短裙女行印尼鬧市35分鐘被性騷擾13次
1 :
GS(14)@2017-01-26 18:22:09一名在印尼生活了快5年的白人女子，有感女性在當地被性騷擾的情況嚴重，決定進行一項社會實驗，測試穿迷你裙單獨外出會遇上多少次性騷擾，結果令人大吃一驚－－在35分鐘內，竟被性騷擾多達13次。廿多歲的沃爾頓（Kate Walton）大部份時間都住在耶加達（Jakarta），她聲稱幾乎每天都遇到性騷擾，由言語騷擾以至被胸襲都有。沃爾頓的社會實驗在本月初進行，她穿起T恤及迷你裙行經大街小巷，先後被15名少年及男人性騷擾共13次。她在Twitter以文字直播過程，稱性騷擾包括有人向她吹口哨、或按響汽車響號調戲，亦有人「口花花」大叫美女等。數名男子都想「抄牌」，希望得到她的電話號碼，「有年輕男子問我要到哪裡去，我說他太多管閒事時，他就問我拿電話。」沃爾頓又稱，有50多歲男子色迷迷看著她的胸部，有人甚至當著太太面前出言調戲。她稱雖然性騷擾的程度不算很嚴重，但短短35分鐘內竟多達13次之多，就令人憂慮及驚恐。不少女網民亦指，即使穿著外套或罩袍，同樣遇上出言調戲騷擾，根本與衣著無關，希望當局可以正視及改善問題。耶加達椰子網
來源:
http://hk.apple.nextmedia.com/international/art/20170126/19909574
撇伍允龍短裙劉佩玥耍功夫情挑黃子恒
1 :
GS(14)@2017-07-07 02:42:20今年27歲嘅前港姐季軍劉佩玥(Moon)，舊年同伍允龍合作《城寨英雄》撻着，不過日前有周刊就話，Moon因為男友伍允龍長期返大陸拍劇，喺芳心寂寞下，同圈中「花王」周志文暗交。而伍允龍事後就透過經理人回應，話最近的確同Moon少咗聯絡，講到咁樣樣，睇嚟「玥龍」戀都係凍過水。雖然Moon就話自己o依家係單身冇拖拍，不過拍劇有收兵前科嘅佢，最近就同之前搭上人妻裕美嘅黃子恆拍新劇。日前，二人喺中環皇后像廣場拍外景，劇中飾演情侶嘅佢哋，鏡頭前都好合拍，唔使半個鐘冇乜點NG，話咁快就拍完一組戲。至於鏡頭後又點樣樣？當晚着住通花藍色短裙嘅Moon，俾劇組安排同黃子恆喺公園石壆上談心調情，原本氣氛好浪漫吓，弊在石壆嘅高度有番咁上下，着短裙仲要對腳吊吊揈，就好易出事。現場所見，Moon死命用雙手㩒實條裙，而雙腳亦夾到實一實，以免走光。其實，早喺舊年9月，Moon已經同過黃子恆合作拍另一齣新劇。有指識食嘅黃子恆好快就瞄中Moon，仲做柴可夫送女方返君臨天下香閨。難怪佢哋再合作會咁合拍。而《蘋果》當晚就見到二人未埋位前，Moon不時以電眼電黃子恆，又主動向對方切磋武功，迷到黃子恆一陣陣，話時話，唔知Moon嘅功夫，係咪前度伍允龍教落呢？
來源:
http://hk.apple.nextmedia.com/entertainment/art/20170705/20079311
Next Page