綠葉去晒邊？張敏嫁前經理人居北京
1 :
GS(14)@2016-12-07 08:01:02Miss Ho（張敏）：星爺學校老師，最後鍾意咗星爺。今年49歲嘅張敏，曾同星爺合作多套電影，風光一時，不過03年退出娛圈，長居北京，13年與前經理人結婚劉永輝。黃Sir（黃炳耀）：身為星爺同達哥嘅上司，最叻鉸剪腳。不過黃炳耀原來係位編劇，只係間中客串演出，除咗《逃學威龍》，耳熟能詳嘅作品仲有《疆屍先生》同《夏日福星》等等，不過呢位金牌編劇，喺92年因病去世。曹達華（吳孟達）：同星爺一樣係警察，不過入到學校做卧底就變咗校工。達哥咁多年演藝生涯，同星爺可以話係形影不離。但達哥前年確診是心臟急衰竭，要住深切治療部，之後就開始減產，今年都有幫手拍港產片《導火新聞線》。黃小龜（黃一山）：細龜喺學校俾小妖蝦，仲跟咗星爺做大佬。現實版嘅細龜，都係跟住星爺搵食，合作電影仲有《唐伯父點秋香》、《九品芝麻官》等，儲落唔少人氣。03年起佢返大陸登台搵食。大飛（張耀揚）：黑幫大佬，吩咐手下對付星爺。張耀揚可以話係影壇反派嘅代表人物，現實生活同戲中角色相差無幾，前年佢喺北京朝陽區一間酒店涉嫌吸毒同嫖妓，被拘留29日先獲釋。
來源:
http://hk.apple.nextmedia.com/entertainment/art/20161207/19857333
綠葉李國麟北上密做男一嘆無綫糟蹋藝員
1 :
GS(14)@2017-01-14 07:54:29■綠葉王李國麟在無綫40多年，他大嘆公司糟蹋有料演員。資料圖片
現年61歲的李國麟，雖然四十多年來在無綫盡是做綠葉，但在內地卻獲賞識擔正男一。近日內地播映的網劇《超能少年三部曲之宿命之戰》，連宣傳海報也用他做主相，李國麟笑謂：「係TVB啲poster唔係好預我咋嘛。」他又慨嘆無綫安排曳，一個演員經常出現在三線劇，令觀眾睇到混淆，他說：「作為一個擁有龐大財產嘅公司，係糟蹋咗。」
無綫「綠葉王」李國麟於74年加盟無綫以來演過逾百部劇集，忠奸角、搞笑角色無一不曉，獨是未有機會擔正做男主角。相反，李國麟近年在內地卻吃得開，不時有機會擔正做男主角，本月9日首播的內地網劇《超能少年三部曲之宿命之戰》，便由李國麟做男一，夥拍曾偉權和黃榕等演出，而該劇海報，便見他的大頭相佔了三分一之多。
■李國麟在內地網劇《超能少年三部曲之宿命之戰》擔正做男主角。微博圖片
■李國麟北上發展甚為吃香，早前有份拍攝劇集《狩魔傳》。微博圖片
■李國麟與太太Angel於02年誕下囡囡沅薐，現時他仍要努力搵錢供書教學。資料圖片
「TVB安排好曳」
對於網劇海報由自己做主相，李國麟日前笑說：「係咩？咁畀面呀！」問是否首次擔正做主角？他笑謂：「唔係，上面都幾密吓，係TVB啲poster唔係好預我咋嘛。」李國麟指《超》劇開播當日於深圳舉行發佈會，自己因忙拍無綫劇而未能抽空出席：「?家開緊3部劇，殺到2月幾又開《溏心風暴3》，因為公司真係唔係幾夠人，得嗰幾百個演員，係用得嘅大家都知邊啲，但我又見過有啲有質素、唔曳嘅演員幾個月冇嘢做，最高紀錄8個月都有，我都唔知點解。」李國麟在無綫還有幾部劇拍好未出街，加埋現時開拍的3部及即將開拍的劇集，豈不是隨時於黃金時段三線劇都會見到他出現？李國麟說：「係，TVB安排好曳，大家有留意，一個演員如果幾重戲，隨時會令觀眾睇到混淆，我以一個觀眾立場就覺得好有問題，作為一個擁有龐大財產嘅公司，係糟蹋咗。」儘管慨嘆無綫糟蹋資源，李國麟也有為無綫講好說話：「好多人話TVB啲劇唔得，編劇日日都『屙』，乜都乾晒，唔怪得佢哋。喺TVB有名未必有利，但唔明點解要鬧，TVB畀唔到我做重要角色，都有閒角畀我做，糧期準，養咗我幾十年，超碼畀到我一頭家，畀到我安全感。」
■李國麟由醉心練武的鳩摩智，到奸到出汁、獲台慶頒獎禮提名男配角獎的馬元贄，他也能刻畫得很到位。
4月約滿冇人理
今年4月李國麟將約滿無綫，至今仍未有人找他傾續約，問可感到擔心？他說：「佢哋好『他他條』嘅，始終香港得一個台，你唔做，做邊個呢？」對於去留問題，李國麟表示要視乎對方開出的條件，但他似乎不大樂觀：「我去年都想唔續，但冇TVB冇今日嘅我，亦冇內地市場，TVB畀我感覺係好需要我呢類演員，我都唔想離鄉別井。但我又覺得今年條件都唔係幾好，好似話公司賺少咗，咁都要向股東交代，我好明白要維持盈利，增加唔到咁梗係要向我哋開刀啦。」若續約不成可有其他打算？李國麟說：「咪打游擊囉，冇話驚唔驚㗎喇。」採訪：嵐山
來源:
http://hk.apple.nextmedia.com/entertainment/art/20170113/19894820
綠葉王你認得邊個？羅樂林一日死5次
1 :
GS(14)@2017-01-14 07:54:30大台實為臥虎藏龍之地，唔少綠葉王，好似李國麟一樣，喺大台捱足多年，個個身懷絕技，就算只係芝麻綠豆角色，都可以演得出神入化，套套劇有佢哋，就有戲味，好多時，等嘅，就只係一個機會！羅樂林 一日死5次現年68歲無綫甘草演員羅樂林，喺5年前嘅某一日，威過晒所有一線小生，因為佢喺短短24小時內，於大台播映嘅5套劇集中，同一日連死5次，唔單止成為城中熱話，更創下香港電視史紀錄，甚至連歐美同澳洲等6國傳媒都廣泛報道，蜚聲國際。就連羅樂林覺得「真係不可思議！」李家鼎 做大廚上位今年71歲李家鼎，武藝騎術樣樣得，由《香港八一》做到《香港八六》，喺「銀禧小食店」做伙計「李威」為人熟悉，但喺大台做足幾十年都係做綠葉陪襯，點估到佢喺古稀之年，竟然憑一手隱世了得廚藝，拍《阿爺廚房》落兩手，大受觀眾歡迎，令佢人生嘅演藝事業去到頂峯？！李成昌 奸狡諧趣乜都得同樣喺《香港八一》至《香港八六》有份演出嘅李成昌，喺劇中演大陸新移民康仔，結果「康仔」個名用到今時今日。今年59歲李成昌早年多做諧趣角色，到近年就做精明陰險、幕後師爺之類嘅角色，做乜似乜！鄭子誠 完美奸人有陰謀今年54歲、憑《真情》中嘅無敵奸角李子浩上位嘅鄭子誠，早年喺高登人氣高企，成為熱門搜尋關鍵字，有網民好有心機剪輯咗佢從影以嚟奸到出汁嘅代表作嚟「歌頌」佢，一股「鄭子誠現象」喺討論區籠罩。網民甚至認為，凡有鄭子誠出現嘅地方，必定有陰謀存在。余子明 御用太監今年73歲余子明，因喺早期大台綜藝節目《歡樂今宵》入面飾演「大眼雞」，之後「大眼雞」呢個暱稱就跟足咁多年。除咗「大眼雞」呢個角色令大家對佢留下深刻印象，亦因為佢有好重潮州口音，不時喺電視劇入面見佢飾演「潮州佬」嘅小角色。喺《金枝慾孽》入面，做陰險太監亦相當出位。
來源:
http://hk.apple.nextmedia.com/entertainment/art/20170113/19895612
【《蘋果》專訪】時裝設計師拍戲止癮鬼塚甘做綠葉 自嘲樣夠衰
1 :
GS(14)@2017-06-10 13:46:48■演戲是鬼塚的副業，正職其實是時裝設計師。攝影：陳慧安
原名伍健忠的鬼塚，常出現在80年代初的電影，專演監躉、黑幫大佬等角色。現年63歲的他生得惡形惡相，其實心地善良，先後演出過《四千金》、《江湖最後一個大佬》、《新不了情》、《運財五福星》及《陰陽路》系列等逾五十部電影，演戲是他的副業，正職其實是時裝設計師。
有生意頭腦
現實生活的鬼塚是好爸爸、好老公，生於十兄弟之家，他日前接受《蘋果》專訪時說：「爸爸成日同阿媽搞嘢，搞咗十兄弟，我排第六，第十個因為太窮，100蚊賣咗，細佬伍健民做咗十幾年大律師。」鬼塚回想入行首部參演的電影是79年的《打藤》，由胡楓監製兼執導，駱應鈞做男主角：「做監躉，一日600蚊。本來話拍一日，見我咁多嘢講、表情好，加我戲。」鬼塚拍戲雖只做綠葉，但非常投入，曾因海報有名而衍生出虛榮感，又自爆曾透過倒影看自己：「突然間回望，心諗『咁X衰格嘅呢個人個樣』，行番轉頭想打佢，嘩！望真原來嗰個係自己。」鬼塚11歲時父親過身，他於是學做洋服，有生意頭腦的他說：「我可以將1蚊嘅嘢賣100蚊，最緊要係思維同個膽。」85年斥資15萬在旺角開了以鬼塚為名的第一間時裝店，他笑言：「有人行過見到鬼塚個名，話係咪賣棺材㗎！有鬼㗎喎！」跟着分店越開越多，賣衫賺錢，為興趣拍戲。採訪：楊潔雯場地提供：鬼塚
■鬼塚曾演出《江湖最後一個大佬》等五十多部電影。劇照
■鬼塚前年再跟拍檔合作做時裝生意，對用料有要求。
■現實生活中，鬼塚是好爸爸和好老公。
來源:
http://hk.apple.nextmedia.com/entertainment/art/20170610/20050673
綠葉捱出頭終成家立室林子善入紙結婚 李天翔娶富女友
1 :
GS(14)@2017-07-29 03:40:49■林子善與女友Kary去年曾分手，成功翻撻後決定拉埋天窗。互聯網圖片
今年娛樂圈喜事重重，現年35歲、在電影《喜劇之王》扮「洪爺」出位的林子善和41歲「認字特警」李天翔，兩位綠葉前日被爆入紙，各自跟女友登記結婚，結束王老五生涯；林子善去年曾經跟女友經歷過分手，惟兩人復合後學懂珍惜對方；而在無綫捱了20年、被定型扮強姦犯的李天翔，感激5年來富女友對他不離不棄，決定給名份。
今年雙春兼閏月，藝人排隊結婚拉埋天窗，繼郭富城、陳柏宇、王君馨、林宥嘉相繼與另一半組織家庭後，前日記者在婚姻註冊署，發現綠葉林子善和李天翔分別入紙登記，準備做人夫。
■子善日前入紙，與女友登記結婚。攝影：黃曉妍
■林子善近年積極操肌做大隻佬。互聯網圖片
■在娛樂圈捱了多年的林子善，於12年開茶餐廳榮升老闆。資料圖片
畫畫箍煲
林子善於本月17日入紙登記，跟細兩年的圈外女友董佩欣（Kary）排期結婚，近日忙拍劇的林子善被問到是否明年才擺酒？他以短訊回覆傳媒表示：「係呀，出年嘅事，未咁快，應該明年4月3日。但暫時啲嘢都未搞掂，因為我哋呢排開工忙到七彩，結婚啲嘢就交晒畀我老婆搞啦。」林子善與圈外女友Kary拍拖5年，惟去年兩人因家人催婚，林子善感壓力曾一度分手，當時他以為跟女友分開可以冷靜一下，但分手後才發覺自己不能沒有女友，感到很痛苦，幸獲好友馬國明、鄭嘉穎及唐詩詠等開解，「細妹」唐詩詠更點醒他，分開只會令對方覺得不重視自己，結果林子善向女友展開瘋狂箍煲，甚至花8小時親自畫了一幅畫，代表兩人拍拖5年的點滴，終於成功?回女友，其後更獲女友點頭肯嫁，林子善開心到在社交網宣佈：「我好幸運有個幸福家庭，未來仲會有個好嘅老婆。」至於原名李志偉的李天翔，女友譚寶怡任職資訊科技經理，兩人報住同一地址，李天翔於95年參加無綫第8期藝員訓練班入行，主持過兒童節目《閃電傳真機》，當年憑「認字特警」角色為人熟悉，雖然其後有機會拍劇集，但捱了多年仍是默默耕耘，多被安排飾演強姦犯。
■李天翔準備迎娶拍拖5年的富貴女友譚寶怡。
■原名李志偉的李天翔申請結婚，女友報稱任職資訊科技經理。攝影：黃曉妍
■無綫「御用強姦犯」李天翔在圈中打滾20年。資料圖片
簡單行禮
李天翔曾跟「電波少女」李思蓓拍拖4年，但最後和平分手。而未婚妻譚寶怡不但是富貴女友，職位更加是經理級，去年有雜誌報道，指譚寶怡平時有投資房地產，轉賣凱旋門賺過千萬。李天翔和女友拍拖5年修成正果，前日他接受傳媒訪問表示：「我啱啱喺內地返嚟，其實我哋都冇諗住公佈，你哋查到冇辦法。」問到求婚過程？李天翔笑說：「冇㗎，大家有共識就結婚，其實我哋都幾倉卒。」不過他否認奉子成婚：「唔係，只係覺得咁多年都應該畀番個名份人，咁始終人哋係女仔。但唔會大搞，我同另一半都係簡單嘅人，好彩雙方屋企人都冇乜所謂。」採訪：黃曉妍、嵐山
來源:
http://hk.apple.nextmedia.com/entertainment/art/20170728/20103814
Next Page