【add star】陳慧琳Miu Miu兩味
1 :
GS(14)@2017-05-13 02:04:19陳慧琳前日在Instagram放上幾張夏日新look相，她的高質OOTD為紅色條紋單肩衫襯白色牛仔褲，加一串圓珠大耳環，手袋是Miu Miu的Madras，皮革袋身綴有紅色花卉圖案，有女人味中又有幾分exotic。
■Prada的2018 Reort系列展現美好的裝飾風格。美聯社
白色版同價
無獨有偶，Miu Miu的「姊姊」Prada於剛過去的周日在米蘭開騷，展出2018 Reort系列，是闊別五年Resort系列再在天橋搞騷，品牌設計師Miuccia Prada將意國美好年代的裝飾風格、摩登運動風與中國風共冶一爐。系列中的小鳳仙裝與跌膊zip up jacket不乏前作影子，粉色系的薄紗與樽領衫營造層次，加上重工的閃石或珠片裝飾圖案，將運動look變成luxury版本。撰文：安妮
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170511/20017191
【add紅人主場】楊張新悅環保潮媽
1 :
GS(14)@2017-05-13 02:04:19「有時我會大叫shut up！」40歲的楊張新悅（Nicola）2007年結婚，生了三個活潑女兒，全家屬大自然戶外分子，親子日全線行山、游水，Nicola自認是規矩多多的惡媽咪，講環保禁浪費，一缸水三個囡囡輪流沖涼，廁紙亂用更要罰配給，「我唔使佢哋飛黃騰達，但要佢哋求生到，同人溝通到，同埋明白環保、資源的道理。」採訪：林妙萍 攝影：周樂恒髮型：Ling Chow of Mi Salon服裝提供：Tory Burch場地提供：香港外展訓練學校楊張新悅和老公、教育局前政治助理楊哲安結婚十年，出名愛環保、愛大自然，萬能阿媽經常一個帶三個女去街市買餸，但親子活動就全家出動。上周帶了三個女兒八歲Lucy、六歲Lily及兩歲半細女Leah，一家五口去外展訓練學校，試玩扒獨木舟。
■Nicola親子戶外扒獨木舟，幾歲的女兒都會主動幫手。
■楊張新悅和老公希望女兒們可以學懂求生技巧。
三女沖一缸水
「你唔好幫佢，等佢自己試吓先！」二女Lily出盡力都搬不郁獨木舟，Nicola堅持要先試後幫，而囡囡們亦非常獨立、自律，衫褲鞋襪自己換。全家感情好好，訪問時，囡囡走來走去，攬頭攬頸，溫馨又溫暖。Nicola說：「其實湊三個真係好辛苦，因為我得兩隻手，同埋一把聲，有時太嘈，我都會大叫shut up，媽咪要peace，平時又要諗吓，今日有冇車，有車就車邊個先？佢要學咩，條路線點行，好似一個電路板喺個腦度咁。」考學校不用煩，反而出埠去旅行最考難度，「好少酒店房有五人房，坐飛機又係要分開坐。」阿媽唔易做，Nicola坦言作為母親，不求女兒發達出名，只想她們有求生能力，珍惜資源，學懂自理自律，所以環保和大自然，是她教女兩大要求，「一講環保，我就好惡，唔熄燈、亂用水，我就鬧，試過大家姐亂咁拉紙巾，我同佢講，你唔可以再用，去廁所都唔准用，每日配給，等佢知道珍惜。」愛環保，2012年Nicola更在香港大學修讀環境管理碩士，楊家規定，刷牙只可以用一杯水，不能長開水喉；三個女兒用同一缸水沖涼，外出用餐，亦要求餐廳不要過度斟水，以免飲剩。「世界資源好有限，真係唔可以浪費。」面對現時小朋友人人手機iPad在手，Nicola坦言十分心痛，作為母親，希望每次一家人食飯，是有眼神接觸，用口溝通，「朋友話我係恐龍時代，大女八歲都唔畀佢睇iPad，我覺得，學識一件high tech產品好易，反而人與人溝通同禮貌，都係要自小開始訓練，同埋要灌輸正確嘅思想。」
樂觀環境長大
做了十年全職媽咪，未放過大假，今年更自認「空虛」重投職場，為有份創辦的「心靈雞湯兒童基金」做兒童慈善工作，「人越大，越明白到唔同時間都需要不同幫助，尤其是做父母這一關。我啲小朋友好幸運，冇乜病痛，每日有飽飯食，也有機會去玩，我更加覺得需要去幫助其他家庭。香港貧富差距好大，希望香港每個小朋友都可以有個樂觀嘅環境長大，我主要幫零至六歲，畀唔同資助佢哋，例如睇醫生，可以幫佢哋快啲睇到，唔好有藥醫，但冇錢買藥。」
■40歲的楊張新悅自認是個教女規矩多的惡媽咪。
母親節灌醉女兒
大後日周日就是母親節，楊張新悅最難忘的母親節，是自己灌醉女兒！「真係人生最尷尬，冇諗過第一個灌醉阿女嘅唔係男人，係阿媽。舊年佢哋好nice，一起身就同爸爸整咗個好靚嘅早餐畀我食，爸爸就開咗支香檳畀我飲。我打開雪櫃，見到支桃味嘅汽水物體，咪開咗一齊扮飲酒，點知係有氣嘅甜酒，醉到佢哋暈低咗。」至於今年的母親節禮物，Nicola最想放一天假，「我要行開一陣，不過我諗啲女唔會掛住我，因為老竇湊仲開心，可以夜瞓、不停睇電視同食糖囉！」
BB車都得的行山徑
楊張新悅鼓勵小朋友親近大自然，推介兩條適合六歲以下兒童的行山路線：
1.大帽山到天文台約2小時
「即係麥理浩徑第八段，大帽山起步，行到嗰度有個天文台，推BB車都推到，水泥地少少斜咁上上落落，同埋嗰度間中有牛牛出沒，小朋友見到動物會好興奮。唯一係太陽太猛時唔適合，因為冇乜瓦遮頭。」
2.香港仔水塘到薄扶林公園約1.5小時
「由騎術學校嘅路口入，起步，行一個幾鐘頭，嗰度有樹蔭、有風景，幾舒服，行到薄扶林公園出番嚟。」至於青少年，她則推薦外展訓練營，「因為係訓練你個人有幾tough，要爬得、跳得，又落得海，同埋team work，呢啲嘢喺市區學唔到。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170511/20017189
【add color】頭頭是道
1 :
GS(14)@2017-05-13 02:04:19夏天潮濕悶熱，頭皮容易出油及出汗，令細菌滋生，導致頭皮屑增多的問題，選對針對控油、又或者深層潔淨的護髮用品，務求有效平衡頭皮的健康狀態。撰文：陳蔚渝
去屑
精選來自斯里蘭卡的生薑根，以辛辣的氣味清潔、滋潤及喚醒頭皮，並有效去頭皮屑。
L'Occitane草本療法清爽淨化頭皮磨砂霜$240/150ml
去垢
屬於首創頭皮磨砂產品，於五種清爽活化的精華油的基礎配方上，加入海鹽微粒磨砂因子，淨化頭皮及清除雜質，令頭皮回復清新，秀髮更輕盈有光澤。
La Biosthetique潔淨控油洗髮露$300/250ml
去油
特別針對油性頭皮，以植物性脂氨基酸溫和而徹底地清潔毛囊，甘草根更有抗炎，穩定頭皮健康。
Apivita深層補濕洗髮水$180/250ml
去燥
87%天然成份，水解透明質酸能滲透秀髮纖維組織，APISHIELD HS複合物加強頭皮的天然機制與保護，有機迷迭香基底水提供高效抗氧化保護，預防開叉減少毛燥，預防秀髮衰老。
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170511/20017193
【add Color】有眼睇
1 :
GS(14)@2017-05-18 01:11:03返工長時間望電腦，放工繼續望手機做低頭族，應該不時為眼睛充電。養神之外，亦要對準黑眼圈、浮腫或乾紋等眼周問題。撰文：林嘉慈
減腫
抗氧化要由內到外，紅石榴精華、山竹、超級莓果等均能維持眼部幼嫩肌膚的健康，全日深層保濕；冰涼記憶箒喱配方有助快速吸收，為疲倦浮腫的雙眼打氣。
Guerlain殿級蜂皇系列眼霜$870/15ml
減黑
主打極高濃度的黑蜂純淨蜂皇漿精萃，塗抹眼周至太陽穴，形成超細薄膜，針對極為敏感脆弱的部位，強健肌膚組織的支撐承托能力，達至撫平皺紋、減退黑眼圈和浮腫的凍齡效果。
Lancome升級版冰鑽亮眼肌底液$695/30ml$970/50ml
升級版加入維他命CG及酵母萃取，加強活化細胞、緊致飽滿及抗氧化去黑眼圈功效，配合符合人體工學設計的冰鑽環迴按摩棒，以彈性粒子連接棒尖的冰鑽珍珠，按摩大部份難以觸及的位置。
叉電
眼霜用嶄新滲透技術，加強保濕成份的吸收，集中改善經常化妝引致的角質層損傷。最新白金美容滾輪採用產生更大微電流的太陽能面板吸收光線，能發出更大的能量來護理肌膚。
ReFa白金美容滾輪$1,480
ReFa緊致修護眼霜$480/20g
Chanel全效再生賦活眼霜$1,660/15g
重生
第三代眼霜含香莢蘭速逝活性因子及高濃度香莢蘭PFA，高效提升生命因子的效能，促進酵素HS6ST2形成，令眼周肌膚再生。
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170517/20023310
【add時尚】父親葉澍堃批准放下大律師牌葉瀚華開小館 食人情味
1 :
GS(14)@2017-05-18 01:11:04■三十出頭的Ian膽粗粗開食店圓夢。
葉瀚華（Ian）為經濟發展及勞工局前局長葉澍堃二子，Ian愛四出覓食，瘋狂程度是暫放下執業大律師資格，去年開法越餐廳，心口掛住勇字而行。過去一年，他坦言交了不少「學費」，以迎難而上面對，搵錢未必及做律師多，但開心面對人生的經歷，卻是無價無悔。經濟發展及勞工局局長葉澍堃退休後，轉做食評家，有其父必有其子，暫放下執業大律師專業資格的二仔葉瀚華，一年前走去開法越小菜館La Bo La，選址則並非中環、金鐘等商業區，揀了旺中帶靜的灣仔「囍帖街」利東街開舖，愛這個小區的人情味及富有歷史氣息。
■Ian（左二）在英國劍橋大學畢業，父親葉澍堃、母親與大哥去到觀禮。
■Ian愛鑽研廚藝，曾學整燒豬。
米芝蓮光環
30出頭的Ian在英國名學府劍橋大學讀經濟，畢業後再到倫敦讀法律，回港做執業大律師，亦在麥肯錫做過諮詢顧問，專業優差都是不少港人的理想工作，但他愛挑戰，轉行搞飲食，他日前在灣仔接受訪問時說：「我?家係非執業大律師，我要去番執業，做番一啲程序就可以申請番，我到?家都仲好鍾意法律，飲食同法律兩樣嘢我都好喜歡，好多朋友法律上有問題，或者飲食上面問題，尤其係紅酒，大家都會研究。好鍾意飲食，覺得趁我仲有精力同有團火，想去做呢個夢想，心口掛住勇字就去做。」餐廳開了一年多，已有米芝蓮推介，過程並非一帆風順，Ian在訪問中多次笑言交了不少「學費」，「我哋籌備時，囍帖街翻新嗰陣時嘅經濟環境，都仲係好好，到成件事ready，開始差，我哋喺marketing、推廣、喺食物度作出改變，我哋嘅團隊其實有同事離開，亦有新同事加入，希望改變到我哋嘅食物，呢幾個月越嚟越好生意。」
■Ian不時鑽研廚藝，回到自己開設的法越小店，就入廚房試煮蜆新菜式。
■Ian不時改良menu，羊架其一，越南牛肉湯河（右圖）更是招牌。
■Ian愛吃意大利家庭菜，正飽嘗Pici的Summer Truffles意粉及牛肉千層麵。
父母白老鼠
對於尋夢，Ian表示爸媽相當支持，「我好開心，亦都好幸運。由我中學年代讀書，到大學揀科都好，自由度都好大，好似本身我讀經濟，跟住去讀法律，佢哋都冇話去左右我決定，可能大家會傾吓，佢哋支持亦會尊重。」由開始搞餐廳，Ian的父親葉澍堃和母親都有做白老鼠給予意見，問到父親是食評家，意見會否中肯，他笑言：「佢坦白，首先一家人係坦白，好似呢度以前牛河個湯底，屋企人食過好似唔係好穩定，好似偏淡，可能偏鹹，質地、香料點擺法，成棵定切碎都唔同，我都聽唔同意見。」開餐廳交足一年多「學費」無悔，原來Ian心中記住「You only live once」這句話：「人一世物一世，我唔想?家可以做唔做，之後第二日會後悔。有機會去睇過唔同嘅嘢，真係以人生經歷、活過、去睇過唔同嘅嘢，係於心無愧。」
行灣仔食檔
葉瀚華愛四出覓食，不時在同區發掘有個性的驚喜小食店，採訪當日，他說帶記者到藍屋旁的泰國餐廳Samsen食人氣牛肉麵，再到星街附近進教圍的一間意大利家庭菜風格的Pici，更與食店的總廚交流心得。醫飽肚就返回餐廳，與總廚康哥到附近街市選購食材，菜檔東主更踢爆Ian自小已愛跟媽媽逛街市，連康哥也笑Ian暖男下廚加不少分， Ian即尷尬笑言：「我呢方面好弱，我煮嗰啲都係好簡單，我會煮吓意粉，唔係好難煮嘅嘢，唔會有乜特別分會加。
■Ian最近愛上藍屋旁的泰國餐廳Samsen，更與總廚Adam交流行情。
■Ian忙足一日，下午偕總廚康哥去灣仔街市入蔬菜。
阿爸炒飯
食貫中西，Ian覺得最美好的食物是由細食到大的住家飯，「其實好老實講，我好鍾意喺屋企食飯，由細到大都好鍾意食媽咪煮嘅蒸水蛋，我哋係整雞蛋蒸免治牛肉。」Ian的爸爸沒做高官，就全心鑽研廚藝，Ian表示最愛吃爸爸的炒飯：「佢同一哥（楊貫一）創作一碟炒飯，最重要落好多葱，同埋攞啲飯去包住啲葱，焗一陣，吸番啲葱味去啲炒飯度。」採訪：梁錦雯攝影：沈健程
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170517/20023306
【add時尚】碧咸嫂30小時時裝大使
1 :
GS(14)@2017-05-18 02:08:26碧咸嫂Victoria Beckham對自家時裝，實在非常賣力，她前日低調來港，昨日傍晚離港，快閃30小時連環出席三個活動，宣傳自家時裝品牌、新眼鏡系列及跟VIP見面，全程nice爆，更繼續變身名人磁石，吸引大批阿太、明星排隊影相。碧咸嫂Victoria前日母親節抵港，傍晚即在中環自家店舖做facebook live，分享時裝經，又提到五歲女兒哈七（Harper Seven）喜歡返學，間中更會寫一些創意書信?得她又驚喜又開心。
■楊婉儀（左）試完衫，即場向Victoria問意見。
逐一握手
Victoria昨早又出動，在置地店內跟自家品牌VIP見面。她穿上藍白波浪圖案連身裙，配綠松石色高踭鞋、太陽眼鏡，由一個保鑣陪同到場，路過市民見到Victoria在舖，都停低圍觀及拍照。Victoria在店內與十多個VIP逐一握手打招呼，非常nice，又不停跟各人傾偈，楊婉儀試了兩三套衫，更叫Victoria給予意見，之後Victoria就被安排到一個角落，逐一與賓客合照，有些要求selfie，Victoria都全沒托手踭，逗留了45分鐘，才由走火通道離開。
■溥儀眼鏡老闆邱子傑夫婦多次請Victoria來港。
■林建岳前女友陳浥萍（右二）送花給Victoria。
■碧咸嫂魅力非凡，吸引了約二百市民在太古廣場圍觀。
眼鏡聯乘
巡完舖，Victoria再趕場去金鐘太古廣場，出席自家眼鏡品牌聯乘溥儀眼鏡的pop up store活動，非常頻撲！因天雨關係，她比原定時間遲了近一小時現身，但依然無損粉絲熱情，吸引二百人圍觀，明星名人更排住隊等合照，包括吳千語、王馨平、馬天佑、Jessica C.和Ana R.，林建岳前女友陳浥萍更送了一束花給Victoria，而連詩雅的合照更幸運地被Victoria揀中放上Ig。溥儀眼鏡老闆邱子傑指與Victoria合作多年，覺得她好勤力，講到碧咸送了七千萬小島予老婆做拍拖二十周年禮物，邱太表示：「今年我哋都係二十周年，不過喺11月。」採訪：羅慧敏攝影：沈健程
■王馨平大讚Victoria是成功女性。
■吳千語到場集郵。
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170516/20022282
Next Page