俾我都係咁
1 :
GS(14)@2012-02-16 00:14:34http://hk.apple.nextmedia.com/te ... 376&art_id=16070309
四十出頭的人看《 Descendants（繼承大丈夫）》，不禁感觸處處，我就算沒片中男主角 Matt的遭遇，但他遇到的每一個問題，我都會自然同步跟他一起想「俾我會點處理？」
「 Matt只顧工作搵錢養家，卻忽略與太太與孩子的相處。」俾我都會係咁，其實大部份男人婚後，都會以搵錢養家為原因，去逃避與家人相處！
「 Matt以忍氣吞聲的態度，來面對一雙女兒及昏迷了妻子的爸媽。」俾我都會係咁，當有大堆問題無法解決時，少說一句就少一個問題發生。
「 Matt知道妻子有外遇，好想但又怕知道他是誰，終於他要扮買家去約那『情夫』見面。」俾我都會咁做，因為當你要暗地裏追查某些東西時，你的創意會很澎湃，但千算萬計又如何？結果都會像 Matt一樣，在毫無準備下，想知但又怕知的，會突然出現你面前。
「 Matt終於見到『情夫』，得知他曾在自己的床上與其妻鬼混，沒有揮拳相向，但離開時卻超越禮儀地給了情夫的太太一吻。」俾我都會係咁，以其人之道，還治其人之身，比靠暴力渲洩來得更徹底，更邪惡。
「 Matt與女兒把妻的骨灰灑進大海後，一切塵埃落定， Matt回到家與女兒三個坐在梳化上，共披着一張氈，吃着乳酪，沉默地一起看電視。」俾我都會係咁，所謂「一家人」，就是可以圍着一起，無言共對，但依然樂透。
「 Matt做以上的每一件事，我身旁的年輕情侶毫不關心，全程就在談心調情大聲吃爆穀，女方還不只一次說『都唔知有乜好睇？』」俾我都會係咁，如果像他們年輕，我一定會咁問，而我也希望自己還可以咁問「都唔知有乜好睇，都唔知有乜咁感動？」
2 :
草帽(1253)@2012-02-16 07:10:43俾我都會係咁
3 :
GS(14)@2012-02-16 21:01:102樓提及
俾我都會係咁
我都可能會
尾場騷吐心聲 表態撐學生子華：一隻雞蛋碎咗，我都冇心情做
1 :
GS(14)@2014-10-18 23:05:17
■男神黃子華前晚尾場騷完結前以「扯B論」形容現在社會撕裂狀況。資料圖片
【雨傘革命】男神黃子華上周一在紅館的棟篤笑揭開序幕，轉眼11場便畫上句號，前晚尾場依然座無虛席，子華無懼敏感，晚晚大講雨傘革命，當中有笑有淚，隨着局勢變化作增刪，佔中導致社會出現撕裂現象，子華前晚台上力撐學生為愛而開始這場運動，直言「有一隻雞蛋碎咗，我都冇心情做」，擔心學生會受傷，呼籲大家要繼續滲入愛和智慧。
黃子華每次舉行棟篤笑必為觀眾發放笑彈，可是今次在紅館舉行的一連11場棟篤笑「唔黐線唔正常」卻撞正雨傘革命，身為港人的子華感慨萬分，自上周一晚首場騷開始，他每晚都因應局勢變化，上台時把內容作調整增刪。前晚尾場，劉青雲及黎耀祥一家三口撐場。子華更在完場前發表了「佔中感言」，貼題講及社會近日出現的撕裂情況，子華用「BB仔」比喻香港，呼籲大家要有愛，任何一方過度用力都會扯瓜他，全場拍掌和應。
■佔中和反佔中變得兩極化。資料圖片
■黃子華希望佔中問題可以用智慧解決。資料圖片
嘲鑊鑊新鮮鑊鑊甘
佔中和反佔中變得兩極，不單友人之間，連演藝界都爆出unfriend潮，子華卻說：「每晚我哋都有唔同意見，我哋呢度好民主，你放心，你隔籬嗰個係唔會即刻unfriend。」前晚最後一場，子華賣大包加送「安哥」，過去的棟篤笑，經歷過金融風暴及03年沙士等，輪到這次佔中，鑊鑊新鮮鑊鑊甘，子華坦言一度擔心佔領行動令棟篤笑胎死腹中：「自佔領開始，我每晚都預咗聽晚冇得做，呢個唔係一件好得意嘅事，因為每晚都有啲事發生，每晚件事都可以發生大到令我冇得做。好簡單嘅原因就做唔到，我一路講雞蛋、高牆。我當然企喺雞蛋嗰邊，如果有一晚，有一隻雞蛋碎咗，我就冇得做，我相信大家都冇興趣聽，我亦都冇心情做。」過去兩個多星期，佔中先後爆出連串清場行動，子華慶幸當中港人堅守愛香港精神，他說：「發生咗咁多日，冇碎過一粒雞蛋，係好唔容易。」子華用「BB仔」比喻香港，他說：「大家有個BB仔，一邊就扯住佢對手，一邊就扯住佢對腳，但
發哥勸放棄爭影帝華仔唔肯讓學友：我都未攞
1 :
GS(14)@2016-02-02 15:57:35■華仔（左）和發哥在台上互相整蠱，大放笑蛋。
今個農曆新年在西片讓路下，變成三部華語片周星馳的《美人魚》、郭富城的《西遊記之孫悟空三打白骨精》和王晶拍了N次的賭片大對決。前晚王晶新戲在灣仔舉行首映禮，周潤發、劉德華、張學友、劉嘉玲、張家輝等先後現身會場，吸引半百傳媒採訪。
嘉玲被笑冇乜着衫
當晚五位主角輪流在台上搞gag製造氣氛，當司儀問劉嘉玲要在發哥和學友中揀選一個做對象，嘉玲即表示二人無論戲外戲內都是好男人，很難選擇，此時張家輝即插科打諢說：「咁你又點睇我？」嘉玲笑言：「你係新演員嚟喎，唔係好識你！」嘉玲又說戲中男演員着靚衫多過自己，學友就話：「因為嘉玲喺戲入面係冇乜着衫！」
■穿上價值47,000元Marc Jacobs最新春裝裙的劉嘉玲，貴氣十足。
■鍾采曦（圖）和莊思敏冒寒搏到盡拋胸上陣。
莊思敏
最後輪到發哥和華仔發功，發哥指今次有三個影帝合作，因為華仔、學友和家輝均有份入圍今年金像獎爭最佳男主角，發哥笑指華仔和家輝要讓路給學友，事關學友未奪過金像影帝，華仔即愕然地說：「我都未攞，點讓呀！」
■經常被指是「孖生兄弟」的學友和家輝，預祝電影有20億票房。
對於近日有網友杯葛罷看王晶新戲，王晶就霸氣哥上身，指香港只是內地票房的25分之1。王晶言論沒放香港票房在眼內，但當記者問學友會否擔心因為王晶言論而影響票房時，學友卻一臉認真地說：「晶哥同呢部戲係冇關係㗎，你哋同我講番出去啦。」身旁的發哥亦幫手解畫說：「係呀，佢（王晶）喺片場淨係瞓覺，不過佢瞓醒就知拍到邊。」採訪：卓寶花、張俊銘攝影：陳俊強
來源:
http://hk.apple.nextmedia.com/entertainment/art/20160202/19475436
河國榮回應被代言「我都覺唔妥」
1 :
GS(14)@2016-03-31 14:49:02■河國榮在拍攝當日已察覺不妥。資料圖片
「真．香港人」河國榮前晚在fb公開留言表示有人以《蘋果日報》名義邀約他做訪問，結果刊登後變成廣告，無端端被代言一間曲奇專門店，所以他立即澄清自己並非代言，留言一出，隨即在網絡瘋傳。河國榮昨日接受本報電話訪問，對於本報發出聲明，印刷分類廣告部涉事員工昨日即時解僱，河國榮說：「我當然唔希望會去炒人，始終經濟都好差，份工都好重要，但係好多嘢我哋都唔知，所以冇得去評語。我寫呢件事係因為啲人以為我係代言人，我只係想澄清，嗰日我都覺得有啲唔妥，問咗幾次都話係訪問而唔係廣告，我冇諗過、亦都冇要求《蘋果》去做任何嘢。」《蘋果日報》社長葉一堅表示，《蘋果》會將合理的工作酬勞給予河國榮，不過河國榮說：「我不要了。」對於事件經過，河國榮表示：「其實係我自己儍先，第一唔係《蘋果》直接去搵我，而係一個中間人話《蘋果》有人想搵我，佢仲話係我一個朋友嘅同事。」他說拍攝當日已經覺得有點問題，經常要他手執產品兼擺出各式各樣誇張的甫士，他說：「拍完之後我都有問返《蘋果日報》同《飲食男女》，佢哋都話冇同事負責呢單採訪，我亦都有再問返中間人，佢都話係《蘋果》嘅訪問，直到噚晚有朋友喺佢哋舖頭見到張海報，先知發生乜嘢事。」河國榮表示他在自己fb留言，like人數比預期破了紀錄，心情難以形容。採訪：唐琛悠
來源:
http://hk.apple.nextmedia.com/entertainment/art/20160331/19550924
【網絡紅人我都做得到篇】5萬一POST KOL好值錢？值錢嘅係班Fans！
1 :
GS(14)@2016-07-09 07:10:34Roy2覺得過去所謂網絡紅人，始終像廣告界二等公民。
好了，講了四集KOL，最多人問的問題是，如果我是老細，俾四萬元請人寫一個貼文？你給我嗎？咪喺度炒高身價。(當然唔排除佢有炒)但Touch base創立人之一的Roy2 Kwong說：「信，點解唔信呀？五至七萬，我都見過。」
現在香港管理KOL的管理公司約三十間，活躍的不出十間，共計約七百至八百個較活躍的各界KOL。Roy2正與朋友修整一個數據系統，可以整理不同KOL，甚至你或我，在傳播媒體上的追隨者與粉絲群，研究他們的興趣愛好，才找適當的KOL作廣告推廣，目標觀眾喺晒度，就唔駛亂咁賣廣告。Roy2：「他們買的其實不是那KOL，而是在講這個KOL背後的追隨者及粉絲。」小題：周秀娜最啱做孟蘭女神舉過例，他們分析過周秀娜的粉絲數據，你以為一定是陽盛陰衰的宅男大軍，結果女粉絲竟佔七成大多數！而她們當中愛關注或討論的範圍更令人跌眼鏡，頭幾位的如墳場新聞、鬼片反不同的殘忍的屠殺新聞事件;又有有機食品，甚至乎大部份粉絲都愛耕田，綠色生活的，可能跟素食養皮膚有關；還有大量搵工轉工資訊。「不知是想轉工，還是搵工才喜歡周秀娜。」Roy2嘴角含笑但眼神認真道：「即是話，孟蘭快到，拍鬼片啦，紙紮舖啦找她做孟蘭女神應該掂；招x，Jobs嘟嘟找她代言，命中率幾高。」「傳媒向這個方向發展，大把嘢做。有排你做呀！」早已認命身處傳媒嚴冬的我同攝影師，都好似望到橋的那邊，有道光明大門呼喚我，推門，有雲海：「你不知道陳雲海背後確實是甚麼粉絲，可能他背後最多粉絲愛吃茶餐廳或鮑參翅肚呢！佢貼一貼讚一讚，命中率已經好過在中環大街投個大告示牌賣廣告，得大廈兩旁的人得閒或唔覺意望一望。」在這樣的變化下，你不需要是甚麼特別的人物，只要好好做靚自己的資訊網，吸納粉絲，就可把你的知識或追隨者化成現金。
ROY強調，世界變，不出五年，網上行銷會正式成為主流：「如果十年前做電視那班人不是少看網絡力量，今日就唔係咁啦！」Roy2廿來歲就跑入娛樂圈，看盡廿年來生態變遷，那時候有位電訊公司大老闆跟他說，哪有人會拿著電話在街查電郵？數據這麼貴誰會做這種事？「但你看到世界在變，你只要錯過了一個願景，你就會跟這世界再沒關係。」記者：陳慧敏攝影：林栢鈞
現在影嚮力日大，將取代舊式媒體成主流。
原來周秀娜粉絲愛看恐怖片、Hardcore猛片，找她做孟蘭、萬聖節女神，把節日推上一層樓。
來源:
http://hk.apple.nextmedia.com/su ... t/20160709/19687573
【黑面代表】嘴藐藐/眼睥睥/似色魔 三大黑面王：我都唔想！
1 :
GS(14)@2016-10-10 16:15:15發吽哣時個樣寸寸貢我都唔想。
香港人出名黑面神上身，木口木面黑口黑面燶過鍋撈，眼神一睥，彷彿「全世界欠咗佢。」成日俾人問候：「你是不是不開心？」、「你是否有心事？」、「你是否不耐煩啊？」吓？我發吽哣咋喎！天生扁嘴、單眼皮、唔夠瞓、多咗幾條皺紋我都唔想，平時心境澄明一片空白，絕無藐嘴藐舌之意。你都係？I-know-that-feel-bro.jpg……
我們冤枉心情有誰知？聽聽佢哋點講？
蔡穎恩（Evelyn）：「我都係入咗行先俾人話黑面。」佢從來唔覺自己個樣黑，頂多因為一雙扁嘴，低頭打機、收工發呆諗吓點返屋企時，就有唔熟嘅人就走來問：「你唔開心呀？」佢先如夢初醒地：「吓？」真係冤枉。新加坡來的模特兒廖子妤（Fish）更慘，看她com卡同工作造型照，沒多少張是笑的。「由我有意識我是我時，已經被人說我黑面。」拿出童年照，兩個妹妹都是圓碌碌杏眼，偏偏她的一雙單眼皮遮住半對眼，怒目向鏡頭。「細個時啲大人總覺得我在反抗，唔乖。」人大了雙眼變圓了一點，但放鬆時仍是「加菲貓眼」格。偏偏獨立寸樣內藏敏感靈魂，好介意別人怎看她。成日驚「對眼皮」得罪人，「對住剛認識的人，我會盡量多笑，表現親和力。但耐咗要繼續keep住成日笑，就覺得好攰。」說時反白眼，膊頭都塌埋，「算啦！你哋覺得我好難相處我就難相處啦！我滿足你期望好了！」自我放棄mode。二人嘴裏說別人說甚麼管不了，但要Evelyn重演二人剛識時，Evelyn扁嘴打機，讓Fish誤會自己惹怒Evelyn一幕卻耍手擰頭，怕惹來不必要傳言，呢個樣，真係令人小心翼翼。
女人黑面惹是非，男人如邱福龍，皺眉、霸氣，會好些嗎？
「啲人以為我好難相處，個樣惡吖嘛！」趕緊稿的他，埋首滿枱畫稿中都做訪問。忽然抬頭：「柴灣球場色魔有個拼圖，他們（fans）貼facebook，話似我喎！」睇過，最似咪個木口木面樣同對法令紋囉！（好似係）有次他通宵工作後開車，狀態不佳影響到後面的貨車，大隻佬貨車司機而就氣沖沖走來，大力拍了下他的Benz車頭。當年all back頭造型、未瞓醒的邱福龍皺住眉，動作遲緩地抬頭看他，「那人忽然退後一步，哈哈，好像被我的外形嚇了一跳般。」大隻佬收火，聲音溫柔地抱怨幾句，邱福龍：「粗口都冇呀！好好笑！可能佢以為我好有錢，唔知係乜人咁。不過其實真係我錯，我抬頭係想同佢講對唔住咋。」黑面樣真係我都唔想，惟有時刻提醒自己保持笑容，講嘢溫柔，Evelyn已經懶理，Fish嘴裏說不身體卻很誠實，時常留意身邊人眉頭眼額，訓練出觀人於微的心，邱福龍得啖笑，「我從來都唔覺得自己係黑面神。我又講得笑，又咁好笑容！」然後咪眼戚嘴親切地笑容，有啲生硬，唔識佢嘅確有啲起雞皮。記者：陳慧敏攝影：陳健邦
Evelyn嘴扁扁，唔出聲低頭玩手機時，身邊彷彿多了一道謝絕打擾的磁力磁牆。佢話，幻覺嚟嘅啫！
表情成個「阿憎」咁的Fish，其實儍吓儍吓，佢話：「你哋係咪有句話：『唔識你就俾你嚇死，識你就俾你笑死？』啲人成日咁話我。」
Fish（中）從小一雙單眼皮「加菲貓」眼，但兩個妹妹就眼碌碌，令大人誤會佢玩對抗。
Fish的工作照，大部份都唔笑。
邱福龍自稱好鍾意講笑好好笑容，一啲都唔惡。
他出名畫漫畫時，自己擺甫士，漫畫裏運晒勁的兇狠chok樣，模特兒是他自己。
未開始訪問時，他這個表情跟助理說話，我以為佢心情唔好，助理們則一臉天真：「吓，冇呀！佢一啲都唔惡喎！」熟悉的人，就不會為幾條表情紋所惑。
「柴灣球場色魔有個拼圖，他們（fans）貼facebook，話似我喎！」大家高興得啖笑，邱福龍話冇所謂啦。
邱福龍童年照，天生呢個樣，連個女都天生皺眉，佢無奈：「咁都冇計。」
來源:
http://hk.apple.nextmedia.com/su ... t/20161010/19796014
「HK is not China」小題大造倪匡：我都講過
1 :
GS(14)@2016-11-29 00:03:45青年新政游蕙禎和梁頌恆宣誓時一句「Refxxking of Shina」和展示「Hong Kong is not China」標語，觸動北京和親中派神經，特首梁振英不惜借律政司入稟司法覆核，阻止二人再宣誓，促褫奪二人議員資格，人大更主動釋法。近年甚少公開露面、有「香港四大才子」之稱的名作家倪匡，日前接受陶傑直播訪問時，坦言自己都講過「Hong Kong is not China」，惟有人扭曲此話意思，小題大做。片段獲近3,000讚好、逾千人轉載，網民紛讚81歲的倪匡睿智、心水清，一語道破。倪匡日前現身《CUP媒體》facebook直播，接受陶傑約14分鐘的訪問。倪匡自言「唔係幾識英文」，但同意「白馬非馬，香港一定唔係中國㗎嘛」，反問那標語「有咩問題？」直言梁游二人的宣誓被小題大做，標語字句被曲解，「話係香港不是中國『的』，你點能夠加個『的』字？」有網民留言表讚同：「春袋唔係人，好正常啊，春袋係人……嘅一部分咋嘛」。2006年從美國回港的倪匡憶述，當時想託運色情光碟來港，惟當地人拒絕，稱中國不准進口，倪匡解釋是寄往香港，而非中國，「我話Hong Kong is not China」，對方還跟他爭拗，堅稱「Hong Kong is China」，最終拒絕託運。倪匡不諱言「香港同中國到而家為止，都仲有好多唔同嘅地方吖嘛」。倪匡坦言中國「共產黨唔係嘢嚟」，但很多人寧以微小力量抵抗最強大的力量，強弱懸殊下，明知不可而為之，雖不會成功，仍努力掙扎，很不容易，堪稱偉人，而他坦言自己沒此勇氣，與中共對抗，「就算我年輕60年都冇呢啲勇氣」，唯有盡力用文字指出中共的惡劣。對於梁游二人最終失去議席，倪匡則指：「佢哋兩個人如果有志願革命，大把嘢可以做㗎嘛，做議員點革命喞？黃花崗72烈士，佢哋唔係去考秀才呀，去攻打總督府㗎嘛」。曾於少年時當解放軍及公安成員的倪匡，今年7月受訪時曾稱共產黨收回香港多年，最失敗是未做好思想教育，「連收返香港之後出世嘅後生仔都搞唔掂」，又笑言不再反中共，因中國已無共產黨，「點解啊？依家冇共產黨，邊度有共產黨？嗰啲共產黨個個都身家千萬億萬，仔女喺晒英國，自己周身名牌，出嚟個個都乜乜集團總經理，全部都變晒資本家啦。」當時他更說：「共產黨員咁光明正大，點解要故意避免？尤其是香港共產黨身份唔公開，好似梁振英嗰個都知係共產黨員啦。」【網民點睇】
Calven Ma：春袋唔係人，好正常啊，春袋係人……嘅一部分咋嘛
Brenda Heng：小題大做，中正紅心
Ted Luk：一語道破
Kaitian Chen：心水清
Dick Yan：倪先生對共產黨恨之入骨，充滿文人風骨
Kui Ma：悲劇回歸，現在看是預言書倪匡直播訪問：
http://bit.ly/2fBMRfI
來源:
http://hk.apple.nextmedia.com/news/art/20161128/19848244
獨獨地：冇咩事 我都係返出去先
1 :
GS(14)@2016-12-10 03:44:10上周提及奧巴馬和默克爾乃「偽精英」，筆者事後認為此論調頗偏激，應指二人不是出色領導人，但全球政經被偽精英集團弄得一塌糊塗的論點卻是牢不可破的。全球經濟踏入美元大時代，美滙指數較2011年低位高逾40%，新興市場貨幣大貶值，人民幣跌至2008年以後新低，借貸成本增加推動「走資潮」席捲亞洲及南美洲，未來一年新興市場資產價格勢下沉。歐洲明年進入「政治年」，法國及德國兩場大選已令歐盟前景不明朗，然而意大利年輕總理倫齊因修憲公投失利，竟計劃將議會選舉提早至明年初舉行，年少果然要無知。美元強勢，加上歐洲政治不穩，歐洲股市及貨幣明年前景黯淡，「冇咩事，你都係返出去先」。然而，世間非無樂土。特朗普當選美國總統後，美股屢創歷史新高，當地近數個月就業數據不俗，聯儲局下周面對不得不加息局面，美股或於短期內有所調整，且「特朗普泡沫」料於他明年一月後旬上台後爆破，此時將是買入美股時機，因料美股牛市還可持續二、三年，本港散戶可透過強積金吸納美股。強美元來襲，香港明年經濟難看好，出口及旅遊業恐出現裁員潮，心思思想辭職的你要「停一停，諗一諗」。然而，在聯繫滙率制度庇佑下，香港人手持港元已跑贏大市，無知者勿再呼籲「脫鈎」。雲斯頓本欄逢周五刊出
來源:
http://hk.apple.nextmedia.com/financeestate/art/20161209/19859395
七級偽術：其實我都好攰
1 :
GS(14)@2017-03-22 00:45:59休息、工作、再工作……但實情是休息永遠不夠，工作永恆過多。日復日，曾經，下班之時收音機播的是《恬淡情懷》，後來漸漸變了《音樂情人》，最近竟然成了《講東講西》。一邊聽，一邊覺得荒謬，唔，那是說該日工作已近十六小時，我想我也有資格說攰。然而再攰，你總得敬業樂業做下去，再攰，你也只宜向伴侶撒嬌，向老死訴苦，總不成以此為理由，推掉公務約會吧？和人吹水，講到林鄭公關係咪專登整蠱佢，冇理由唔知以攰再度推辭唔入天水圍會出事箒，唔通好似花生友話齋，班公關仲嬲緊阿聰單嘢，故意畀啲顏色佢睇？唔係啩，Mary傾向相信行家好專業，不會立心同client攬炒。問題是林鄭那個粒粒皆星的選舉辦架構係點，邊個先係發言人，恐怕行家也搞不清。
Mary眼見淨係傍住林鄭出席各式場合的助手，由公關大姐、前高官數落去，起碼有五、六個叫得出名的公關大員，走馬燈一樣，叫人眼花撩亂，其實佢哋點分工、點決策先？這裏還未計在多個其他活動出現過，由各大企業、地產商派來客串的公關及高層，簡直可以話人滿之患。但人多不一定好辦事，像天水圍這一役，最根本的問題不是用乜藉口去推，而是點解認為可以推？不是第一次食言，是推完又推，任何人都feel到你對人家根本毫不重視，feel到你不曾當過人家是priority，競選期間，你居然選擇咁赤裸暴露自己的底牌，而你身邊竟冇一人對你加以勸諫，我想這種離地和欠缺願意向她無底線死諫的班底，就是林鄭的悲哀。噢，還是這樣，有人勸過，她一意孤行？唔，成日咁多災難，你唔攰我都攰。彭瑪莉
mailto:
[email protected]
來源:
http://hk.apple.nextmedia.com/financeestate/art/20170321/19964955
【容哥復出●2】我係原裝正版vs我都好淒涼 新舊舖恩怨情仇
1 :
GS(14)@2017-04-04 08:59:52容哥以50萬元轉讓給魏貴東（東哥），並易名為新容記。
去年四月易偉容（容哥）宣佈退休，深水埗容記結業不夠3日便火速重開，原來容哥以50萬元把招牌轉讓給魏貴東（東哥），新店易名為新容記，而容哥則剛在太子重開容記。東哥說：「當初頂手以為容哥不做，他說執笠結業，現在最慘是這樣，他頂了招牌給我，然後去了另一處開新店，我都好淒涼，生意有機會受影響。」東哥曾在深水埗開牌檔又做過酒樓部長，一心圓夢開餐廳，新容記現有8個廚房師傅，其中有6個是容哥的舊夥計。「舊夥計仍在，為甚麼味道不會一樣呢？除了保留到質素，我還有新菜式呢！」燒腩仔仍有，均以電爐焗製，問過熟客分別不大，還有可樂鵝，用秘制汁鹵大半日，味道甜得來很惹味，不會很膩。「我真的好辛苦，每日要做14小時，一年來未曾休息，我可以捱到一年，別人已說我是叻仔。」想知這場風波的來去脈？容哥又如何回應？請留意動新聞。新容記小菜王深水埗福華街118-120號地下記者：何嘉茵攝影：伍慶泉2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
東哥每日要做14小時，一年來未曾休息，捱到一年，別人已說他是叻仔。
容哥剛在太子重開容記，新店6千呎。
來源:
http://hk.apple.nextmedia.com/su ... t/20170403/19978195
Next Page