爆愛希是小吃貨，她說：「佢乜都會要求、乜都要食，好古靈精怪，有時又會同我講『我真係好鍾意你』，好搞笑。」談到母親節，阿Yu坦言：「其實佢哋每朝喺我床邊叫我媽咪，已經好開心，真係日日都可以係母親節。」阿Yu表示當上媽咪後，母親節感覺特別不一樣，她最想抽多點時間陪伴媽咪。採訪：盧妹、馬建華、魯吉




來源: http://hk.apple.nextmedia.com/entertainment/art/20170513/20019424
PermaLink: https://articles.zkiz.com/?id=332857

李蘊為囡囡痛都值得

1 : GS(14)@2017-05-14 10:51:01

李蘊去年誕下女兒羅紫晞，一家三口在廣州生活，她昨日接受電話訪問：「特別開心，特別有意義，雖然囡囡仲細，未識講母親節快樂，希望佢下年可以同我講呢句說話，我可以同佢過好開心，媽咪又嚟咗廣州，可以三代同堂，以前未試過。」囡囡後日1歲生日，李蘊說：「由初頭生佢一嚿嘢，變咗佢係識行路嘅小朋友，睇住佢每個成長階段好開心同感動，做媽媽後覺得媽咪好偉大。見BB食母乳，佢好滿足同健康，希望可以keep住餵。以為好簡單唔使消毒器皿，其實我經歷咗幾次乳腺炎，會發燒同痛幾日，但呢種辛苦值得，我係唔會卻步。」採訪：陳杰




來源: http://hk.apple.nextmedia.com/entertainment/art/20170514/20020438
PermaLink: https://articles.zkiz.com/?id=332974
Next Page
ZKIZ Archives @ 2019