【打工仔不快樂】年輕人心聲：加薪轉工至實際
1 :
GS(14)@2016-11-13 11:33:07香港地人人有壓力，打工仔又有幾多個快樂？有招聘網站早前發佈「工作快樂程度」調查，發現近半打工仔不滿現時工作。
香港地人人有壓力，打工仔又有幾多個快樂？有招聘網站早前發佈「工作快樂程度」調查，訪問本港逾千名打工仔，發現少於半數人滿意目前工作。以10為滿分，香港打工仔的工作快樂指數為5.56，於七個亞太地區僅屬中等水平。不少受訪人士指轉工（21%）是提升快樂程度的妙計，難怪有人一世人不停轉工。
以10為滿分，香港打工仔的工作快樂指數為5.56，於七個亞太地區僅屬中等水平。
Joe直言「老闆唔發脾氣，我就工作愉快啦。」
蔡先生則笑說加薪即可令他開心，「加人工升職都好重要，最好兩樣都有！」
調查由SEEK Asia聯同旗下的jobsDB與JobStreet於七個亞洲地區進行，訪問了香港1,045名在職人士，發現香港打工仔的快樂指數只得5.56，並估計於隨後6個月將跌至5.25，在亞太地區排名第4。jobsDB香港總經理饒志文表示，大部份受訪者認為努力未獲肯定，公司領導層管理不得法，因而對未來感悲觀。根據調查結果，在職人士認為要提升工作快樂程度，最顯著方法為加薪（29%），其次為多表揚（9%），以及提供晉升機會（8%）。另外，不少受訪人士指轉工（21%）亦是快樂妙計。記者到觀塘街訪訪問一班年輕市民，發現的確不少人指工作不太愉快，當中Joe更直言「老闆唔發脾氣，我就工作愉快啦。」蔡先生則笑說加薪即可令他開心，「加人工升職都好重要，最好兩樣都有！」但亦有人指不快樂就該轉工，Thomas：「唔開心就無謂勉強啦，自己走搵另一份，我都係咁。」有人選擇不開心就轉工，當然也有人願意一世打一份工。Ken在鏡頭前向老闆大呼：「認住我！我一世打呢份工喇！」
Thomas：「唔開心就無謂勉強啦，自己走搵另一份，我都係咁。」
Ken在鏡頭前向老闆大呼：「認住我！我一世打呢份工喇！」
記者：黃凱婷攝影：鄧鴻欣
來源:
http://hk.apple.nextmedia.com/su ... t/20161113/19831861
中環在線：連敬涵又轉工做小牛金服CEO
1 :
GS(14)@2017-01-12 08:01:18股評人連敬涵（Kingston）前年由富昌證券轉去「超人」李嘉誠旗下長和（001）創辦嘅AMTD尚乘集團，做咗兩年唔夠又轉工了，新title係「小牛金服」行政總裁（CEO），一聽就覺得好有內地色彩喎。
同內地公司撞名
內地有間小牛資本，旗下真係有間小牛金服，仲話諗住今年上市，但原來此牛不同彼牛，Kingston新加盟嘅小牛金服，係百分百港資公司，只係咁啱撞名撞到咁應啫。
Kingston話，新老闆改名時，諗起阿里巴巴創辦人馬雲有間「螞蟻金服」做得好威水，牛又代表好市，於是就諗到整間小牛金服，當時都唔知內地有間同名公司。講番佢呢隻小牛，其實都係啱啱出世，係創業板上市公司匯隆（8021）新成立嘅證券行，匯隆可謂「搭棚股」，公司專營棚架業務，代表作係研發出「霹靂棚架」。老闆想進軍證券業，特登請Kingston幫手做開荒牛，最近先至申請到1號證券牌照。
Kingston話，佢哋喺中遠大廈嘅寫字樓仲裝修緊，起碼要2月底先可以開始做生意，之後再申請埋9號資產管理牌照。雖然小牛有排都未大得過螞蟻，但相比之前AMTD要轉型變身國際投行，相信經營小牛難唔到Kingston喇。李華華
mailto:
[email protected]
來源:
http://hk.apple.nextmedia.com/financeestate/art/20170111/19893099