官恩娜獲封美人魚媽
1 :
GS(14)@2015-09-15 07:31:31■官恩娜昨日邊聽音樂邊游水。互聯網圖片
將於下月臨盆的官恩娜（Ella），前晚在社交網站貼出BB胎動的短片，心急留言：「係咪要爬出嚟嘞？」昨貼游泳短片的她自嘲：「成個大冬瓜咁……我自己照鏡有時都忍唔住笑咗出嚟！仲要游蛙式真係成隻青蛙咁嘅樣！」網友大讚她是美人魚媽咪。同是首次懷孕的梁政珏，現懷胎32周的她早前試過兩次出血，昨在社交網留言懷疑肚中B仔嬲了她：「兩日前媽咪沒事做，散步行咗去嬰兒房，我講咗啲令Johnson Baby唔高興說話，自此就好唔穩定喇，Johnson仲用個頭頂住媽咪右邊，等媽咪連企喺度都痛到要人扶，對唔住啦仔，媽咪錫番你。」撰文：皓騫
官恩娜
■梁政珏在社交網透露懷疑自己激親B仔。
來源:
http://hk.apple.nextmedia.com/entertainment/art/20150915/19295416
官恩娜誕6.7磅混血B「我同老公都好感動」
1 :
GS(14)@2015-10-07 01:42:58■近月Ella全面停工在家養胎，不時在社交網晒大肚相。
現年36歲的官恩娜（Ella）前日在港島區某醫院剖腹誕下6.7磅混血男B，法籍老公Juan-Domingo Maurellet親手為兒子剪臍帶，囝囝改名為Gabriel-Antonio Maurellet。初為人母的Ella心情喜悅，昨日公開囝囝的腳仔相，着住白色BB袍的腳仔長長，腳趾圓渾好可愛。
Ella於今年2月秘嫁細自己3年的法籍醫生Domingo，4月就宣佈已懷胎3個月，大前日傳出Ella的B仔已出世，她即在社交網貼大肚相澄清：「唔知邊個咁大整蠱，四圍同人講我今日生咗！個個打嚟恭喜我！搞到我今日乜都做唔到不停要覆短訊同電話解釋……笑死！」
■前日Ella剖腹誕下6.7磅混血男嬰，昨公開囝囝的腳仔相，指囝囝的手腳最似自己。
■Ella今年2月秘嫁細自己3年的法籍老公，前日老公親自為BB剪臍帶。
「傷口唔痛」
怎知事隔一日，Ella前天已秘密在醫院剖腹生B仔，昨日才透過唱片公司公告喜訊，Ella說：「我同老公都好感動，非常好彩傷口完全唔覺得痛，囝囝暫時未見到似自己定老公，但呢刻BB嘅手手腳腳就比較似我。」問到餵人奶的感覺，她說：「唔知應該點樣形容，但BB非常合作，自己同老公嘅家人都陪住我，覺得好開心，希望囝囝可以健康快樂成長。」同公司的周柏豪透過電話恭喜Ella：「祝Ella同佢老公、BB健康開心快樂咁生活，知道BB剛剛出世，係一件非常開心幸福嘅事，大家都戥佢哋一家人高興。」連詩雅則叮囑Ella：「休息多啲，辛苦晒，恭喜晒，希望小朋友肥肥白白健健康康。」此外，台灣樂團蘇打綠鼓手小威（史俊威）亦榮升父親，前晚小威在微博上載與太太Sunny抱住初生男B照片，並報喜：「Sean，感謝上帝帶你來到我們生命中，爸爸媽媽永遠愛你。」太太也開心表示：「有你這個小情人陪我，一切都值得了！也謝謝爸爸的陪伴。」採訪：皓騫
■Ella產前不時游水做運動，另有進修法語。資料圖片
■蘇打綠的小威榮升父親，前日在社交網公告喜訊。微博圖片
來源:
http://hk.apple.nextmedia.com/entertainment/art/20151006/19321860
官恩娜更衣室哺乳 慘遭侮辱
1 :
GS(14)@2016-03-16 14:28:12■官恩娜昨日在Instagram上載與囝囝Gabriel的自拍照，狂呻餵母乳時被辱罵及投訴。互聯網圖片
官恩娜（Ella）去年10月誕下兒子Gabriel（bébé G）後，一直堅持以母乳餵哺，雖然餵母乳對她來說，如同火星任務，但她至今仍然未有放棄，再加上香港近年積極提倡餵哺母乳，Ella深信母乳是最好的。
Ella昨日在網上分享最近一次在得到酒店職員批准的情況下，在香港某五星級酒店女更衣室餵母乳的時候，遇到一名中年女人無理侮辱的難忘經歷，她寫道：「喺我所在嘅兩層樓都搵唔到育嬰室，而且問准更衣室職員餵母乳，俾一個中年女人侮辱！其實我已經故意坐埋一邊唔好阻住人……佢走過嚟故意喺bébé G嘅頭殼頂上面，同我塊面側邊大聲敲打電話，同大聲閙有人喺度餵人奶！再超級大聲喺bébé G頭殼頂打電話畀酒店各部門投訴，問人哋知唔知女更衣室發生緊乜嘢事！bébé G都俾佢嚇到喊咗出嚟……寶寶飲媽媽嘅母乳係最天然不過嘅事！我覺得無論如何都唔應該咁樣對一個五個月嘅嬰兒！」
■母乳是給嬰兒最好的禮物，Ella堅持給囝囝最好的。
■Ella曾在網上分享自己的母乳「戰」績。
■官恩娜與法籍老公Juan-Domingo Maurellet婚後便成功造人。資料圖片
為媽媽爭取
Ella接受本報查詢，她以WhatsApp回覆：「因為當時對方好似好緊張咁，而且自己都同BB一齊，同埋佢講嘢嗰時好近自己同BB，又好大聲，所以自己嗰下真係嚇到呆咗，我怕嚇親BB，所以冇正面同佢理論。佢打完電話投訴完之後走咗，跟住冇幾耐，有酒店職員走入嚟，同我講唔好意思。」
Ella續說：「自己冇諗過而家仲有人對餵人奶有偏見，希望可以為所有餵人奶嘅媽媽爭取吓。另外有時去到一啲商場或酒店，好多時佢哋嘅育嬰室都冇設施畀媽媽餵人奶，要抱住一個20磅嘅BB一邊餵人奶，一邊企喺度係一件好困難嘅事。」採訪：皓騫
來源:
http://hk.apple.nextmedia.com/entertainment/art/20160316/19530662
湊囝囝超市揀健康食品 養胎準備官恩娜發脹見肚
1 :
GS(14)@2016-11-21 00:04:59【孕味濃】■身形發脹的官恩娜大前日現身渣甸山，湊着一歲多囝囝逛超巿。DV圖片
【渣甸山】現年37歲的官恩娜（Ella）去年初嫁中法混血醫生Juan-Domingo Maurellet，年尾生仔，Ella產後全職湊仔，囝囝Gabriel上月剛過一歲生日，Ella大前日湊着囝囝逛超巿狂掃健康食品，她雖穿了外套，仍難掩肚凸凸，孕味極濃。
官恩娜去年2月低調與中法混血醫生男友Juan-Domingo Maurellet結婚，同年10月誕下混血囝囝Gabriel（bèbè G），轉眼間bèbè G上月已滿一歲，又學會行，Ella大前日就湊囝囝到渣甸山一間超級市場買東西，同行還有外傭，Ella當日身形發脹疑有孕，有機會三年抱兩。
【仔玩】■Ella在等車期間，不時俯身逗囝囝。DV圖片
【掃麵包】■Ella在超巿買麵包時，囝囝暫交由外傭照顧。
■由於超巿內人來人往，外傭索性把bèbè G放在購物車內坐。DV圖片
萌坐購物車
當日下午5時多，Ella與外傭湊着囝囝bèbè G，由司機送往超市濕平。一身黑衣加外套的Ella，身形圓碌碌散發孕味，她在超市專心揀食物，以健康的生果和麵包為主，已懂行的bèbè G就由外傭寸步不離贒實，每當有人經過Ella母子身邊，Ella都警覺性甚強。會行會走的bèbè G十分活潑，當外傭讓他在地上行時，他即好奇四周圍走，還走到正在揀麵包的Ella身邊，氹到媽咪很開心。超市客人越來越多，外傭擔心bèbè G亂跑有危險，所以就把他抱起坐在購物車，Ella繼續揀東西，三人購物完畢後，Ella索性推着購物車坐電梯到樓下。等車期間，Ella全程逗囝囝玩，但這個時候bèbè G未有理會媽咪，反而被周邊環境吸引，他眼仔睩睩周圍望兼腳揈揈，非常可愛，司機來到，Ella便湊仔上車返歸。
■Ella今年6月現身賀大伯晉身資深大狀時，身形仍然甚弗。資料圖片
■bèbè G上月一歲生日，Ella和老公為兒子慶祝。互聯網圖片
怕小器封口
記者前晚聯絡Ella及其經理人求證是否懷孕都未獲回覆，Ella昨才透過唱片公司回覆：「唔係有咗呀！純粹着咗鬆身衫咋嘛！」官恩娜爸爸官有權昨也透過WhatsApp回應：「我了解吓先，多謝你的關心。」Ella陀B口密有前科，去年她陀仔被本報拍到肚凸行街市，但因未夠三個月一直守口如瓶。Ella不時在Ig貼囝囝相，分享湊仔樂，日前又貼抱小B女相，似乎想追多個女兒。採訪、攝影：畢紹基、皓騫
來源:
http://hk.apple.nextmedia.com/entertainment/art/20161120/19839477
Next Page