翠如怨蕭正楠「好耐冇見佢」
1 :
GS(14)@2017-01-02 01:05:47■蕭正楠和黃翠如綁着手做蛋糕，他更餵女友食零食。
蕭正楠（Edwin）與女友黃翠如昨日以情侶檔在尖沙嘴The ONE出席IQ博士35周年反斗狂歡派對，Edwin更情深向翠如BB大唱冧歌，第一首揀了鄭伊健的《Together》，原因是他的妹妹喜歡伊健，而妹妹又有到場，所以送首歌給她。不過翠如聞言即扮呷醋，她說：「你都冇唱畀我聽嘅！」
■蕭正楠與女友黃翠如昨日以情侶檔出席商場活動，兩人現場有不少親密互動。
情深款款唱歌
為了?女友，Edwin唱第二首情歌時，特別安排一張孤獨的凳給翠如BB，左右前後都沒人，只有翠如BB在中央聽男友唱歌，畫面上Edwin的表情是情深款款，但效果卻有些突兀和搞笑。昨晚是除夕，翠如BB雖然好重視，想和男友一起歡度，可惜昨日Edwin在活動後要北上開工，她當然失望，更埋怨說：「都真係好耐冇見佢，今年好多節日如聖誕都冇得一齊過，希望農曆新年有假放啦！佢喺上面開工嗰陣，都有唔同嘅人send相畀我㗎，原來佢喺戲裏面好多動作場面，我都係睇相先至知，Edwin完全冇同我講，所以都有啲擔心。」採訪：曹家誠攝影：仇志德
來源:
http://hk.apple.nextmedia.com/entertainment/art/20170101/19882863
生娘不及養娘大鍾嘉晴自爆7年冇見章小蕙
1 :
GS(14)@2017-01-27 07:40:35章小蕙爸爸喺加拿大多倫多創辦中文電視台，所以章小蕙都擁有加拿大國籍，而佢同前夫鍾鎮濤（阿B）就喺加拿大認識，再喺88年拉埋天窗，先後生咗阿仔鍾嘉浚同阿女鍾嘉晴。不過章小蕙同阿B呢段婚姻，只係維持咗11年，兩人喺99年離婚，阿B仲痛斥章小蕙揮霍，敗盡身家。而章小蕙之後同商人「白頭陳」陳曜旻拍拖，阿B就同范姜結咗婚，而嘉晴喺4歲時就開始同范姜一齊生活，感情仲非常好，之後范姜為阿B生咗兩個女，待嘉晴亦視如己出。父母離婚，對子女難免留下心理陰影。阿B同章小蕙離婚之初，嘉浚嘉晴對母親的離開耿耿於懷。2011年，范姜與同住麥當奴道半山樓的章小蕙胞妹章小婉狹路相逢，兩人在大堂嘈交，最後更鬧上警署。嘉浚嘉晴在事件中極力維護范姜，嘉晴更稱已7年冇見過生母章小蕙：「我媽說她回港保護我？？？…我現在16歲，我諗我不需要她任何保護，我至少7年沒見過我媽，她又怎樣會突然為我回來？」。對於有人暗示范姜打她，嘉晴當時回應傳媒就說：「冇件咁嘅事發生過，佢對我好好，不嬲好錫我。」章小蕙與女兒關係疏離，但與嘉浚關係就較好。現年26歲的嘉浚跟章小蕙生活；至於鍾嘉晴，之後喺活動上話其實冇嬲過媽咪，仲貼過哥哥同媽咪嘅合照上社交網，證明親情係可以化解晒啲芥蒂㗎。
來源:
http://hk.apple.nextmedia.com/entertainment/art/20170127/19910282
【馮仁昭四圍超】冇見成年譚炳文話琴姐捱苦
1 :
GS(14)@2017-08-17 08:09:43■譚炳文前晚撐遮睇粵劇，精神唔錯。
譚炳文、陳寶珠、沈芝華同祥嫂等前晚去到尖沙嘴文化中心，捧場睇新編粵劇《花木蘭之巾幗英雌耀木蘭》，譚炳文今年3月曾經因為心臟有事，氣喘入院，前晚佢用把遮當枴杖撐住到場，精神睇落唔錯，影相時仲舉起V字手勢，不過佢話：「精神唔係話太好㗎咋！我頭先上樓梯都氣喘，呢幾日有幾聲咳。」
■李香琴（左）近年已甚少喺公眾場合露面。資料圖片
■陳寶珠（左）笑言抱孫心大心細，指兒子楊天經會有計劃。
「身體麻麻哋」
呢個時候，突然有個戲迷走埋嚟大讚譚炳文仲keep得好靚，好似六十幾歲咁，譚炳文笑話：「靚乜嘢？我都八十幾歲人，身體麻麻哋，仲行得走得，醫生叫我唔好捱夜，玩得就玩，?家有配音、廣告、拍戲都仲可以。」至於佢位紅顏知己李香琴嘅近況，譚炳文話已經好耐冇聯絡：「都有十一個月，冇辦法啦，又唔行得唔走得。」之前有傳琴姐唔係好認得人，譚炳文即慨嘆：「唔知喎，其實搵佢都冇用啦！可能佢捱緊苦，都費事搵佢喇！」寶珠姐一班戲迷見到偶像到場時，即大嗌：「寶珠姐嚟喇！」將佢圍到實一實，場面好墟冚，咁多年都依然係fans心目中嘅影迷公主。寶珠姐話囝囝楊天經同老婆去咗旅行，問到恨唔恨抱孫？寶珠姐坦言：「一半半，?家社會好亂，風氣又唔好，我覺得做父母、小朋友，將來會好辛苦，我諗佢哋自己會有計劃。」撰文：馮仁昭
來源:
http://hk.apple.nextmedia.com/entertainment/art/20170817/20123495
Next Page