SM新男團造型太前衛網民：係咪返咗90年代？
1 :
GS(14)@2016-07-06 08:11:30擁有唔少人氣偶像團隊如少女時代、EXO、Super Junior等嘅SM事務所，今年推出新男團NCT，不過成績似乎一般，而SM將於後日推出NCT小分隊NCT127，日前已開始公開成員新預告照。
SM一直都係走在潮流尖端，不過好多時都走得太前，令網民同粉絲表示「跟唔上」。好似今次NCT127嘅新look，一眾成員由之前嘅乖仔黑髮look轉變成依家爆炸頭、金毛、白髮等，唔少粉絲都留言「永遠唔明SM諗咩」、「冇眼睇」、「太過潮流，差啲以為返咗去90年代」等。暫時就未知NCT127實力如何，不過未出道已經評價一般，正所謂，你的造型如何，你的日子也必如何。
來源:
http://hk.apple.nextmedia.com/entertainment/art/20160706/19683302
柳飄飄到大媽look36歲張栢芝造型百變
1 :
GS(14)@2016-09-06 22:51:00女藝人可塑性高，絕對係有著數，可以挑戰下各種造型之餘，又可以製造話題，留啲深刻印象俾人。就好似今年36歲嘅栢芝咁，出道以嚟試過唔少造型，例如係《喜劇之王》入面柳飄飄個索爆學生look，就俾人記到o依家。但人大咗仲做埋兩子之母，心態唔同咗，衣著有時都隨和啲。好似啱啱過咗嘅暑假，栢芝帶兩個仔出海玩水，玩咗一日臨走時竟然騎呢以大毛巾包頭！仲有呀，之前佢喺髮型屋啱啱享受完洗剪吹，但撞見警察抄牌，即刻着住人哋髮型屋件袍開走架車。唔好以為栢芝衣着隨便就冇晒時尚觸覺，佢之前喺內地出席頒獎禮，就着過金閃閃嘅連身褲，仲大騷deep V！栢芝呢期好鍾意土豪金，佢日前喺沙田第一城街市買燒味，就係着露肩衫加金色裙，玩味十足！
來源:
http://hk.apple.nextmedia.com/entertainment/art/20160906/19761536
【澳門尋老餅】鯉魚佛公造型豬籠餅 你見過未？
1 :
GS(14)@2016-09-06 22:52:11梳打埠懷舊店老闆岑偉倫，是澳門舊物收藏家，在八十年代開始儲下澳門老餅家的資料。
「澳門老餅家現存不多，在我店附近有品芳、遠來等舊式餅店，都是老字號，每逢中秋特別多人幫襯，但若以賣月餅市場計，仍以手信店、西餅店較活躍。」梳打埠懷舊店老闆岑偉倫說。他是澳門舊物收藏家，在八十年代開始儲下澳門老餅家的資料，包括剪報、月餅紙、月餅罐等等，大部份都是有關中秋節。「以前做一個中秋節已經支付整年的營運支出，所以各大餅家特別著重中秋節，各出奇謀，有不同宣傳或者其他贈品。」
最令人深刻印象是以竹藍盛載的豬籠餅，原是月餅剩餘物資，為了不浪費用作試驗的餅皮，於是拿來做餅送給供月餅會的客人。位於義字街的榮記（聖雅蘭）餅店，已有30年歷史，仍找到豬籠餅，還有鯉魚及佛公造型。全麵粉製造，雖然不算好食，但賣相頗精緻，很懷舊。回顧老餅家這些舊物，有的屹立至今，更多的已敵不過時代洗禮。「昔日做月餅比較有規模，尤其在七十年代，包括英記及已結業的顯記，兩間在新馬路比較有實力，在報紙登頭版廣告宣傳中秋節。」岑偉倫說。月餅會紙亦是歷史遺物，時代演變各有不同風格，由40年代的漫畫設計，演變至較複雜圖案的彩繪，再到用相片為設計。今次岑偉倫借出逾百種澳門中秋舊物作展覽，想回味昔日過節氣氛，不妨考慮下。（a）榮記（聖雅蘭）餅店澳門義字街27號（b）「中秋舊物展覽」澳門十月初五日街173號即日起至10月7日記者：何嘉茵攝影：伍慶泉
英記在1948年月餅紙的設計，可見當時流行漫畫設計。
齒香在1962年設計，設計以傳統嫦娥為主。
顯記在1977年設計，圖案趨向簡化。
咀香園在1983年設計，以照片為主題。
英記在七十年代於報紙落頭版廣告。
豬籠餅，$12、鯉魚及佛公餅，各$20
義字街的榮記（聖雅蘭）餅店，已有30年歷史，仍找到豬籠餅。
來源:
http://hk.apple.nextmedia.com/su ... t/20160906/19761314
畫面場景造型抄足《瑪嘉烈》林保怡廣告 ViuTV斥侵權
1 :
GS(14)@2016-10-19 05:28:47■《瑪》劇原著南方舞廳希望大家搵食之餘要尊重版權。資料圖片
【ViuTV風波】林保怡與周家怡為ViuTV主演的開台劇《瑪嘉烈與大衛系列綠豆》叫好叫座，帶挈二人獲邀拍舊街場白咖啡廣告。廣告於大前日出街，雖然當中未有提及大衛和瑪嘉烈名字，但兩位主角造型、演繹方式、畫面鏡頭、同一間屋、保怡揸的士、背景音樂、林海峰做旁白，再加上廣告打上第27集，及由《瑪》劇兩位導演FatBall及25執導，完全令人聯想到與《瑪》劇有關。
【劇集】
【廣告】■林保怡和周家怡近日拍攝的咖啡廣告，ViuTV認為涉侵權而欲採取法律行動。
廣告已停播
不過，原來相關廣告未有知會ViuTV，ViuTV有感此舉涉侵犯版權而極為憤怒，考慮向相關人士採取法律行動。ViuTV製作部副總裁金廣誠昨承認說：「我哋已經同律師研究，會向相關人士保留法律追究權利。今次唔係二次創作，係侵權行為。我哋已經向廣告客戶反映，今日開始個廣告已經停播（電視），直至版權搞清楚先至處理。」《瑪》劇原著南方舞廳亦表示：「我都明啲客可能鍾意，想攞番個感覺，但始終牽涉到版權，我都明大家要搵食，但搵食應該循正常途徑，香港係有版權法㗎嘛。」記者先後致電廣告導演FatBall和25，二人均表示要了解事件後再作回應，但至截稿前未回覆。負責今次廣告的Vib Egg廣告公司則表示：「暫時無可奉告。」對於廣告涉侵權，林保怡昨說：「如果我嚟緊有一個電影劇本又係揸的士，咁又要搵律師研究吓我呢個電影劇本呀？成件事一定要知會ViuTV，版權問題要ViuTV同廣告客戶研究番，我哋呢啲小小演員好被動。」
【廣告】■保怡上門欲找家怡一幕，廣告鏡頭跟原裝劇一模一樣，還加上第二十七集令人有聯想。
【劇集】
【廣告】■同樣揸的士的保怡似在同一大廈外取景。
【劇集】
「最緊要公平」
對於ViuTV昨日抽起該廣告，保怡說：「而家係爸爸媽媽講嘢嘅時候，等爸爸媽媽傾掂數先啦，媽媽plan咗好多計劃去宣傳，而家爸爸話唔得，又唔知會唔會另生枝節呢。」會否不開心？保怡說：「唔會，最緊要公平公正。」採訪：魯吉
來源:
http://hk.apple.nextmedia.com/entertainment/art/20161019/19804973
高濃度孔雀石綠造型谷新歌G.E.M.上海演出誤當張靚穎
1 :
GS(14)@2016-12-07 07:41:15G.E.M.（鄧紫棋）不時被指發生「時裝車禍」，大部分嘅「車禍」都係由佢御用嘅時裝設計師Emma Wallace手筆。而最新嘅一單「車禍」就發生喺日前佢推出新歌嘅單曲封面（原曲信樂團《死了都要愛》，改編後名為《死了都要•愛》），佢一身嘅青綠色疑似係珠片高叉旗袍，真係睇到人唔識點講！而高登瓊姐就選擇將呢個「青BB」嘅造型形容為「被食環署檢出含有高濃度孔雀石綠的高叉旗袍」，仲話係「淘寶味濃」O添！話晒都係新歌，G.E.M.本月3號喺上海出席第十屆「咪咕音樂盛典」，G.E.M.橫掃四大獎項之餘，仲表演新歌。而佢出場時仲出現笑料，話說司儀阿雅宣佈G.E.M.出場表演時，發生咗烏龍事件，將宇宙級嘅G.E.M.誤報成「有請張靚穎」，場面梗係尷尬啦！不過G.E.M.處變不驚，上台繼續表演新歌。而擺烏龍嘅司儀阿雅事後喺微博公開道歉：「從來沒有這樣過，處女座的我此刻被自責淹沒」。講返呢首新歌，改編歌詞唱仲講到佢嘅「皮褲」：「批發買了皮褲，看我愛的投入……繼續穿我的皮褲，邁我的腳步，走我的道路！」而佢呢晚嘅衣着完全融合「
高濃度孔雀石綠高叉旗袍」同「皮褲」，青綠色珠片上衣襯超高皮靴，而幫佢伴奏嘅大提琴手，嗰身青綠色珠片泳衣look都真係世界級「車禍」。
來源:
http://hk.apple.nextmedia.com/entertainment/art/20161206/19856723
【再見老夫子】三個時代三個造型 1962年版老夫子身形像臘腸
1 :
GS(14)@2017-01-05 08:07:41《老夫子》漫畫「耐人尋味」逾半世紀，故事內容可謂記錄了時代的變遷，原來多年來漫畫裏的老夫子造型亦不斷在變化。早兩年王澤在港舉辦展覽時，就挑選了三個經典的造型做成搪膠雕塑，分別是1962年、1968年和1985年的老夫子，王澤說是表揚父親對老夫子的貢獻，不知讀者又喜歡哪一個呢？
記者：劉東佩
1968年版本臉部正面側面呈菱形，身材較瘦小，屁股也較突出。
1985年版本頭頂呈方形，帽子變大，下半身較筆直，比例較漂亮。
來源:
http://hk.apple.nextmedia.com/su ... t/20170104/19885461
High爆溶解造型 阿倫變梁家輝
1 :
GS(14)@2017-01-09 08:11:28■譚詠麟頭髮塌下來後，激似梁家輝（小圖）在《92黑玫瑰對黑玫瑰》中造型。
亞洲國際博覽館前晚舉行的「純音樂2017溫拿與太極演唱會」，吸引羅傑承夫婦、任達華夫婦、朱潔儀、林建名和蕭定一等前往捧場。太極樂隊先以經典英文歌《Hotel California》揭開序幕，繼而獻唱早前逝世Wham！前主音成員佐治米高（George Michael）的經典歌《Careless Whisper》作出致敬。他們獻唱完《全人類高歌》、《紅色跑車》及《留住我吧》等首本名曲後，再邀溫拿上台jam歌。
「開心咪得囉」
溫拿先後唱完《玩吓啦》和《L.O.V.E》等飲歌後，與太極一齊合唱《Sha La La La》時，譚詠麟表現high爆，邊跳邊叫觀眾起身，結果他越跳越熱，原本gel起的頭髮全部塌下來，激似當年梁家輝在電影《92黑玫瑰對黑玫瑰》中被水泥漿住頭髮的搞笑造型，引得全場觀眾爆笑。演唱會至晚上11時45分完騷後，太極與溫拿一同受訪，眾人均表示玩得十分開心。問阿倫是否玩得好開心令到頭髮塌落時，阿倫笑說：「我學陳奕迅，?家用呢個頭就可以變得純實力派啦，其實我都知個頭有事。」可有人提醒他頭髮塌下？阿倫說：「想到都冇用㗎，都幫唔到我，我要整番佢（頭髮）唔通走落台咩？不過唔緊要啦，冇所謂嘅，最緊要大家睇到開心咪得囉。」
■溫拿與太極前晚開騷，一起jam歌時全場觀眾high爆。
■太極雷有輝與鄧建明落台跟觀眾握手時引起哄動。
■任達華與太太琦琦結伴睇騷。
雷有輝望巡迴
問未來會否再合作？太極成員雷有輝表示希望開巡迴，而鍾鎮濤則謂：「雖然暫時冇做新歌或者再開騷嘅計劃，但經過今次之後其實都想嘅，因為想借今次試吓反應，發現個反應好好，玩得好開心，希望遲啲有機會再玩。」採訪：曹家誠攝影：陳慧安
來源:
http://hk.apple.nextmedia.com/entertainment/art/20170109/19890582
【旅遊籽】招財貓頭手分開燒 方便製作更多造型
1 :
GS(14)@2017-02-02 02:34:36老師傅八重樫三千彥，因為由細到大都愛玩黏土而入行，一做二十多年。手的部份要分開製作，用陶泥黏貼好後，放入爐燒。
【旅遊籽：初五迎財神】連放幾日假，今日返工難免年初五咁嘅樣，不過有謂初五迎財神，揦埋口面唔太好，不如擺番個招財進寶陣仲實際。第一時間諗起招財貓，比財神貼地、比貔貅可愛，雖來自日本，但比大台師奶劇還要入屋。之不過，招財貓見得多，考究卻甚少，原來小至舉左手定右手、拎住幾両銀都大有學問，今日到其故鄉瀨戶市，探究招財貓前世今生。
逛完博物館，我們到當地工房「中外陶園」一覽，看招財貓的製作工序。只見設計師先畫好草圖，按形狀做石膏模以便量產。技師將攪至液體的陶泥倒入模內，等約一小時乾涸後，先經一次素燒，之後就可以上色同釉，在攝氏1,300度的爐火下燒20小時而成。瀨戶招財貓有一特點，就是並非「原隻」燒成的，而是特地將舉起的手分開製作。五代目鈴木康浩解釋：「瀨戶的土壤黏性較高，所以可以將招財貓的身體與手臂分開來做，這樣可以做出更多的動作，看上去會較立體、美觀，價值亦較高。」老師傅八重樫三千彥，因為由細到大都愛玩黏土而入行，一做二十多年。問他整個工序最難之處，他說：「是泥土，因為泥土的狀態會經常不同，用泥土做的東西，做到近乎成品也好，不拿去燒，也不知道結果如何。燒完後又可能會裂開，一切要看當時天氣、濕度等因素。這是最難的地方，卻也是最有魅力之處。」可惜的是，在國內消費低迷、運輸成本上漲、平價仿製品的出現下，瀨戶製陶業自70年代後期開始下滑，現在工房數目只剩當時的四成，只剩下約600間，營業額亦慘不忍睹。鈴木康浩原本於航空公司任職，回家接手父業的第一個難題，就是替品牌變革。除開發新市場，產品也以質代替量，嘗試以新形象吸引年輕一代。只得42人的工房，卻能設計出320種招財貓，再按實際銷售量每年棄用20個滯銷的產品，再不斷加入新設計，又會與潮牌BEAMS等合作，推出聯乘產品，造出火紅色的招財貓。創業容易守業難，要守得住老招牌，就得跟着時代洪流走。
鈴木康浩
瀨戶招財貓做出來的底色是白色，可直接上色。
陶瓷經多次燒成，第一次燒製便是素燒，拿出模後便可上色。
將陶泥倒入模中，等待約一小時便會凝固。
中外陶園於1952年成立，製作的招財貓香港Log-On也有售。
中外陶園現時只得42個員工，與全盛期差得遠。
Travel Memo簽證：持有效特區護照或BNO毋須簽證機票：HKExpress來回香港至名古屋，連稅及20kg行李由$2,581起匯率：100日圓約兌6.9港元鳴謝：愛知縣振興部觀光局
記者：甄俊宇攝影：王國輝編輯：陳漢榮美術：楊永昌
來源:
http://hk.apple.nextmedia.com/su ... t/20170201/19910911
Next Page