📖 ZKIZ Archives

Sulli貼斷手公仔相切公仔手指？網民：佢需要隔離治療

1 : GS(14)@2017-02-08 22:31:38

韓國女團f(x)前成員Sulli係「是非女王」，幾乎每次於Instagram公開新相都一定引來批評，而佢更係越來越出位，多次於Ig公開真空照、飛釘照、暗示孌童意識嘅照片等。日前佢就公開一張公仔斷手嘅相，當時已引起關注。不過有網民發現個問題唔係斷手，而係公仔被切斷嘅手指。由於公仔嘅手臂同手指嘅切面非常平整，網民都猜測公仔唔係因為折舊而破損，疑似係Sulli故意切斷公仔嘅手臂同手指。更有人提出，Sulli去年11月曾因手腕受傷而傳佢企圖自殺。網民覺得多件事似乎有關連，亦非常擔心Sulli，留言「非常真誠地希望SM事務所可以安排Sulli做全面嘅精神檢查」、「佢需要隔離治療」、「佢需要嘅係關心而唔係關注」。不過Sulli依舊懶理網民留言，前日公開公仔斷晒兩隻手臂嘅照片、表情恐怖嘅大頭素顏照。




來源: http://hk.apple.nextmedia.com/entertainment/art/20170208/19921676
PermaLink: https://articles.zkiz.com/?id=326007

又話分手後變正常？Sulli再晒飛釘照

1 : GS(14)@2017-04-12 22:42:39

韓國女團f(x)嘅前成員Sulli行為一直受到爭議，之前成日喺網上晒意淫相，即時受到網民炮轟。不過上月Sulli宣佈同組合Dynamic Duo嘅成員崔子分手，唔少網民都即刻舉腳讚好，仲話Sulli分手後寄情工作，個人都正常咗好多。點知話口未完，前日Sulli又再發功，上載一張新照，照片中佢戴咗眼鏡，並將個口罩拉低，張相冇乜特別，正常樣一個，不過有網民留心睇就發現原來Sulli故態復萌，原來Sulli又唔戴胸圍，搞到再次飛晒釘。




來源: http://hk.apple.nextmedia.com/entertainment/art/20170411/19987055
PermaLink: https://articles.zkiz.com/?id=330148

Sulli遭舊愛寸劈腿

1 : GS(14)@2017-05-13 01:56:36

韓國女團f(x)的23歲前成員Sulli今年3月初與組合Dynamic Duo成員崔子分手，前日認戀34歲的品牌主管新歡金民俊，兩人拍拖兩個月。不過韓媒就指Sulli疑一腳踏兩船，加上崔子上月曾上載一張羊腿照片，由於韓文的「羊腿」與「劈腿」是同音同字，外界推測崔子是暗寸Sulli劈腿。另外，Sulli的新歡昨日澄清自己只是普通公司員工。




來源: http://hk.apple.nextmedia.com/entertainment/art/20170512/20018400
PermaLink: https://articles.zkiz.com/?id=332644

飛釘照習以為常網民關心Sulli大髀條痕

1 : GS(14)@2017-05-19 05:27:58

韓國女團f(x)嘅23歲前成員Sulli近日被爆新戀情，佢3月初宣佈同組合Dynamic Duo嘅37歲成員崔子分手，點知日前就被爆新戀情，撻着34歲圈外男友金民俊，由於有韓媒拍得Sulli同新歡早於2月時已約會，所以Sulli就被網民質疑一腳踏兩船。不過Sulli一向我行我素，日前疑孖新歡遊古巴，而Sulli亦唔理批評繼續晒相，前日又上載一張新照，當中佢穿上背心真空上陣，繼續唔戴bra，雖然飛晒釘，但網民都睇到習以為常，所以大家焦點就落喺佢髀上，只見佢大髀有條痕，唔知發生乜事，網民都有留言問佢大髀出乜事。




來源: http://hk.apple.nextmedia.com/entertainment/art/20170518/20025034
PermaLink: https://articles.zkiz.com/?id=333548

金秀賢咀Sulli獲滿分

1 : GS(14)@2017-06-11 16:09:22

由韓國男神金秀賢、成東日及前f(x)成員Sulli主演的新片《Real》本月28日在韓國上映，三位演員日前接受KBS綜藝節目《電影真好》訪問。Sulli在節目上提及在片中與金秀賢的吻戲，誇讚這場吻戲有「100分」，身旁的金秀賢聽到即搞笑高呼「Yeah」。



金秀賢

提到在劇集《製作人們》中金秀賢和車太鉉一場吻戲時，成東日相當大反應：「你和太鉉拍過？你原來這麼隨便，點解不和我拍呢？」令到金秀賢不知如何回答。




來源: http://hk.apple.nextmedia.com/entertainment/art/20170611/20051673
PermaLink: https://articles.zkiz.com/?id=335350

Sulli露點相流出

1 : GS(14)@2017-07-01 09:53:52

韓國男神金秀賢事隔四年回歸大銀幕的新片《Real》，昨日在韓國正式公映，不過媒體的評價好壞參半，有媒體直言「耗資100億韓圜拍攝的賭場廣告」，但觀眾對電影關注度就極高，目前電影預售率排第一。



■金秀賢前日現身試映會，力谷《Real》。

當中觀眾最期待的就是Sulli在片中與金秀賢的大膽床戲，而昨日更有Sulli於片中的露點相流出，《Real》方面指會視乎狀況考慮從法律途徑追究。而金秀賢今次孭重飛亦相當大壓力，前日在VIP試映會上突然落淚，感慨表示拍電影拍得很辛苦。雖然金秀賢落力做宣傳，但《Real》的評分卻是目前所有在韓國上映的電影中最低分的一部，截至香港時間昨晚7時，觀眾評分只得4.55分（總分10分）。觀眾批評電影剪接上出現極大問題，令人不明白故事內容，更有觀眾直言：「《Real》是金秀賢從影以來最差的一齣作品。」撰文：文康妮




來源: http://hk.apple.nextmedia.com/entertainment/art/20170629/20072050
PermaLink: https://articles.zkiz.com/?id=337238

露開有條路Sulli登成人雜誌封面轉做艷星？

1 : GS(14)@2017-07-29 03:24:03

韓國女團f(x)前成員Sulli一向新聞多多，經常成為新聞人物，繼日前涉虐貓外，昨日韓國傳媒就報道Sulli將成為韓版成人雜誌《花花公子》（Playboy）嘅創刊號封面人物。據報道指Sulli日前已完成拍攝工作，不過韓版嘅尺度同美國版就有差別，韓版嘅大膽尺度唔及美版，但推出時必會引起哄動。事實上Sulli退團後作風大膽，平日已愛在Instagram上載性感照，之前拍攝金秀賢主演嘅《Real》時亦有裸露鏡頭，所以做成人雜誌封面對佢可說駕輕就熟。對於Sulli登成人雜誌封面，其所屬嘅SM事務所就否認其事，指唔係事實。




來源: http://hk.apple.nextmedia.com/entertainment/art/20170727/20103218
PermaLink: https://articles.zkiz.com/?id=338948
Next Page
ZKIZ Archives @ 2019