秋生指軒仔請食飯
1 :
GS(14)@2017-01-26 07:44:01■秋生昨日叫大家不要針對軒仔。
黃秋生昨日在金鐘出席港鐵活動，問到張敬軒被踢出《歌手2017》導致抑鬱復發，秋生即說：「冇事呀，我同佢食過飯，本來見面想安慰吓佢，點知到頭嚟仲請番我食飯。」他續說：「希望呢啲咁荒謬嘅事唔好再發生，唔好不停去炒作。」談到劉德華墮馬盆骨多處骨折留院，秋生指華仔短訊回覆：「我對佢身體有信心。」此外，軒仔昨日凌晨在微博以簡體字貼文訴心聲，首度為《歌手2017》被踢出局開腔：「能有幸與專業頂尖的班底交流學習，一起享受過音樂，已夠幸福。感謝所有工作人員對於音樂不計回報的努力。」採訪、攝影：羅慧敏
張敬軒 資料圖片
來源:
http://hk.apple.nextmedia.com/entertainment/art/20170124/19906547
秦舒培美國待產 傳籌備婚禮Edison榮升老竇 契爺秋生：恭喜佢
1 :
GS(14)@2017-01-26 18:08:24■陳冠希的超模女友秦舒培昨被爆懷孕七個月在美國待產，預產期是今年3月，更傳二人着手籌備婚禮。資料圖片
陳冠希（Edison）去年5月被本報發現與超模秦舒培在港甜蜜拍拖，其後Edison直認戀情。本報昨日收到消息指Edison快做老竇，秦舒培的預產期是今年3月，目前她身在美國待產。其實Edison去年8月斥資285萬美元（約2,250萬港元）於洛杉磯築愛巢，已傳他積極籌備結婚，至日前有人發現秦舒培肚凸凸現身北京，才知原來雙喜臨門，Edison契爺黃秋生昨日亦恭喜他。
現年36歲的陳冠希近年主力發展其創立的時裝品牌生意，早前又簽約摩登天空，準備推出國語專輯。Edison於2014年與台灣女友洪文安分手，去年被本報發現戀上來自內地的超模秦舒培後，自此變得修心養性。
去年8月【睇B衫】■Edison與秦舒培去年8月被網民撞破在日本拍拖逛嬰兒用品店。微博圖片
去年10月【剪短髮】■秦舒培去年10月在Ig上載剪短髮的相，似為懷孕作好準備。
■貴為超模的秦舒培目前已全面停工在美國養胎。資料圖片
肚凸凸現身北京
本報昨日率先爆出Edison快將做老竇，與他拍拖一年多的秦舒培目前已懷孕七個月，預產期在今年3月。知情人向本報爆料，指月前秦舒培曾現身北京，心情大好的她當時已肚凸凸，報料人稱：「秦舒培陀嘅係男B，Edison本來已經有結婚打算，?家秦舒培有咗，都算係雙喜臨門，不過佢唔想畀傳媒知道女友有BB，所以都好低調。」不過Edison有意跟女友拉埋天窗，早於去年8月已有迹可尋，除了他斥資285萬美元（約2,250萬港元）於洛杉磯築愛巢，之後再被網民撞破在日本拍拖逛嬰兒用品店，而陀着「小希子」的秦舒培，據知已停工數月，目前正身在美國待產，有傳Edison近日正積極籌備婚禮。本報昨曾嘗試聯絡他，但未獲回覆。
Edison自與秦舒培拍拖後，與女友感情發展一日千里，即使女友被爆2012年曾嫁當時華誼兄弟時尚文化董事總經理趙磊，他亦照單全收，去年更因女友忽然被飛出內地節目《我的新衣》，公開鬧爆疑涉事件的台灣名模林志玲，秦舒培事後受訪，還大讚Edison是真男人。過往習慣不停更新Ig的秦舒培，對上一次在Ig上載拍到腹部的相，已是去年11月底，當日她穿上鬆身連身裙出席友人聚會，孕味極濃，去年10月她又上載到髮型屋剪短頭髮的相。
■契爺黃秋生指Edison榮升父親後會重新成長。資料圖片
■甄子丹（中）日前與Edison在美國碰面，他昨把合照放上Ig留言恭喜Edison。
甄子丹留言祝福
身為Edison契爺的黃秋生對於Edison疑快將榮升人父，他昨表示：「好吖，恭喜佢，正吖。契孫咁大劑，好事，大個仔啦。」但他表示很久沒有跟Edison聯絡，他又說：「睇住佢好似自己重新成長一次，小朋友會令你再成長，呢個係人生另一階段。」另外，「宇宙最強」甄子丹昨日在Ig上載一張搭着Edison膊頭、攝於洛杉磯的合照，以英文留言恭喜Edison，並祝福他成功，似乎暗藏玄機。採訪：馮茵茵
來源:
http://hk.apple.nextmedia.com/entertainment/art/20170125/19907625
格鬥狂人龜縮秋生嘲徐曉冬小卒
1 :
GS(14)@2017-05-07 15:29:03■黃秋生（左）前晚和衛詩雅出席首映時，狠批徐曉冬少年輕狂。
黃秋生、衛詩雅與陳佩思前晚在奧海城出席電影《失眠》首映，提起中國MMA格鬥狂人徐曉冬批評「中國傳統武術都是假的」，向武林發戰帖後卻失蹤，又龜縮取消記者會，秋生說：「呢啲咪瀨嘢，佢呢啲叫少年輕狂，實瀨，我係大師點會同你打，佢係無名小卒，贏咗你都係無名小卒，輸咗輸埋個名，如果咁打得咪出嚟比賽囉！」
■中國格鬥狂人徐曉冬向武林發戰帖，掀起風波。微博圖片
學武術提升修為
秋生續說：「我覺得佢係嚟抽水，應佢都儍啦，佢都黐線，應該用正途去顯示實力，其實武術除咗打之外，仲有一個哲理，係提升自己個人修為，最重要以德服人，以德服人者仁，以力假仁者霸！」此外，陳佩思之前拍戲疑因人為錯失誤吞藥物，搞到入ICU，前晚她重提此事：「嗰日收工覺得唔舒服，好眼瞓，助手送入醫院，好快出返嚟，醫生話可能對啲藥物敏感，嗰啲唔係安眠藥，係真藥，份量係多咗，我以前都唔知對呢啲物質敏感，但係乜嘢藥唔想講，我覺得關乎私隱。」她又說人為的錯有好多種，相信給錯藥的人不是有心傷害。採訪：王連連攝影：仇志德
來源:
http://hk.apple.nextmedia.com/entertainment/art/20170507/20013019
【馮仁昭四圍超】林海峰自薦俾秋生狂插
1 :
GS(14)@2017-07-09 03:57:01黃秋生同林海峰主演嘅舞台劇《搞大電影》，將於9月1日喺灣仔演藝學院公演，此劇係由美國著名劇作家David Mamet喺88年首演作品，道盡荷李活影壇花花世界背後嘅冷酷無情，當年百老匯首演過280場。秋生同林海峰日前一齊接受訪問，林海峰自爆呢次佢向秋生自薦：「我開出條件好優厚，就係我好得閒，又好平。」秋生同林海峰唔係大纜扯唔埋，佢哋喺97年合作過電影《誤人子弟》，林海峰笑言：「好多人問我哋，之前同?家有乜分別，其實我哋都係咁上下，可能問徐子淇會好啲。」秋生就欷歔咁話：「我差好遠，好似第二個人咁，唔係好認得自己。」
■黃秋生（左）同林海峰今年9月就會合作演舞台劇《搞大電影》。
■林海峰於97年曾演出電影《誤人子弟》，也是他與秋生對上一次的合作。劇照
有唔少觸動位
講到呢次舞台劇個角色，林海峰話：「就係乜乜撞棍遇着懷才不遇，其實從事創作、藝術工作會多啲呢啲說法，經秋生向我講解劇本，有幾個位觸動到我，令我諗番後生時候畫面，不斷回帶。雖然表面上都係幾荒謬嘅劇本，但裏面有好多乜乜撞棍遇着懷才不遇之間發生嘅感情瓜葛。」林海峰預告劇中俾秋生由頭插到尾，佢會還擊：「我會打佢，夠唔夠juicy﹖打到佢趴喺地，不過呢個都考起，因為佢學功夫。」秋生話：「我係打不還手，罵不還口。」撰文：馮仁昭
來源:
http://hk.apple.nextmedia.com/entertainment/art/20170707/20081173
秋生讚林海峰聰明
1 :
GS(14)@2017-08-02 06:15:17黃秋生、林海峰（Jan）、韋羅莎與導演甄詠蓓昨日到商台，宣傳下月1日公演的舞台劇《搞大電影》，並宣佈加開16日最後一場，共演14場。對於Jan綵排的表現，秋生豎起手指公大讚Jan聰明，Jan聞言指秋生人人都讚，秋生說：「有時佢唔明，導演講完，第二日返嚟，佢好似皺皮檸咁，但又做到。」Jan指每次去綵排似參加乜乜一叮，像對着陳奕迅、周杰倫等表演，壓力甚大。秋生透露被甄詠蓓治到，Jan形容似馴犬師將發癲的狗控制好再跟指令做，甄詠蓓說：「佢係良駒，只係野馬，只要聽話，就係非常好嘅演員，又照顧對手。」採訪、攝影：馬建華
來源:
http://hk.apple.nextmedia.com/entertainment/art/20170801/20107637
Next Page