巨胸翠如自製36F大心口裙跌波邊
1 :
GS(14)@2017-01-26 18:22:15■36F「巨胸翠如」着大deep V裙現身首映，正面（圖）和側面都波光四射搶盡風頭。
鄭丹瑞執導賀歲電影《小男人週記3之吾家有喜》前晚假九龍塘舉行首映，「巨胸翠如」鄧月萍（Larine）超deep V拋胸登場，由心口開到腰部兼大露背，36F波邊巨到跌出衫，搶盡封胸上陣的女主角周秀娜風頭，站在商場樓上的途人睇到嘩嘩聲，不停用手機喪影。巨胸翠如風騷說：「條裙係自己整嘅，一直都好鍾意整衫，仲想讀番書學fashion design，希望創立自己嘅品牌，所以今日先膽粗粗整件衫，出席首映都好緊張。」問到是否做性感女神？她說：「娜姐係性感在骨子裏，佢先係性感女神，自己接棒做武打女神，因為選美時都有打，但自己胸部好似唔係好符合。」
■36F「巨胸翠如」正面和側面（圖）都波光四射搶盡風頭。
■封胸娜姐留前鬥後，連阿旦都被她的玉背吸引。
周秀娜唔肯做女神
娜姐坦言第一次睇《小男人週記》才4歲：「呢部戲好貼近生活，旦哥本來話搵我做女神，我梗係唔肯，不過今次角色同以往唔同，所以先做。」問到是否要性感？阿旦笑說：「淨係畀underwear佢着。」娜姐就爆有場戲要壓在阿旦身上攞利是，問阿旦是否刻意安排？他笑言：「唔止一場，娜姐知道我唔係博佢懵，港產片係咁啦。」前晚捧場有佘詩曼、岑日珈、阿旦兩個囡囡鄭瑤及鄭珉等，岑日珈跟經理人公司老闆王弼燮傳緋聞，吳若希（Jinny）被爆為59歲股壇狙擊手王弼燮（Jason）慶生，問最近有否跟老闆飯敍？岑日珈坦言：「聖誕節party有一齊慶祝。」新年會唔會見面？她說：「都會，喺公司團拜，好多人一齊。」
■阿旦執導的新戲前晚舉行首映，兩個女兒都現身撐老竇。
■岑日珈表示要跟老闆王弼燮避嫌，擔心影響自己和公司的形象。
岑日珈指老闆單身
對於吳若希和Jason合照曝光，岑日珈說：「見到相都有啲愕然，因為呢兩年老闆生日都係同我哋同事一齊慶祝，Jinny冇出現過。」問有否去Jason屋企切蛋糕？她說：「冇，因為自己近呢兩年先識Jason，每次活動都係和同事一齊，冇去過佢屋企，相信呢張相係過去式。」會否相信兩人拍拖？她說：「唔知，你哋問番Jinny同Jason，不過Jason係單身，佢哋應該都係朋友，自己都會避忌，因為佢係公司其中一個老闆，同佢傳緋聞對自己形象唔係咁好。」採訪：張俊銘攝影：陳慧安
來源:
http://hk.apple.nextmedia.com/entertainment/art/20170126/19908685
邊防人員查問 稱信有誠意考察 心口掛黃絲 長毛成功返大陸
1 :
GS(14)@2017-04-15 23:25:07■立法會東江水考察團一行人到萬綠湖參觀。莫乃光fb圖片
【本報訊】立法會發展事務委員會昨到內地展開兩日的東江水職務考察。10年未曾踏足內地的社民連梁國雄成功入境，僅入境前遇上阻滯。入境後梁就隨團考察，他接受訪問時表明「我返嚟係我作為中國人，呢個係我嘅權利，我都好開心」，但強調自己「冇忘記到啲政治犯、冇忘記到六四、冇忘記到其實香港同中國應該有普選」。記者：呂浩然
今次的考察團共有18人，當中6人屬民主派，僅梁國雄一人無回鄉證，而他早前成功申請一次性回鄉證。梁國雄昨晨穿上「招牌」哲古華拉T恤，心口繫上黃絲帶及戴着寫有「I am worker！I am not a slave！（我是工人，不是奴隸）」的襟章出發。抵達邊境過關，有內地海關人員登上考察團乘坐的旅遊巴，提醒考察團部份物品需作申報，同時各人的行李都要接受徹底檢查。過去曾因帶有佔中宣傳品及穿上平反六四衣服的梁，今次雖未有攜帶佔中宣傳品，但就因為其名片遭到查問。
■梁國雄展示獲發的出入境通行證。莫乃光fb圖片
「四五行動」名片被質疑
梁國雄透過錄音向傳媒指，當時內地邊防人員質疑他的名片「唔合格」，因上面寫有「四五行動」，他即向對方解釋那張是他的名片，而且「全世界都派咗成幾萬張」，「佢（內地邊防人員）就話呢個『四五行動』係咩嚟嘅」，他就向對方解釋，四五事件是1976年發生在北京天安門、反對四人幫的運動。此外，梁國雄身上的黃絲帶和襟章也被質疑。梁指當時邊防人員要求他解下黃絲帶和襟章，他再向對方解釋，他到台灣或歐洲都有繫上黃絲帶，並道明襟章上標語的內容，最後他估計對方請示過上級後向他表示，相信梁是有誠意到內地考察才獲放行。從考察團成員拍得的影片所見，梁成功入境內地時似乎沒有太大反應，反而民建聯劉國勳即向梁表示「歡迎歡迎！」，民主黨黃碧雲則問梁有否留下名片，梁說「我畀佢（內地邊防人員），佢初頭要，後尾又唔要」，考察團團長經民聯劉業強更指「你成個人已經係宣傳單嚟㗎喇！」，然後民建聯陳恒鑌又問梁「阿毛，你?家係咪好開心呀？」，梁不願回應，只留下一句「睇嘢」。其後梁隨考察團到過萬綠湖參觀新豐江水庫，聽取河源水務局副局長講解供水系統，然後到惠州市與當地水務局官員會面，並參觀過東江流域水質監控中心及出席相關的座談會。
來源:
http://hk.apple.nextmedia.com/news/art/20170415/19990810
拖女友貼地逼經濟艙猷君癡纏瞓CoCo心口
1 :
GS(14)@2017-05-21 13:16:13【激嬲女友】■賭王四房孻仔猷君日前與女友CoCo搭早機逼經濟艙飛上海，未瞓醒的猷君與面露不悅的CoCo在機上耍花槍。讀者提供圖片
【爆相爆片】賭王四房孻仔何猷君今年3月聲討香港航空，指職員因他是「賭王仔」有特權而大感處事不公，航空公司事後輕佻「還原」事件掀起「關公災難」，令猷君嬲爆誓言不會再幫襯。日前，猷君真的坐言起行，飛上海時乘搭港龍航空，拖女友袁紫僑（CoCo）貼地逼經濟艙，更公然親熱，一時頭貼頭大覺瞓，他更將女友心口當枕頭，認真癡纏。
賭王何鴻燊與四太梁安琪所生的孻仔何猷君，自去年在美國麻省理工畢業後，經常往返上海創業搞初企。猷君日前與女友袁紫僑飛上海公幹，被本報讀者盧先生透過「爆相爆片」，直擊二人乘搭港龍航空早機去上海浦東，猷君依舊貼地與CoCo逼經濟艙，更公然在機艙親熱。
【公然親熱】■坐經濟艙的猷君懶理他人目光，將頭瞓在CoCo心口當枕頭。讀者提供圖片
【貼頭勁瞓】■用毛氈由頭冚到腳包到實的CoCo，與猷君頭貼頭大覺瞓。讀者提供圖片
【十指緊扣】■替女友拿着粉紅色外套的猷君，拖實女友行去過關。讀者提供圖片
機艙親熱耍花槍
盧先生向本報透露認得猷君是香港航空事件男主角：「佢哋一上機食翠華，開始起飛就開始瞓，瞓吓醒吓，之後猷君動作都幾過火，有攬住女友，仲將個頭瞓咗喺女友心口。上次印象係佢同生意夥伴出差，今次見佢同女朋友喺機艙咁親熱都估唔到，佢哋後一行坐咗三個細路仔，同埋空姐都有見到佢哋。」其後二人時而頭貼頭瞓覺，時而CoCo挨着猷君瞓，猷君間中亦有起身玩手機，其後CoCo索性將毛氈由頭冚到落腳大覺瞓。相片中的猷君樣子不太精神，盧先生表示對方應該不太舒服：「見佢好似有啲鼻水係咁呻，隔籬個女仔冇乜理佢。」飛機差不多抵達時，戴着口罩的CoCo似乎與猷君耍花槍，見到她樣子有點嬲爆爆，更用手推了男友一下。二人落機坐接駁巴士時，揹着電腦袋的猷君，一手挽着女友的粉紅色外套，另一隻手就攬着CoCo腰?她，認真殷勤好服侍，落巴士後就十指緊扣拖實女友入大堂過海關。
■CoCo不時伴猷君飛返上海做跟得女友。
■猷君去年12月曾帶CoCo見四太。資料圖片
CoCo：影到我咁肥
本報記者昨日聯絡猷君，他於截稿時未有回覆，而CoCo就以微信講笑說：「次次都影到人哋咁肥。」CoCo強調拍拖要低調，問會否介意被偷拍，她就大方表示：「唔嬲，情侶一齊坐飛機再普通不過，早班機大家都好攰，下次有時間都係自己用嚟瞓覺，唔好影人哋瞓覺喇！」此外，猷君前日在微博貼圖，透露自己患上感冒，更留言：「天氣變化太快，一不小心有感冒，難受到爆，然而並不能停工，大概我對工作是真愛吧。」其實猷君一向貼地乘經濟艙，今年3月他與生意拍檔乘搭香港航空經濟艙去上海，落機後因友人遺失護照在機艙，他向香港航空求助不遂，要通宵瞓機場陪對方，誰知翌日早上因有地勤認得他是何鴻燊兒子而令事件迅速解決，事後猷君力斥航空公司處事不公，香港航空卻以輕佻文字「還原」事件，令猷君聲言：「不該使用你們的服務。」事件惹起中港台三地關注這件「關公災難」事件，不少網民一面倒撐猷君指出航空公司勢利不公，大讚他夠貼地。採訪：陳杰、唐如
來源:
http://hk.apple.nextmedia.com/entertainment/art/20170521/20027887
遊布吉曬燶心口36E陳婉衡放煙花彈傷胸部
1 :
GS(14)@2017-07-05 03:42:33大台36E咪神陳婉衡早排去布吉旅行，活動梗係離唔開曬太陽！換上唔同款式嘅三點式泳衣同陽光玩遊戲，結果就玩得太開心，俾太陽伯伯曬燶咗咪咪，甩皮兼起水泡，返到香港後要即刻去睇醫生。陳婉衡昨今日喺將軍澳出席活動，再次講番咪咪嘅傷勢，佢話睇完皮膚科醫生，o依家要定時搽藥膏。早前佢又為旅遊節目《3日2夜》去咗巴塞隆拿，佢話喺拍攝時狂塗防曬，冇再曬傷身體，不過玩煙花時就唔小心彈到手同胸部。陳婉衡又話去到沙灘見到好多人赤身裸露體，但自己就冇呢份膽量。
來源:
http://hk.apple.nextmedia.com/entertainment/art/20170704/20078614
Next Page