【馮仁昭四圍超】賴新歌難唱忘詞 阿倫生日集「脂」
1 :
GS(14)@2016-08-18 06:04:33譚詠麟（阿倫）、陳小春、蔡瀚億（BabyJohn）同蔡潔，噚日喺奧海城戲院出席電影《江湖悲劇》主題曲〈男人悲劇〉MV首播，呢次仲係阿倫同小春首次攜手合唱。阿倫話首歌好難唱，好難聽到live版，但BabyJohn、蔡潔同談善言現場唱咗一段，阿倫孖小春要拎住貓紙清唱一段難版，戴住黑超嘅阿倫，似乎唔清楚歌詞，中途有少少甩嘴，事後佢哋話應該冇機會再喺現場唱呢首歌。
■阿倫下周二66歲牛一，噚日宣傳時獲送上蛋糕預先慶祝。
收逾30個蛋糕
下周二係阿倫66歲牛一，噚日都有粉絲送上蛋糕，壽星倫話本月11號收到第一個蛋糕，直到而家都切咗超過30個，佢得戚話：「我梗係舔吓就算，食晒就真係集『脂』。呢個月每晚都同朋友食飯慶祝，正日同家人過。」問到阿倫嘅生日願望係咪想攞影帝？佢大笑話：「係啲歌詞咁寫話想拎影帝，不過要由喜劇去到令觀眾沉澱感受內容係有難度，今次部戲以類似漫畫形式去拍，係新嘗試。」此外，王宗堯日前貼出同女友蔡潔喺鏡前梳洗相，暗示同居關係，問蔡潔係咪日日共用洗手間，佢話：「大家有自己私人空間。」問佢見過家長未？來自內地嘅蔡潔話：「我好耐冇返屋企，爸媽都好掛住我，今年冇時間，返都係自己返去先，見家長再遲啲。」撰文：馮仁昭
來源:
http://hk.apple.nextmedia.com/entertainment/art/20160818/19740391
阿倫做主打 樂隊落區JamViuTV孖環球 坐大音樂市場
1 :
GS(14)@2016-10-10 16:14:36【ViuTV發圍】開台半年的ViuTV，雖然首季蝕了6,800萬，亦暫未見對無綫收視造成衝擊，但卻勝在不斷作新嘗試，及未因蝕錢而閂水喉。據悉，ViuTV來年除製作新一輯《跟住矛盾去旅行》及《G-1格鬥會》等節目外，更將全力製作音樂節目，包括請來譚詠麟（阿倫）主持《譚校長談欣賞》，暫定十集，每次請來不同有份量嘉賓跟阿倫吹水甚至jam歌，已落實嘉賓包括張學友、劉德華、五月天及孫楠等。
明舉行發佈會
另外，ViuTV又將邀請歌手落區舉行音樂會，每次請來不同歌手聯同Dear Jane、C AllStar、RubberBand等四隊樂隊落區開騷，許志安便是其中之一。明日ViuTV將於灣仔演藝學院舉行「2017年節目發佈會」宣佈來年新節目，屆時阿倫、安仔、劉美君、Dear Jane、C AllStar、RubberBand、衛蘭及李幸倪（Gin Lee）等都會撐場，特別是環球唱片公司方面陣容最強大。事實上，月前無綫要環球唱片公司簽訂一世任用網上播放權，環球認為有欠公平，因而與無綫反面，亦因此加強了環球與ViuTV之間合作。
■許志安（中）將與RubberBand落區開音樂會。資料圖片
對於邀得阿倫和安仔等做音樂節目，ViuTV公關部王小姐昨回應說：「有關未來新節目內容會喺星期二發佈會公佈。」RubberBand成員泥鯭則表示暫時未收到消息，他說：「冇落實拍嘢住，落區玩音樂梗係有興趣啦，係就快啲呀，但12月前RB都會比較忙，因為要籌備音樂會，就到時間係可以嘅。」採訪：魯吉、皓騫
來源:
http://hk.apple.nextmedia.com/entertainment/art/20161010/19795972
阿倫倒戈：TVB冇咁小器
1 :
GS(14)@2016-10-12 07:52:28■譚詠麟昨日自言與ViuTV合作零酬勞，亦不怕無綫嬲。
樂壇校長譚詠麟（阿倫）、許志安和劉浩龍等昨現身灣仔力撐ViuTV明年節目巡禮，ViuTV將重點大搞音樂節目，阿倫更破天荒演出音樂節目《譚校長談．欣賞》，他說：「我唔係做主持，本身我有個唱片project，ViuTV搵咗工作人員拍製作花絮。」阿倫表示這次合作零酬勞他不擔心被指倒戈打無綫：「冇，我係世界friend，係流香港人嘅血，TVB冇咁小器！」
■劉浩龍澄清指好友超儀和徐濠縈沒有反目。
安仔將為播放中節目《Show Time我主場》任壓軸嘉賓，並以演唱會形式出現，他說：「歌手喺香港有唔同平台係好事，我同TVB冇合約，都唔怕佢嬲嬲豬，我有做港姐，現今世代唔好計較合約。」安仔笑言十年沒拍無綫劇，暫時無意拍劇。另外，對於好友何超儀老公陳子聰病後新相曝光，有傳超儀和徐濠縈反目，劉浩龍澄清說：「我敢寫包單唔會，成班朋友識咗二十幾年，感情唔係咁簡單。」
來源:
http://hk.apple.nextmedia.com/entertainment/art/20161012/19797916
阿倫爆兒子打高球飛甩棍
1 :
GS(14)@2016-10-21 05:28:12譚詠麟昨日在中環出席高爾夫球公開賽記者會，並擔任活動大使，雖差不多六年沒打高爾夫球，但阿倫今次也會落場參賽，重新練習，他說：「之前做嘢整親頸椎，照過X光，頸部有一節移咗位，壓住神經線，多年來用過好多方法都唔會完全好番，所以做運動時會小心就住，不過我為咗呢個活動會再去練波。」問阿倫兒子可會打高爾夫球，他笑說：「佢好細個時帶過去練習場打，佢打得好好㗎，但有次佢揮甩咗球棍，球棍喺人哋頭頂飛過，嚇得我冇再帶佢去練波。」至於兒子玩甚麼運動，他說：「佢有踢波，遺傳咗阿爺嘅細胞。」採訪、攝影：王連連
來源:
http://hk.apple.nextmedia.com/entertainment/art/20161021/19807269
阿倫盼給關淑怡空間
1 :
GS(14)@2016-10-26 08:03:05樂隊溫拿和太極昨日在柴灣為「純音樂Live2017」拍攝宣傳海報，影相時為遷就鏡頭角度，阿倫被安排站在木箱上。當兩隊樂隊大合照時，拿住頸巾的彭健新笑言要大家一齊扮拉頭馬，大叫「馬到功成」。受訪時，阿倫笑言溫拿造型似英國劍橋護老院，又嘲彭健新胸「墮」，問他們會否操練？阿倫挺直條腰笑說：「『粗』咗啦，仲『粗』。」對於關淑怡昨日凌晨疑情緒不穩墮海，阿倫表示現時應給予對方空間，又笑指關淑怡是練習渡海泳。提到有傳她情緒不穩，會否擔心有輕生念頭？數星期前見過她的太極成員HiFi德說：「我唔覺得會揀呢樣嘢，唔會咁大膽。」採訪：黃曉妍攝影：陳俊強
來源:
http://hk.apple.nextmedia.com/entertainment/art/20161026/19811996
阿倫陪睇戲氹Wendy
1 :
GS(14)@2016-11-10 08:02:40■阿倫日前陪Wendy睇戲，身旁卻有兩位友人做電燈膽。DV圖片
阿倫譚詠麟一向甚少提家事，但對情人知己Wendy及兒子譚曉風愛護有加，再忙也抽時間陪伴。日前他便與Wendy到圓方看電影《狙擊．309》（Battle For Sevastopol），同行還有「綠葉王」張智軒及一位外籍男士。
■Wendy性格低調，20多年來都甘心做阿倫背後的女人。
為避開耳目，阿倫與Wendy當晚刻意遲10分鐘入場，散場時則選擇較少人的路直入停車場。抵停車場後，阿倫才放下戒心，張智軒則似乎忘記甚麼，一支箭又跑離停車場，其時Wendy先坐上司機位旁座位，阿倫不時與Wendy對話，Wendy被氹得嘻嘻笑，約過了10分鐘，張智軒氣喘喘跑回來，阿倫才開車載各人離開。採訪、攝影：徐錦池、畢紹基
來源:
http://hk.apple.nextmedia.com/entertainment/art/20161110/19828227
阿倫評《美選》撼台慶頒獎
1 :
GS(14)@2016-12-01 08:06:48ViuTV選美真人騷《美選D.n.A》決賽將於本月18日舉行，與無綫台慶頒獎禮打對台。昨日八強佳麗在尖沙嘴會見主席評判譚詠麟、評判郭偉亮（Eric）。八強佳麗包括陳意嵐、「沙律」張沛樂、「大胸翠如」鄧月平及馬倩宜等。阿倫談到選美準則：「好睇現場，樣、身材、應對、才華同當時嘅感覺，有幽默感會加分。我一集都未睇過，如決賽有泳裝，最緊要身材平均。」
Eric則笑說：「咁有幾個foul得，細個覺得C已好勁，而家係E同F。」鄧月平指最大對手是陳意嵐：「佢由內到外都性感，我就想減到40Kg，要絕食先得。」沙律自言壓力大，幸得男友林耀聲抱抱安慰。採訪：盧妹攝影：沈健程
來源:
http://hk.apple.nextmedia.com/entertainment/art/20161201/19850798
High爆溶解造型 阿倫變梁家輝
1 :
GS(14)@2017-01-09 08:11:28■譚詠麟頭髮塌下來後，激似梁家輝（小圖）在《92黑玫瑰對黑玫瑰》中造型。
亞洲國際博覽館前晚舉行的「純音樂2017溫拿與太極演唱會」，吸引羅傑承夫婦、任達華夫婦、朱潔儀、林建名和蕭定一等前往捧場。太極樂隊先以經典英文歌《Hotel California》揭開序幕，繼而獻唱早前逝世Wham！前主音成員佐治米高（George Michael）的經典歌《Careless Whisper》作出致敬。他們獻唱完《全人類高歌》、《紅色跑車》及《留住我吧》等首本名曲後，再邀溫拿上台jam歌。
「開心咪得囉」
溫拿先後唱完《玩吓啦》和《L.O.V.E》等飲歌後，與太極一齊合唱《Sha La La La》時，譚詠麟表現high爆，邊跳邊叫觀眾起身，結果他越跳越熱，原本gel起的頭髮全部塌下來，激似當年梁家輝在電影《92黑玫瑰對黑玫瑰》中被水泥漿住頭髮的搞笑造型，引得全場觀眾爆笑。演唱會至晚上11時45分完騷後，太極與溫拿一同受訪，眾人均表示玩得十分開心。問阿倫是否玩得好開心令到頭髮塌落時，阿倫笑說：「我學陳奕迅，?家用呢個頭就可以變得純實力派啦，其實我都知個頭有事。」可有人提醒他頭髮塌下？阿倫說：「想到都冇用㗎，都幫唔到我，我要整番佢（頭髮）唔通走落台咩？不過唔緊要啦，冇所謂嘅，最緊要大家睇到開心咪得囉。」
■溫拿與太極前晚開騷，一起jam歌時全場觀眾high爆。
■太極雷有輝與鄧建明落台跟觀眾握手時引起哄動。
■任達華與太太琦琦結伴睇騷。
雷有輝望巡迴
問未來會否再合作？太極成員雷有輝表示希望開巡迴，而鍾鎮濤則謂：「雖然暫時冇做新歌或者再開騷嘅計劃，但經過今次之後其實都想嘅，因為想借今次試吓反應，發現個反應好好，玩得好開心，希望遲啲有機會再玩。」採訪：曹家誠攝影：陳慧安
來源:
http://hk.apple.nextmedia.com/entertainment/art/20170109/19890582
阿倫探華仔 「佢講嘢同笑都痛」
1 :
GS(14)@2017-01-24 03:00:14■阿倫轉述華仔意願，叫所有親朋戚友不用去探望他，讓他好好休息。
劉德華上周二在泰國拍廣告墮馬受傷令盆骨撕裂，翌日即由醫療專機送返香港，隨即入住養和醫院接受治療。直至昨日華仔仍在醫院留醫，有指他因為不想受打擾，謝絕朋友探訪。不過譚詠麟（阿倫）昨日就現身養和探望。
硬闖傾公事
阿倫昨日下午1時45分到醫院探望華仔，他逗留40分鐘後離開，問到華仔傷勢如何？阿倫說：「其實得我一個硬闖到上去，其他人唔得㗎，今次我係純粹同華仔傾公事，因為之前同佢錄咗首歌，要搞mixing嘅嘢，唔同佢當面講唔得。」阿倫表示為免令人誤會宣傳，所以不會多講新歌的事。之後阿倫講到華仔狀況說：「佢（華仔）嗌我通知所有親朋戚友，唔使去醫院探佢啦，等佢好好休息，因為所有講嘢、笑同反應，都會觸動到痛楚。華仔知大家嘅心意，佢會心領啦！」阿倫謂最初打算與華仔講笑傾偈，但因華仔表示真的很痛，所以最後也不敢講笑，只講完公事便離開。
■華仔墮馬致盆骨撕裂，現於養和留醫。資料圖片
■大劉昨繼續着睡衣，由甘比陪同下現身養和。
今親自交代
阿倫又指華仔仍要卧床，但精神很好，問華仔是否想回家過年，及太太朱麗倩有否在醫院照顧時，阿倫透露華仔今日會親自交代，但記者追問華仔今日是否出院時，他即否認，揚言華仔今天會發表言論。而曾志偉昨在九龍城出席盆菜活動，表示未聯絡華仔：「唔想騷擾佢，最緊要休息，過幾日親自探佢，仲知華仔一定冇事。」此外，身穿睡衣的大劉劉鑾雄昨日在太太甘比陪同下離開養和，精神看來不俗。採訪：卓寶花攝影：陳慧安
來源:
http://hk.apple.nextmedia.com/entertainment/art/20170123/19905708
Next Page